فه‌رهه‌نگ‌ و هونه‌ر

2018-01-18-13-06-53 وێنەی خومەینی بنیاتنەری رێژیمی ئێرانیان شێواند. ئەم خۆپیشاندانانە لە كاتێكدا ئەنجام دەدرێت كە چەند رۆژ پێش ئێستا بەرپرسانی رێژیمی ئێران رایانگەیاندبوو توانیویانە نارەزایەتی و خۆپیشاندانەكان...
2018-01-18-13-05-30نەناسراوە و دۆسیەی قەزاییی ناوبراو بە ئاکامێکی دڵخواز نەگەیشتووە. ئەو خوێندکارە کوردە، لە ژێر ئەشکەنجە لە گرتووخانەی ئیدارەی ئیتلاعاتدا گیانی لە دەست دا. موختار زارعی لەو بارەوە...
2018-01-18-13-03-40 لقی دووی دادگای کەیفەریی ٢ بە "١٣ ساڵ و شەش مانگ زیندانی تەعزیری مەحکووم کران". دادگای ئینقلابی شاری بۆکان هەر یەک لەو سێ هاووڵاتییە کوردەی...
2018-01-18-13-01-59هاوپه‌یمانه‌كانی ئه‌مریكای لێبكه‌ویته‌وه‌ و ئه‌مریكا له‌ ململانێیه‌كی قوڵتریشه‌وه‌ بئاڵێنێ. له‌ كاتێكدا به‌رپرسانی كورد و ئه‌مریكییه‌كان رۆژی 16/1/2018 هه‌وڵیاندا پرسه‌كه‌ ئاسایی بخه‌نه‌ پێش چاو و گووتیان پێكهێنانی...
2018-01-18-12-56-29حیزبەکەیان بۆ کشانەوە لە حکومەت ماڵئاوایی دەكەن، پاشان پڕۆژەی خزمەت تاوتوێدەکرێت. نووری عوسمان، سەرۆكی فەرمانگەی هەماهەنگی و بەدواداچوون لە سەرۆكایەتیی ئەنجومەنی وەزیران بە (تۆڕی میدیایی رووداو)ی...

په‌یوه‌ندی راسته‌وخۆ

گه‌ڕان

 

عەبادی، سەرۆکوەزیرانی عێراق لە نوێترین لێدوانیدا لەبارەی هەرێمی کوردستان نەرمی دەنوێنێت و دەڵێت، بە مافە دەستوورییەکان، دەستەواژەی هەرێمی کوردستان و سنووری 2003 پابەند دەبێت.

عەبادی دەشڵێت بۆ گفتوگۆکردن لەگەڵ هەرێمی کوردستان پێویستیان بە نێوەندگیر نییە. لەبارەی مووچەش دەڵێت: "بە بەڵێنی خۆم پابەند دەبم و مووچەی فەرمانبەرانی هەرێمی کوردستان دەدەم، ئەگەر نەوت و خاڵە سنوورییەکانمان رادەستکرا". ئاماژە بۆ ئەوەش دەکات کە سەرژمێری و وردبینی لە هەرێمی کوردستان و تەواوی عێراقدا دەکەن، بەڵام پێویستان بە کاتە.

دەقی قسەکانی عەبادی لەبارەی مووچە و هەرێمی کوردستان:

سەبارەت بە نێوەندگیری لەگەڵ هەرێمی کوردستاندا، بە راشکاوانە پێویستمان بە نێوەندگیری لەگەڵ گەلەکەماندا نییە، هەرێم و کوردەکان لە هەرێمی کوردستاندا رۆڵە و هاووڵاتی ئێمەن، هاووڵاتی پلەیەکن نەک پلە دوو، وەک تەواوی عێراق مامەڵەیان لەگەڵ دەکەین، وەک سەرۆکوەزیران نایشارمەوە بەشێوەیەکی راستەوخۆ مامەڵەیان لەگەڵ دەکەم، نامەوێت پەیوەندی لەگەڵ گەلەکەم بپچڕێنم، هاوکات نمویەکتان بۆ دەهێنمەوە بەوەی پێویست ناکات لە هەموو پارێزگار و پارێزگاکان رازی بم، هەندێک پارێزگار هەیە لێی ناڕازین، بەڵام ئێمە پێشوازیمان لێکردووە و پێویستە وەک سەرۆکوەزیران مامەڵەیان لەگەڵدا بکەین، بەوپێیەی نوێنەرایەتی پارێزگایەکی عێراق دەکات، یاسا هەیە بەوشێوەیە مامەڵە دەکرێت.

لەبارەی پارێزگاکانی باکوور لە هەرێمی کوردستان نیگەرانی هەیە کاتێک ناوی پارێزگاکانی باکوور دەهێنم، بەڵام ئەمە بابەتێکی جوگرافییە، هەموو وڵاتێک نێوەڕاست، رۆژهەڵات و رۆژئاوا، باشوور و باکووری هەیە، ئێمە پێشلکاریمان بەرامبەر ئەو دەستەواژە دەستوورییە نەکردووە لەبارەی هەرێمدا، من دەڵێم هەرێم و هەم دەشڵێم هەرێمی کوردستان، هەروەها دەشڵێم پارێزگاکانی باکووریش و دەشڵێم پارێزگاکانی هەرێم، ئەمە هیچی تیانییە، ئەمە فرەییە، قسەکان پێچەوانەی دەقی دەستووری نین، چونکە لەوبارە گوێم لە قسەی هەندێک بەرپرسانی هەرێم بووە، ئەم دەستەواژەیە دژی هەرێم و دژی هاووڵاتیان نییە.

داواکاری زۆری هاووڵاتیانی هەرێمم پێگەیشتووە و داوام لێدەکەن مامەڵە لەگەڵ پارێزگاکاندا بکەم، ئەوان دەڵێن لە دابەشکردنی سامانەکان دادپەروەری نییە، دابەشکردنی مووچە، خزمەتگوزارییەکان، وەبەرهێنان، تەنانەت دادوەری نییە لە وەرگرتنی ساماندا، من قسە و بەڵێنی خۆم داوە کە ئێمە مووچەی هەرێم دەدەین کاتێک نەوت-مان بە تەواوی رادەستکرا، تاوەکو ئێستا تەواو نەوت-مان رادەست نەکراوە، تائێستا هێڵی بۆڕی ستراتیژی نەوتی کەرکووک بۆ تورکیا تێکچووە و وێرانە، ئێمە داوامان کردووە تەواوی سنوور و هێڵی سنووری هەرێمی کوردستان کۆنترۆڵ بکەین، لەگەڵ هەموو وڵاتان بە تورکیا و ئێرانەوە، ئەمە داوایەکی دەستوورییە لە مادەی 110دا بە راشکاوانە هاتووە، کە سنووری نێودەوڵەتی لە دەسەڵاتی حەسری حکومەتی ئیتیحادییە، ئەمە جیاوازە لەگەڵ مادەی 140دا کە سنووری هەرێم دیاریدەکات، سنووری هەرێمی کارێکی دیکە من پابەندم بە سنووری 2003، بەڵام دەقێکی دیکەی دەستوورییە لەبارەی سنووری نێودەوڵەتی لەگەڵ وڵاتانی دراوسێ ئێمە پێوەی پابەندین.

زۆربەی داواکارییەکانمان لەسەر زەوی بەدەستهێناون، بە راشکاوانە دەڵێم داواکارییەکانمان بە هاوکاری زۆربەی پێشمەرگە بەدەستمانهێناون، بەداخەوە هەندێک هێزەکانی پێشمەرگە بە خائین تۆمەتبار دەکەن، هاووڵاتی خۆیان بە خائین دادەنێن؟ کۆمەڵەکەی خۆت خائین مەکە ئەمە هەڵەیە، ئەمانە رەتیانکردەوە خوێنی عێراقی بڕژێت، ئەمانە فەرمانیان پێکرابوو شەڕی سوپای عێراق و هێزە ئیتحادییەکان بکەن، بەڵام زۆربەیان رازی نەبوون و شەڕیان نەکرد، بۆیە بە یەکسانی مامەڵەمان لەگەڵدا دەکرێت و دووژمنانە نییە، پێشمەرگە زۆربەیان کەسانی قارەمانن و شەڕی داعش-یان کرد و لەپێناوی پاراستنی سەقامگیری ئەو ناوچانە جەنگان، ئێمە دژی ئەوان نیین.

پشتیوان بەخوا بۆ هەموو هاووڵاتیان پرۆسەی ئامار و سەرژمێری ئەنجام دەدین، بەبێ ئامار پارە بۆ گەندەڵکاران دەچێت، پارەکە بۆ مووچەی باڵای سەر حیزبەکان دەچێت و هاووڵاتی سادە و هەژار پەراوێزدەخرێت، ئێمە دەمانەوێت مووچەی هەمووان بدەین، بەڵام دەبێت دەست بە وردبینی و ئامار بکەین، بەڵام تۆزێک ئاراممان بۆ بگرن چونکە رەنگە ئەمە هەندێک کاتی بووێت، بەهۆی ئەوەی ئێمە زانیاری تەواومان نییە و پێویستە ئاگاداربین، داوا لە هەموو بەرپرسانی هەرێم دەکەین هاوکاریمان بکەن لەپێناوی ئەوەی مووچە بگاتە دەست فەرمانبەران و خزمەتگوزارییەکان بگەنە سەرجەم هاووڵاتیان لە هەرێم و پارێزگاکانی باکوور و پشتیوان بەخوا بۆ هەموو پارێزگانی عێراق.

12/11/2017

دواین هه‌واڵ

به‌رنامه‌ی کۆماریخوازان