^{بڕیارە ئەمڕۆ مەسعوود بارزانی سەرۆكی هەرێمی كوردستان لەبارەی دۆخی كوردستان و دوایین پێشهاتە سیاسیی و سەربازییەكان، پەیامێك بڵاو بكاتەوە.}

^{بەپێی زانیارییەكانی "وشە" ئێوارەی ئەمڕۆ سێشەم 17ی تشرینی یەكەم، مەسعوود بارزانی سەرۆكی هەرێمی كوردستان پەیامێك بڵاو دەكاتەوە.}

^{هەرچەندە هیچ زانیارییەك لەبارەی ناوەڕۆكی پەیامەكەیدا نییە، بەڵام پێشبینی دەكرێت پەیامەكە تاوتوێكردنی دوایین پێشهاتە سیاسیی و سەربازییەكانی نێوان هەولێر و بەغدا لە خۆی بگرێت.}

^{دوێنی 16ی تشرینی یەكەم، بە چاوساغی چەند بەرپرسێكی یەكێتیی نیشتمانیی كوردستان، حەشدی شەعبی هێرشی كردە سەر كەركووك و ناوچەكانی تر، دواتر ڕاگەیەنرا كە ئەوە بەپێی ڕێككەوتنێك بووە لە نێوان چەند بەرپرسێكی یەكێتی و حەشدی شەعبی.}

17/10/2017