چاوپێکەوتن

شاندێکی بزووتنەوەی کۆماریخوازانی رۆژھەڵاتی کوردستان سەردانی یەکگرتووی ئیسلامی کوردستانی یان کرد

درێژه‌ی بابه‌ت

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

درێژه‌ی بابه‌ت

لە هەولێر ئیدانەی هێرشی موشەکی کۆماری ئیسلامی بۆ سەر بنکە و بارەگاکانی حیزبەکانی ڕۆژھەڵاتی کوردستان، هاوکات پشتگیری لە نارزایەتی خەڵکی ئێران و رۆژهەڵاتی کوردستان کرا.

درێژه‌ی بابه‌ت

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

درێژه‌ی بابه‌ت

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

درێژه‌ی بابه‌ت

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

به‌ڕێزان ( عوسمان عه‌به‌ پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه‌ وتیان به‌ڵێ ڕاسته‌ و كۆچی دوایی كردووه‌؟ هونه‌رمه‌ند و پێشمه‌رگه‌ ، سروودبێژ و گۆرانیبێژ...

درێژه‌ی بابه‌ت

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

درێژه‌ی بابه‌ت

بەدرخان؛ بیرەوەریی مستۆ دادار بڵاودەکاتەوە

کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت. مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...

درێژه‌ی بابه‌ت

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...

درێژه‌ی بابه‌ت

پیاوێک و شارایەک بەرهەمی دەستنووس

بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...

درێژه‌ی بابه‌ت

په‌یوه‌ندی راسته‌وخۆ

گه‌ڕان

Articles

نیشانەکانی کۆتایی هاتنی داعش لە مووسڵ دەرکەوتن

^{سەرۆکی ئەنجومەنی پارێزگای نەینەوا ژمارەیەک خاڵ وەک نیشانەی شکست و کۆتایی رێکخراوی توندڕەوی داعش لە مووسڵ، باس دەکات.}

^{بەشار کیکی، سەرۆکی ئەنجومەنی پارێزگای نەینەوا لە بەیاننامەیەکدا رایگەیاندووە، کە بە دڵنیاییەوە چەکدارانی داعش لە مووسڵ لەسەر دەستی ”هێزی پێشمەرگەی پاڵەوان“ و هێزە عێراقییەکان دەردەکرێن.}

^{بەشار کیکی پێیوایە 10 نیشانەی کۆتایی هاتنی داعش لە مووسڵ و شکستی رێکخراوەکە لە عێراق دەرکەوتوون.}

^{نیشانەکانی کۆتایی هاتنی داعش لە مووسڵ:}

^{- تەقاندنەوەی باڵەخانە حکوومییەکان و پردەکانی مووسڵ.}
^{- لەسێدارەدانی لایەنگر و چەکدارانی داعش لەلایەن رێکخراوەکەوە، بەهۆی هەڵاتنیان لە بەرەکانهی شەڕ.}

^{- دەستگیرکردنی گەنجانی مووسڵ بە چەندین هۆکار و تۆمەتی جیاواز.}
^{- کەمکردنەوەی جووڵەی هاووڵاتییان و ناچارکردنیان بە کردنەوەی بازاڕەکان لە چەند ناوچەیەک.}

^{- پێنەدانی مووچەی مانگانە بە چەکدارەکانی لە چوار مانگی رابردوو.}
^{- بانگکردنی گەنجانی مووسڵ لە بڵندگۆی مزگەوتەکانەوە بۆ چوونە ریزی رێکخراوەکە و بەرەکانی شەڕ.}

^{- ناردنی خۆکوژەکان بۆ بەرەکانی شەڕ، بە ئامانجی راگرتنی پێشڕەویی بەردەوامی پێشمەرگە و هێزە عێراقییەکان.}
^{- بەکارهێنانی هاووڵاتییانی سڤیل وەک قەڵغانی مرۆیی.}

^{- دەرکردنی هاووڵاتییان لە گوندەکانی خۆیان.}
^{- وەرگرتنەوەی چەک لە چەکدارانیان لەو کاتەی دەچنەوە ماڵەوە، لە ترسی راپەڕین لە دژی رێکخراوەکە.}

^{رۆژی یەکشەممە 23ـی تشرینی یەکەمی 2016، فەرماندەیی گشتیی هێزە چەکدارەکانی کوردستاندەستپێکردنی ئۆپەراسیۆنێکی دیکەی لە باکووری نەینەوا لە چوارچێوەی ئۆۆپەراسیۆنی رزگارکردنەوەی مووسڵ، بە سەرپەرشتیی راستەوخۆی مەسعود بارزانی، سەرۆکی هەرێمی کوردستان و فەرماندەی گشتیی هێزە چەکدارەکانی کوردستان، راگەیاند.}

^{پێشتر کاتژمێر 6ـی سەرلەبەیانیی رۆژی پێنجشەممە 20ـی تشرینی یەکەمی 2016، فەرماندەیی گشتیی هێزەکانی پێشمەرگە دەستپێکردنی ئۆپەراسیۆنێکی پێشمەرگەی رایگەیاند، کە تێیدا پێشمەرگە بە سەرپەرشتیی راستەوخۆی مەسعود بارزانی، سەرۆکی هەرێمی کوردستان و فەرماندەی گشتیی هێزە چەکدارەکانی کوردستان لە سێ قۆڵەوە لە باکوور و باکووری رۆژهەڵاتی مووسڵ، لە میانەی ئۆپەراسیۆنی رزگارکردنەوەی مووسڵ، ئۆپەراسیۆنێکیان بۆ رزگارکردنەوەی ناوچە کوردستانییەکان دەست پێکرد.}

^{زووتریش لە رۆژی دووشەممە 17ـی تشرینی یەکەمی 2016، فەرماندەیی گشتیی هێزەکانی پێشمەرگەی کوردستان دەستپێکردنی ئۆپەراسیۆنێکی بەرفراوانی بۆ رزگارکردنەوەی مووسڵ لەژێر سەرپەرشتییراستەوخۆی مەسعود بارزانی، سەرۆکی هەرێمی کوردستان لە سنووری میحوەری خازر راگەیاند و ناوچەیەکی فراوانی رۆژهەڵاتی پارێزگای نینەوا لەلایەن هێزەکانی پێشمەرگەوە رزگار کرایەوە.}

^{هاوکات لەگەڵ ئۆپەراسیۆنی پێشمەرگە، هیزە عێراقییەکان لە نزیک باشیک و لە باشووری مووسڵ دەستین بە هێرش بۆ سەر بارەگاکانی داعش کردووە و چەند گوندێکیان رزگار کردووەتەوە.}

^{لە مانگی حوزەیرانی 2014 و لە سەردەمی سەرۆک وەزیرانیی نوری مالیکی، دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی داعش داگیر کرا.}

^25/10/2016

کونسووڵخانەی ئەمەریکا لە هەولێر پرۆگرامی گەنجانی سەرکردەی ٢٠١٧ وەردەگرێت

^{کونسووڵخانەی گەشتیی ئەمەریكا لە هەولێر داواكاری بۆ پرۆگرامی گەنجانی سەركردەی عێراق بۆ ساڵی 2017 وەردەگرێت و لە ئاگادارییەکدا داوا لە گەنجانی عێراق و هەرێمی کوردستان دەکات، فۆمری داواکاری پڕ بکەنەوە.}

^{لەو ئاگادارییەدا کە وێنەیەکی بۆ ئاژانسی (باسنیوز) نێردراوە هاتووە " بەشداربووانی پرۆگرامەكە بناغەی تێگەیشتن و دۆستایەتی نێوان گەنجانی ئەمەریكا وعێراق پتەوتردەكەن لەڕێی پرۆگرامێكی یەك مانگی لەسەر ڕابەرایەتی و خزمەتگوزاری كۆمەڵگایی و پرۆگرامی كەلتوریەوە. هەڵبژاردنی بەشداربووەكان لەسەر بنەمای لێهاتوویی دەبێت لەڕێگەی پرۆسەیەكی كراوە و چاوپێداخشاندنەوەی وردەوە. "}

^{دەقی ئاگاداییەکە:}

^{كونسوڵخانەی گشتی ئەمەریكا لەهەولێر بەخۆشحاڵیەوە ڕایدەگەیەنێت كەوا ئێستا دەرگای داواكاری پێشكەش كردن بۆ پرۆگرامی ئاڵوگۆڕی گەنجانی سەركردەی عێراق بۆ ساڵی 2017 كراوەیە.}

^{پرۆگرامەكە سەرەكیترین پرۆگرامی ئاڵوگۆڕی ئەمەریكایە بۆ ئەو عێراقیانەی تەمەنیان لە نێوان 18 بۆ 24 ساڵدایە. بەشداربووانی پرۆگرامەكە بناغەی تێگەیشتن و دۆستایەتی نێوان گەنجانی ئەمەریكا وعێراق پتەوتردەكەن لەڕێی پرۆگرامێكی یەك مانگی لەسەر ڕابەرایەتی و خزمەتگوزاری كۆمەڵگایی و پرۆگرامی كەلتوریەوە. هەڵبژاردنی بەشداربووەكان لەسەر بنەمای لێهاتوویی دەبێت لەڕێگەی پرۆسەیەكی كراوە و چاوپێداخشاندنەوەی وردەوە.}

^{هیچ تێچوونێك نییە لە بەرامبەر پێشكەشكردن بۆ پرۆگرامەكە و بەشداربوون لە دانیشتنێكی زانیاری وەرگرتن و بەرچاوڕوونی كە لەلایەن ئەمەریكاوە سپۆنسەر كرابێت، یان بۆ بەشداریكردن لە پرۆگرامەكە لە كاتێكدا ئەگەر هەڵبژێردرایت.}

^{بۆ زانیاریی زیاتر لەسەر پرۆگرامەكە و چۆنیەتیی پێشكەشكردن تكایە سەردانی ماڵپەرەكەمان بكەن بەم ناونیشانەی خوارەوە.}

^{https://iraq.usembassy.gov/iylep.html}
^{دوا كات بۆ داواكاری پێشكەشكردن 1 ی كانوونی یەكەمی 2016 ەیە.}

^25/10/2016

رێژەی ترانزێتی کەلوپەل لە ئێران 33% دابەزیووە

^{وەزارەتی رێگاوبانی ئێران رایگەیاند، لە شەش مانگی یەکەمی ئەمساڵدا ترانزێتی کەلوپەل بە بەراورد بە ساڵی رابردوو لەو وڵاتە 33% کەمیکردووە، بەرپرسێکی وەزارەتی رێگاوبانی ئێران بە میدیاکانی ئەو وڵاتەی راگەیاندووە، هۆکاری سەرەکی کەمبوونەوەی رێژەی ترانزێتی ئێران، کەمبوونەوەی هەناردەکردنی نەوتی باشووری کوردستانە بە تانکەر بۆ بەندەرەکانی باشوور و باکووری ئێران.}

^{سەرەڕای تێپەڕینی 9 مانگ لەسەر رێککەوتنی نێوان ئێران و وڵاتانی رۆژئاوا، کەمبوونەوەی ئاستی هەنارەدەکردنی نەوتی باشووری کوردستان بوو بە هۆکاری کەمبوونەوەی رێژەی ترانزێت ئێران و رۆژهەڵاتی کوردستان.}

^{وەزارەتی رێگاوبانی ئێران لە بەیاننامەیەکدا ئاماری شەش مانگی یەکەمی ساڵی 1395ی کۆچی هەتاوی ترانزێتی کاڵای ئەو وڵاتەی رایگەیاند، بەپێی ئامارەکانی وەزارەتی رێگەوبانی ئێران ترانزێتی کاڵای ئەو وڵاتە لەم شەش مانگەدا 33% لەسەد دابەزینی بەخۆیەوە بینیوە.}

^{وەزارەتی رێگەوبانی ئێران راشیگەیاند، "دابەزینی نرخی نەوت و کەمبوونی خواست لەسەر گۆگردی ئێرانی هۆکاری کەمبوونەوەی ترانزیتی کاڵان لە دەروازە سنوورییەکانی ئێران و رۆژهەڵاتی کوردستان".}

^{سەرچاوەیەک لە وەزارەتی رێگەوبانی ئێران دەڵێت، "هۆکاری سەرەکی کەمبوونەوەی رێژەی ترانزێتی ئێران و رۆژهەڵاتی کوردستان دەگەڕێتەوە بۆ کەمبوونەوەی هەنارەدەکردنی نەوتی باشووری کوردستان بە تانکەر بۆ بەندەرەکانی باشوور و باکووری ئێران". دەشڵێت "دابەزینی نرخی نەوت و گرانبوونی نرخی گواستنەوەی نەوت وایکردووە کە هەناردەکردنی نەوتی باشووری کوردستان بە تانکەر کەمببێتەوە".}

^{هەرچەند حکومەتی رۆحانی لە دوای رێککەوتنی ئەتۆمی و هەڵگرتنی بەشێک لە گەمارۆکان لەسەری، بەمەبەستی سوود وەرگرتن لەهەڵکەوتەی تایبەتی ئێران و رۆژهەڵاتی کوردستان و بردنە سەری رێژەی ترانزیتی کاڵا، چەند گرێبەستی نوێی واژۆکردووە و هەوڵی هەموارکردنەوەی یاسا گومرگییەکانی ئەو وڵاتەی داوە. بەڵام چاودێران بازرگانی دەڵێن "پێناچێت لە کورت خایەن دا حکومەتەکەی رۆحانی بتوانێ رێژەی ترانزێت لەو وڵاتە بەرزبکاتەوە".}

^25/10/2016

بارزانی و سەرۆكوەزیرانی سوێد لە كۆبوونەوەدان

^{مەسعود بارزانی، سەرۆکی هەرێمی کوردستان و ستێفان لۆڤین، سەرۆکوەزیرانی سوێد لە پیرمام لە كۆبوونەوەدان و شەڕی كۆنترۆڵكردنەوەی موسڵ یەكێك لە تەوەرە سەرەكییەكانی گفتوگۆكردنیانە.}

^{شەوی رابردوو 24-10-2016 ستێڤان لۆڤێن، سەرۆکوەزیرانی سوێد لەڕێگەی فڕۆکەخانەی نێودەوڵەتی هەولێر گەیشتە باشووری کوردستان و لەلایەن نێچیرڤان بارزانی، سەرۆکوەزیرانی هەرێـمی کوردستان و جێگرەکەی پێشوازی لێکرا.}

^{وڵاتی سوێد بەشدارە لە شەڕی داعش و نزیکەی 80 بۆ 90 سەرباز و راوێژکاریان لە باشووری کوردستان هەیە و مەشق و راهێنان بە هێزەکانی پێشمەرگە دەکەن.}

^{سەنگەر عەبدولڕەحمان، پەیامنێری رووداو لەبارەی هۆکاری سەردانەکەی ستێڤان لۆڤێن بۆ كوردستان گوتی "سەردانی سەرۆکوەیرانی سوێد بۆ باشووری کوردستان لەبەر دوو هۆکارە، یەکێکیان ئەوەیە کە لەگەڵ سەربازانی وڵاتەکەی کۆدەبێتەوە و لە نزیکەوە گفتوگۆیان لەگەڵ بکات، هۆکاری دووەمیش بۆ باشترکردنی پەیوەندی نێوان باشووری کوردستان و سوێدە".}

^{لەبارەی هاوکاریکردنی ئاوارەکان سوێد بۆ باشووری کوردستان پەیامنێری رووداو گوتی "وڵاتی سوێد 20 ملیۆن دۆلاریان لەڕێگەی ریکخراوی نەتەوەیەکگرتووەکان UN ناردووەتە عێراق بۆئەوەی هاوکاری ئاوارەکانی پێبکرێت".}

^{ستێفان لۆڤێن، سەرۆکوەزیرانی سوێد:}

^{لە21ـی تەمووزی 1957 لەدایکبووە.}

^{بووەتە ئەندامی سەندیکاکانی پیشەوەران و کانزاکاران.}

^{ساڵی 2006 بووەتە سەرۆکی سەندیکای پیشەوەران و کانزاکاران.}

^{لە ساڵی 2012ـەوە سەرۆکی پارتی سۆسیال دیموکراتی سوێدە.}

^{لە ساڵی 2014ـەوە بووەتە سەرۆکوەزیرانی سوێد.}

^{بەوە ناسراوە، کە سیاسەتێکی نەرمی بەرامبەر بە کۆچبەران هەیە.}

^{لە ساڵی 2015دا رێگەی بە زیاتر لە 150 هەزار کۆچبەر داوە بچنە نێو سوێد.}

^25/10/2016

محەمەدسدیق کەبوودوەند 3400 ڕۆژە لە زیندانە

^{محەممەدسدیق کەبوودوەند، ڕۆژنامەنووس و چالاکوانی سیاسی و مافی مرۆڤی بەندکراوی کورد، سەرەڕای ئەوەی بەشێکی هەرە زۆری سزاكه‌ی لە زیندانەکانی ئێران تێپەڕاندووە، هەروا لە زیندان ڕاگیراوە.}

^{بەپێی ڕاپۆرتی ماڵپەڕی مافی مرۆڤیی (هەنگاو) محەممەدسدیق کەبوودوەند، ماوەی 3395 ڕۆژە لە زیندانە و سەرەڕای ئەوەی بەپێی یاسا مافی خۆیەتی کە ئازادیی مەرجداری پێ بدرێت، بەڵام هەروا لە به‌ندیخانه‌ی حکوومەتی ئێران راگیراوە.}

^{کەبوودوەند کە بە باوکی مافی مرۆڤی کوردستان ناوبانگی دەرکردووە، ساڵی 2007 لەلایەن هێزە ئەمنییەکانی ئێرانەوە دەستبەسەر و لە دادگای شۆڕشی ئیسلامیی تاران، بە تۆمەتی "هەوڵدان بۆ تێکدانی ئاسایشی نیشتمانی" لەڕێگەی دامەزرانی "رێکخراوی بەرگری لە مافی مرۆڤی کوردستان" سزای 10 ساڵ و 6 مانگ زیندانی به‌سه‌ردا سه‌پێنرا.}

^{هەروەها بە بۆنەی کەیسی تایبەت بە چالاکیی ڕۆژنامەنووسی، ئەو دادگایە سزای یەک ساڵ زیندانی هەڵپەسێراو و 5 ساڵیش دوورخستنەوە لە کاری رۆژنامەنووسی بۆ دەرکردبوو.}

^{ماوەیەک پێش ئێستا محەمەدسدیق کەبوودوەند لە کۆتایی سزاکەی کە 11 ساڵ بەندکردنە نزیک دەبووەوە، کاربەدەستانی رێژیمی ئیسلامیی ئێران دۆسیەیەکی دیکەیان بۆ دروست کرد و مەبەستیشیان ئەوە بوو کە ماوەی حوکمەکەی درێژ بکەنەوە.}

^{ئەم کارەی رێژیمی ئێران، پەرچەکرداری کەبوودوەند بە مانگرتن لە خواردنی لێ کەوتەوە، پەرچەکردارێک کە دەنگدانەوەی جیهانیی هەبوو.}

^24/10/2016

فڕۆکەیەکی چاودێریی سنوورەکانی یەکێتیی ئەوروپا دەکەوێتە خوارەوە

^{فڕۆکەیەکی چاودێریکردنی سنوورەکانی یەکێتیی ئەوروپا لە دەریای ناوەڕاست دەکەوێتە خوارەوە و پێنج بەرپرسی یەکێتییەکە گیان لەدەست دەدەن.}

^{فڕۆکەکە، کە لە جۆری میترۆلاینەر بووە، دوای ماوەیەکی کەم لە فڕینی لە ماڵتا، کە بەرەو شاری میسراتە لە لیبیا دەچوو، کاتژمێر (8:30 بە کاتی هەولێر)ی رۆژی دووشەممە 24ـی تشرینی یەکەمی 2016 کەوتووەتە خوارەوە.}

^{بەپێی زانیارییەکان، فڕۆکەکە 10 سەرنشینی لەسەر بووە، و بەرپرسی ئاژانسی فرۆنتیکسی ئەوروپی بوون، کە تایبەتمەندن بە چاودێریکردنی سنوورەکانی یەکێتیی ئەوروپا و پێنج کەسیان گیانیان لەدەست داوە.}

^24/10/2016

دوای ئازادكردنی مووسڵ هەڵدانەوەی گۆڕە بەكۆمەڵەكان دەست پێ دەكات

^{دوای پرۆسەی ئازادكردنی ناوچە كوردستانییەكانی سنووری پارێزگای مووسڵ كە هێزەكانی پێشمەرگە ئەنجامیان داوە تیمەكانی هەڵگرتنەوەی گۆڕە بەكۆمەڵەكانی هەرێمی كوردستان كارەكانیان ئەنجام دەدەن.}

^{پەروین نووری، بەرێوەبەری گشتیی گۆڕە بەكۆمەڵەكان لە وەزارەتی كاروباری شەهیدان و ئەنفالكراوانی هەرێم بە (باسنیوز)ی ڕاگەیان: "ئێمە زانیاری و دڵنیایی تەواومان هەیە لە بوونی چەندان گۆڕی بەكۆمەڵ لەو ناوچە تازە ئازادكراوانەی كوردستان كە لەماوەی هەشت ڕۆژی ڕابردوودا هێزەكانی پێشمەرگە لە چوارچێوەی پرۆسەی ئازادكردنەوەی مووسڵدا ئازادیان كردوون، بەڵام ئێستا ئێمە هیچ تیمێكی هەڵدانەوەی ئەو گۆڕانە ڕەوانە ناكەین، چونكە پرۆسە سەربازییەكان ئاستەنگیان بۆ دروست دەبێت، هەروەها دوای ئەو پرۆسەیە تیمەکانی ئێمە گڵۆپی سەوزمان بۆ هەڵدەكرێت و ئێمەش تیمەكانمان بۆ ئەو ناوچانە دەنێرین."}

^{ئاماژەی بۆ ئەوەش كرد "تیمەكانیان ئامادەی پرۆسەی هەڵدانەوەی گۆڕەكانن، بەڵام لەو ناوچە تازە ئازادكراوانە هێشتا ئاسایش بەرقەرار نییە، چونكە لە بەرەكانی جەنگەوە نزیكن، بۆیە ئێمە بڕیاری ناردنی تیمەكانمان نەداوە."}

^24/10/2016

نوێنەرێکی کوردانی ئێزدی سەردانی عەمار حەکیم دەکات

^{نوێنەرێکی کوردانی ئێزدی سەردانی سەرۆکی هاوپەیمانیی نیشتیمانیی شیعەکان دەکات و تاوتوێی بارودۆخی مووسڵ دوای رزگارکردنەوەی دەکەن.}

^{بەپێی هەواڵێکی ماڵپەڕی فەرمیی هاوپەیمانیی نیشتیمانی، ئێوارەی رۆژی شەممە 22ـی تشرینی یەکەمی 2016، عەمار حەکیم، سەرۆکی هاوپەیمانییەکە و فاروق تەحسین بەگ، کوڕی میری ئێزدییان و یەکێک لە کەسایەتییە باڵاکانی ئێزدییان لە شاری بەغدا کۆ بوونەتەوە.}

^{عەمار حەکیم و فاروق تەحسین بەگ گفتوگۆیان لەبارەی دوایین پێشهات و پەرەسەندنەکانی ئۆپەراسیۆنی رزگارکردنەوەی مووسڵ کردووە، بە تایبەتی قۆناغی دوای رزگارکردنەوەکە و چۆنێتیی ئیدارەدانی پارێزگای نەینەوا.}

^{لە مانگی حوزەیرانی 2014 و لە سەردەمی سەرۆک وەزیرانێتیی نوری مالیکی، دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی داعش داگیر کرا.}

^23/10/2016

کرماشان.. ناسنامەی ٢٠ بەندکراوی کوردی مەحکووم بە سێدارە بڵاو کرایەوە

^{دەیان هاووڵاتیی کورد کە سزای سێدارەیان بەسەردا سەپاوە لە زیندانی "دیزڵ ئاوا"ی شاری کرماشان چاوەڕوانی بەڕێوەچوونی سزاکەیان دەکەن.}

^{بەپێی راپۆرتی ماڵپەڕی مافی مرۆڤیی (هەنگاو) زیاتر لە سەد هاووڵاتیی کوردی مەحکووم بە سزای سێدارە لە زیندانی دیزڵ ئاوای شاری کرماشان راگیراون کە ناسنامەی 20 کەسیان لەلایەن ماڵپەڕی (هەنگاو)ەوە ئاشکرا بووە.}

^{بەپێی هەمان سەرچاوە ناسنامەی ئەو 20 هاووڵاتییە کوردە بەشێوەی خوارەوە راگەیاندراوە:}

^{1_ عەلی سوهرابی، خەڵکی کرێند}
^{2_ مێهران ئەشرەفی، خەڵکی کەنگەڤەر (کەنگاوەر)}
^{3_ بەختیار محەمەدی، خەڵکی ڕوانسەر}
^{4_ مێهرداد کەرەمی، خەڵکی کرماشان}
^{5_ حوسێن زەنگەنە، خەڵکی ئیسلام‌ئاوا}
^{6_ ئیلاهی ئەحمەدیان، خەڵکی کرماشان}
^{7_ فەریبۆرز عەبدوڵڵاهی، خەڵکی کرماشان}

^{8_ مێهرداد عەسکەری، خەڵی حومەیل}
^{9_ سیرووس کەریمی، خەڵکی کرماشان}
^{10_ خەیام کەریمی، خەڵکی کرماشان}
^{11_ یەزدان فرووشانی، خەڵکی کرماشان}
^{12_ عەبدولڕەحمان موزەفەری، خەڵکی قوروە}
^{13_ مەسعوود وەکێڵی، خەڵکی جوانڕۆ}
^{14_ ئەشرەف حوسێنی، خەڵکی کرماشان}
^{15_ محەممەد بازانی ،خەڵکی جوانڕۆ}
^{16_ بەهمەن فەتحی، خەڵکی جوانڕۆ}
^{17_ سینا ئەحمەدی، خەڵکی سونقوڕ}
^{18_ کەیوان فوادفەڕ، خەڵکی پاوە}
^{19_ئیمان شێخی، خەلکی سەحنە}
^{20_ مەسعوود داستان، خەڵکی مەریوان}

^{هەمان سەرچاوە ئاشکرای کردووە سەرجەمی ئەم کەسانە بە تۆمەتی "کوشتنی ئەنقەست و تاوانەکانی پەیوەندیدار بە ماددە سڕکەرەکان" سزای سێدارەیان بەسەردا سەپێندراوە.}

^{یەکێک لە نزیکانی حوسێن زەنگەنە بەهەواڵنیری (هەنگاوی)ی گوتووە "زیاتر لە سەد زیندانیی مەحکووم بە سزای سێدارە لەو زیندانە راگیراون".}

^{ئەمە لە حاڵێک دایە کە بەپێی ئامارە نافەرمییەکان زیاتر لە 500 زیندانی مەحکووم بە سزای سێدارە لە زیندانی دێزڵ ئاوای شاری کرماشان ڕاگیراون.}

^{زیندانی کرماشان یەکێک لەو زیندانانە بە ئەژمار دێت کە کەمترین راپۆرتی تایبەت بە دۆخی نێو زیندان و هەواڵی مافی مرۆڤی لێ بڵاو دەکرێتەوە و ئەمەش دەرخەری ئەوەیە کە بەرپرسانی ئەو زیندانە بۆ دزە نەکردنی ئەو هەواڵانە رێوشوێنی ئەمنیی توندیان گرتووەتە پێش.}

^23/10/2016

پەیامی سەرۆكی هەرێمی كوردستان بۆ هاووڵاتیانی شاری كەركووك

سەرۆکی هەرێمی کوردستان، پەیامێکی بەبۆنەی پەلامارەکەی داعش بۆ سەر شاری کەرکووک بڵاو کردەوە.

^{ئەمەش دەقی پەیامەکەی سەرۆک بارزانی‌یە:}

^{پەیامی سەرۆكی هەرێمی كوردستان بۆ هاووڵاتیانی شاری كەركووك}

^{بەناوی خودای بەخشندە و میهرەبان}

^{سەبارەت بە پەلاماری ڕۆژی هەینی 21ـی 10ـی 2016 بۆ سەر شاری كەركووك سوپاسی خۆڕاگری و هاوكاریی دانیشتوانی خۆشەویستی شاری كەركووك و دەزگە ئەمنییەكان دەكەم و پرسە و سەرەخۆشیی خۆم بۆ كەسوكاری شەهیدانی پەلامارە تیرۆریستییەكە ڕادەگەیێنم و هیوای چاكبوونەوە بۆ برینداران دەخوازم.}

^{ئەو پەلامارە هەوڵێكی بێهوودەی تیرۆریستانە بۆ قەرەبووی شكستەكانیان لەبەرانبەر پێشمەرگە لە بەرەكانی شەڕ. لەگەڵ ئەوەیش هاووڵاتیانی شاری كەركووك و هەموو گەلی كوردستان لەوە دڵنیا دەكەمەوە كە پشت بە خوای مەزن بە ئیرادەیەكی بەهێز و بە یەكڕیزیی پێشمەرگە و جەماوەری دڵسۆز ڕووبەڕووی تیرۆریستان دەوەستینەوە و هەوڵەكانیان تێكدەشكێنین.}

^{هەر لە سەرەتای پەلامارەكەی ڕۆژی هەینی بە وردی بەدواداچوونم بۆ دۆخەكە كردووە و بەڕێز جێگری سەرۆكی هەرێم و پارێزگای كەركووك و ژمارەیەك لە بەرپرسانی سەربازی و ئەمنیم ڕاسپاردووە كە بە پەلە كۆنتڕۆڵی دۆخەكە بكەن و ئەو بەڕێزانە دەستەڵاتی تەواویان هەیە كە ڕێوشوێنی پێویست بۆ پێداچوونەوە بە پلانی ئەمنیی شارەكە و سنووری پارێزگای كەركووك بگرنە بەر و ئەویش لەپێناو پاراستنی كەركووك و هاووڵاتیانی سنووری ئەو پارێزگایە و ڕێگەگرتن لە پەلامار و دەستدرێژی تیرۆریستان و هەر ڕووداوێكی نەخوازراوە. بە هەر نرخێك بێت پێویستە كەركووك پارێزراو دەبێت و ناكەوێتەوە دەستی دوژمنان.}

^{مسعود بارزانی}

^{22ـی 10ـی 2016}

عەبادی: دوای 25 ساڵ هێزەکانمان چوونە نێو هەرێمی کوردستان

^{حەیدەر عەبادی لە کۆنگرەی ئەنجوومەنی باڵای رابوونی ئیسلامی}

^{سەرۆکوەزیرانی عێراق، رایگەیاند بۆیەکەمینجارە پێشمەرگە و هێزەکانی عێراقی شانبەشانی یەکدی شەڕ دەکەن، داعش سەرجەم پێکهاتەکانی عێراقی یەکخست. دەشڵێت "تورکیا شەڕی داعش ناکات، بەڵکو شەڕی بەرژەوەندییەکانی دەکات".}

^{رۆژی شەممە،22-10-2016 حەیدەر عەبادی، سەرۆکوەزیرانی عێراق لە وتارێکدا لە کۆنگرەی ئەنجوومەنی باڵای رابوونی ئیسلامی، جارێکی دیکە رەخنەی تووندی لە تورکیا گرت و رایگەیاند "تورکیا شەڕی چەکدارانی داعش ناکات، بەڵکو شەڕی بەرژەوەندییەکانی دەکات، دەیەوێت هەژموونی خۆی لە ناوچەکەدا فراوان بکات".}

^{عەبادی ئاماژەی بەوەشکرد، "ئێمە لە دوایین قۆناخی بوونی سەربازی تیرۆریستانداین لە عێراقدا، بەمنزیکانەش تیرۆری داعشی لە نێو دەبەین، گەلەکەشمان لە دژی تیرۆر یەکگرتووە".}

^{فەرماندەی گشتی هێزە چەکدارەکانی عێراق دەڵێت"شەڕی موسڵ هەموو عێراقییەکانی یەکخست، موسڵمان لەپاڵ مەسیحی و ئێزدی شەڕدەکات، کورد شانبەشانی عەرەب و تورکمان بەهەمانشێوە شەڕ دەکەن" سەرۆکوەزیرانی عێراقی دەشڵێت،" دوای 25 ساڵ، یەکەمینجارە، هێزەکانی فیدراڵی شانبەشانی پێشمەرگە شەڕ دەکەن و هێزەکانی فیدراڵی دەچنە نێو هەرێمی کوردستان".}

^{ئەمڕۆ شەممە 22-10-2016، بە ئامادەبوونی حەیدەر عەبادی، سەرۆکوەزیران ، سەلیم جبوری،سەرۆکی پەرلەمانی عێراق، عەمار حەکیم و نووری مالیکی، عەلی ئەکبەر ویلایەتی راوێژکاری سیاسەتی دەرەوەی رێبەری ئێران و سەڵاحەدین بەهائەدین، ئەمینداری یەکگرتووی ئیسلامی بە بەشداری 26 وڵاتی عەرەبی و ئیسلامی ، کۆنگرەی ئەنجوومەنی باڵای رابوونی ئیسلامی شاری بەغدا بە بەشداری 26 وڵات دەستی بەکارەکانی کرد.}

^22/10/2016

ئەمریکا داوای بەشداریی سوپای تورکیا لە شەڕی مووسڵ دەکات

^{وەزیری بەرگریی ئەمریکا داوای بەشداریکردنی تورکیا لە ئۆپەراسیۆنی رزگارکردنەوەی مووسڵ دەکات.}

^{ئاشتۆن کارتەر، وەزیری بەرگریی ئەمریکا لە سەردانێکی کورتدا لە ئەنقەرە رایگەیاندووە، کە ”لەو باوەڕەدام“ رێککەوتنێکی سەرەتایی لە نێوان عێراق و تورکیا ئەنجام دراوە.}

^{ئاشتۆن کارتەر ئاماژەی ەبوەش کردووە، کە هاوپەیمانان، عێراق و تورکیا خەریکی داڕشتنی پلانی چۆنێتیی بەشداریکردنی تورکیان لە ئۆپەراسیۆنی رزگارکردنەوەی مووسڵ.}

^{وەزیری دەرەوەی ئەمریکا پێیوایە تورکیا دەتوانێ چەند ئەرکێکی بونیادنەر لە ئۆپەراسیۆنەکەدا وەربگرێ و ”تەنها دیاریکردنی ئەرکەکان ماوە“.}

^{هێزێکی سوپای تورکیا، کە ئەسیل نوجەیفی، فەرماندەی هێزی حەشدی نیشتیمانی رایگەیاندووە، بەمەبەستی مەشقکردن بە چەکدارانی هێزەکەی بۆ شەڕکردن لە دژی رێکخراوی توندڕەوی داعش لە ناوچەی باشیک لە سنووری پارێزگای نەینەوا و بەپێی رێککەوتنی حکوومەتی عێراق و تورکیا جێگیرکراوە و بووتە هۆی دروستبوونی ناکۆکی لەنێوان ئەو دوو وڵاتە.}

^{عێراق داوای کشانەوەی ئەو هێزەی سوپای تورکیا دەکات و حکوومەتی تورکیاش رایگەیاندووە، کە سوپای تورکیا ناکتێنەوە و بەشداریی شەڕی رزگارکردنەوەی مووسڵ دەکات.}

^{لە مانگی حوزەیرانی 2014 دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی رێکخراوی توندڕەوی داعش داگیر کرا.}

^22/10/2016

فەرماندەیەک: هیچ هێزێک بەبێ رەزامەندیی وەزارەتی پێشمەرگە نایەتە کەرکووکەوە

^{فەرماندەیەکی هێزی پێشمەرگەی کوردستان، ئاماژە بەوە دەکات، زۆربەی داعشەکان لە ناوچە عەرەبنشینەکانی کەرکووک خۆیان جێگیر کردووە و هیچ هێزێکیش بەبێ رەزامەندیی وەزارەتی پێشمەرگە و ڕککەوتن نایەتە شارەکەوە.}

^{عەبدوڵا بۆر، فەرماندەی هێزی پێشمەرگەی کوردستان، لە محیوەری گەرمەسێر بە (باسنیوز)ی راگەیاند، زانیاریی هەیە کە چەند هێزێکی پشتیوانی بۆ پارێزگاری لە هاووڵاتیانی کەرکووک، ڕەوانەی شارەکە کراون، کە ئەم بڕیارە لەلایەن حەیدەر عەبادی، سەرۆک وەزیرانی عێراقەوە بووە، بەڵام هاتنی هەر هێزێک بۆ شارەکە بەبێ رەزامەندیی وەزارەتی پێشمەرگە و دەزگا ئەمنییەکانی ئەو شارە ناکرێت."}

^{ئەو فەرماندەیەی پێشمەرگە گوتیشی: "رەوشی شاری کەرکووک لە بەرەبەیانی ئەمڕۆوە زۆر باش بووە، راستە دوێنێ هەینی داعش هێرشی بۆ شارەکە کردووە و دزەیان کردوەتە سەنتەری شار، بەڵام ئێستا دۆخەکە ئارامە، بەڵام لە هەندێک ناوچە عەرەبییەکان پێکدادان هەیە، لە ماوەیەکی کەمدا سەرجەم ئەو ناوچانەیان لێ پاک دەکرێتەوە و داوا لە خەڵکی شاری کەرکووک دەکەین هاوکاریی هێزە ئەمنییەکان بکەن".}

^{ڕاشیگەیاند: "ئەوەی داعش کردوویەتی بۆ دوورخستنەوەی بەرەی جەنگە لە مووسڵ ئێستا داعش دەیەوێت تاکتیکی شەڕ بەرەو ئاراستەی مووسڵ بگۆڕێت و فشار لەسەر کەرکووک دابنێت، چونکە تاکتیکی ئەمجارەیان ئەوەیە کە دزە بکەنە ناو شارەکان و لەوێ هێزەکان سەرقاڵ بکەن".}
^{عەبدوڵا بۆر ئەوەشی خستەڕوو: "زۆربەی چەکدارانی داعش بەناوی ئاوارەەوە هاتوون و لە ناوچە عەرەب نشینەکان نیشتەجێ بوون.}

^22/10/2016

سێ ئێرانی لە وێستگەی کارەبای دووبز کوژران

^{سەرۆكی ئەنجوومەنی قەزای دووبز رایگەیاند، لەو هێرشەی كراوەتە سەر وێستگەی كارەبای دووبز "12 کوژراو ‌و 12بریندار هەن ‌و سێ‌ لە کوژراوەکان بە رەگەز ئێرانین".}

^{جاسم عەبدولڕەحمان، سەرۆكی ئەنجوومەنی قەزا دووبز بە (تۆڕی میدیایی رووداو) ی راگەیاند، بەرەبەیانی ئەمڕۆ هەینی 21-10-2016، سێ‌ خۆكوژی داعش هێرشیان كردووەتە سەر وێستگەی كارەبای دووبز و خۆیان تەقاندووەتەوە.}

^{سەرۆكی ئەنجوومەنی قەزای دووبز گوتی "بەهۆی ئەو تەقینەوانەوە 12 کوژراو ‌و 10بریندار هەیە ‌و سێ‌ لە کوژراوەکان بە رەگەز ئێرانین ‌و كارمەندی كۆمپانیایەكی ئێرانین كە لە وێستگەكەدا كار دەكەن".}

^{سەرۆكی ئەنجوومەنی قەزای دووبز باسی لەوەش كرد"ئەو سێ‌ خۆكوژەی داعش تەنیا یەكێكیان خۆی تەقاندووەتەوە ‌و دوانەكەی دیكە پێش خۆ تەقاندنەوەیان بە فیشەك كوژراون".}

^{لە كاژێر 3:30 خولەكی بەرەبەیانی هەینی 21-10-2016 لە قەزای دووبز ‌و شاری كەركووك داعش هێرشیان كردە سەر چەند شوێنێك، تاوەكو ئێستاش شەڕ و پێكدادان بەردەوامە.}

^21/10/2016

حیزبەکانی رۆژهەڵاتی کوردستان لەهەوڵی پێکهێنانی بەرەیەکی هاوبەشن

^{حیزبەکانی رۆژهەڵاتی کوردستان لەمێژە هەوڵ دەدەن گرێی پێکهێنانی بەرەیەکی هاوبەش بکەنەوە. بەڵام هێشتا نەیانتوانیوە. خۆیان نایشارنەوە، کە هۆکارێکی سەرەکی جیابوونەوەکانە.}

^{عەبدوڵڵا موهتەدی، سکرتێری گشتی کۆمەڵەی شۆڕشگێڕی زەحمەتکێشانی کوردستانی ئێران، ئەمساڵ بۆ دوو جار هەوڵی تواندنەوەی ئەم بەستەڵەکەی داوە. دوایین جار چەند رۆژ پێش بوو کە گوتی: "ئامادەن لەگەڵ هەموو لایەنەکانی دیکە بەرەیەک پێک بێنن. ئەو باسی لە هیچ مەرجێک نەکرد".}

^{عەبدوڵڵا موهتەدی، سكرتێری گشتی كۆمەلەی شۆرشگیری زەحمەتكێشانی كوردستانی ئێران بە تۆڕی میدیایی رووداوی راگەیاند: " بەچەند شێواز و لە چەند بواردا بتوانین ئەو كارە بكەین، یەكیان بەرەیەكی كوردستانی كە دەمێكە هەوڵی بۆ دەدەین پێمانوایە لەوە زیاتر نەخرێتە دواوە، دووەم كۆنگرەیەكی نەتەوەیی رۆژهەڵاتی كوردستان كە بگیرێت و لە هەموو كەسایەتی لایەن و حزبەكانەوە، سێیەم هەماهەنگی و هاوكاری چڕ و پڕ لە بواری چاڵاكی پێشمەرگانەدا، كۆتاش حزبەكان لەنێو خۆیاندا لانیكەم پلاتفۆرمێك هەبێت بۆ كاركردنی هاوبەش".}

^{هیچ حیزبێکی رۆژهەڵاتی کوردستان نییە، کە گرنگی پێکهاتنی بەرە رەتبکاتەوە. تەنانەت لە کۆڕ و کۆبوونەوەکانی خۆشیاندا. بۆ کەمکردنەوەی ناکۆکییەکان، عەبدوڵڵا موهتەدی چەند مانگ پێش، پێشنیازی پێکهاتنی بەرەیەک لە لایەنەکانی کۆمەڵە خستەڕوو. بەڵام پێشوازییەکی ئەوتۆی لێنەکرا.}

^{ئیبراهیم عەلیزادە، سكرتێری كۆمەڵەی رێكخراوی كۆمۆنیستی ئێران بە تۆڕی میدیایی رووداوی راگەیاند" یەكبوون و یەكگرتن لە رووی سیاسەت و ستراتیژ دەبێت رێگەیەكی بۆ ببینەوە بۆ ئەوە بتوانین پێكەوە كاری هاوبەش بكەین، ئەو حیزبانەی كە جیابوونەتەوە بەشێوەیەكی وا كار بكەین كە گفتوگۆی بەردەوام هەبێت لە نێوانیاندا بۆ بەردەوامبوونی هاوكاری لەسەر كاری كۆنكرێتی".}

^{کێشەیەکی لایەنەکانی رۆژهەڵاتی کوردستان، خۆ بە تەوەر زانینە. بەشێکیشی بۆ جیاوازی لە بۆچوون و روانگەکانی ئەو حیزبانە سەبارەت بە پرسە تاکتیکی و رۆژانەکان دەگەڕێتەوە.}

^{كەریم سەقزی، بەرپرسی پەیوەندییەكانی حیزبی دیموكراتی كوردستان لە سلێمانی بە تۆڕی میدیایی رووداوی راگەیاند "هەر داوایەك بۆ هاوكاریكردن و پێكهێنانی بەرە بۆ ئەوەیی بتوانین ئەم كێشە و ململانێیانە بەجارێك چارەسەر بكەین، چونكە ئێمە دووژمنیێكی هاوبەش و خاكێكی هاوبەشمان هەیە بۆ ئەوەی پێكەوە كار بكەین بۆ داهاتووی رۆژهەڵاتی کوردستان".}

^{خاڵە هاوبەش و سەرەکییەکانی نێوان حیزبەکانی رۆژهەڵاتی کوردستان زۆرن. بەڵام لە ئاست یەکتردا ئەوەندەی گرنگی بە پرسە لاوەکییەکان دراوە، گرنگی بە ئامانجە گشتییەکان نەدراوە. ئامانجگەلێک دەتوانێت کۆسپەکانی سەرڕێی یەکگرتن و پێکەوە هاوکاری، هەموار بکات.}

چاوپێکەوتن

شاندێکی بزووتنەوەی کۆماریخوازانی رۆژھەڵاتی کوردستان سەردانی یەکگرتووی ئیسلامی کوردستانی یان کرد

شاندی پارتی دێموکڕاتی کورد لە سوریە سەردانی بزووتنەوەی کۆماریخوازانی رۆژهەڵاتی کوردستانی کرد

شاندێکی بزووتنەوەی کۆماریخوازانی رۆژهەڵاتی کوردستان سەردانی حیزبی دێموکراتی کوردستانی ئێران لە شاری هەولێریان کرد

شاندێکی بزووتنەوەی کۆماریخوازان سەردانی مەڵبەندیی سێ یەکێتی نیشتیمانی کوردستان کرد

فه‌رهه‌نگ‌ و هونه‌ر

تایه‌ری خه‌لیلی.. ئه‌و هونه‌رمه‌نده‌ی له‌ڕێی ‌سروودی(له‌قه‌ندیلی سه‌ربه‌رزه‌وه‌) ناسیمان...!

جمێشت کۆماریخوازیەل جەژنێ خاوەنکار وە گشت ئەهلێ یاری کوردستان پیرۆزبایی کەی

بەدرخان؛ بیرەوەریی مستۆ دادار بڵاودەکاتەوە

رادیۆ کوردی کرماشان و رۆڵی لە بوژاندنەوەی گۆرانی مووسیقی کوردی دا

پیاوێک و شارایەک بەرهەمی دەستنووس

په‌یوه‌ندی راسته‌وخۆ

گه‌ڕان

Articles

نیشانەکانی کۆتایی هاتنی داعش لە مووسڵ دەرکەوتن

کونسووڵخانەی ئەمەریکا لە هەولێر پرۆگرامی گەنجانی سەرکردەی ٢٠١٧ وەردەگرێت

رێژەی ترانزێتی کەلوپەل لە ئێران 33% دابەزیووە

بارزانی و سەرۆكوەزیرانی سوێد لە كۆبوونەوەدان

محەمەدسدیق کەبوودوەند 3400 ڕۆژە لە زیندانە

فڕۆکەیەکی چاودێریی سنوورەکانی یەکێتیی ئەوروپا دەکەوێتە خوارەوە

دوای ئازادكردنی مووسڵ هەڵدانەوەی گۆڕە بەكۆمەڵەكان دەست پێ دەكات

نوێنەرێکی کوردانی ئێزدی سەردانی عەمار حەکیم دەکات

کرماشان.. ناسنامەی ٢٠ بەندکراوی کوردی مەحکووم بە سێدارە بڵاو کرایەوە

پەیامی سەرۆكی هەرێمی كوردستان بۆ هاووڵاتیانی شاری كەركووك

عەبادی: دوای 25 ساڵ هێزەکانمان چوونە نێو هەرێمی کوردستان

ئەمریکا داوای بەشداریی سوپای تورکیا لە شەڕی مووسڵ دەکات

فەرماندەیەک: هیچ هێزێک بەبێ رەزامەندیی وەزارەتی پێشمەرگە نایەتە کەرکووکەوە

سێ ئێرانی لە وێستگەی کارەبای دووبز کوژران

حیزبەکانی رۆژهەڵاتی کوردستان لەهەوڵی پێکهێنانی بەرەیەکی هاوبەشن

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM