^{یە سێ رووژە ک بان دەهزار کەس لە هووز یارسانییەێل ئێران و جەهان ئەڕا گرتن جەژن "مەڕ نوو" ک وە جەژن "خاون‌کار"یش نامگیرەو بییە وەرەو "تووت‌شامی" چگنە تا دە تەکیەێ "ئا سەی براگە" جەژن خاون‌کار بگرن.}

^{وتنە ک دریژی قەتار ماشینەێلێ ک دە نزیکەێ دەرانەێ ئی جیگاێ پیرووز یارسانییە وە رز وسانە، بان یەک کیلوومتر بییە.}

^{یارسانییەێلە هەر ساڵ وە ساڵ، دە ئیچۆنە رووژێ ک مانگ کامڵەو دبێ ئوو "زمسان کوردی" ئەڵکەفێ یەک رووژ نییەت دکەن و سێ رووژیش رووژگ دگرن و رووژە سێیمگەێش ک دەم‌چەکانن ئمجا کەڵەشێر کوردی هازا و بەزەڵێ سەر دبڕن و جەژن خاونکار دگرن.}

^{ئەوان دە ئی جەژنە، تەموورە دژەنن و کەڵام دخوەنن و چەپڵەڕێزان دکەن.}

^{دە ئی رووژەێلە ئەوان دچنە خزمەت پیر یارسان و هەرکەس وە راس دقەپننە دەسێ و دەس ئەوی ماچەو دکەن و ئەویش هەم هە وەوجوورە دەسێیان ماچ دکەێ.}

^{هووز یارسان یە وە خاکساری و بەرامبەر زانستن پیر وەرد ئەو دۆوەێ وڵاتوەندەێلە دزانن و خوەیان هە لە خاسی ئی رێشتە دویشن.}

^{ئەنار، دە ئی جەژنە، جی بەرزێ دیرێ.}

^{جەژن خاونکار ک جەژن سەرەی زمسان کوردییە، شان و شکووێ دە کوردەواری، دوفێشتر دە لاێ هووز یارسان، چەنە رێزداری جەژن نەورووز و وهار کوردیاتییە.}

ماڵپەڕ شەفەق نیوز

١٤/١١/٢٠٢١