فه‌رهه‌نگ‌ و هونه‌ر

2017-12-16-20-28-54 هێزەکانی ڕژیمی ئێرانەوە، پێشکەش بە کۆڵبەران کرد.خاتوو سروە مەجیدی”، شاعێر و نووسەری خەڵکی سنە، براوەی خەڵاتی خۆی پێشکەش بە کۆڵبەران کرد.خاتوو سروەو ئەو خەڵاتەی...
2017-12-16-20-23-50 پاکستانییە. لە سەرەتای شەڕی ناوخۆیی سووریاوە، لەژێر سایەی سوپای قودسی ئێرانی چوونەتە سووریا و بەرگریی لە رژێمی سووریا دەکەن. سوپای قودسی ئێرانی تایبەتە بە شەڕکردن...
2017-12-16-20-07-30رێبه‌ری داعش كه‌ ده‌یگووت، ئامانجی بنه‌ڕه‌تی داعش ئیرانه‌، بۆیه‌ له‌و روانگه‌یه‌وه‌ ئێران هاوكاری سووریا و عێراق و به‌رگریی ئیسلامی به‌ پێویست زانی. چونكه‌ ئه‌گه‌ر ئه‌و...
2017-12-15-20-14-55کە بڕیار بوو ٢٥ی سەرماوەز بەڕێوە بچێت، بۆ کاتێکی نادیار دوا خرا. شایەنی باسە؛ هۆکاری دواخستنی دادگایی کردنی ڕامین بۆ خوێندنەوە و شارەزاییەکی زیاتری پارێزەری ناوبراوە...
2017-12-15-20-10-12مه‌به‌ستی‌ به‌ڕێوه‌بردن و به‌شداریكردن له‌ ڕێوڕه‌سمی‌ نه‌ورۆزی ١٣٩٦ لێكۆڵینه‌وه‌ی‌ لێكرابوو. له‌لایه‌كی‌ دیكه‌وه‌ ڕۆژی‌ ٢٠ی‌ سه‌رماوه‌ز له‌ پێوه‌ندییه‌كی‌ ته‌له‌فوونیدا محه‌ممه‌د عه‌زیری‌ له‌ ئه‌ندامانی‌ كۆمیته‌ی‌ هاوئاهه‌نگی‌ بۆ یارمه‌تیگه‌یاندنی‌...

په‌یوه‌ندی راسته‌وخۆ

گه‌ڕان

 

لە کۆبوونەوەی سەرکردایەتیی سیاسی کوردستان - عێراق دا ناوی ئەنجوومەنەکە بۆ "ئەنجوومەنی باڵای سیاسیی كوردستان" گۆڕدرا.

رۆژی چوارشەممە 11-10-2017، بەسەرپەرشتی مەسعود بارزانی، سەرۆکی هەرێمی کوردستان ئەنجوومەنی باڵای سیاسیی کوردستان کۆبووەوە و رایگەیاند "كۆبوونەوەكە، پابەندی ئیرادەی گەلی كوردستانە كە لەڕێگەی بەشداربوون و دەنگدان لە گشتپرسی 25ـی ئەیلوولی 2017 بە ئازادانە دەریبڕیوە".

لە راگەیێندراوەکەدا ئاماژە بە ناوی نوێ ئەنجوومەنە کراوە و هاتووە "ئامادەبووانی كۆبوونەوەكە بڕیاریان دا كۆبوونەوەی حیزب و لایەنە سیاسییەكان لەژێر ناوی ئەنجوومەنی باڵای سیاسیی كوردستان بەردەوام بێت".

ئەنجوومەنی باڵای سیاسیی کوردستان داوایەکی ئاراستەی رای گشتیی جیهانی و هاوپەیمانێتیی نێودەوڵەتی کردووە و دەڵێت "گەلی كوردستان رووبەڕووی ئابڵۆقە و سزادانی بە كۆمەڵ و هەڕەشەی بەكارهێنانی هێز كراوەتەوە و ئەوە بارودۆخی مرۆیی و ژیانی خەڵك و ئاوارەكان لە عێراق و كوردستان دەباتە قۆناخێكی مەترسیدار".

دەقی راگەیێندراوەکەی ئەنجوومەنی باڵای سیاسیی کوردستان

رۆژی چوارشەممە 11ـی 10ـی 2017 لە سەلاحەدین بە سەرپەرشتیی بەڕێز مەسعود بارزانی ئەنجوومەنی باڵای سیاسیی كوردستان کۆبووەوە.

لە سەرەتای كۆبوونەوەكەدا ئامادەبووان بۆ رێزگرتن لە گیانی سەرۆك مام جەلال و گیانی شەهیدانی رێگەی ئازادی خولەكێك وەستان و لەسەر ئەوەیش هاوڕا بوون كە باشترین وەفا بۆ رۆحی سەرۆك مام جەلال و سەرجەم شەهیدانی كوردستان یەكڕیزی و برایەتی و یەكهەڵوێستیی هێزە سیاسییەكانی كوردستانە.

پاشان ئامادەبووانی كۆبوونەوەكە دوایین گۆڕانكارییە سیاسی و كاردانەوە نێودەوڵەتی و هەرێمایەتی و عێراقییەكانیان لەبەرانبەر گشتپرسی تاوتوێ كرد و بەو ئەنجامانەی خوارەوە گەییشتن:

یەكەم: كۆبوونەوەكە، پابەندی ئیرادەی گەلی كوردستانە كە لەڕێگەی بەشداربوون و دەنگدان لە گشتپرسی 25ـی ئەیلوولی 2017 بە ئازادانە دەریبڕیوە. هەروەها جێبەجێكردنی ئەنجامەكانی گشتپرسی لە رووی زەمەنییەوە بەندە بە دیالۆگێكی بنیاتنەر و لێپرسراوانە. بۆیە كۆبوونەوە، ئامادەیی دەربڕی بۆ دەستپێكردنی دیالۆگێكی كراوە لەگەڵ بەغدا بە بێ پێشمەرج و بە بێ سزادان و ئابڵۆقە و، هەروەها رەخساندنی كاتی پێویست بۆ سەرخستنی.

دووەم: سەپاندنی سزا بەسەر گەلی كوردستان نایاسایی و نابەرپرسیارانەیە و گرژتركردنی بارودۆخی سیاسی خزمەتی بەرژەوەندیی هیچ لایەك ناكات.

سێیەم: كۆبوونەوەكە بە رای گشتیی جیهانی و هاوپەیمانێتیی نێودەوڵەتی رادەگەیێنێت كە گەلی كوردستان رووبەڕووی ئابڵۆقە و سزادانی بە كۆمەڵ و هەڕەشەی بەكارهێنانی هێز كراوەتەوە و ئەوە بارودۆخی مرۆیی و ژیانی خەڵك و ئاوارەكان لە عێراق و كوردستان دەباتە قۆناخێكی مەترسیدار و داوا دەكات سنوورێك بۆ ئەم هەڕەشە و ئابڵۆقە و سزادانی بەكۆمەڵە دابندرێت.

چوراەم: ئامادەبووانی كۆبوونەوەكە بڕیاریان دا كۆبوونەوەی حیزب و لایەنە سیاسییەكان لەژێر ناوی ئەنجوومەنی باڵای سیاسیی كوردستان بەردەوام بێت.

ئەنجوومەنی باڵای سیاسیی كوردستان

11ـی 10ـی 2017

دواین هه‌واڵ

به‌رنامه‌ی کۆماریخوازان