^{بەپێی سەرۆکایەتی سوریا، فەرماندەی گشتی هێزەکانی سوریای دیموکرات و سەرۆکی کاتی سوریا بە ڕێکەوتنێک گەیشتن بۆ یەکخستنی هەموو دامودەزگا لەشکری و سیڤلییەکانی بەڕێوەبەرایەتی خۆسەر لەگەڵ دەزگاکانی دەوڵەتی سوریا.}

^{ئاژانسی هەواڵەکانی سانای حکومەتی سوریا هەواڵەکەی ڕاگەیاند و دەڵێت هەردوولا ڕێکەوتوون لەسەر پاراستنی مافەکانی کورد و هەروەها یەکپارچەیی خاکی سوریا.}

^{بەپێی سانا، ڕێکەوتنەکە لە 6 خاڵ پێکهاتووە.}

^{یەکەم: زامنکردنی مافەکانی هەموو سوریاییەکان لە نوێنەرایەتیکردن و هاوبەشیکردن لە پرۆسەی سیاسی و هەموو دامودەزگاکانی دەوڵەت، و ە دەبێت لەسەر بنەمای توانا و لێهاتووییەوە بێت نەک لەسەر بنەمای ئایین و نەتەوە.}

^{دووەم: کۆمەڵگەی کوردی کۆمەڵگەیەکی ڕەسەنە لە دەوڵەتی سوریا و دەوڵەتی سوریا مافی هاووڵاتیبوونیان و هەموو مافە دەستورییەکانیان زامندەکات.
سێیەم: ڕاگرتنی شەڕ لە تەواوی خاکی سوریا.}

^{چوارەم: یەکخستنی هەموو دامودەزگا سیڤیلییەکان و لەشکرییەکان لە باکوری ڕۆژهەڵاتی سوریا لە چوارچێوەی بەڕێوەبەرایەتی دەوڵەتی سوریا، لەوانە دەروازە سنوورییەکان و فڕۆکەخانەکان و کێڵگەکانی نەوت و گاز.}

^{پێنجەم: زامنکردنی گەڕاندنەوە هەموو کۆچبەرە سوریاییەکان بۆ شارۆچکە و گوندەکانیان و دابینکردنی پارێزی بۆیان لە لایەن دەوڵەتەوە.}

^{شەشەم: پشتیوانیکردنی دەوڵەتی سوریا لە نەهێشتنی پاشماوەکانی ئەسەد و هەروەها لە هەموو ئەو هەڕەشانەی مەترسی بۆ سەر ئاسایش و یەکپارچەیی خاکی سوریا دروستدەکەن.}

^{حەوتەم: ڕەتکردنەوەی بانگەشەکانی دابەشکردن و وتاری ڕق و کینە و هەوڵەکانی نانەوەی ئاژاوە لە نێوان پێکهاتەکانی کۆمەڵگەی سوریا.}

^{هەشتەم: کۆمیتەکانی پەیوەست بە جێبەجێکردنی ڕێکەوتنەکە هەوڵ دەدەن و کاردەکەن بۆ جێبەجێکردنی ڕێکەوتنەکە هەتا ئەوپەڕی کۆتای ئەمساڵ.}

^{لە خواری ڕێکەوتنەکە عەبدی و شەرع ڕێکەوتنەکەیان واژوکردووە.
هەتا ئامادەکردنی ئەم هەواڵە هیچ ڕاگەیاندنێکی فەرمی لەلایەن مەزڵوم عەبدی و هێزەکانی سوریای دیموکرات بڵاونەکراوەتەوە.}

12/3/2025