^{بەرێزان ئەندامانی سەرکردایەتی، ئەندامان و لایەنگران و جەماوەری خۆشەویستی حیزبی شیوعی کوردستان
بە بۆنەی دامەزراندنی ، یادی ۲۹مین ساڵرۆژی راگەیاندنی پارتەکەتان، حیزبی شیوعی کوردستان لە لایەن بزووتنەوەی کۆماریخوازانی رۆژهەڵاتی کوردستان پر بە دڵ پیرۆزبایی خۆمانتان ئاراستە دەکەین.
حیزبی شیوعی وەک جەریانێکی چەپی پێشکەوتن خواز و عیدالەت مێحوەر و نەتەوەیی بە دروشمی «نیشتمانێکی ئازاد و گەلێکی بەختیار» لە ماوەی ۲۹ساڵی تەمەنی پر لە سەروەری و تێکۆشانی دا، لە خەبات بۆ ڕزگاری مافی دیاریکردنی چارەنووس، یەکسانی و دادپەروەری، هاوژینی بە ئاشتی و تێکۆشان و هەوڵدان بۆ کۆتایی هێنان بە هەرجۆرە چەوساندنەوە یەکی نەتەوایەتی، چینایەتی، رەگەزی بەحەق}

^{لە ئاستی کوردستانی گەورەدا هەنگاوی کردەی هەڵگرتووە و تا ئاستێکی بەچاو پێشەنگ بووە، و لە مێژووی خۆیدا لاپەرەی پرشنگدار و زێرینی تۆمار کردوون کە بۆ هەموو گەلی کورد و ئازادیخوازان ئەزموون و دەستکەوتی بەنرخن.
وەک بزووتنەوەی کۆماریخوازانی رۆژهەڵاتی کوردستان لە گەڵ جەخت کردنەوە لە سەر هەرچی پتەوترکردنی دۆستایەتی و پەیوەندییەکانی نێوانمان، هیوادارین لە ئەرک و کاروتێکۆشانی نەتەوەیی و حیزبیتان دا بە مەبەستی زیاتر دەستەبەرکردنی ئاشتی، ئازادی، باشبژێوی و یەکسانی، دیالۆگی ئاشتەوایی و یەکگوتاری ناوماڵی کورد هەردەم بەروپێشەو هەنگاو بنێن.
بە هیوای گەیشتن بە ئامانجەکانی گەلەکەمان لە چوار بەشی کوردستان.
لەگەڵ رێزمان دا
بزووتنەوەی کۆماریخوازی رۆژهەڵاتی کوردستان
۱۲ی پووشپەڕی ۲۷۲۲ی کوردی
٣ی ژوئیەی ۲۰۲۲}