فه‌رهه‌نگ‌ و هونه‌ر

2017-12-15-20-14-55کە بڕیار بوو ٢٥ی سەرماوەز بەڕێوە بچێت، بۆ کاتێکی نادیار دوا خرا. شایەنی باسە؛ هۆکاری دواخستنی دادگایی کردنی ڕامین بۆ خوێندنەوە و شارەزاییەکی زیاتری پارێزەری ناوبراوە...
2017-12-15-20-10-12مه‌به‌ستی‌ به‌ڕێوه‌بردن و به‌شداریكردن له‌ ڕێوڕه‌سمی‌ نه‌ورۆزی ١٣٩٦ لێكۆڵینه‌وه‌ی‌ لێكرابوو. له‌لایه‌كی‌ دیكه‌وه‌ ڕۆژی‌ ٢٠ی‌ سه‌رماوه‌ز له‌ پێوه‌ندییه‌كی‌ ته‌له‌فوونیدا محه‌ممه‌د عه‌زیری‌ له‌ ئه‌ندامانی‌ كۆمیته‌ی‌ هاوئاهه‌نگی‌ بۆ یارمه‌تیگه‌یاندنی‌...
q------q----------- راوێژكاری تڕەمپ لە سەرتای ساڵی نوێ ستراتیجیەتی نوێ ئەمەریكا بۆ كاركردن لەسەر گۆڕەپانی سووریا رابگەیەنێت، بەپێی سەرچاوەكانیش بەرپرسانی ئەمەریكا هەوڵ دەدەن رێگەیەك بدۆزنەوە بۆ...
2017-12-15-17-44-54 ئامریکا پەسەند کرا کە بەپێی ئەو گەڵاڵەیە، دەبێ داراییەکانی بەرپرسانی ڕێژیمی ئێران تاوتوێ بکرێت. گەڵاڵەی ژماره ١٦٣٨، وەزارەتی خەزێنەداریی ئامریکا ئەرکدار دەکات کە لەبارەی داراییەکانی...
2017-12-15-16-34-39 نیزام، کە خۆتان بە هەڵبژێردراوی دەنگی خەڵک دەزانی، سەردانی گرتووخانەی بەڕێوەبەرانی دادگا و مەئموورانی دەوڵەتەکەی خۆتان کردووە، هەتا بزانی چی بە سەر من و...

په‌یوه‌ندی راسته‌وخۆ

گه‌ڕان

 

بۆ سڕینەوەی ئاسەوارەکانی بوومەلەرزە، خەڵکی کرماشان ئێستا زیاتر لەهەر کات پێویستییان بە کار و داهاتە، بەڵام بە بڕیارێکی سیاسی و رووداوێکی سرووشتی، خەڵکێکی زۆر لە بێکارترین ناوچەی ئێران، سەرچاوەی داهات و بژێویان لەدەستداوە.

لەو بوومەلەرزەیەدا 9 هەزار یەکەی پیشەیی و وەبەرهێنان زیانیان پێگەیشتووە، کرماشان لە ئاست پارێزگاکانی ئێراندا، خاوەن زیاترین رێژەی بێکارییە. لەنێو کرماشانیشدا، ناوچەکانی رۆژئاوای ئەو پارێزگایە زۆرترین رێژەی بێکاریان هەیە.

بەپێی ئاماری ناوەندی ئاماری ئێران پێش بوومەلەرزە رێژەی بێکاری لە ئیسلام ئاوای رۆژئاوا 38%، لە سەلاسی باوەجانی 36 % و لە جوانڕۆش 32 % بووە.

هەروەها لە شارەکانی گێڵانی رۆژئاوا، قەسری شیرین و سەرپێڵی زەهاو لەنێوان 20% بۆ 30 %ـە.

لەو دۆخەدا، بوومەلەرزە ژمارەی بێکارانی زیاتر کردووە، وەزارەتی کاری ئێران دەڵێت، لانیکەم 10 هەزار کەس بەهۆی بوومەلەرزە کارەکانیان لەدەستداوە. لە دوو مانگی رابردوودا، بوومەلەرزە دووەم شۆکی گەورە بوو بۆ هەلی کار لەو ناوچەیە.

مانگێک و 20 رۆژە ، یەکێک لە گرینگترین سەرچاوەکانی داهاتی خەڵک کە دەروازەی پەروێزخانە داخراوە. بەگوتەی پارێزگاری کرماشان، داخرانی دەروازەکە، بێکاربوونی زیاتر لە 7 هەزار کەسی لێکەوتووەتەوە، پەرلەمانتارانی کرماشان داوایان لە سەرۆککۆمار و بەرپرسانی دیکەی ئێران کردووە، لانیکەم دۆخی ئێستای ئەو ناوچەیە لەبەرچاو بگرن و بڕیاری کردنەوەی دەروازەکە بدەن.

داوایەک کە ئێران دەڵێت، جێبەجێکردنی تەنیا لەدەست خۆیدا نییە، بەگوتەی فەرهاد تەجەری، نوێنەری قەسری شیرین و سەرپێڵی زەهاو لە پەرلەمانی ئێران، لیژنەیەکی سەربازی و ئەمنی ئێران بۆ قسەکردن لەسەر کردنەوەی دەروازەی پەروێزخان سەردانی عێراقیانکردووە. دەشڵێت ئەگەری ئەوە هەیە تاوەکو کۆتایی ئەم هەفتەیە، لەنێو ئەو هەموو ناخۆشییەدا، هەواڵی خۆشی کردنەوەی دەروازەی پەروێزخان بە خەڵک بدەن.

هەفتەی رابردوو، پارێزگاری کرماشانیش لە نامەیەکدا بۆ وەزیری ناوخۆی ئێران داوایکردبوو، وەک هاوکارییەک بۆ ئەو خەڵکەی بەهۆی بوومەلەرزە کارەکانیان لەدەستداوە، بڕیاری کردنەوەی دەروازەی پەروێزخان بکرێتەوە.

پەروێزخان بەهۆی گرنگییەکەی بە بەندەری وشکانی ئێران لەقەڵەم دەدرێت و پێش داخستنی پلەی یەکەمی ترانزێتی لە ئاستی دەروازە سنوورییەکانی ئیران هەبوو.

بەدەر لە نەوت، 54%ـی هەناردەی ئێران بۆ عێراق و هەرێمی کوردستان لە رێگەی ئەو دەروازەیەوە ئەنجام دەدرا، رۆژانە لەنێوان هەزار و 300 بۆ هەزار و 700 بارهەڵگر لە رێگەی ئەو سنوورەوە کەلوپەلیان دەگواستەوە.

5/12/2017

دواین هه‌واڵ

به‌رنامه‌ی کۆماریخوازان