^{سەرۆکی دەزگای دادی ئێران سەبارەت بە گشتپرسیی باشووری کوردستان رایگەیاند، حکومەتی عێراق حکومەتێکی یەکپارچەیە و بەرپرسانی هەرێمی کوردستان دەبێت بزانن، کە لە دابەشکردنی عێراقدا سەرکەوتوو نابن.}

^{سادق لاریجانی، سەرۆکی دەزگای دادی ئێران، دەڵێت " کۆماری ئیسلامی لەم بارەوە سیاسەتێکی روونی هەیە و هەر لە سەرەتاوە رایگەیاندووە کە دژی هەر جۆرە دابەشکردنێکە".}

^{سەرۆکی دەزگای دادی ئێران دەشڵێت "بەرپرسانی هەرێمی کوردستان دەبێ بزانن کە هەڵوێستی وڵاتانی دراوسێ زۆر جدییە و بۆ ئەم دۆخە قەت مل نادەن".}

^{سادق لاریجانی، گشتپرسی وەک ئاگری نوێی وڵاتانی زلهێز و بەتایبەت ئیسرائیل بۆ ناوچە لە قەڵەم دەدات راشیدەگەیێنێت "ئامانج لەوەش لاوازکردنی حکومەتە ئیسلامییەکان و شەڕ و ئاژاوەی درێژماوە بۆ موسڵمانەکانە".}

^{کۆماری ئیسلامی زۆر بە تووندی دژایەتی گشتپرسی باشووری کوردستان دەکات و یەکەم وڵاتیش بوو کە هێڵە ئاسمانییەکانی بەسەر باشووری کوردستاندا داخست و دواتریش رێی لە گواستنەوەی سووتەمەنی گرت.}

^{ئێران لەگەڵ تورکیا و عێراقیش دەیانەوێ بە هاوئاهەنگی یەکدی گوشاری زیاتر بۆسەر باشووری کوردستان دروست بکەن، دوای ئەنجامدانی گشتپرسیی سەربەخۆیی کوردستان.}

10/10/2017