^{وڵاتی ئیسرائیل لە بارەی بەشداریی بەرچاوی ڕێژیمی ئێران لە سووریه هۆشداری داوە و هەڕەشەی کردووە یەک لایەنە ‌هێرشی نیزامی دژی ئەو ڕێژیمە ئەنجام دەدات.}

^{دوای ئەوەیکە "ناتانیاهوو" سەرۆک وەزیرانی ئیسرائیل سەردانی مۆسکۆی کرد، لە بارەی بەشداریی بەهێزی ڕێژیمی ئێران لە سووریه نیگەرانیی خۆی دەربڕی و هەڕەشەی هێرشی نیزامی بۆ سەر هێزەکانی ئێران لە خاکی سووریه کرد.}

^{"لیبێرمەن" وەزیری بەرگریی ئیسرائیل باسی لەوە کردووە: "بینەری بەشداری بێدەنگانەی ئێران لە سووریه نابین" و ئیسرائیل تەنیا پشت بە هێزی نیزامیی خۆی دەبەستێت.}

^{ئەو بەرپرسە نیزامییەی ئیسرائیل هەروەها باسی لەوە کردووە، ڕێژیمی ئێران لە ڕێگای سپای پاسدارانەوە هەوڵ دەدات، هەتا بە دامەزراندنی بنکەی ئاسمانی و دەریایی لە دەورووبەری ئێمەدا شتێکی تازە لە ناوچەکەدا دروست بکات، بەڵام ئیسرائیل ئەوە قەبووڵ ناکات.}

^{لەو پێوەندییەدا ناتانیاهۆ باسی لەوە کردووە هەموو ڕێگاکان بۆ ناسەقامگیریی حزووری نیزامیی ڕێژیمی ئێران و دەست و پێوەندییەکان لە سووریه دەگرینە بەر.}

^{سەرۆک وەزیرانی ئیسرائیل لە دیدار لەگەڵ پووتین لە بارەی کێشە خولقاندنەکانی ڕێژیمی ئێران جەختی کرووەتەوە، لە هەر جێگایەک داعش چووەتە دەرەوە ڕێژیمی ئێران جێگای گرتووەتەوە.}

^{بەرپرسانی ئیسرائیلی پێشتریش چەندین جار لە سەقامگیری ڕێژیمی ئیسلامیی ئێران لە سووریە ڕەخنەیان گرتبوو و لە دروستبوونی "بەرەیەکی نوێ" دژی وڵاتی ئیسرائیل لە گوڵان لە لایەن ڕێژیمی ئێران و حیزبوڵڵا نیگەرانی خۆیان دەربڕی بوو.}

^{به‌رپرسی "مووساد" پێشتریش باسی لەوە کردبوو ڕێژیمی ئێران له ناوچه‌ی ڕۆژهه‌ڵاتی نێوەڕاست له ئاژاوەنانه‌وه ‌و پاڵپشتی کردنی گرووپه تێرۆریستییه‌کان ڕۆڵی سه‌ره‌کیی هه‌یه و به‌ به‌رده‌وامی له هه‌وڵ دایه ده‌سه‌ڵاتی خۆی له ناوچه‌که‌دا به‌ربڵاوتر بکاتەوە.}

^{ڕێژیمی ئێران پشتیوانی سەرەکی ڕێژیمی ئەسەدە و ئەو ڕێژیمە بە هەموو شێوەیەک یارمەتی ڕێژیمی بەشار ئەسەد دەدات.}

^{هەروەها ڕێژیمی ئێران سەرەکیترین وڵاتی جیهانە که پشتیوانی لە تێرۆریزم و گرووپە تێرۆریستییەکان دەکات.}