^{هێزەکانی پێشمەرگەی کوردستان شکست بە پیلانێکی میلیشیاکانی حەشدی شەعبی لە دژی کەرکووک، دەهێنن.}

^{بەپێی گرتەیەکی ڤیدیۆیی، کە پێشمەرگە تۆماری کردووە و لە تۆڕە کۆمەڵایەتییەکان بڵاو کراوەتەوە، درەنگانی شەوی شەممە 16/9/2017، حەشدی شەعبی بە نیاز بووە ژمارەیەکی زۆر پارچە چەک و تەقەمەنی رەوانەی کەرکووک بکات بۆ نانەوەی پشێوەی لەو شارە.}

^{ئەو تەقەمەنییانە، کە هەموویان نوێن و لەناو سندووقدان، لە بازگەی داقووق لە باشووری کەرکووک دەستیان بەسەردا گیراوە و رادەستی هێزی کۆماندۆی یەکەی 70ـی سەر بەوەزارەتی پێشمەرگەی حکوومەتی هەرێمی کوردستان کراوە.}

^{هەشت کەس، کە چەکداری حەشدی شەعبی بوون و بە نیازبوون ئەو چەک وتەقەمەنییانە ببەنە کەرکووک، لەلایەن هێزەکانی پێشمەرگە دەستگیر کراون.}

17/9/2017