^{وای ئاڵۆزبوونی ناوچەكە بە دەست لەكاركێشانەوەی سەرۆك وەزیرانی لبنان و پەنابردنی بۆ سعوودیە، جێگری فەرماندەی سوپای پاسدارانی ئێران دەڵێت كە هەر جەنگێكی نوێ لە ناوچەكە بە لەناوچوونی ئیسرائێل بەكۆتا دێت و دووپاتی دەكاتەوە كە پێویستە دنیا قبووڵی توانای ئێران بكات بۆ بینینی رۆڵێكی گرنگ لە ناوچەكەدا، راشی گەیاند كە رۆڵی وڵاتەكەی لە سووریا و عێراق و لبنان روونە و نكووڵی لێ ناكرێت.}

^{حوسێن سەلامی ئەمڕۆ شەموو لە تەحەدایەكی ئاشكرای واشنتن رای گەیاند كە خەیاڵكردنی ئەمەریكا بەوەی ئێرانی دەستبەرداری هێزە سەربازییەكانی دەبێت، خەونێكی منداڵانەیە و هۆشداری دەدات لەوەی هەر جەنگێكی نوێ لە ناوچەكە بە لەناوچوونی ئیسرائیل بەكۆتا دێت.}

^{ئەو دان بەوەدا دەنێت كە پێویستە دنیا قبووڵی ئەوە بكات كە ئێران توانای بینینی رۆڵێكی گرنگی لە ناوچەكە هەیە هەر لە باكوری دەریای سوورەوە تا رۆژهەڵاتی ناوەڕاست ، بێجگە لەوەی كەس ناتوانێت نكووڵی لە رۆڵی لە سووریا و عێراق و لبناندا بكات.}

^{لای خۆیەوە حوسێن شێخ ئیسلام راوێژكاری وەزیری دەرەوەی ئێران ئەمڕۆ شەموو رای گەیاند كە دەستلەكاركێشانەوەی سەعد حەریری سەرۆكی حكوومەتی لبنان لەلایەن دۆناڵد ترەمپ سەرۆكی ئەمەریكا و محەمەد كوری سەلمان شازادەی سعوودیەوە بۆ ئاڵۆزكردنی دۆخی لبنان رێك خراوە.}

^{زیاتر گوتی، ئەو كارە هیچ سوودێكی بۆ لبنان تیادا نییە و ئەو كارەش بۆ قەرەبووكردنەوەی زیانەكانی ئەمەریكایە لەدوای دۆراندنی داعش و لەلایەن ئەمەریكا و سعوودیەوە رێك خراوە بۆ ئاڵۆزكردنی دۆخی لبنان و ناوچەكە.}

^{ئەمڕۆ سەعد حەریری سەرۆك وەزیرانی لبنان دەستلەكاركێشانەوەی لە پۆستەكەی راگەیاند و هۆكارەكەشی بۆ بوونی مەترسی لەسەر ژیانی و تیرۆركردنی بەهاوشێوەی باوكی راگەیاند، هاوكات رەتی كردەوە كە نابێت چەكی حزبوڵا لەدژی لبنانی و سووریاییەكانەوە بەكار بێت.}

4/11/2017