^{زۆر بەرێز: یەکێتی نەتەوەیی دێموکڕاتی کوردستان}

^{بەڕێزان ئەندامانی مەکتەبی سیاسی و سەرکردایەتی و ئەندامان و لایەنگران و جەماوەری خۆشەویستی یەکێتی نەتەوەیی دێموکراتی کوردستان YNDK.
لەگەڵ ئاڕاستە کردنی سڵاوو رێزمان ...
بە بۆنەی ٣٠ هەمین ساڵڕۆژی دامەزراندنی یەکێتییەکەتان، یەکێتی نەتەوەیی دێموکڕاتی کوردستان YNDK لەلایەن بزووتنەوەی کۆماریخوازانی رۆژهەڵاتی کوردستان پڕ بە دڵ پیرۆزبایی خۆمانتان ئاڕاستە دەکەین، هیوادارین لە ئەرک و کارو تێکۆشانی نەتەوەیی و حیزبیتان دا بە مەبەستی زیاتر دەستەبەرکردنی ئاشتی و ئازادی و پتەوترکردنی یەکێتی ڕیزەکانی ناوماڵی کورد لە هەر چواربەشی کوردستانی گەورەدا، و پێشخستنی دێموکراسی و هاوژینی بە ئاشتی نێوان گەلان و کەمینەکان، ئایین و ئایینزاکان و هەروەها هێنانە دی زیاتری دادپەرەوەری و باشبژێوی بۆ گەلەکەمان هەردەم بەرەوپێشەوە هەنگاو بنێن، بێگومان بە دیالۆگی ناوماڵی کورد و یەکگرتوویی و یەکڕیزی دەتوانین زیاتر دەستکەوتە مێژووییەکانی کورد بپاڕێزین و کەشتی کورد بگەیەنینە کەناراوی هێمنی و ئارامی و دڵنیایی.
وەک بزووتنەوەی کۆماریخوازانی رۆژهەڵاتی کوردستان ئاواتمان بەرەوپێشچوونتانە و هیوای سەرکەوتن و سەرفەرازی بۆ یەکێتییەکەتان و سەرجەم جەماوەری YNDK دەخوازین و خۆشحال و سەربەرزین بە دۆستایەتی و هاوکاری و پتەوترکردنی پەیوەندی نێوانمان.
بە هیوای گەیشتن بە ئامانجە بەرزەکانی گەلەکەمان لە چوار بەشی کوردستان.
لەگەڵ رێزماندا.}

^{بزووتنەوەی کۆماریخوازانی رۆژهەڵاتی کوردستان
2ی خاکەلێوەی 2725ی کوردی
22 ی ئازاری 2025ی زایینی}