(2).jpeg)
ئاژانسی رۆیته‌رز رایگه‌یاند: هه‌نارده‌ی نه‌وتی هه‌رێمی كوردستان بۆ به‌نده‌ری جیهانی توركی، كه‌مێك زیادیكردووه و گه‌یشتووه‌ته 255 هه‌زار به‌رمیل نه‌وت له رۆژێكدا.
ئه‌مه‌ش له‌كاتێكدایه كه له چه‌ند رۆژی رابردوودا رۆژانه له نێوان 200 بۆ 250 هه‌زار به‌رمیل نه‌وت له كێڵگه نه‌وتییه‌كانی هه‌رێمی كوردستانه‌وه بۆ به‌ندری جه‌یهانی توركی هه‌نارده ده‌كرا.
جێگه‌ى باسه به‌ر له ده‌ستپێكردنی هێرشی سوپای عێراق و حه‌شدی شه‌عبی بۆ سه‌ر ناوچه جێناكۆكه‌كان و ده‌ستگرتن به‌سه‌ر كێڵگه نه‌وتیه‌كان، هه‌رێمی كوردستان رۆژانه 600 هه‌زار به‌رمیل نه‌وتی هه‌نارده‌ی ده‌ره‌وه ده‌كرد، به‌ڵام به‌هۆی بارگرژیه‌كانی ئه‌و ناوچانه‌وه، بڕی نه‌وتی هه‌نارده‌كراو بۆ 200 هه‌زار به‌رمیل له رۆژێكدا دابه‌زی.
پێشتر كێڵگه نه‌وتیه‌كانی كه‌ركوك له ژێر ده‌ستی حكومه‌تی هه‌رێمدا بوو كه توانای هه‌نارده‌ی ڕۆژانه‌ی ئه‌و بیرانه نزیكه‌ی 300 هه‌زار به‌رمیل نه‌وت بووه له ڕۆژێكدا و له دوای ڕووداوه‌كانی كه‌ركوك كه‌وته‌وه ده‌ست عێراق.
24/10/2017
