^{بارزانی لەگەڵ نوێنەری نەتەوە یەکگرتووەکان لە عێراق کۆبووەوە و ڕایگەیاند، ڕیفراندۆم لە وادەی دیاریکراوی خۆیدا ئەنجام دەدرێت و گەلی کوردستانیش بەردەوام دەبێت لە پاراستنی سەقامگیری ناوچەکە.}

^{بەپێی ڕاگەیەندراوێکی سەرۆکایەتی هەرێم، ئەمڕۆ بارزانی لە سەڵاحەدین لەگەڵ یان كۆبیش نێرده‌ی تایبه‌تی سكرتێری گشتی رێكخراوی نه‌ته‌وه‌ یه‌كگرتووه‌كان له‌ عێراق کۆبووەتەوە و ڕایگەیاندووە، بڕیاری ئه‌نجامدانی ڕیفراندۆم، بڕیاری گه‌لی كوردستانه‌ و مافێكی یاسایی و ئاسایی خه‌ڵكه‌ و له‌ كاتی دیاریكراوی خۆیدا پرۆسه‌كه‌ به‌ڕێوه‌ده‌چێت.}

^{وتووشیەتی، گه‌لی كوردستان به‌رده‌وام ده‌بێت له‌ پاراستنی سه‌قامگیری و پێكه‌وه‌ژیان له‌ هه‌رێمی كوردستان و ناوچه‌كەدا‌.}

^{هاوکات نێرده‌ی تایبه‌تی سكرتێری گشتی نه‌ته‌وه‌یه‌كگرتووه‌كان ئاماژه‌ی به‌ بۆچوون و تێبینیه‌كانی نه‌ته‌وه‌یه‌كگرتووه‌كان كردووە له‌باره‌ی ڕیفراندۆم و گفتوگۆکردن لە نێوان هه‌رێمی كوردستان و به‌غدا.}

^{ڕۆژی ٧ی حوزەیرانی ٢٠١٧ جگە لە گۆڕان و کۆمەڵ، لایەنە سیاسییەکانی هەرێم لەگەڵ بارزانیدا کۆبوونەوە و بڕیاریاندا ڕۆژی ٢٥ی ئەیلولی ئەمساڵ ڕیفراندۆم ئەنجام بدرێت.}

11/9/2017