فه‌رهه‌نگ‌ و هونه‌ر

2017-11-19-06-34-51 وەستانەوە بەرامبەر بە خواستی حەقیانەتی خەڵکی کوردستان و ڕیفراندۆم دەھێنن، کەچی ھەمدیسان لەناوەخۆ عەقڵ پووچەکانی بەردەم شەرمەزاری، ھەر بەردەوامن لە بەھانە و لە ڕێگای...
2017-11-17-07-19-07ئاگاداری هەموو ووردەکارییەکان و جموجۆڵی هەموو تاكێک بن لە وڵات). حکومەتی دەمارگیری ڕەگەزپەرستی شیعی عیراق دەیەوێت سەرجەم جۆمگەکانی ئیدارەی هەرێم بگرێتە دەست، ئەوەی ئەمڕۆ بەسەر کەرکوک...
2017-11-15-19-42-43رووسیا نەبووە لە بڕاندنەوەی خێرای تەنگژەکە تەنانەت بە هێشتنەوەی ئەسەدیش لە کورسیی دەسەڵاتدا. هەموو ئەوانە وەک نیشانەی خۆسازدان وان لە رووبەڕووبوونەوەی نێوان ئەمەریکا و ئێران...
2017-11-11-20-14-42 ئه‌و كه‌سه‌ی ده‌چێته‌ ریزی جه‌ماوه‌ره‌وه‌ عه‌قڵی خۆی كڵوم ده‌دا و نه‌ستی جه‌ماعی به‌ڕێوه‌ی ده‌بات، دوایی له‌باره‌ی چه‌مكی (جه‌ماوه‌ری تاوانبار) قسه‌ ده‌كا و ده‌ڵێ هه‌ندێ...
2017-11-09-05-56-26 به‌ چاوی خۆمان بینیمان به‌ به‌رچاوی ئه‌مه‌ریكا و هاوپه‌یمانه‌كان، به‌ چه‌ك و جبه‌خانه‌ی ئه‌وان، سوپای عێراق و حه‌شد و پاسداران، به‌ربوونه‌ گیانمان. ئه‌و خاكه‌ی...

په‌یوه‌ندی راسته‌وخۆ

گه‌ڕان

 

نووسینی: ساسان عەونی

سەرۆکایەتی میللەتێکی بێ دەوڵەت لە جوگرافیای رۆژهەڵاتێک کە جگە لە چیاکان دۆستی تری تێدا نیە، دەبێ چ شارەزایی پێویست بێت بۆ رۆیشتن و گوزەرکردن لە ناو کێڵگەی مینە چێنراوەکانی دۆستان لە پێش دوژمنان؟.


دروستکردنی بڕوا بەخۆبوون بۆ میللەتێکی دابەشکراو، وێڕای جەوری سنوورەکان، ئەرکی ئەو کەسە مێژووکردانەیە کە دەتوانن ئەو تەوژمە لەناو دڵان دروست بکەن و وایان لێبکات بێ پەروا، بە سەری بەرزەوە، بە شانازیەوە بڵێن قوربان ئێمەش کوردین.


بەرز راگرتنی پیرۆزترین ناوی کوردستان (پێشمەرگە) و بەگەورەیی هێشتنەوەی شکۆی، بە سیمبولکردنی بەرگ و جامانەکەی، هەر لە سەنگەرەکانی بەرگریەوە تا کۆشکەکانی دروستکردنی بڕیار لە دونیا، بەو قەناعەتە چەسپاوە دەکرێت کە بڕوای پێشمەرگانەیە.


گڕدانەوەی هەستی نەتەوەیی خامۆشکراو و جۆشدانەوەی لە دڵی ملیۆنان و هەزاران هەزار گەنج تەنها بەو رێبەرانە دەکرێت کە ووشەکانیان کاردانەوەی راستەقینە لە ناو دڵان دروست دەکات و بۆ ئەو هیوایەیان ئاراستە دەکات کە خەونی باب و باپیرانیان بووە.


بۆ یەکەمجاریش لە مێژووی کوردستان، هەر بە تەنها، جۆشدانی ئەمسەر تا ئەوسەری سنوور، بەرزکردنەوەی ملیۆنان دەنگ بۆ سەربەخۆیی و دروستکردنی ئیرادە، بەڵێ دروستکردنی ئیرادە، کاری تەنها کەسێکە کە ئاوات و خەونەکان لەو بەدی دەکرێت.


بۆیە کەسانی وا نابێت لە چوارچێوەی پۆست و ناوێکدا قەتیس بکرێن، رێبەرە مێژووییەکان، تەنها هەستکردن بە وجود و تیژ تەماشاکردن و بە پەنجە ئاماژە کردن و ووتاردانیان بەسەبۆ ئەوەی کڵپەی ئەم گڕە لە دڵی نەوە لە دوای نەوە بەردەوام بێت.

سەرۆکایەتی میللەتێکی بێ دەوڵەت تەنها لە پۆستی سەرۆکایەتی ناکرێت.

2/11/2017

دواین هه‌واڵ

به‌رنامه‌ی کۆماریخوازان