^{وەزیری دەرەوەی ئێران بە کەناڵی ئەلجەزیرەی ڕاگەیاند "ئێران دەستبەجێ و بە شێوەیەکی یەکلاکەرەوە وەڵام دەداتەوە ئەگەر شوێنە ئەتۆمییەکانی هێرشییان بکرێتە سەر و ئەوەش دەبێتە هۆی هەڵگیرسانی شەڕێکی بەرفراوان لە ناوچەکەدا."}

^{عەباس عەراقچی وتی ئەگەر ئەمەریکا و ئیسڕائیل هێرشێکی سەربازیی بکەنە سەر ناوەندە ئەتۆمییەکانی ئێران ئەوا ئەوە " یەکێک دەبێت لە گەورەترین هەڵەکانی ئەمەریکا."}

^{خاوەن بڕیارەکان لە ئێران نیگەرانن لەوەی سەرۆکی ئەمەریکا دانۆڵد ترامپ لە ماوەی خولی دووەمی سەرۆکایەتییەکەیدا سەرۆک وەزیری ئیسڕائیل بنیامین نەتانیاهو پشتئەستوور بکات بۆ ئەنجامدانی هێرشێکی ئاسمانی بۆ سەر شوێنە ئەتۆمییەکانی و توندکردنەوەی سزاکانی ئەمەریکا بۆ سەر پیشەسازی نەوتی ئێران.}

^{ئەو نیگەرانییانە و نیگەرانییەکانیش سەبارەت بە زیادبوونی تووڕەیی لە ناوخۆی ئێراندا لەسەر هەلومەرجە ئابوورییەکەی وڵاتەکە، ڕەنگە تاران ناچار بکات گفتوگۆ بکات لەگەڵ بەڕێوبەرایەتییەکەی سەرۆک ترامپدا سەبارەت بە چارەنووسی بەرنامە ئەتۆمییەکەی کە زۆر بە خێرایی گەشە دەکات.}

^{عەراقچی پێشنیاری ئەوەی کرد ئەمەریکا دەتوانێت وەکو یەکەم هەنگاو بۆ دروستکردنی متمانە لە نێوان دوو وڵاتەکەدا سەرمایە سڕکراوەکانی ئەمەریکا ئازاد بکات.}

^{عەراقچی وتی " سەرمایەکانی ئێران لەلایەن ئەمەریکاوە سڕکراون و بەڵێنەکانی پێشووتریشی بۆ ئازادکردنی ئەو سەرمایانە جێبەجێ نەکردووە. ئەم شتانە دەتوانرێت لەلایەن بەڕێوبەرایەتییەکەی ئەمەریکاوە ئەنجام بدرێن بۆ ئەوەی متمانە لە نێوانماندا دروست ببێتەوە."}

^{لە ساڵی 2018 دا سەرۆکی ئێستا و ئەو کاتەی ئەمەریکا دانۆڵد ترامپ لە ڕێککەوتنە ئەتۆمییەکەی ساڵی 2015 ی نێوان ئێران و زلهێزەکانی جیهان کشایەوە و سەرجەم سزاکانی سەپاندەوە بەسەر تاراندا. لە بەرامبەر ئەوەدا ئێران بەرپرسیارێتییەکانی لە ڕێککەوتنەکەدا پشتگوێ خست و پڕۆسەی پیتاندنی یۆرانیۆمی خێراتر کرد. مەبەست لە ڕێککەوتنەکە سنووردارکردنی چالاکییە ئەتۆمییەکانی ئێران بوو لە بەرامبەر لابردنی سزا نێودەوڵەتییەکانی سەر ئەو وڵاتەدا.}

^{سەرۆک ترامپ لە خولی یەکەمی سەرۆکایەتییەکەیدا پەیڕەویی سیاسەتی " ئەوپەڕی فشاری " دەکرد دژی ئێران، ئەوەش بە مەبەستی ئەوەی تاران ناچار بکات گفتوگۆ لەسەر بەرنامە ئەتۆمییەکەی بکات.}

^{سەرچاوە/ ڕۆیتەرز}

٤/٢/٢٠٢٥