^{سەرۆکوەزیرانی تورکیا رایگەیاند، گشتپرسیی باشووری کوردستان بۆ سەربەخۆیی نابێتە هۆی سەرهەڵدانی جەنگ.}

^{لە کۆنگرەیەکی رۆژنامەڤانیدا لەنێو فڕۆکەی تایبەتیی سەرۆکایەتی کۆماری تورکیا، بیناڵی یڵدڕم سەرۆکوەزیرانی ئەم وڵاتە لەکاتی گەڕانەوەی لە گەشتی سەنگاپوور و ڤێتنام ، وەڵامی لێدوانێکی دەوڵەت باخچەلی سەرۆکی مەهەپەی دایەوە کە گوتبووی "ریفراندۆمی باکووری عێراق دەبێتە هۆی سەرهەڵدانی جەنگ" و داوای لە دەسەڵاتی تورکیا کردبوو لەشکرکێشی بکەنە سەر کوردستان، یڵدرم لە وەڵامدا گوتی "گشتپرسیی باکووری عێراق نابێتە هۆکاری سەرهەڵدانی جەنگ".}

^{یڵدرم گووتیشی "جەنگ لەنێوان دەوڵەتەکاندا سەرهەڵدەدات، ئەمانەش (هەرێمی کوردستان) دەوڵەت نین و بەدەوڵەت نایانناسین".}

^{بڕیارە 25-9-2017 گشتپرسی لە باشووری کوردستان بەڕێوەبچێت و دەنگ بە بەڵێ یان نەخێر بدرێت بۆ سەربەخۆیی باشووری کوردستان.}