^{کۆماری ئیسلامی ئێران بە چڕی چەند ناوچەیەكی بناری چیای ھەڵگورد تۆپباران دەكات، بەگوێرەی زانیارییەكان تا ئێستا ھاووڵاتیەك بریندارە و زیانی زۆریش بەر دانیشتوانی ناوچەكە كەوتووە.}

^{بەپێی زانیارییەکان سەر لەبەیانی ئەمڕۆ دووشەمە تۆپخانەكانی ئێران، دەستیان كردووە بە تۆپبارانكردنی ناوچە كوێستانییەكانی بناری ھەڵگور لە دەڤەری باڵەكایەتی.}

^{بەپێی زانیارییەکان ئەوەی تا ئێستا زانراوە ئافرەتێكی كۆچەری بریندارە، ھەروەھا زیانی زۆری ماددیش بەر گوندنشینان و كۆچەرییەكان كەوتووە.}

^{ھەروەھا تۆپخانەكانی ئێران، كوێستانەكانی كونەڕێ، كێفارستان، قەبرۆكان، ریزان و گردوگۆ، لە دەڤەری باڵەكایەتی بە چڕی تۆپباران دەكەن.}

^{ھاوكات لەگەڵ تۆپبارانكردنی ناوچەكە، چەند فڕۆكەیەكی ئێران بە ئاسمانی ناوچەكەدا دەسوڕێنەوە، پێدەچێت فڕۆكەی چاودێری بن.}