فه‌رهه‌نگ‌ و هونه‌ر

2017-10-18-16-51-26 نییە. پرسیار ئەوەیە چۆن دەنگی میلیۆنها مرۆڤ شەرعی نییە بەڵام نامەیەكی ئینشایی بێ گەرەنتی شەرعییەتی هەیە و دەبێ ببێتە سەرچاوەی چارەنووسی گەلێك. باشە بۆ...
2017-10-11-08-56-04نفوزی ئێرانە، ئەوەی شا عەبدوڵڵای پادشای ئوردن لە 2004 بە هیلالی شیعی ناوی برد. مەبەستم لە پێكەوەبەستنی ئەم دوو پێشهاتە (دەوڵەتی كوردستان و هیلالی شیعی)،...
2017-10-10-11-18-48و كارگێڕی دابمەزرێنێت و خۆی بۆ هەموو ئەگەر و پێشهاتەكان ئامادە بكات، بۆ ئەوەی رێگە نەدات هیچ وڵاتێكی ناوچەكە كار بۆ تێكدانی سەقامگیری و ئارامیی...
2017-10-09-11-32-23 هه‌روه‌ك خۆیه‌تی و بگره‌ توندتر بوونه‌. له‌ سه‌رئه‌نجامدا راپرسی بۆیه‌ ده‌رهاویشته‌ی ئه‌و عه‌قڵیه‌ته‌ی كه‌ له‌ به‌غدا حوكم ده‌كات، به‌ ناچاری بڕیاری له‌سه‌ر درا له‌لایه‌ن سه‌ركردایه‌تیی...
2017-10-08-09-09-42پێش کەوتووە نەک ھەرێمێکی وەک ئێمە، دوایی بینینی ئەم شێوازە زۆر لە کەناڵەکانی عێراقی بە بیانووی نەبوونی ئاڵای عیراق لە مەڕاسیمەکەدا گوازتنەوەی راستەوخۆی مەڕاسیمەکەیان راگرتووە. ھەرچەندە...

په‌یوه‌ندی راسته‌وخۆ

گه‌ڕان

 

 

 

گەلی خۆراگری کوردستان

هێز و لایەنە سیاسی و مەدەنیە کانی باشوور و رۆژهەڵاتی کوردستان

بزووتنەوەی کۆماریخوازان وێرای دووپات کردنەوەی پشتگیری و پشتیوانی تەواوی خۆی لە ئەنجامی رێفراندۆم بۆ سەربەخۆیی باشووری کورۆستان، هیواخوازە هەموو گەلی کورد و لایەنە سیاسیەکان هەرچی زووتر بە سازانی نیشتمانی و هاوپەیوەندی نەتەوەیی زیاترەوە پێداگری بکەن بۆ گەیاندنی ئاکامی سەرکەوتووانەی رێفراندۆم بۆ نەتەوە یەکگرتووەکان و پێویستە کۆمەڵگای جیهانیش خۆیان لە ئاست خواستی بەرحەق و رەوای گەلی کورد بەبەرپرسیار و پشتیوان بزانن و رێز لە ئیرادەی نەتەوەیی کورد بگرن بۆ دامەزراندنی کیانی ئیداری و سیاسی سەربەخۆ کوردستانی.

هاونیشتمانانی خۆشەویست:
بەخۆشییەوە گەلی کورد لە باشووری
وڵات دوای سەدان ساڵ لە تێکۆشان و بەرخۆدان بە دژی داگیرکاری و ئینکار و سەرکوتی نەتەوەیی بە دانی هەزینەیەکی لەرادە بەدەر لە فیداکاری ،قوربانی، کیمیاباران کردن، پاکتاوکردنی شوناس، تەعریبی خاک و نیشتمانی خۆی لە لایەن دەسەڵاتی ناوەندی عێراق و شۆڤێنیزمی عەرەبەوە، توانی کۆتایی بە ستەمی نەتەوەیی و ژیر دەستەیی بهێنێت و ئەمڕۆ بگات بە قۆناغێکی نوێ لە ژیانی سیاسی دا و سەرکەوتنی ئیرادەی نەتەوەیی و بەهێز کردنی پێگە و متمانە  لە ئاستی ناونەتەوەیی دا.

هەموو دەزانین کە دوای رووخانی دەسەڵاتی بەعسی شۆڤێنی لە ساڵی ۲۰۰۳ لە لایەن هاوپەیمانانەوە و لە درێژەی هەوڵ و تەقاڵای هێز سیاسیەکان و سەرکردایەتی سیاسی کورد بۆ دەستەبەرکردنی مافە سیاسی و نەتەوەییەکان و هەروەها چەسپاندنیان لە دەستووری نوێ عێراق ، پاشان دابەش کردنی دەسەڵات بە سەر پێکهاتە جۆراوجۆرە نەتەوەیی و مەزهەبی و سیاسیەکانی عێراق دا بۆ جێگیرکردنی سیستەمی فیدرالی و هاوبەشی لە ئیدارەی وڵات دا دوای ۱۴ ساڵ ئەو پرۆسەیە شکستی هێنا و وەک دەبینین هەمان پیلانگێری و سیناریۆی تاڵ و بیرۆکەی دژە گەلیانەی پێشوو لە دەسەڵاتی نوێی عێراق دا بە فۆرمێکی تر دژ بەگەلی کورد لە باشووری کوردستان خۆیی وێنا کرد.

بۆیە دوای لێکدانەوە و هەڵسەنگاندنی حەکیمانە لە دۆخەکە لە لایەن دەسەڵاتی کوردەوە و بینینی ئاشکرای پێشێلکردنی دەستوور لە لایەن حکومەتی ناوەندی عێراق و گەمارۆ خستنە سەر هەرێمی باشووری کوردستان و بڕینی قوتی خەڵک و هەڕەشە لە کوردان، هاوکات لە گەڵ هەموو خۆراگری و ئازایەتی و قارەمانی پێشمەرگە و تێکشکاندنی سوپای تاریکی داعش و گرتنەوە و ئازادکردنی ناوچە کوردستانیەکان، بۆیە هێز سیاسیەکان و سەرکردایەتی کورد ژیرانە ئەو قەناعەتە لە لا دروست بوو کە باشترین رێگا گەڕانەوەیە بو سەر رای گەڵ و دیاری کردنی چارەنووسی یەکجارەکی لە پرۆسەیەکی دێموکڕاتیک دا و هەر دوای ئەوە رۆژی ۲۵ی مانگی سپتەمبەری ۲۰۱۷ی زایینی بۆ ئەنجامدانی دەست نیشان کرا.
لە رۆژی ۲۵ی ۹ی ۲۰۱۷دا گەلی کورد دوای گوشار و نارازی بوونێکی زۆری وڵاتانی جیهانی و زەخت و هەڕەشەی داگیرکەرانی سەر کوردستان، بە ملوێن رژانە سەر سەندوقەکانی دەنگ دان و
بڕیاڕی یەکلاکەرەوە یان لە سەر دۆزی رەوای خۆیان دەرکرد و بە دەنگی بەڵێ بۆ سەربەخۆیی، وەک لە یاسا و جارنامە جیهانیەکان هاتووە ئەو مافەش بۆ هەر گەل و نەتەوەیەک بە مافێکی سیاسی و یاسایی و سروشتی رەوا دادەنرێ و هیچ کەس و لایەن و دەوڵەتێک مافی ئەوەی نیە دژی ویست و خواستە رەواکانی گەلێکی تر بێت.

کورۆستانیانی خۆراگر:
سەرکەوتنی رێفراندۆم لە باشوور و سەڵماندنی ئیرادەی کورد بوو، بۆ جیهان دەرخست گەلێک خۆی بریار لە سەر مافی خۆی دەدات نەک بەرژەوەندی زلهێزان و دیکتاتۆرانی ناوچەیی، لە کۆتایی دا بینیمان کە گشت پرسی بە شێوەیەکی زۆر ئارام و پارێزراو و لە ژێر چاوەدێری ورد و توندی چاودێرانی ناونەتەوەییی دا بەرێوە چوو و بەرێژەیەکی زۆر دەنگی بەڵێی بۆ سەربەخۆیی مسۆگەر کرد و لاپەڕەیەکی ژێرین و پشنگداری بە کارنامەی پڕ لە سەروەری گەلی کورد.

پرسی رۆژهەڵاتی کوردستان :
بزووتنەوەی کوماریخوازانی رۆژهەڵاتی کوردستان رابوونی ماخوازانە و مەدەنیانە و خرۆشانی رۆژهەڵاتی کوردستان لە رۆژی بەرێوەچوونی رێفراندۆم بۆ سەربه خۆیی باشووری کوردستان لە درێژەی رەورەوی شۆڕشی ئەو بەشە بۆ گەیشتن بە مافە میللی–دێموکراتیکەکان لە ماوەی سەد ساڵی رابردوو دەزانی و هەروەها لە لایەکی تریشەوە ئەرک و بەرپرسیارەتی مێژوویی و نەتەوەیی و نیشتمانی و خەمخۆری کورۆی رۆژهەڵات بۆ بەشەکانی تری کوردستانە کە سەرچاوەکەی سەرەکی دەگەرێتەوە بۆ سەردەمی کۆمار و پێشتر و دوای ئەوەش، بزووتنەوە بەرێوەچوونی جێژتی رێفراندۆم و پشتیوانی چڕ و پری گەلی کوردی خۆراگر لە ژێر ستەمی کۆماری ئیسلامی ئێران و رژانە سەر شەقامەکان و هاوهەڵوێستی و هاودەنگی رۆژهەڵاتی کوردستان بەرز و بەرێز وە دەنرخێنێت .
بە لێک دانەوەی بزووتنەوەی ک

ۆماریخوازانی رۆژهەڵاتی خرۆشان وهەڵستانی شەقامی شارەکانی رۆژهەڵاتی کوردستان زیاتر بەرپرچدانەوەی دەیان پیلانگێری ئێران بۆ سەر رۆژهەڵات و باشووری کوردستان بوو کە بە شەپۆلی هەزاران کەسی رۆژهەڵاتی کوردستان پووچەڵ کرانەوە، لەو لاشەوە دەسەڵاتی ناوەندی و نوخبەی ناوندی گەرا ئەو زێهنیەتەیان لە لا دروست دەبێ کە دژایەتی مافەکانی کورد لە رۆژهەڵاتی کوردستان بە زیانی یەکپارچەیی خاک و دەسەڵاتی ئێران تەواو بووە و کورد لە ئێران لە سووکترین دەرفەت کەڵک وەردەگرێ تا ڕای خۆی و بێزاری خۆی لە بەرامبەر سەد ساڵ سەرکوتی سیستماتیکی نەتەوەیی و کۆمەڵکوژی و سێدارە و بێ مافی و ژێردەستەبوون دەرببڕێت، بزووتنەوە داواکارە کورد و بەتایبەت لایەن و و هێزە سیاسیەکان لەرۆژهەڵات گەورەتر و بە بەرنامەتر بێتە مەیدان و خاوەندارێتی لە پرسە چارەنووسسازەکانی خۆی بکەن و پێداگرە کە کوردی ئەو بەشەش هەڵوێستی جیدیتری نەتەوەیی روو بە ناوەندچێتی و حکومەت تاک رەوی و سەرەرۆ بگرێت واتە هەموو کارتە گوشار کانی بۆ شوێن کەوتن و دابین کردنی مافە بەرحەق و رەواکانی خۆی بەکار بهێنێت.
بزووتنەوی کۆماریخوازانی رۆژهەڵاتی کوردستان وێرای دووبارە پیرۆزبایی کردن لە هەموو خەڵکی کورد بە گشتی و باشوور بە تایبەتی بە بۆنەی ئەو سەرکەوتنە مەزنەوە، سوورە لە سەر ئاشتی نەتەوەیی و سازانی نیشتمانی لە هەمبەر هەموو پرس و بابەتێکی پەیوەندی دار بە کورد لە گەڵ دەوڵەتانی حاکم بە سەر کوردستان دا بۆ ئەوەی کە کەشتی کورد بە شێوەیەکی دوور شەر و لە رێگای ئاشتەوایی و دیاڵۆگ بگات بە کەناراوی هێمنی.
سەرکەوێ ئیرادەی گەلی کورد
شۆرای هەماهەنگی بزووتنەوەی کۆماریخوازانی رۆژهەڵاتی کوردستان

٢٧ی سێپتەمبەری ٢٠١٧
٥ی رەزبەری ٢٧١٧ی کوردی /١٣٩٦ی هەتاوی

 

 

دواین هه‌واڵ

به‌رنامه‌ی کۆماریخوازان