وەرگێر:شەمال رۆژهەڵاتی 
پیاوەکە درەنگانێکی شەو لە کاتێکا کە زۆر ماندو بوو گەڕایەوە بۆ ماڵ
لە بەر درگا کوڕە پێنج ساڵانەکەی دی کە دانیشتبوو چاوەرێی باوکی بوو بێتەوەو ماڵ
کوڕ: سڵاو باوکە، ئەتوانم پرسیارێکت لێ بکەم؟
باوک: باشی کوڕەکەم! فەرموو چ پرسیارێک؟
کوڕ: باوکە تۆ لە برێتی هەر کاتژمێرێک کار کردن چەنێک پووڵ وەرئەگری؟
پیاوەکە بە تووڕەییەوە وەڵامی دایەوە: ئەمە هیچ پەیوەندی بە تۆوە نیە، لەبەر چی ئەم پرسیارەت کرد؟
کوڕ: هەر ئەمەوێ بزانم
باوک: باشە هەر ئەبێ بزانی؟
کوڕ: بەڵێ
باوک: زۆر چاکە پێت ئەڵێم، بیست دۆلار وەرئەگرم
کوڕە چکۆلەکە هەروا کە سەری داخستبوو هەناسەیەکی گەورەی هەڵکێشا...
پاشان سەری هەڵێنا و سەیری باوکی کرد و وتی: ئەکرێ دە دۆلارم پێ بدەی بە قەرز؟
پیاوەکە تووڕە بوو وتی: ئەگەر هۆی پرسیاەکەت بەس ئەمە بوو کە پووڵێک لە من وەرگری و کایەکلێی هیچ و بەکار نەهاتووی پێ بکڕی، زۆر هەڵەیت...
خێراکە بڕۆ ژوورەکەی خۆت...
بۆ ئەونە لە خۆباییت؟
من هەموو رۆژێک ئەبێ هەتا نیوە شەو کار بکەم
کاتی ئەم ئاکارە مناڵانەیەشم نیە
کوڕە چکۆلەکە سەری داخست و چووە ژوورەکەی خۆی و درگاکەشی پێوەدا
پیاوەکە دانیشت و دیسان تووڕە بوو لە بەر خۆیەوە وتی: چۆن ئیجازە بە خۆی ئەدات هەر لەبەر ئەوەی پووڵم لێ وەرگرێ پرسیاری ئاوام لێ بکات؟
پاش نزیک کاتژمێرێک پیاوەکە هێدی تر بووە و بیری کردەوە کە لەوانەیە زۆر تیژ هەڵس و کەوتی لەگەڵ کوڕە بچووکەکەیا کردوە، لەوانەیە دە دۆلارەکەی بۆ شتی تر پێویست بێت
بە تایبەت کە کوڕەکەش کەم جار وا بوو داوای پووڵی لێ بکات.
پیاوەکە چوو بۆ لای ژووری کوڕەکەی و درگاکەی کردەوە
باوک: کوڕەکەم، خۆ نەخەوتبوی؟
کوڕ: نا باوکە گیان
باوک: کوڕەکەم ببوورە تون بووم لەگەڵتا و لێت تووڕە بووم
هیلاکی خۆم بە سەر تۆیا داڕشت
پاشان دە دۆلاری دا بە کوڕەکەی و وتی: بیگرە ئەمەش دە دۆلارەکەی وا داوات کردبوو
کوڕە چکۆلەکە دەسی کرد بە پێکەنین و بە دەنگی بەرز وتی: سپاس باوکە گیان سپاس.
ئینجا دەسی کرد بە ژێر سەرینەکەیا و چەند گەڵا پووڵێکی لۆچ و پۆچی دەرهێنا و ئەو دە دۆلارەی وا باوکیشی پێی دابوو خستە لای ئەوان
پیاوەکە کاتێک دی کوڕەکەی پووڵیشی هەیە و داوای پووڵی لێ کردوە زۆر تووڕە بوو و هەر بە تووڕەیشەوە وتی: ئەگەر خۆت پووڵت بوو بۆ داوات لە من کرد؟
کوڕە چکۆلەکە لە کاتێکا دڵی پڕ ببوو و فرمێسک لە چاویا پۆنگی خواردەوە وتی: ئاخر پووڵەکەم کەم بوو بەڵام ئێستا بیست دۆلارم هەیە...
ئەتوانم کاتژمێرێک لە کارەکەتت لێ بکڕم بۆ ئەوەی سبەینێ زووتر بێیتەوە بۆ ماڵ؟
ئاخر نان و چای خواردنی شەوم لەگەڵ تۆیا زۆر پێ خۆشە....!!!
06/07/2014
