^{جێگری وەزیری نەوتی ئێران سەبارەت بە هۆکاری ئاگرکەوتنەوەکەی پترۆکیمیایی کرماشان رایگەیاند، بڕێکی زۆری گازی (لایت ئێند) لە بەشی سەرەوەی کۆگایەکی پترۆکیمیایی کۆبووەتەوەو بەهۆی چەخمایەکەوە ئاگری گرتووە.}

^{کۆگای 504ی پترۆکیمیایی بێستوون کە ماددەی سوتەمەنی لایکی تێدا بوو، دوای نیوەڕۆی رۆژی هەینی ئاگری گرت و دوای شەش کاژێر کۆنترۆڵکرا. هێشتا رێژەی زەرەر و زیانەکانی ئەو ئاگرکەوتنەوەیە دیاری نەکراوە. بەڵام لیژنەیەک بۆ ئەم مەبەستە پێکهاتووە.}

^{کۆمەڵگای پترۆکیمیایی بێستوون، دەکەوێتە 15 کیلۆمەتری شاری کرماشان، ئەم پترۆکیمیاییە ساڵانە پێویستی بە 386 هەزار تۆن نەوتی سپی و 19 هەزار تۆن بەنزین هەیە، کە نەوتە سپییەکەی لە پاڵاوگەی کرماشان و بەنزینەکەشی لە کۆمەڵگای پترۆکیمیایی بەندەری ئیمام لە باشووری ئێران و لە ئیسفەهان دابین دەبێت.}

^{ئەم پترۆکیمیاییە لە رووبەرێکی 63 هێکتاریدا دروستکراوە و 500 فەرمانبەری هەیە. ئاگر گرتنی پترۆکیمیای بێستوون، نۆیەمین حاڵەتی ئاگرکەوتنەوەیە لە پترۆکیمیاییەکانی ئێراندا.}

^{یەک هەفتە پێش لە یەکێک لە گوندەکانی نزیک شاری پۆلدۆختەر لە پارێزگای لوڕستان، بۆری گواستنەوەی پترۆکیمیایی باشووری ئێران بۆ کۆمەڵگاکانی پترۆکیمیایی رۆژهەڵاتی کوردستان تەقییەوە و ئاگری گرت.}

^30/7/2016

^{رێكخراوی سەربەخۆی مافەكانی مرۆڤ (هیومان رایتس وۆچ) رایگەیاند كە حكوومەتی عێراق بە تۆمەتی تیرۆر؛ هەزاران منداڵی دەستگیر كردووە و ئەشكەنجەی داون.}

^{رێكخراوەكە بڵاوی كردەوە منداڵانی عێراقی بە تۆمەتی تیرۆر؛ تووشی ئەشكەنجە و ئازاری زۆر لە گرتووخانەكان بوونەتەوە و حكومەتی عێراقی بە شێوەیەكی هەڕەمەكی دەستگیری كردوون.
هیومەن رایتس وۆچ؛ داواشی كرد كە منداڵەكان ئازاد بكرێن و چیتر یاساكانی نێودەوڵەتی پێشێل نەكرێن.}

^{بەپێی راپۆرتەكەی رێكخراوی مافەكانی مرۆڤ؛ لە ئێستەدا 314 منداڵی بێ تاوان لە گرتووخانەكانی عێراقدان كە هەموویان بە تۆمەتی تیرۆر دەستگیر كراون.}

^29/7/2016

^{مۆتی کاهانا سه‌رۆکی ڕێکخراوی خێرخوازی ئه‌مه‌لییه‌، که‌ ده‌وڵه‌ندێکی خێرخوازی ئه‌مه‌ریکی ئیسرائیلییه‌ به‌رۆژنامەی "جۆرسەلیم پۆست"ی ڕاگه‌یاندووە لە دوای پێنج ساڵ له‌ شه‌ڕی سووریا، حکومه‌تی ئیسرائیل ڕازی بووە سنووری خۆی بۆ یه‌که‌م جار بۆ هاوکاریی مرۆیی بکاته‌وه‌.}

<sup>کاهانه‌ گوتی "حکومه‌تی سووریا له‌سه‌ر سێ جۆره‌ که‌لوپه‌ل ڕازی بووه، پزیشکی و فێرکاری و خۆراک که‌ ده‌گه‌یه‌ندرێنه‌ سه‌ر سنووری هاوبه‌شی هه‌ردوو وڵات، به‌ڵام کارمه‌ندانی ڕێکخراوه‌که‌ نابێت بپه‌ڕنه‌وه‌ نێو خاکی سووریا".

ماوەی پێنج ساڵە لە سووریا شەڕێكی خوێناوی هەیە و چەندین ملیۆن لە دانیشتووانی ئەو وڵاتە ئاوارەبوون و زیاتر لە نیو ملیۆن هاووڵاتییش كوژراون.

كاهانا لە 28-2-1968 لە جۆرسەلیم لەدایك بووە و جوولەیەكەی بەرەگەز رۆمانییە، وەك خێرخوازترین جولەكە لە شەڕی سوریادا ناسراوە.</sup>

^29/7/2016

^{پاپای ڤاتیکان پاپا فرانسیس ڕایگه‌یاند ئه‌و هێرشانه‌ی که‌ له‌ جیهاندا ده‌کرێن، شه‌ڕی ئایینی نین، به‌ڵکو شه‌ڕی کۆنتڕۆڵکردنی خه‌ڵک و ئابووریین.}

^{پاپا گوتی "ده‌توانین ئه‌و هێرشانه‌ به‌ شه‌ڕی جیهانی سێیه‌م ناو ببه‌ین، ئه‌وانە شه‌ڕی ئایینی نین، ئایینی ئاسمانی شه‌ڕ ناخوازن، به‌ڵکو شه‌ڕی کۆنترۆڵکردنی خه‌ڵک و به‌رژه‌وه‌ندیی ئابووریین".}

^{گوتیشی "وه‌سفکردنی به‌نه‌بوونی ئاسایشیش هه‌ر هه‌ڵه‌یه‌، به‌ڵکو ئه‌مه‌ شه‌ڕه‌، ئێمه‌ له‌شه‌ڕداین و ده‌بێ له‌ ئاشتی بگه‌ڕێین".}

^29/7/2016

^{سەرچاوەیەکی سیاسی ئاماژە بەوە دەکات کە ئێران بنکەیەکی سەربازیی مەشق و راهێنانی لە خورماتوو کردووەتەوە و مەشق و ڕاهێنان بە حەشدی شەعبی دەکات.
ئەمڕۆ پێنجشەممە 28\7\2016، سەرچاوەیەکی سیاسی لە شاری خورماتووەوە بە (باسنیوز)ی ڕاگەیاند: “لە نێوان سلێمان بەگ و شاری خورماتوو، بنکەیەکی سەربازی دانراوە کە ڕاوێژکار و سەربازانی ئێرانی سەرپەرشتیاریی مەشق و ڕاهێنان بە حەشدی شەعبی دەکەن”. ڕوونیشی کردەوە کە بەپێی زانیارییەکانی ئەوان، لەو بنکەیەدا مەشق لەسەر جۆری چەکەکان و چۆنیەتیی بەکارهێنانیان و پلانی شەڕکردن دەکرێت.
جەختیشی لەوە کردەوە کە زانیارییان سەبارەت بە بوونی فەرماندەی باڵای ئێران لەنێو بنکەکەدا هەیە، بەو هۆیەوە خەڵک تووشی ترس و دڵەڕاوکێ بوون.}

^28/7/2016

^{ئه‌نجوومه‌ی باڵای شوورای سه‌ربازی توركیا كۆبووەوه‌}

^{ئه‌نجوومه‌نی باڵای شوورای سه‌ربازی توركیا به‌سه‌رۆكایه‌تی بیناڵی یڵدرم سه‌رۆكوه‌زیرانی توركیا له‌ ئه‌نکه‌ره‌ كۆبوونه‌وه‌ی ساڵانه‌ی خۆی سازكردو چاوه‌ڕوانی دەکرێت بڕیاری گرنگ و چاره‌نووسساز له‌باره‌ی پێكهاته‌ی سوپای توركیاوە بدرێت.}

^{له‌ كۆبوونه‌وه‌كه‌دا مژاری سه‌ره‌كیی چۆنیه‌تی ئه‌نجامدانی هه‌وڵی كوده‌تا سه‌ربازییه‌كه‌ ده‌بێت و پاشان مژاره‌كانی پڕكردنه‌وه‌ی بۆشایی 151 ژه‌نه‌راڵی له‌كارلادراو، گۆڕانكاری له‌ پێكهاته‌ی سوپا به‌شێوه‌یه‌كی گشتیی، فه‌رمانه‌كانی به‌رزكردنه‌وه‌ی پله‌ سه‌ربازییه‌كان و خانه‌نشینكردنه‌كان ده‌خرێنه‌ به‌رباس و لێكۆڵینه‌وه‌.}

^{چاوه‌ڕوان ده‌كرێت ئه‌نجوومه‌نه‌كه‌ بڕیار له‌سه‌ر ئه‌وه‌ بدات ره‌جه‌ب ته‌یب ئه‌ردۆغان به‌كردار ببێته‌ فه‌رمانده‌ی گشتیی هێزه‌ چه‌كداره‌كانی توركیا وێڕای پۆسته‌كه‌ی و بڕیار له‌سه‌ر مانه‌وه‌ یان خانه‌نشینكردنی ژه‌نه‌راڵ خولوسی ئه‌كار سه‌رۆكی ئه‌ركانی گشتیی سوپای توركیا بدرێت.}

^{هه‌روه‌ها بڕیاره‌ نوێیه‌كان له‌ چوارچێوه‌ی باری نائاسایی بۆ هه‌مواركردنه‌وه‌ی به‌شێك له‌ مادده‌كانی په‌یوه‌ست به‌یاسای سوپا و كارپێكردنی سیسته‌می قه‌ڵغانی سوپا تاوتوێ ده‌كرێت.}

^{پێكهاته‌ی ئه‌نجوومه‌نی باڵای شوورای سه‌ربازیی له‌ سه‌رۆككۆمار، سه‌رۆكوه‌زیران، سه‌رۆكی ئه‌ركانی گشتیی سوپا، فه‌رمانده‌ی هێزه‌كانی وشكانی و ئاسمانی و ده‌ریایی و سوپای یه‌ك و دوو و هێزه‌كانی جه‌ندرمه‌و وه‌زیری به‌رگری پێكدێت و وه‌ك نه‌ریتێكی باو كاژێرێك به‌ر له‌ كۆبوونه‌وه‌، ئه‌ندامانی ئه‌نجوومه‌ن سه‌ردانی گۆڕی ئه‌تاتورك ده‌كه‌ن و دڵسۆزی خۆیان بۆ بنه‌ماكانی كۆماریی توركیاو سیكۆلاریزم و پابه‌ندبوون به‌ده‌ستوور نوێ ده‌كه‌نه‌وه‌.}

^{ره‌جه‌ب ته‌یب ئه‌ردۆغان سه‌رۆككۆماری توركیاو ژه‌نه‌راڵ غالیب مه‌ندی فه‌رمانده‌ی هێزه‌كانی جه‌ندرمه‌ به‌هۆی برینداربوونی له‌ شه‌وی كوده‌تا سه‌ربازییه‌كه‌دا به‌شداری كۆبوونه‌وه‌كه‌ ناكات و فه‌رمانده‌ییه‌كانی هێزه‌كانی جه‌ندرمه‌ و پاسه‌وانیی كه‌ناراوه‌كانی ده‌ریایی له‌ پێكهاته‌ی ئه‌نجوومه‌نی باڵای شوورای سه‌ربازیی ده‌رده‌هێندرێت چونكه‌ ده‌خرێنه‌ ژێر ده‌سه‌ڵاتی وه‌زاره‌تی ناوخۆی توركیا.}

^28/7/2016

^{ئەمڕۆ رۆژی جیهانی بەرەنگاربوونەوەی نەخۆشیی ڤایرۆسی جگەرە، کە لەلایەن رێکخراوی تەندروستییەوە دیاریکراوە تاکو لەم رۆژەدا لە رێگەی سیمینار، بڕۆشوور و نامیلکەکانەوە هەمووان لە هەوڵدابن بۆ رێگریکردن لە بڵاووبونەوەی زیاتری نەخۆشییەکە و چارەسەری حاڵەتە تۆمارکراوەکان.}

^{رێکخراوی تەندروستی جیهانی رۆژی 28ی تەمموزی هەمووساڵێکی وەک رۆژی جیهانی بەرەنگاربوونەوەی ڤایرۆسی جگەر دەستنیشانکردووە و دەڵێت ئامانجیان هەنگاونانی زیاتر و دانانی ستراژییەتی نوێیە بۆ رووبەڕووبوونەوەی نەخۆشییەکە.}

^{تەندروستی جیهانی لە 69یەمین کۆبوونەوەی خۆیدا لە مانگی مەی ئەمساڵ ستراتیژییەتێکی نوێی بۆ ساڵانی 2016-2021 راگەیاند، کە بەپێی گووتەکانی ئەوان دەتوانێت 30%ی حاڵەتی نوێی تووشبوون کەمبکاتەوە و 10%ی رێژەی مردن داببەزێنێت بە ڤایرۆسەکە.}

^{لە ستراتیژییەتەکەی رێکخراوی تەندروستی جیهانی هاتووە کە گرنگی زیاتر دەدرێت بە بەکارهێنانی ڤاکسین "پێکوتە" دژی ڤایرۆسی جگەری جۆری B، رێگریکردن لە گواستنەوەی ڤایرۆسەکە لە دایکی دووگیان بۆ کۆرپە و باشترکردنی دەرزی لێدان لە نەخۆشخانەکان تاکو رێگری لە گواستنەوەی نەخۆشییەکە بکرێت.}

^28/7/2016

برێکسیت خەونی بەشێک لە کوردانی بەریتانیای پووچەڵکردەوە

قادر عەزیز، هاوشێوەی سوێدییە رەسەنەكان شانازیی بەوەوە دەكرد كە لە لەندەن دەژی، بەڵام زۆری نەبرد ئەو ژیانەی لێ تێكچوو "بە ناچاری هاتینەوە ستۆكهۆڵم، تا ئێرەشمان لە كیس نەچێ‌".

قادر عەزیز هەورامی كە خەڵكی باشووری كوردستانە و زیاتر لە 40 ساڵە لە سوێد دەژی، دەڵێت ژیانی كوردستانی وەك خەو بەبیر دێت "هەرگیز خۆم وەكو كەسێكی غەیرە سوێدی نەبینیوە، وەك ستۆكهۆڵمییەك چوومە لەندەن بۆ ژیانێكی نوێ، بەڵام شكستمان هێنا".

قادر نموونەی ئەو كوردە سوێدیانەیە كە بۆ پێشخستنی بوار و پیشە بازرگانیەكەیان روویان لە بەریتانیا كردبوو، دوای راگەیاندنی ئەنجامی ریفراندۆمەكەی بەریتانیا بۆ دەرچوون لە یەكێتیی ئەوروپا، دەبێ بگەڕێنەوە ستۆكهۆڵم و ئێستا بیر لە كار و ژیانێكی نوێ دەكەنەوە.

چاویان لە سوێدییەكان كرد

چوونی سوێدییەكان بۆ بەریتانیا و ولایەتە یەكگرتووەكان بۆ كار، مێژوویەكی دێرینی هەیە، ئەو كوردانەی ساڵانێكە لە سوێد دەژین و وڵاتینامەی سوێدیان هەیە، چاو لە سوێدییە رەسەنەكان دەكەن، بەڵام دەرچوونی بەریتانیا لە یەكێتیی ئەوروپا خەونی زۆر لەو كوردانە لەبار دەبات كە بۆ كاركردن چووبوونە ئەو وڵاتە.

زۆر كوردی نیشتەجێی سوێد لەوانەی ساڵانێكی درێژە لەو وڵاتەن، پاش سەركەوتنیان لە سوێد، كۆچیان بەرەو بەریتانیا كردووە.

كەم كوردی دێرینی ستۆكهۆڵم هەیە نەجمەدین حەسەن نەناسێت، چونكە ئەو كەسایەتییەكی پێشەنگ بووە و خاوەنی یەك لە سوپەرماركێتە ناسراوە كوردییەكانی سوێد بوو لە ساڵانی هەشتا و نەوەتەكانی سەددەی رابردوودا، دواتر پرۆژەكانی فراوانتر كرد و دەستی بە بازاڕەكانی لەندەنیش راگەیشت. نەجمەدین دەڵێ "دوای دەرچوونی بەریتانیا لە یەكێتیی ئەوروپا ناچارم بگەڕێمەوە سوێد بۆ ئەوەی بیر لە پرۆژەی دیكە بكەمەوە".

رێكخراوی (سوێدییەكان لە دەرەوە) ئاماری سوێدییەكانی دانیشتووی وڵاتانی جیهانی بە زیاتر لە ملیۆن و نیوێك هەژمار كردووە، بەڵام هیچ ئامارێكی ورد لەبارەی سوێدییەكانی بەریتانیا بڵاونەكراوەتەوە.

نەجمەدین حەسەن دوای بەسەربردنی كەمتر لە 15 ساڵ ژیان لە سوێد، بووە ئەو بازرگانەی زۆر لە سوێدییەكان بیناسن، ئەو گوتی "لەندەن بۆ من ژینگەیەكی لەبار بوو كە بازرگانییەكەی خۆمی تێدا فراوان بكەم".

نەجمەدین كە نزیكەی دوو ساڵ و نیوە چووەتە لەندەن، گوتیشی "زەحمەت بوو ببمە خاوەن رەگەزنامەی بەریتانی، بەپێی پێشبینییەكانیش، دوای دەنگدانی خەڵك بۆ دەرچوونی بەریتانیا لە یەكێتی ئەوروپا، زەحمەتە بتوانین لەم وڵاتە كار بكەین".

قادر عەزیز لەگەڵ ئەوەی بە ئاستێكی بەرزی خوێندن گەیشتووە، بەڵام هەر لە منداڵییەوە خولیای بازرگانی هەبووە. دەڵێت "مانەوەمان لە لەندەن زیاتر لە ستۆكهۆڵمی دوورخستینەوە، دوای شكستمان لە لەندەن، دەبێت لە سفرەوە دەست پێ بكەینەوە".

تارا پێشتر بزنسێكی بچووكی لە بواری جوانكاری و سەرتاشین هەبووە. ئەو توانی ببێتە خاوەنی زۆر شت و پێیوابوو بە گەیشتن بە لەندەن دەتوانێ‌ سەرمایەكەی زۆر زیاد بكات. تارا دەڵێت "خاوەنی زۆرتر لە نیو ملیۆن دۆلار بووم، بەڵام دوای چوونم بۆ لەندەن، پرۆژەكەم شكستی هێنا و ناچارم بگەڕێمەوە سوێد".

تارا بواری ئەوەی نەماوە لە شارە كۆنەكەی خۆی كە دەكەوێتە باشووری سوێد، درێژە بە كارەكەی بدات و هاتووەتە ستۆكهۆڵم. ئەو بە ئەسەفەوە لە ئەنجامی ریفراندۆمەكەی بەریتانیا دەڕوانێت و دەڵێت "بەڕاستی لام سەیر بوو كە هاوڕێ كورد و بیانییەكانم لە لەندەن بە بەڵێ دەنگیان دا بۆ دەرچوونی بەریتانیا لە یەكێتیی ئەوروپا".

وا دەردەكەوێ كە زۆرینەی بیانییەكانی نیشتەجێی بەریتانیا لەوانەی مافی دەنگدانیان هەبووە، بە بەڵێ دەنگیان بۆ دەرچوونی بەریتانیا لە یەكێتیی ئەوروپا دابێت.

هەرچەندە زۆر لەو كوردانەی سوێد كە لە بەریتانیا نیشتەجێ بوون بە ئەسەفەوە لە ئەنجامی گشتپرسییەكە دەڕوانن، بەڵام هەندرێن ئەنوەر كە 12 ساڵە لە لەندەن دەژی و بە "بەڵێ" دەنگی داوە، بە (رووداو)ی گوت "بوونی بەریتانیا لە سنووری یەكێتیی ئەوروپا بۆ من جگە لە زیان هیچ سوودێكی نەبووە".

هەندرێن دەڵێ ئەوان ساڵانێكی زۆر بوو بەدەست ركابەری لەگەڵ كرێكارە پۆڵۆنی و رۆمانییەكانەوە دەیانناڵاند. چونكە كرێكارە ئەوروپییەكان زۆر ئاسانتر لە كرێكارە بە رەچەڵەك رۆژهەڵاتییەكان كاریان دەستدەكەوێت.

چالاك محەممەد، چالاكڤانی كورد لە سوێد كە ماوەیەكی زۆر لە لەندەن ژیاوە، دەڵێت مەسەلەی كرێكارە ئەوروپییەكان هۆكاری سەرەكی بوو بۆئەوەی رۆژهەڵاتییەكان بە "بەڵێ‌" دەنگ بۆ دەرچوونی بەریتانیا لە یەكێتیی ئەوروپا بدەن "ئەوان پێیانوایە رۆمانی و پۆڵۆنی و ئیستۆنییەكان چیدی هەڕەشە نین لە بەردەم كاركردنیان".

28/7/2016

<sup>پێشنوێژێکی مزگەوتێکی فەرەنسا باسی پەیوەندیی خۆی و قەشە مەسیحییەکەی فەرەنسا دەکات، کە رۆژی سێشەممە 26ـی تەمموزی 2016 لەلایەن دوو کەسی توندڕەوەوە سەر بڕدرا.

مەلا محەمەد کرابێلا، پێشنوێژی شارۆچکەی سان ئاتیان دی رۆڤرێی لە باکووری فەرەنسا بە میدیاکانی وڵاتەکەی راگەیاندووە، کە قەشە جاک هامل‌ی تەمەن 84 ساڵ، لە ساڵی 2000 پارچە زەوییەکی کەنیسەکەی بەخشییە موسوڵمانەکانی شارۆچکەکە، بۆ دروستکردنی مزگەوتێک.

مەلا محەمەد کرابێلا باسی ژیانی قەشە جاک هامل دەکات و رایدەگەیەنێت، کە ئەو قەشەیە ژیانی خۆی پێشکەشی خەڵکی کردبوو و ”ئێستا ئێمە بەو رووداوە تووشی شۆک بووین و زۆر ترساوین“.

ئەو پێشنوێژە، کە مزگەوتەکەی لەسەر پارچە زەوییەکی کەنیسەکەی قەشە سەربڕاوەکە دروست کراوە، ئاماژەی بەوە کردووە، کە چەندین جار و لە چەندین بۆنەدا چاوی بە قەشەکە کەوتووە و باسی پێکەوەژیانی ئایینەکانیان کردووە.

مەلا محەمەد کرابێلا باسی ئەنجامدانی توندوتیژی دژی زانایانی ئایینی دەکات و دەڵێت، ”نزیکەی 18 مانگە توندڕەوەکان هاووڵاتییان دەکەنە ئامانج، ئێستا زانا و کەسایەتییە ئاینییەکان دەکوژن، ئەوە هیچ لۆژیکی نییە“.

رۆژی سێشەممە 26ـی تەمموز، دوو کەسی توندڕەو، کە دواتر ئاشکرا بوو سەر بە رێکخراوی توندڕەوی داعش بوون، هەڵیان کوتایە سەر کەنیسەی شارۆچکەی سان ئاتیان دی رۆڤرێی و قەشە و ژمارەیەک هاووڵاتییان بە بارمتە گرت.

دوای بە بارمتەکردنی ئەو هاووڵاتییانە، دوو توندڕەوەکە، کە چەقۆیان پێ بووە، سەری قەشە جاک هامل‌یان بڕی و هاووڵاتییەکیشیان کوشت، دواتر هەردووکیان لەلایەن هێزە ئەمنییەکانەوە کوژران.

مەلا محەمەد کرابێلا و قەشە جاک هامل</sup>

^27/7/2016

^{مەسعود بارزانی، سەرۆكی هەرێمی كوردستان، تەقینەوەكانی شاری قامشلۆ بەتووندی ئیدانەدەكات و پەیامی هاوخەمی بۆ رۆژئاوای كوردستان دەنێرێت.}

^{بارزانی بەپێویستی دەزانێت پارێزگای دهۆك و دامودەزگە پەیوەندیدارەكانی هەرێمی كوردستان بە هەموو توانایەكیان یارمەتیی لێقەوماوان و بریندارانی تەقینەوەكان بدەن.}

^{بەیانی رۆژی چوارشەممە 27-7-2016 دوو تەقینەوەی گەورە لە گەڕەکی غەربی قامشلۆ روویاندا و بەپێی سەرچاوەكانی رووداو تاوەکو ئێستا بەهۆی تەقینەوەکان 31 کەس شەهیدبوون و زیاتر لە 100 کەسی دیکەش برینداربوونە.}

^{كەمێك دوای تەقینەوەكان گرووپی داعش بەرپرسیارییەتی خۆی لە ئەنجامدانی تەقینەوەکان راگەیاند.}

^{پەیامی هاوخەمیی بارزانی بۆ كەسوكاری قوربانیانی ڕووداوە تیرۆریستییەكەی قامیشلو}

^{بەناوی خودای گەورە و میهرەبان}

^{بە پەلامارە تیرۆریستییەكانی سەرلەبەیانیی ڕۆژی چوارشەممە 27ـی 7ـی 2016 بۆ سەر خوشك و براكانمان لە شاری قامیشلوی ڕۆژئاوای كوردستان زۆر دڵتەنگ و خەمناكم كە لە ئەنجامدا ژمارەیەكی زۆر، شەهید و برینداری لێ كەوتووەتەوە .}

^{زۆر بە توندی ئیدانەی ئەو هێرشە دڕندانەی تیرۆریستان دەكەم، سەرەخۆشی لە كەسوكاری شەهیدانی ئەم ڕووداوە دڵتەزێنانە دەكەم و هیوای چاكبوونەوە بۆ برینداران دەخوازم.}

^{پێویستە پارێزگای دهۆك و دامودەزگە پەیوەندیدارەكانی هەرێم بە هەموو توانایەكیان یارمەتیی لێقەوماوان و بریندارانی ڕووداوە تیرۆریستییەكانی قامیشلو بدەن.}

^{مسعود بارزانی}

^{27ـی 7ـی 2016}