^{وەزارەتی ناوخۆی بەحرێن دوێنێ پێنجشەممە بڵاوی کردەوە کە هێزە ئەمنییەکانی ئەو وڵاتە توانیویانە گرووپێکی تیرۆیستیی حەوت کەسیی سەر بە ئێران دەستگیر بکەن.}

^{ماڵپەڕی (ئەلعەرەبییە) بە پشتبەستن بە ڕاگەیەندراوی وەزارەتی ناوخۆی بەحرێن بڵاوی کردووەتەوە ئەو گرووپە تیرۆریستییە لەلایەن کەسێکەوە ڕێبەری کراوە کە تاوانبارە و پەنای بردووەتە بەر ئێران.}

^{ئەو گرووپە لەلایەن عەلی ئەعمەد داوود تەمەن 31 ساڵەوە ڕێبەری کراوە و گرووپە ناوی (سەرایا ئەلئەشتەر)ە.}

^{حکوومەتی بەحرێن بەهۆی هەوڵە تیرۆریستییەکان، مافی هاووڵاتیبوونی لە عەلی ئەحمەد داوود سەندووەتەوە.}

^{ئەو کەسە بە تۆمەتی دەست تێدابوون لە چەند هەوڵی تیرۆریستی دوو بار حوکم دراوە و جاڕێک حوکمی هەتاهەتایی و جارێکیش بە 15 ساڵ بەندکردن مەحکووم کراوە.}

^{لە درێژەی ڕاگەیەندراوەکەی وەزارەتی ناوخۆی بەحرێندا هاتووە "عەلی ئەحمەد داوود بە کوشتنی چەند چەکداری پۆلیس تاوانبارە و لەگەڵ کەسێک بەناوی (مورتەزا سەندی)ی سەر بە سوپای پاسدارانی ئێران پەیوەندیی هەیە.}

^{وەزارەتی ناوخۆی بەحرێن ئاماژەی بەوەش کردووە حەوت کەس لەو گرووپە تیرۆریستییە کە یەکیان ژنە، دەستگیر کراون و ئەوانی دیکەش لەژیر جاودێری دان و لە کاتی دەستگیرکردنیاندا کۆمەڵێک چەک و تەقەمەنی و مادەی تەقینەوەیان لە گوندەکانی "دەمستان کرزکان، مالکیە و دارکلیب" پێوە گیراوە کە بۆ بۆ سازکردنی بۆمبی دەستی کەڵکیان لی وەرگرتوون}

١٣٩٦/٠٦/٠٤ - ٢٦-٠٨-٢٠١٧