^{خەڵکی نیشتمان پروەری شاری سنەی خوێناوی پیشتیوانیان لە بانە کرد}

^{بە مەبەستی ئیدانەکردنی کوشتاری کۆڵبەرانی کورد لە لایەن ریژیمی کۆماری ئیسلامی و هەورەها کوشتنی دوو کۆڵبەر لە چەند رۆژی رابردوو لە شاری بانە و پاشان دەربڕینی نارەزایەتی خەلکی بانە لە بەردەم بینای فەرماندارتی ئەو شارە، رۆژی پێنج شەممە خەڵکی شاری خۆراگری شاری سنە بە جۆش و خرۆش و بە رێکستنێکی مەدەنیانە رژانە سەر شەقامەکان و بە توندی ئیدانەی کوشتنی کۆڵبەران و کاسبکارانی کوردیان لە لایەن کۆماری ئیسلامی ئێرانەوە کرد}

^{سەرەڕای هەوڵەکانی هێزە ئەمنییەتییەکانی کۆماری ئیسلامی بۆ رێگرتن لە هەر چەشنە کۆبوونەوە و نارەڕەزایەتیدەربرینێک، لەسەر داوای رێکخراو و چالاکانی مەدەنیی شاری سنە، سەرلەئێوارەی ئەمڕۆ پێنجشەممە ١٦ی خەرمانان، خەڵکی شاری سنە رژانە سەر شەقامەکان و وێڕای مەحکوومکردنی کوشتنی کۆڵبەران، پشتیوانی خۆیان لە داخوازییەکانی خەڵکی شاری بانە دەربڕی و دەگوترێ کە رێژەی بەشداری خەڵک لەو خۆپێشاندانەدا روولە زیاد بوونەوە و رێژەیەکی بەرچاویش لە خۆپێشاندەران لە لایان هێزە ئەمنییەکانی کۆماری ئیسلامییەوە دەستبەسەر کراون.}