^{مام جەلال تاڵەبانی سەرکۆماری پێشووی عێراق و سکرتێری یەکیەتیی نیشتمانی کوردستان دوانیوەڕۆی ئەمڕۆ لە وڵاتی ئاڵمان بە هۆی نەخۆشییەوە کۆچی‌دوایی کرد.}

^{دوانیوەڕۆی ئەمڕۆ سێشەممە ١١ی ڕەزبەر، مام جەلال تاڵەبانی سەرکۆماری پێشووی عێراق و سکرتێری یەکیەتیی نیشتمانی کوردستان لە یەکێک لە نەخۆشخانەکانی ئاڵمان لە تەمەنی ٨٤ ساڵیدا کۆچی‌دوایی کرد.}

^{هەواڵی کۆچی دوایی سکرتێری یەکیەتیی نیشتمانی کوردستان لە لایەن میدیاکانی ئەو حیزبەوە پشتڕاست کرایەوە.}

^{مام جەلال تاڵەبانی کوڕی حیسامەدین ساڵی ١٩٣٣ لە گوندی "کەلکان" لە بناری چیای کۆسرەت لەدایکبووە.}

^{مام جەلال لە تەمەنی ١٤ ساڵیدا دەبێتە ئەندامی پارتی دێموکراتی کوردستانی ـ عێراق لە ساڵانی پەنجاکانی سەدەی ڕابردوودا یەکیەتیی قوتابیانی کوردستان دادەمەزرێنێ.}

^{ساڵی ١٩٥١ زایینی دەسبەسەر کراوە و بۆ شاری مووسڵ دوور دەخرێتەوە و هەمان ساڵ دەبێتە ئەندامی پارتی دێموکراتی کوردستان.}

^{ساڵی ١٩٥٢ لە کۆلێژی یاسا لە شاری بەغداد خوێندنی تەواو کردووە و ساڵی ١٩٥٣ وەکوو ئەندامی لاوان لە گۆنگرەی لاوان لە وڵاتی مەجارستان و ساڵی ١٩٥٤ بووە بە ئەندامی مەکتەبی سیاسی پارتی دێموکراتی کوردستانی ـ عێراق و ساڵی ١٩٥٩ چووەتە ڕیزی سپای عێراق هەتا ساڵی ١٩٦١ وهەر ئەو ساڵەش بووەتە سەر نووسەری ڕۆژنامەی کوردستان.}

^{ساڵی ١٩٧٦ی زایینی یەکیەتیی نیشتمانی کوردستانی دامەزراندووە و ساڵی ٢٠٠٥ بووەتە سەرکۆماری عێراق.}

^{له‌ كانوونی‌ دووهه‌می‌ ساڵی ٢٠١٢ به ‌هۆی نه‌خۆشییه‌كی كتوپڕه‌وه‌ بۆ چاره‌سه‌ری پزیشکی ڕەوانەی ئاڵمان کرا.}

^{مام جەلال تاڵەبانی یەکێک لە سیاسەتمەدارە بەناوبانگەکانی عێراق و ڕۆژهەڵاتی ناوەڕاست بوو و یەکێک لە دیپلۆماتکارە کوردەکان بووە و کەسایەتییەکی ناسراوی کورد و جیهان بووە.}

3/10/2017