^{حکوومەتی کۆماری ئیسلامیی ئێران قوربانییانی بوومەلەرزەکەی رۆژهەڵاتی کوردستان فەرامۆش دەکات و هاوکاریی مرۆیی بۆ سووریا دەنێرێت.}

^{دوای رووداوی بوومەلەرزە لە شار و گوندە جیاوازەکانی پارێزگای کرماشان، ئێران رەتیکردەوە رێگا بە یارمەتییە مرۆییەکان بۆ قوربانییانی بوومەلەرزەکە بدات و بەپێی گوتەی دانیشتووانی ئەو ناوچانەش، حکوومەتی ئەو وڵاتە هیچ جۆرە هاوکارییەکی نەکردوون.}

^{بەپێی هەواڵی میدیا ئێرانییەکان، کە رۆژی پێنجشەممە 23/11/2017 بڵاویان کردووەتەوە، ئێران لەڕێگای مانگی سووری خۆیەوە خواردن و دەرمانی پێویستی بۆ خەڵکی شاری ئەلبوکەمال لە سووریا ناردووە، کە ماوەیەک پێش ئێستا رژێمی سووریا بە هاوکاریی میلیشیاکانی حەشدی شەعبیی عێراقی، دەستی بەسەردا گرتەوە.}

^{هاوکات لەگەڵ ناردنی دەرمان و خواردنی پێویست بۆ شاری ئەلبوکەمال لە دووریی سەدان کیلۆمەتر لە سنوورەکانی خۆی، خەڵکی زیانلێکەوتووی رۆژهەڵاتی کوردستان پێویستیی زۆریان بە دەرمانی پزیشکییە.}

^{کاتژمێر 9:20 خولەکی شەوی یەکشەممە 12/11/2017 بوومەلەرزەیەکی بەهێز بە گوڕیی 7.2 پلەی رێختەر، داوە، لە نزیک ھەڵەبجە رووی دا و کاریگەرییەکەی گەیشتە شارەکانی باشوور و رۆژھەڵاتی کوردستان بە تایبەت (دەربەندیخان و کرماشان)، بەغدا و مووسڵ و تەنانەت کوێتیش.}

^{بەپێی ئامارەکان، بەھۆی ئەو بوومەلەرزەیەوە، جگە لە وێرانبوونی ھەزاران خانووی ھاووڵاتییان، نزیکەی لە 530 کەس گیانیان لە دەست داوە و زیاتر لە 8000 کەسی دیکەش بریندار بوون، کە زۆرترین قوربانی لە رۆژھەڵاتی کوردستان بووە.}

23/11/2017