فه‌رهه‌نگ‌ و هونه‌ر

2017-11-19-06-34-51 وەستانەوە بەرامبەر بە خواستی حەقیانەتی خەڵکی کوردستان و ڕیفراندۆم دەھێنن، کەچی ھەمدیسان لەناوەخۆ عەقڵ پووچەکانی بەردەم شەرمەزاری، ھەر بەردەوامن لە بەھانە و لە ڕێگای...
2017-11-17-07-19-07ئاگاداری هەموو ووردەکارییەکان و جموجۆڵی هەموو تاكێک بن لە وڵات). حکومەتی دەمارگیری ڕەگەزپەرستی شیعی عیراق دەیەوێت سەرجەم جۆمگەکانی ئیدارەی هەرێم بگرێتە دەست، ئەوەی ئەمڕۆ بەسەر کەرکوک...
2017-11-15-19-42-43رووسیا نەبووە لە بڕاندنەوەی خێرای تەنگژەکە تەنانەت بە هێشتنەوەی ئەسەدیش لە کورسیی دەسەڵاتدا. هەموو ئەوانە وەک نیشانەی خۆسازدان وان لە رووبەڕووبوونەوەی نێوان ئەمەریکا و ئێران...
2017-11-11-20-14-42 ئه‌و كه‌سه‌ی ده‌چێته‌ ریزی جه‌ماوه‌ره‌وه‌ عه‌قڵی خۆی كڵوم ده‌دا و نه‌ستی جه‌ماعی به‌ڕێوه‌ی ده‌بات، دوایی له‌باره‌ی چه‌مكی (جه‌ماوه‌ری تاوانبار) قسه‌ ده‌كا و ده‌ڵێ هه‌ندێ...
2017-11-09-05-56-26 به‌ چاوی خۆمان بینیمان به‌ به‌رچاوی ئه‌مه‌ریكا و هاوپه‌یمانه‌كان، به‌ چه‌ك و جبه‌خانه‌ی ئه‌وان، سوپای عێراق و حه‌شد و پاسداران، به‌ربوونه‌ گیانمان. ئه‌و خاكه‌ی...

په‌یوه‌ندی راسته‌وخۆ

گه‌ڕان

 

دڵشاد به‌رزنجی

ڕووداوه‌كانی 16/10/2017 له‌ شاری كه‌ركووك بووه‌ته‌ جێی لێدانی شكۆی میله‌تی كورد، چونكه‌ به‌ سه‌رخستنی هه‌نگاوه‌ گه‌وره‌كه‌ كه‌ ریفراندۆم بوو گه‌لی كورد له‌ باشووری كوردستان زۆر له‌ ئارمانجی سه‌ربه‌خۆیی خۆی نزیك ببووه‌وه‌‌ ئه‌وه‌ پێویست مابوو یه‌كهه‌ڵویستی و یه‌كڕیزی ناو ماڵی كوردی بوو بۆ بریاردانی كۆتا.

ئاشكرایه‌ ڕووداوه‌كانی 16/10 له‌ ئه‌نجامی خیانه‌تێكی نیشتمانی كۆمه‌ڵه‌ كه‌سانێكی ناو ریزه‌كانی یه‌كێتیی نیشتمانیی كوردستان بوو كه‌ ئه‌م راستییه‌ له‌ زاری گوته‌بێژی فه‌رمی ئه‌م پارته‌ كاك سه‌عدی ئه‌حمه‌د پیره باس كرا.

سه‌یره‌ كوردێك هه‌بێت بیانوو بۆ هاتنی سوپای عێراقی بهێنێته‌وه‌ بۆ شاری كه‌ركووك و بكه‌وێته‌ دژایه‌تی میله‌ته‌كه‌ی و پشتیوانی گه‌ڕانه‌وه‌ بۆ به‌غدا بێت، چونكه‌ میله‌ته‌كه‌ی داوای مافی چاره‌نووسی خۆی كردووه‌.

ڕاسته‌ زه‌مینه‌سازی بۆ گشتپرسی نه‌كرابوو، به‌ڵام ئێسته‌ كه‌ دوژمن به‌رده‌ركی ماڵی لێ گرتووین، پێویسته‌ له‌ كردار و گوتار و ته‌كتیك و ستراتیجدا یه‌كڕیز بین و نه‌كه‌وینه‌ به‌ره‌ی داگیركه‌رانی كوردستانه‌وه‌ و بیانوو بۆ هاتنیان نه‌هۆنینه‌وه‌.

خیانه‌تێك ئه‌گه‌ر كرابێت له‌ پارتێكی دیاریكراو نه‌كراوه‌، به‌ڵكو له‌ گه‌لی كوردستان كراوه‌، چونكه‌ ئێسته‌ هه‌موو ده‌سكه‌وته‌كانمان له‌ بن هه‌ڕه‌شه‌ی له‌ناوچووندایه‌، چاوه‌ڕێی مقاوه‌مه‌ت و به‌رگری بوون نه‌ك پاساوهێنانه‌وه‌ بۆ خیانه‌تكردن له‌پێناوی هه‌ندێك به‌رژه‌وه‌ندی ته‌سكی حزبی و تاكه‌كه‌سی. به‌ڵام پرسیاره‌كه‌ ئه‌مه‌یه‌ بۆچی كه‌ ئه‌م راستییه‌ به‌خه‌ڵك بڵێیت، لایه‌نگری لایه‌كیت دژی لایه‌كی تر؟ بۆچی هێشتیان ده‌یان پێشمه‌رگه‌ كه‌ هیچ ئاگایه‌كیان له‌م كه‌ینوبه‌ینه‌ نه‌بوو، بۆچی شكۆیپێشمه‌رگه‌تان شكاند كه‌ له‌چاوی هه‌موو دنیادا پاڵه‌وان بوو، ئه‌گه‌ر هه‌ر رێككه‌وتنێكیش هه‌بوو، ده‌بوو وه‌ك پاڵه‌وانیش پاشه‌كشه‌ بكه‌ن، كه‌چی ئێسته‌ وه‌ك هێزێكی به‌زیو سه‌دان هه‌زار كوردی له‌ كه‌ركووك و خورماتوو سه‌رگه‌ردان كردووه‌ و ده‌بێ به‌ته‌نیا به‌ره‌وڕووی رق و تووڕه‌یی حه‌شدی شه‌عبی ببنه‌وه‌.

ڕه‌خنه‌گرتن و دژایه‌تیكردنی سیاسه‌تی پارتێكی سیاسی دیاریكراو كارێكی ره‌وایه‌ و له‌ چوارچێوه‌ی پڕه‌نسیپه‌ دیموكراتییه‌كانه.‌ به‌ڵام له‌و‌ ڕوانگه‌یه‌وه‌ كاركردن بۆ راستكردنه‌وه‌ی ئه‌و هه‌ڵانه‌ چاره‌نووسی و شكۆ و دواڕۆژی گه‌له‌كه‌ت بیخه‌یته‌ به‌ر مه‌ترسی له‌ناچوون، كارێكی خیانه‌تكارانه‌یه‌، چونكه‌ ده‌بێت ئێمه‌ هه‌ر هه‌نگاوێك بنێین، نابێت هێڵی سووری به‌رژه‌وه‌ندی باڵای گه‌له‌كه‌مان ببه‌زێنین.

ئه‌م ڕووداوه‌ی 16/10 له‌ بن ناوی دژایه‌تكردنی سیاسه‌تی پارتێكی دیایكراو، كۆمه‌ڵه‌ كه‌سانێك بوونه‌ته‌ دارده‌ستی بێگانه‌ بۆ سه‌رله‌نۆی داگیركردنه‌وه‌ی خاكی پیرۆزی كوردستان.

ئێسته‌ش نه‌چووه‌، راسته‌ هه‌ندێك ده‌ستكه‌وتی مه‌زنمان له‌ ده‌ست داوه‌، به‌ڵام ئه‌گه‌ر به‌م شێوه‌ی ئێسته‌ سیاسه‌ت و خه‌ڵكی كوردستان ئاراسته‌ بكرێت، ئه‌وه‌ هه‌موو ده‌سكه‌وته‌كانمان له‌بن هه‌ڕه‌شه‌ی له‌ناوچووندایه‌، بۆیه‌ ئێسته‌ رۆژی موحاسه‌به‌كردنی یه‌كتر نییه‌، به‌ڵكو رۆژی داڕشتنی پیلانێك و ستراتیجییه‌كی تۆكمه‌یه‌ بۆ به‌ره‌نگاربوونه‌وه‌ی ئه‌م ڕه‌وشه‌ نوێیه‌.

ئێسته‌ دوژمن پیلانی پارچه‌كردنی كوردستانی باشووری داوه‌. به‌ڵام هێشتا لایه‌نه‌ سیاسییه‌كانی كوردستان پیلانی تۆڵه‌سه‌ندنه‌وه‌ له‌ یه‌كتر داده‌ڕێژین. به‌هۆی سه‌ختی رووداوه‌كانی ناو مێژوو، رووداوه‌ سه‌خته‌كان به‌ئاسانی له‌ زهنیه‌تی خه‌ڵك ناسرێته‌وه‌. هیچ كه‌سێك ناتوانێت حاشای دۆخی سه‌ختی ژیانی هاووڵاتییانی كورد بكات، به‌ڵام ده‌بیت ئه‌وه‌ش بزانین كه‌ ده‌ست پێكردنی شۆڕش له‌ كوردستانی باشوور بۆ پاره‌ و نان نه‌بوو، بۆ به‌ده‌ستهێنانی ئازادی و مافی چاره‌ی خۆنووسین بوو.

22/10/2017

دواین هه‌واڵ

به‌رنامه‌ی کۆماریخوازان