^{سەرۆکی عێراق داکۆکی لە هێزەکانی پـێشمەرگە کرد، دەڵێت لە ماوەی ئەو چەند ساڵەی ڕابردوو بەرگریـیان لە شوێنە ستراتیژیـیەکان پارێزگای کەرکوک کردووە و پارێزگاریـیان لێکردوون.}

^{فوئاد مەعسوم ئەمڕۆ سێشەممە وتارێکی تەلەفیزیۆنی پـێشکەشکرد، ڕۆژێـک پاش ئەوەی هێزە عێراقیـیەکان توانیان شاری کەرکوک و ناوچەکانی دەوروبەری کۆنترۆڵبکەن. گوتی پـێشمەرگە ڕێگەی لە داعش گرت شاری کەرکوک داگیربکات، ئەمەش لە کاتێکدا داعش چەندان پارێزگای وڵاتەکەی کۆنترۆڵکرد.}

^{گوتیشی " بەردەوامبوونی ئەو چاودێرییە ئەمنییەی هێزەکانی پێشمەرگە لە کەرکوک لەگەڵ دەستوردا ناکۆک نەبو بەو پێیەی ئەو هێزانە بەشێکی سەرەکیین لە سیستمی بەرگریی نیشتمانی عێراق، بۆ داکۆکیکردن لە لە سەروەریی و ئاسایشی وڵات.. لە پاڵ ئەرکە سەرەکییەکانی بۆ پاراستنی هەرێمی کوردستان."}

^{پاشان گوتی" بەڵام ئەنجامدانی ڕیفراندۆم بۆ سەربەخۆیی هەرێمی کوردستان لە عێراق ناکۆکیی ترسناکی لێکەوتەوە لە نێوان حکومەتی فیدراڵیی و حکومەتی هەرێمی کوردستان و لە نێوان خودی هێزە سیاسییەکانی کوردستانیشدا، ئەمەش وای کرد کە هێزە ئەمنییەکانی فیدراڵیی راستەوخۆ بگەڕێنەوە بۆ کۆنترۆڵکردنی کەرکوک."}

^{داواشی لە خەڵکی کەرکوک کرد ڕێزبگرن لە دەسەڵاتی یاسا و دەوڵەت و بگەڕێنەوە بۆ ژیانی ئاسایی خۆیان و هەروەها داوای لە هەموو هێزە ئاسایشیـیەکان کرد بە هیچ شێوەیەک پـێشمەرگە و فەرمانبەران و دانیشتوانی کورد و غەیرە کورد ئازارنەدەن و لەگەڵ ئەوەشدا کاربکەن بۆ ڕێگەگرتن لە هەر پـێشێلکاریـیەک بکرێت. داواشی کرد کاربکرێت بۆ گەڕاندنەوەی خێرای ئەو کەرکوکیـیانەی بەهۆی ئۆپەراسیۆنە لەشکریـیەکانەوە شارەکەیان چۆڵکردووە.}

^{سەرۆکی عێراق گوتیشی لەو ماوەیەی پـێشوو هەوڵێکی زۆریان دابوو بۆ چارەسەری کێشەکانی نێوان بەغدا و هەولێر، بەڵام دەسەڵاتدارانی هەرێم سووربوون لەسەر ئەنجامدانی ڕیفراندۆمەکە بە شێوەیەکی یەکلایەنانە. داواشی کرد هەموو لایەنەکان کێشەکانیان وەلاوە بنێن و پەنابەرن بۆ وتووێژ و دیالۆگ بۆ چارەسەرکردنی کێشەکانیان لەسەر بنەمای دەستور و یاسا.}

18/10/2017