^{ڕابەری باڵای ئێران ئایەتوڵا عەلی خامنەئی ڕۆژی دووشەممە هۆشداریدا دژی تەکتیکەکانی " جەنگی نەرمی " دوژمنان لە هەوڵییاندا بۆ خستنەوەی دووبەرەکی لە نێو کۆماری ئیسلامیدا.}

^{خامنەئی لە وتارێکدا لە تاران وتی " ئەمڕۆ ئێمە هیچ نیگەرانییەکمان نیە سەبارەت بە بەرگری قورس یاخود هەڕەشە سەربازییەکانی دوژمن. ئێران توانای بەهێزی هەیە بۆ ڕووبەڕووبوونەوەی ئەو هەڕەشانە و دڵنیابوونەوە لە ئاستێکی بەرزی ئاسایش بۆ گەلەکەی."}

^{وتی " دوژمنەکانی " ئێران، هەوڵی دروستکردنی کێشەیان داوە لە ڕێی " هەڕەشەی جەنگی نەرمەوە " کە ئامانج لێی " یاریکردنە بە ڕای گشتی، دروستکردنی دووبەرەکی و گومان دروستکردنە لە بنچینەکانی شۆڕشی ئیسلامی."}

^{لێدوانەکانی خامنەئی ڕۆژێک دوای ئەوە دێت ئیسڕائیل بارێکی لە چەکی ئەمەریکایی بە دەست گەیشت لە ماوەی سەردانێکی وەزیری دەرەوەی ئەمەریکا مارکۆ ڕوبیۆدا.}

^{ڕۆژی یەکشەممە سەرۆک وەزیری ئیسڕائیل بنیامین نەتانیاهو وتی وڵاتەکەی " شکستێکی گەورەی بە بەرەی تیرۆری ئێران گەیاندووە " و بەڵینیدا بە پشتیوانی ئەمەریکا " کارەکە دژی ئێران تەواو بکات."}

^{هاوپەیمانەکانی ئێران لە ناوچەکەدا، بە حەماسی فەلەستینییەکان و حزبوڵای لوبنانیشەوە، زیانێکی گەورەیان بەرکەوت لە شەڕەکانییاندا دژی ئیسڕائیل لە دوای هەڵگیرسانی جەنگەکەوە لە غەززە لە مانگی 10 ی ساڵی 2023 ەوە.}

^{نەتانیاهو بە تۆنێکی دۆستانەییەوە قسەی بۆ ئێرانییەکان کردووە و لە یەکێک لە لێدوانەکانیدا دەڵێت حکومەتی ئێران سەرکردایەتی گەلەکەی دەکات بۆ " بیرێکی بێ بن."}

^{خامنەئی لە وتارەکەیدا دانی بەوەدانا کە ئێرانییەکان " کێشەیان هەیە و پێشبینی ڕەوایان هەیە." ئەوەش وەکو ئاماژەیەک بۆ قەیرانە ئابوورییەکەی ناو ئێران کە بەهۆی سزا نێودەوڵەتییەکانەوە دروست بووە.}

^{سەرۆکی ئەمەریکا دانۆڵد ترامپ سیاسەتی " زۆرترین فشاری " دژی ئێران دەستپێکردووەتەوە، فشارەکانیش لە ڕێی سیاسەتی سزاکانەوە دەبن دژی ئێران.}

^{سەرچاوە: فرانس پرێس}

17/2/2025