^{بەڕێوەبەری گشتی گومرگی هەرێمی كوردستان رایگەیاند، حەشدی شەعبی نەچووەتە هیچ مەرزێكی سنووری هەرێمی كوردستان.}

^{ساماڵ عەبدولڕەحمان، بەڕێوەبەری گشتیی گومرگی هەرێمی كوردستان بە تۆڕی میدیایی رووداوی راگەیاند "ئەو قسانەی لەبارەی ئەوە دەكرێت كە حەشدی شەعبی چووەتە مەرزەكانی هەرێمی كوردستان ‌و ئێران، دوورە لە راستییەوە و بەهیچ جۆرێك راست نییە".}

^{هەروەها باس لەوەكرا كە حەشدی شەعبی چووەتە مەرزی پەروێزخان، ئارام سایەخان، بەرپرسی رایگەیاند ‌و پەیوەندییەكانی كۆمەڵگای نێودەوڵەتی مەرزی پەروێزخان ئەوە رەتدەكاتەوە و بە رووداوی راگەیاند "بەهیچ جۆرێك هیچ هێزێكی عێراقی نەهاتووەتە مەرزەكە، داخستنی مەرزەكەش لەلایەن ئێرانەوە بەردەوامە".}

^{بۆ بازرگانیكردن ‌و هاتووچۆی خەڵكی، ئێران ‌و هەرێمی كوردستان چەندین خاڵی سنووری ‌و مەرزی هاوبەشی فەرمییان هەن، لەوانە مەرزەكانی پەروێزخان، باشماخ ‌و حاجی ئۆمەران دەروازەی سنووری فەرمین ‌و هەریەك لە مەرزەكانی كێلێ‌، سەیرانبەن‌ و تەوێڵەش مەرزی نیمچە فەرمین. ماوەی چەند رۆژێك لەلایەن ئێرانەوە مەرزە فەرمییەكان بەڕووی هەرێمی كوردستاندا داخراون.}

17/10/2017