فه‌رهه‌نگ‌ و هونه‌ر

2018-01-18-13-22-49تایبه‌ت به‌ هه‌نارده‌كردنی نه‌وتی كێڵگه‌كانی كه‌ركووكی باشووری كوردستان بۆ پاڵاوتگه‌كانی شاری كرماشان له‌ ڕۆژهه‌ڵاتی كوردستان، له‌گه‌ڵ به‌رپرسانی وه‌زاره‌تی نه‌وتی ئێران واژۆ كراوه‌ و به‌پێی ڕێكکه‌وتننامه‌كه‌...
2018-01-10-19-01-13لای دۆزی كوردە. جا كەوابێت و ئەگەر وەڵام دیارە ئەی بۆچی هەر دیسان لە ڕێگای شكست و سەرنەكەوتن بەردەوام دەبین؟ ئەگەر وا بەردەوام بین خۆ...
2018-01-09-18-10-09و ئه‌مه‌ گرینگترین ده‌سكه‌وتی ئه‌م ڕاپه‌ڕینه‌ی دوایی بوو. (٢) كێرد و ئێسقان ئه‌وه‌ی له‌ شه‌قامه‌كانی شاره‌كانی ئێران ڕووده‌ده‌ن _لانیكه‌م تا ئه‌م ساته‌وه‌خته‌_ زیاتر له‌ سه‌رهه‌ڵدان و شۆڕشی...
2018-01-07-20-18-09 خۆی ته‌واو ماندوو بووه‌ و هه‌موو كایه‌ و خه‌یاڵه‌كانی ناوه‌وه‌ی خۆی بیر چووه‌ته‌وه‌، چیتر ناتوانێت هێزه‌ كۆمه‌ڵایه‌تییه‌ نوێیه‌كانی ناو دنیای ناوه‌وه‌ی خۆی بخوێنێته‌وه‌ و...
2018-01-05-22-58-52به‌وپێیه‌ی ئه‌مه‌ریكا هه‌ر خۆی له‌ بیانوویه‌ك ده‌گه‌ڕێت بۆ ده‌ستوه‌ردانی راسته‌وخۆ له‌ ئێراندا. ئاماژه‌كانیش ده‌ڵێن كه‌ به‌و ئاسانییه‌ ره‌وشی ئێران ئاسایی نابێته‌وه‌، چونكه‌ خه‌ڵكی ته‌واو بێزار...

په‌یوه‌ندی راسته‌وخۆ

گه‌ڕان

 

نووری بێخاڵی

كورد له‌و ناوه‌دا كه‌ فریوی دۆستایه‌تیی ئه‌مه‌ریكای خوارد و زۆرترین قوربانیی مرۆیی له‌سه‌ر سینی زێڕ پێشكه‌ش به‌ پڕۆژه‌ كۆڵۆنیالییه‌ نوێیه‌كه‌ی ئه‌مه‌ریكا و هاوپه‌یمانه‌كانی كرد، ئێسته‌ له‌و دۆخه‌دایه‌ كه‌ ده‌یبینین. ئه‌مه‌ بۆ گه‌لانی ناوچه‌كه‌ و به‌تایبه‌تی خه‌ڵكی وڵاتانی (توونس، لیبیا، میسر، سووریا، لبنان و)یش هه‌ر ڕاسته‌، به‌ڵام ئه‌وه‌ی كه‌ كاره‌سات و تراجیدیای كورد له‌و گه‌لانه‌ جیا ده‌كاته‌وه‌، ئه‌وه‌یه‌ كه‌ ئه‌وان خاوه‌نی ده‌وڵه‌ت و سه‌روه‌رین و دواجار هه‌ر دێنه‌وه‌ سه‌ر یه‌كه‌ی ژیان، به‌ڵام كوردی بێ نیشتمان و سنوور و سه‌روه‌ری، ده‌بێ بۆ 100 ساڵی تر ئه‌و باجه‌ بدات. ئینجا ئه‌وه‌ له‌كاتێكدایه‌ كه‌ هه‌ندێ له‌ (سیاسییه‌ حه‌كیمه‌كانی كورد!) زۆر باسیان له‌وه‌ كرد و ده‌كه‌ن كه‌ دنیا مامه‌ڵه‌ له‌گه‌ڵ ده‌وڵه‌ت و سه‌روه‌ری ده‌كه‌ن، نه‌ك له‌گه‌ڵ گه‌لان. بۆیه‌ نابێ ئه‌مڕۆ تووشی شۆك بن و سه‌یریان به‌م دۆخه‌ بێت كه‌ به‌سه‌ر كورد هێنراوه‌!

له‌ دوای ڕووداوه‌كانی شه‌ڕی یه‌كه‌م و دووه‌می كه‌نداو (داگیركردنی كوێت له‌ لایه‌ن عێراق)، تا ڕووخاندنی سه‌دام و ڕژێمی به‌عس، هه‌تا به‌هاری عه‌ره‌بی، ئه‌وه‌ ته‌نیا سه‌ركردایه‌تیی سیاسیی كورد بوو فریوی دۆستایه‌تیی ئه‌مه‌ریكا و هاوپه‌یمانانی خوارد. فریوخواردنێك وه‌ك شانازیش به‌ گه‌لی خۆیانیان فرۆشته‌وه‌، به‌وه‌ی هه‌نووكه‌ پێشمه‌رگه‌ له‌ جیاتی هه‌موو دنیا شه‌ڕی تیرۆر ده‌كات، دنیا و به‌تایبه‌تی ئه‌مه‌ریكا كورد به‌ ته‌نیا جێ ناهێڵن، ئیتر كورد بووه‌ هێزێكی كاریگه‌ری ناوچه‌كه‌ و حیساب بۆ كراو، هێزێك ده‌توانێ هاوسه‌نگیی هاوكێشه‌ و ڕووداوه‌كان له‌ ناوچه‌كه‌دا بگۆڕێ و زۆری تریش له‌م دروشم و وڕێنانه‌. تا ئه‌و ڕۆژه‌ی به‌ چاوی خۆمان بینیمان به‌ به‌رچاوی ئه‌مه‌ریكا و هاوپه‌یمانه‌كان، به‌ چه‌ك و جبه‌خانه‌ی ئه‌وان، سوپای عێراق و حه‌شد و پاسداران، به‌ربوونه‌ گیانمان. ئه‌و خاكه‌ی به‌ خوێنی نزیكه‌ی دوو هه‌زار پێشمه‌رگه‌ و فه‌رمانده‌ی شه‌هید و زیاتر له‌ سێ هه‌زار بریندار ئازادامان كرد، به‌ فوویه‌ك كه‌وته‌وه‌ ژێر چنگی داگیركه‌ران و ئه‌مه‌ریكا و هاوپه‌یمانه‌كانیشی له‌ بری به‌رگرتن به‌م هێرشی داگیركارییه‌، ئامۆژگاریمان ده‌كه‌ن وه‌ك عاقڵ بچینه‌وه‌ بۆ ئه‌و شوێنانه‌ی پێش ئه‌و ڕووباره‌ خوێنه‌ی بۆی به‌خشراوه‌.

9/11/2017

دواین هه‌واڵ

به‌رنامه‌ی کۆماریخوازان