^{محەممەد نەزەری، زیندانیی سیاسی لە زیندانی ڕەجایی‌شاری کەرەج، پاش ٨١ ڕۆژ مانگرتن لە خواردن، نامەیەکی بڵاو کردەوە.}

^{بەپێی هەواڵی گەیشتوو بە ئاژانسی هەواڵدەریی کوردپا، محەممەد نەزەری، زیندانیی سیاسی لە نامەیەکدا، پێداگری لە سەر مانگرتنەکەی لە خواردن کرد، هەتا ئەو کاتەی دادکارییەکانی جێبەجێ دەبێت.}

^{لە بەشێکی ئەو نامەیەدا هاتووە، بێکەسترین زیندانیی ئەم شارەم! شارێک کە لەگەڵ ناوەکەی تێکەڵ بووە، بەداخ و سەرسووڕمانەوە ٨١ ڕۆژ لە مانگرتنم دەگوزەرێت، بەڵام هیچ گوێیەک بیستراو و دەستێکی یارمەتیدەر بۆ من بە دیت ناکرێت.}

^{من محەممەد نەزەریم، ماوەی ٢٤ ساڵە لە پشت میللەکانی زیندان لە شاری مەهاباد هەتا ورمێ هەتا زیندانی ڕەجایی‌شاری کەرەج و هەر ڕۆژ بێکەستر و تەنیاتر لە جارانم، باوک و دایک و براکەم ڕەوانە گۆڕستانی شاری بۆکان کران.}

^{بێجگە لە خەڵک کەسێکی دیکەم نییە، ٨١ ڕۆژە لە مانگرتنم لە خواردن دەگوزەرێ، مانگرتنێک بۆ داواکاریەکی سادە، داواکاری من نە ئازادیە و نە هاتن بۆ مورخەسییە، بەڵکوو بەڕێوەچوونی یاسایە، یاسایەک کە بە بەڕێوەچوونی دەبوو چوار ساڵ و نیو پێش ئازاد دەبووم، وەلێ دەستە نادیارەکانی دەسەڵات و ئەمنییەت لە بەڕێوەبردنی ئەو یاسا (ماددەکانی١٠و٩٩و١٢٠و٧٢٨ لە یاسای سزای ئیسلامیی نوێی) بۆ من بوونەتە لەمپەر، ئێستا پاش ٢٤ ساڵ لە زیندان لە کاتی تەنیای و بێکەسیدا هیچ ڕێگایەکی دیکە بێجگە لە مانگرتنم بۆ نەماوەتەوە.}

20/10/2017