^{وەزارەتی دەرەوەی ئەمریکا رایگەیاند ئەمریکا یەکجار نیگەرانە سەبارەت بە تووندوتیژییەکانی کەرکووک.}

^{رۆژی سێ شەممە لە راگەیەندراوێکدا وەزارەتی دەرەوەی ئەمریکا رایگەیاند ئەوان لە نزیکەوە بەدواداچوون بۆ بارودۆخی کەرکووک دەکەن و داواشی لە هەموو لایەنەکان کرد تا لە چالاکییە سەربازییەکان هەماهەنگی لەگەڵ یەکتر بکەن و ئارامی بۆ ناوچەکە بگەڕێننەوە. ئاشکراشی کرد ئەمریکا پاڵپشتی لە ئیدارەدانێکی هاوبەش و ئاشتییانەی کەرکووک لەلایەن حکومەتی ناوەندی و حکومەتی هەرێمی کوردستان دەکات و ئەمەش لەگەڵ دەستووری عێراق سەبارەت بە ناوچە جێناکۆکەکان یەک دەگرێتەوە.}

^{ئاماژەش بەوە دەدات ئەمریکا لەگەڵ کاربەدەستانی بەغدا و هەولێر کار دەکات بۆ کەمکردنەوەی گرژییەکان و هاندانی دیالۆگ لە نێوانیان و رێگەگرتن لە پێکدادانی زیاتر.}

^{لە راگەیەندراوەکەدا، وەزارەتی دەرەوەی ئەمریکا هەروەها داوا لە بەغدا و هەولێر دەکات، یەکتر نەورووژێنن بۆئەوەی دوژمنەکانی عێراق کە چاویان لە هەڵگیرساندنی شەڕی ئەتنیکی و تایفییە سوودمەند نەبن. جەختیش دەکاتەوە ئەمریکا بە تایبەتی تێبینیی ئەوەی کردووە کە بۆ شکستپێهێنانی داعش لە عێراق کارێکی زۆر ماوە و گرژییە بەردەوامەکانی نێوان هێزەکانی عێراق و پێشمەرگە رێگرە لەوەی تەرکیز لەسەر ئەم ئەرکە سەرەکییە بکرێت.}

^{دەشڵیت ئەمریکا بەردەوام دەبێت لە پشتیوانیی هاوپەیمانانی لە عێراق بۆ دڵنیابوون لە تێکشکاندنی داعش}

17/10/2017