(2).jpeg)
لیژنه‌ى كاروبارى ده‌ره‌وه‌ى ئه‌نجومه‌نى نوێنه‌رانى ئه‌مریكا (كۆنگریس)، پرۆژه‌یاسی سه‌پاندنى سزاى نوێى بۆ سه‌ر ئێران په‌سه‌ند كرد، چاوه‌ڕیش ده‌كرێت، ئه‌مڕۆ (پێنجشه‌ممه 12/ 10/ 2017) تره‌مپ، پلانه ستراتیژییه‌كه‌ى ئاشكرا بكات و كۆمه‌ڵێك سزا بۆ تاران، ده‌ربكات.
ماڵپه‌رى (سكاى نیوز عه‌ره‌بى) بڵاوی كرده‌وه، كه كۆنگریسى ئه‌مریكی، كۆمه‌ڵێك سزاى له‌به‌رامبه‌ر به‌رنامه مووشه‌كییه‌كه بۆ ئێران ده‌ركرد.
چاوه‌ڕێ ده‌كرێت ئه‌مڕۆ پێنجشه‌ممه دۆناڵد تره‌مپ، سه‌رۆكى ئه‌مریكا، هه‌ڵوێستى ئیداره‌كه‌ى له باره‌ى ڕێكه‌وتنه ئه‌تۆمییه‌كه‌ى ئێران ده‌رببڕێت، كه هاوكات ئه‌مریكا سه‌رقاڵى ئه‌وه‌یه، به گونجاوترین شێواز ڕووبه‌ڕووى هه‌ژموونى ئێران و میلیشیاكانى ببێته‌وه.
پێشتریش تره‌مپ له چه‌ند بۆنه‌یه‌كدا هێرشی كردووه‌ته سه‌ر ڕێككه‌وتنه ئه‌تۆمییه‌كه و به "زۆر خراپ" وه‌سفی كردووه، له‌م هه‌فته‌یه‌شدا ڕای گه‌یاند، كه "زریانێك به‌ڕێوه‌یه" وه‌ك ئاماژه‌یه‌ك بۆ سه‌پاندنى سزا به‌سه‌ر ئێران.
13/10/2017
