^{رۆژی چوارشەممە ڕێکەوتی ۱۹ی بانەمەڕ ۲۷۲۴ی کوردی، هاوڕێ ئازاد محەممەدزادە بەرپرسی نوێنەرایەتی بزووتنەوەی کۆماریخوازانی رۆژهەڵاتی کوردستان بەشداری کرد لە ڕێوڕەسمی ڕیزلێنان و کۆتایی هاتنی پرۆژەی «فەرهەنگی زارەکی موکریان، شاکارێک لە مێژووی فەرهەنگ نووسی کوردیدا» لە نووسینی سەلاح پایانیانی نووسەر و فەرهەنگ نووسی بەتوانای کورد، کە لە لایەن بەشی رۆشەنبیری و ڕاگەیاندنی پارتی دێموکڕاتی کوردستان لە شاری ھەولێری پایتەختی هەرێمی کوردستان بەڕێوەچوو.}

^{جێگای ئاماژەیە کە فەرهەنگی زارەکی موکریان شاکارێکی بەهێزی ئەدەبی و زمانەوانی و وشەناسی و وتە و مەتەڵ و فۆلکلۆری کوردی کە بەرهەمی ۲۵ ساڵ واتە چارەگە سەدەیەک زەحمەت و ڕەنج و شەونخوونی و ماندوویی بەرێز سەلاح پایانیانی نووسەر و فەرهەنگ نووس و توێژەری بەتوانا و هەرەوەزی و هاوکاری کۆمەڵێک کەسایەتی ئەدەبی و زمانەوانی کوردە، کە لە لایەن دەزگای چاپ و بڵاوکردنەوەی موکریانی لە توێی ۲۱ بەرگ دا چاپ و بڵاوکراوەتەوە.}

^{شایانی باسە لەم بۆنەیە دا زۆر کەسایەتی سیاسی، حیزبی، حکومەتی، رۆشەنبیر و ئاکادیمی، نووسەر و ھونەرمەند، مامۆستایانی ئایینی، و چین و توێژە جۆراوجۆرەکان لە هەر چواربەشی کوردستان بەشداریان تێدا کردبوو، کە تێیدا نوێنەری بزووتنەوەی کۆماریخوازانی رۆژهەڵاتی کوردستان لە گەڵ بەشێک لەو کەسایەتییانە دیدار و چاوپێکەوتنی ئەنجام دا.}

١٩ی بانەمەڕی ٢٧٢٤ی کوردی/١٤٠٣