^{کۆمسیۆنی باڵای هەڵبژاردن و ڕاپرسی لە هەرێمی کوردستان ئامادەکاری دەکات بۆ ئەوەی هەر ئەمشەو ئەنجامی بەرایی ڕیفراندۆمی سەربەخۆیی کوردستان بڵاو بکاتەوە.}

^{بەپێی زانیارییەکانی (باسنیوز) کە لە سەرچاوەیەکی نێو کۆمسیۆنی باڵای هەڵبژاردن و ڕاپرسی لە هەرێمی کوردستان دەستی کەوتووە، کۆمسیۆنەکە ئامادەکاریی تەواوی کردووە کە کاتژمێر 7ی ئەمشەو، پرۆسەی جیاکردنەوەی دەنگەکان دەست پێ دەکات و سەرەتا لە وێستگە و بنکەکان دەنگەکان جیا دەکرێنەوە و ئەنجامەکانیان بۆ لقی کۆمسیۆن لە شارەکانی کوردستان دەنێردرێن، لەوێشەوە ئەنجامەکان ئاراستەی ئەنجومەنی باڵای کۆمسیۆن لە هەولێر دەکرێت و لەوێوە ڕادەگەیەندرێت.}

^{لە کاتژمێر 8ی بەیانیی ئەمڕۆوە تاوەکوو ئێستا، زۆرینەی هەرە زۆری خەڵکی کوردستان بەرەو سندووقەکانی دەنگدان ڕۆشتن، بۆ ئەوەی چارەنووسی خۆیان لە نێوان سەربەخۆیی کوردستان یان مانەوە لەگەڵ عێراق هەڵبژێرن کە زانیارییەکان و کاردانەوەکانی شەقام دەریدەخەن زۆرینەی ڕەهای خەڵکی کوردستان لەگەڵ سەربەخۆیی دان.}

25/9/2017