(2).jpeg)
مه‌حموود ئه‌حمه‌دینه‌ژاد، سه‌رۆك كۆماری پێشووی ئێران، له گرته‌یه‌كی ڤیدیۆییدا داوای ده‌ست له كاركێشانه‌وه‌ی حه‌سه‌ن رۆحانی، سه‌رۆك كۆماری ئێستای ئێران ده‌كات.
ماوه‌یه‌كه كێشه ناوخۆییه‌كانی ئێران به‌هۆی گه‌مارۆ و سزا ئابوورییه‌كانی ئه‌مه‌ریكاوه، زیاتر ته‌شه‌نه‌یان كردووه و ئیستاش ململانێكان له‌سه‌ر ئاستی ناوخۆ و ده‌ره‌وه‌ی ئه‌و وڵاته، توندتر بوونه.
ئه‌حمه‌دینه‌ژاد له‌و گرته ڤیدیۆییه‌دا، كه له‌سه‌ر وێبسایتی فه‌رمی خۆی بڵاویكردووه‌ته‌وه، ره‌خنه‌ی توند له رۆحانی ده‌گرێت و به به‌رپرسی یه‌كه‌می دۆخی ئیستای ئێران له قه‌ڵه‌می ده‌دات.
سه‌رۆكی پێشووی ئێران، ئه‌وه‌شی راگه‌یاندووه، گه‌لی ئێران له ره‌وشی خراپی ئابووری وڵات بێزار بووه و حكوومه‌تیش له‌گه‌ڵ گه‌له‌كه‌یدا راستگۆ نییه.
ئه‌حمه‌دینه‌ژاد ده‌شڵێت: "به‌ڕێز رۆحانی گه‌ل تۆی قه‌بووڵ نییه، تۆ و ئوسوڵگه‌را و ریفۆرمخوازه‌كان، هه‌مووتان به‌رپرسن و هاوبه‌شن له‌وه‌ی رووده‌دات".
12/8/2018
