^{بە پێی هەواڵەکان، ڕێكخراوی لێبووردنی نێونەتەوەیی بە بڵاوکردنەوەی راگەیەندراوێک نیگەرانی خۆی لە دۆخی نالەباری زیندانی سیاسی کورد "زێنەب جەلالیان"، دەربڕی و خوازیاری چارەسەری هەر چی زووتری ناوبراو بوو.}

^{ڕێكخراوی لێبووردنی نێونەتەوەیی لەم راگەیەندراوەدا نووسیویەتی: زێنەب جەلالیان بە نیشانەی ناڕەزایەتی دەربڕین بە دژایەتی بەرپرسانی گرتووخانە بۆ ئیزن نەدان بە چارەسەری پزیشكی ناوبراو لە دەرەوەی زیندان لە خاكەلێوەی ئەمساڵەوە هیچ جۆرە درمانێكی بەكار نەهێناوە.}

^{لێبووردنی نێونەتەوەیی لە درێژەی راگەیەندراوەکەیدا داوای كردووە كە دەستبەجێ ئیمكانی چارەسەری پزیشكی لە دەرەوەی زیندان بۆ زێنەب جەلالیان دابین بکرێت و لە ئەگەری جێبەجێ نەكردنی ئەو داوایە، ئەم هەڵسووکەوتەی بەرپرسانی زیندان ئەشکەنجەیە لە دژی ئەم بەندکراوە سیاسییە کوردە.}

^{زێنەب جەلالیان، ٣٥ ساڵ تەمەن، ٩ ساڵ لەمەوبەر و لە رێكەوتی ٢٠ی رەشەممەی ١٣٨٦ی هەتاوی لە شاری کرماشان دەستبەسەر و بۆ ئیدارەی ئیتلاعاتی ئەو شارە گواسترایەوە.}

^{ناوبراو سەرەتا لە لایەن دەزگای قەزایی کۆماری ئیسلامیەوە سزای ئیعدامی بە سەرداسەپا و پاشان لە دادگای پێداچوونەوە سزاکەی بۆ زیندانی هەتاهەتایی کەم کرایەوە و ساڵی ١٣٩٣ بۆ زیندانی شاری خۆی گواسترایەوە.}