^{وەزیری دەرەوەی قەتەڕ شێخ محەمەد بن عەبدوڵ ڕەحمان ئەل ثانی وتی وڵاتەکەی ئامادەیە بۆ گفتوگۆکردن بۆ کۆتایی هێنان بە ناکۆکییە سیاسییەکانی کەنداو بەڵام هیچ ئاماژەیەک لە سعودیە و وڵاتانی دیکەوە نابینێت کە کراوە بن لەبەردەم نێوەندگیرییەکاندا.}

^{کوەیت ڕۆڵی نێوەندگیری دەبینێت لە ناکۆکییەکانی وڵاتانی کەنداودا و هەوڵ دەدات چارەسەرێک بدۆزێتەوە بۆ ناکۆکییەکانی نێوان قەتەڕ و چوار وڵاتە عەرەبییەکە کە زیانی گەیاندووە بە کارەکان و هەروەها ڕێگە پێنەدانی هەزاران هاوڵاتی وڵاتانی ئەنجومەنی هاریکاری کەنداو بۆ گەشتکردن.}

^{لە پێنجی مانگی شەشدا سعودیە و ئیمارات و بەحرەین و میسڕ پەیوەندییەکانیان لەگەڵ قەتەڕدا بڕی و بە تۆمەتی پشتیوانیکردن لە تیرۆر و ئێران تۆمەتبارییان کرد.}

^{سەردانەکەی وەزیری دەرەوەی ڕوسیا سێرجی لاڤرۆڤ بۆ ئیمارات و قەتەڕ هیچ ئاماژەیەکی نەدا لەسەر کەمبوونەوەی گرژییەکانی نێوان وڵاتانی کەنداوی عەرەبی.}

^{شێخ محەمەد وتی " قەتەڕ هێشتا بەردەوام لە هەڵوێستەکەی خۆی و ئەم ناکۆکییانە تەنها بەڕێگەی گفتوگۆکردن چارەسەر دەبن."}

^{شێخ محەمەد لە کۆنگرەیەکی ڕۆژنامەوانی هاوبەشدا لەگەڵ هاوتا ڕوسییەکەی سێرجی لاڤرۆڤ وتی " هەوڵەکانی کوەیت و ناردنی پەیامەکان لەلایەن ئەمیری کوەیت بۆ هەموو لایەنەکانی وڵاتانی ئەنجومەنی هاریکاری کە تیایاندا داوا دەکات گفتوگۆی ڕاستەوخۆ و بێ مەرج ئەنجام بدرێت، تەنها وڵات کە وەڵامی پەیامەکانی دابێتەوە قەتەڕە، لەبەرامبەردا هیچ کام لە چوار وڵاتەکە وەڵامی پەیامەکانیان نەداوەتەوە و وا دیارە نایانەوێت وەڵام بدەنەوە هەوڵەکانی کوەیت و هەر وڵاتێکی دیکەی هاوڕێ پشت گوێ بخەن."}

^{لەبەرامبەردا یوسف عەتیبەی باڵیۆزی ئیمارات لە نەتەوە یەکگرتووەکان لە چاوپێکەوتنێکیدا لەگەڵ گۆڤاری ئەتلانتیک وتی وڵاتەکەی کاتێک گفتوگۆ لەگەڵ قەتەڕدا دەکات کە قەتەڕ لەپێشدا مەرج دانەنێت.}

^{شێخ محەمەد وتی قەتەڕ بەنیازە بازرگانی لەگەڵ ڕوسیادا بکات و چیتر پشت نابەستێت بە وڵاتانی دراوسێوە بۆ پشتیوانیکردنی داراییەکەی یاخوود گرەنتی پاکی خواردنەکەی.}

^{لاڤرۆڤیش وتی ئەگەر گفتوگۆکان دەست پێبکەن ئەوا ڕوسیا ئامادەیە بەشداری بکات لە نێوەندگیرییەکاندا و لە بەرژەوەندیی ڕوسیادایە کە ئەنجومەنی هاریکاری کەنداو یەکگرتوو و بەهێز بن.}

^{سەرچاوە/ ڕۆیتەرز}

31/8/2017