^{ڕۆژنامەوی واشنتن پۆست بڵاویکردەوە سەرۆکی ئەمەریکا دانۆڵد ترامپ بەنیازە هەفتەی داهاتوو ڕێکەوتنە ناوەکییەکەی ئێران پەسەند نەکات و دواتریش دەڵێت ئەو ڕێکەوتنە لە بەرژەوەندی ئەمەریکا نیە و کۆنگرێس ڕادەسپێرێت بۆ مامەڵەکردن لەگەڵ بابەتەکەدا.}

^{ڕۆژنامەکە لە کۆمەڵێک سەرچاوەی گرنگەوە ئەم هەواڵەی بڵاوکردەوە کە ئاگاداری ستراتیژییەتی کۆشکی سپی هەن و دەڵێن بڕیاری سەرۆک ترامپ یەکەم هەنگاو دەبێت بۆ هەڵوەشاندنەوەی ڕێکەوتنە ناوەکییەکەی ئێران کە لە ساڵی 2015 دا لەنێوان زلهێزەکانی جیهاندا لەگەڵ ئێران بەسترا بۆ سنووردانان بۆ چالاکیە ناوەکییەکانی ئێران و لەبەرامبەر ئەوەشدا سزاکانی سەر ئێران کەم بکرێتەوە.}

^{جێی ئاماژەیە سەرۆکی ئەمەریکا دانۆڵد ترامپ ڕەخنەیەکی زۆری هەیە لە ڕێکەوتنەکە و چەند جارێک دووپاتی کردۆتەوە کە ئەو ڕێکەوتنە خراپترین ڕێکەوتن بووە کە ئەمەریکا ئەنجامیدابێت. وابڕیارە هەفتەی داهاتوو سەرۆک ترامپ لەبەردەم کۆنگرێسدا گەواهی بدات لەسەر ئەوەی کە ئایا ئێران پابەندە بە ڕێکەوتنە ناوەکییەکەوە یاخوود نا.}

^{هەریەک لە وڵاتانی فەڕەنسا و ئەڵمانیا لەگەڵ ئەوەدان کە ئەمەریکا لە ڕێکەوتنە ناوەکییەکەدا بمێنێتەوە و هەوڵدەدەن ئەمەریکا ڕازی بکەن بۆ مانەوە لە ڕێکەوتنە ناوەکییەکەی ئێراندا.}

6/10/2017