^{شاندێکی حکوومەتی هەرێمی کوردستان کە بۆ فیستیڤاڵی کان چونەتە فەڕەنسا، بڕیارە لەگەڵ سەرۆکی ئەو وڵاتە کۆببنەوە و داواکارییەکانی تایبەت بە پێشمەرگەی پێ بگەیەنن.
بەپێی زانیارییەکانی (باسنیوز) لە سەرچاوەیەکی ئاگادارەوە دەستی کەوتووە، شاندێکی حکوومەتی هەرێمی کوردستان بە ئەندامێتیی شێخ جەعفەر شێخ مستەفا، فەرماندەی گشتیی هێزەکانی حەفتا و سیروان بارزانی، فەرماندەی گشتیی میحوەری گوێڕ - مەخموور، لەگەڵ سەفین دزەیی، گوتەبێژی فەرمیی حکوومەتی هەرێمی کوردستان، بە مەبەستی بەشداریکردن لە فیستیڤاڵی کان، سەردانی فەڕەنسایان کردووە، بڕیارە ئەمڕۆ یەکشەممە (22\5\2016)، سەردانی فرانسوا هۆلاند، سەرۆکی فەڕەنسا بکەن. سەرچاوەکە ئەوەشی ئاشکرا کرد کە لە دیدارەکەی نێوان شاندی حکوومەتی هەرێمی کوردستان و سەرۆکی فەڕەنسا، پەیامی هێزی پێشمەرگەی کوردستان بە فەڕەنسا دەگەیەنن و داوای هاوکاریی زیاتر بۆ هێزی پێشمەرگەی کوردستان دەکەن.}

^{هەر لەمبارەیەوە، جەبار یاوەر، ئەمنیداری گشتیی وەزارەتی پێشمەرگە، بە (باسنیوز)ی ڕاگەیاند: “ئەو شاندە لە فەڕەنسان، بەڵام نازانرێت لە بەرنامەی سەردانەکەیاندا بە دیاریکراوی چی باس دەکرێت؟ چونکە ئەوان بۆ بەشداری لە فیستیڤالی کان چوونەتە فەڕەنسا”.}

^22/5/2016

^{عامر ئەلمورشدی، ئەمینداری گشتی گردبوونەوەی عێراقی نوێ رایگەیاند، تا مەسعود بارزانی لوتکەی دەسەڵاتی هەرێمی کوردستان بێت، هەوڵی سەرکردەکانی عێراق بۆ رازیکردنی کورد بە مانەوەیان لە چوارچێوەی عێراقدا، هیچ بەرهەم و سوودێکی نابێت.}

^{ئەلمورشدی گوتی: "کورد پەرلەمانتار، وەزیر، باڵاترین پۆست و بودجەیەکی جێگیریان لە دارایی عێراق هەیە، رێگاش نادەن سەرۆکوەزیرانی عێراق یەک پۆلیس و فەرمانبەر لە کوردستان دابمەزرێنێت، سەرەڕای هەموو ئەمانەش سەرکردەکانی کورد شەو و روۆژ داوای جیابوونەوە دەکەن".}

^{ئەمینداری گشتی گردبوونەوەی عێراقی نوێ دەڵێت: "ئەگەر نیوەی عێراقیش بدرێتە کورد، ئەوا دەوڵەتی خۆیان هەر رادەگەیێنێنن، بۆیە ئەگەر بڕیاری گەل و سەرکردەکانی کوردستان دامەزراندنی دەوڵەتی کوردبێت، ئەوا با دوو درواسێی باشبین، هەروەک چۆن بارزانی لە رۆژانی رابردوو باسی کردبوو".}

^21/5/2016

^{گوتەبێژی حکومەتی هەرێمی کوردستان رەتیدەکاتەوە کە سەرۆکی حکومەت رێگربێت لە رێککەوتنی نەوتی لەگەڵ ئێران و رایدەگەیێنێت: "سیاسه‌تى حكومه‌تى هه‌رێمى كوردستان ئه‌وه‌یه‌ له‌ هه‌موو بواره‌كاندا و له‌وانه‌ش له‌ بوارى وزه‌دا، په‌یوه‌ندیى دۆستانه‌ى له‌سه‌ر به‌رژه‌وه‌ندیى هاوبه‌ش له‌گه‌ڵ وڵاتانى دراوسێ هه‌بێت".}

^{بەپێی هەواڵێکی ماڵپەڕی حکومەتی هەرێمی کوردستان، سه‌فین دزه‌یى گوته‌بێژى حكومه‌تی هەرێمی کوردستان هه‌واڵێك رەتدەکاتەوە و رایدەگەیێنێت: "ماڵپەڕێک هه‌واڵێكى بێبنه‌ما و دوور له‌ راستى بڵاو كردووه‌ته‌وه‌ گوایه‌ له‌ رێگه‌ى سه‌رۆكوه‌زیران به‌ڕێز (نێچیرڤان بارزانی)یه‌وه‌ به‌ربه‌ست خراوه‌ته‌ به‌رده‌م رێككه‌وتنى بوارى نه‌وت و گازى هه‌رێمى كوردستان له‌گه‌ڵ كۆمارى ئیسلامیى ئێران".}

<sup>گوتەبێژی حکومەتی هەرێمی کوردستان دەڵێت: "لێره‌دا دووپاتى ده‌كه‌ینه‌وه‌ كه‌ ئه‌و هه‌واڵه‌ به‌هه‌موو شێوه‌یه‌ك هه‌ڵه‌به‌ستراو، بێ بنه‌ما و دوور له‌ هه‌موو راستییه‌كه، هه‌ر له‌به‌ر ئه‌وه‌ش ناوى سه‌رچاوه‌كه‌ى نه‌هێناوه‌‌. گفتوگۆى هه‌رێمى كوردستان و كۆمارى ئیسلامیى ئێران ده‌رباره‌ى هاوكارى له‌ بوارى وزه‌دا هه‌یه‌ و له‌ ئاستى ته‌كنیكیدا به‌رده‌وامه"‌.

سەفین دزەیی جەختدەکاتەوە لەوەی كه‌ "سیاسه‌تى حكومه‌تى هه‌رێمى كوردستان ئه‌وه‌یه‌ له‌ هه‌موو بواره‌كاندا و له‌وانه‌ش له‌ بوارى وزه‌دا، په‌یوه‌ندیى دۆستانه‌ى له‌سه‌ر به‌رژه‌وه‌ندیى هاوبه‌ش له‌گه‌ڵ وڵاتانى دراوسێ هه‌بێت و هه‌ر له‌سه‌ر ئه‌و بنه‌مایه‌ش په‌یوه‌ندیى باشى له‌گه‌ڵ كۆمارى ئیسلامیى ئێراندا هه‌یه"‌.</sup>

^21/5/2016

<sup>خۆپیشاندانی پارێزگای بەسرە-ی باشووری عێراق، بە دوو بریندار و سەپاندنی قەدەخەی هاتووچۆ کۆتاییهات.

شەوی هەینی 20-5-2016 خۆپیشاندان و ناڕەزاییەکان پارێزگای بەسرە-شی گرتەوەو، دوای پەرەسەندنی خۆپیشاندانەکان پێکدادان لە نێوان خۆپیشاندەران و هێزە ئەمنییەکان روویداو، لە ئەنجامدا دوو کەس برینداربوون.</sup>

^{دواتری هێزە ئەمنییەکان بڵاوەیان بە خۆپیشاندەران کرد و قەدەخەی هاتووچۆیان لە بەسرە راگەیاند.}

^{پاشنیوەڕی رۆژی هەینی 20-5-2016 خۆپیشاندان لە بەغدا دەستیپێكرد، لەکاتی گەیشتنی خۆپیشاندەران بۆ بەردەم ناوچەی سەوز و باڵەخانەی پەرلەمان، هێزە ئەمنییەکان بە دار، گازی فرمێسكڕێژ و دەستڕێژی گوللە هێرشیان کردە سەر خۆپیشاندەران و لە ئەنجامدا 3 كەس كوژران و نزیكەی 600 كەسیش برینداربوون.}

^{دوای بەغدا، خۆپیشاندان گەیشتە سێ پارێزگای دیكەی عێراق، لە ناسرییەش باڵەخانەی ئەو پارێزگایە كۆنترۆڵكرا، هەروەها لە پارێزگاكانی بابلی نێوەڕاستی عێراق و دیوانییە خۆپیشاندان بەڕێوەچوو.}

^21/5/2016

^{سه‌رۆكی هه‌رێمی كوردستان جەخت لەوە دەکاتەوە کە دەبێت سنوورە دەستکردەکانی سایکس بیکۆ بسڕدرێتەوە و سنوورە سرووشتییەکان، بە لەبەرچاوگرتنی پێناسە نەتەوەییەکان، دابڕێژرێتەوە.}

^{له‌ دیمانه‌یه‌كی دا له‌گه‌ڵ ماڵپه‌ڕی (The Natinal)ی ئه‌مریكی، مه‌سعود بارزانی، سه‌رۆكی هه‌رێمی كوردستان، باسی له‌ ڕێكه‌وتننامه‌ی سایكس بیكۆ کردووە و دەڵێت: “ئێستا ئەم ڕێککەوتننامەیە به‌ هه‌ڵه‌ی سه‌ده‌ هه‌ژمار ده‌كرێت. ئێستا سنووره‌كان به‌ كردەیی هه‌ڵوه‌شاونه‌ته‌وه‌ و پێویسته‌ هه‌مووان دان به‌م ڕاستییه‌دا بنێن”. جەختیشی لەوە کردووەتەوە: “پێویسته‌ پرسیار له‌ خه‌ڵك بكرێت كه‌ ئایا ده‌یانه‌وێت به ‌یه‌كه‌وه‌ بژین، یان حه‌ز ده‌كه‌ن جیا ببنه‌وه‌ و سنووره‌كان به‌پێی خواست و ئیراده‌ی گه‌ل ده‌بڕێژنه‌وه‌؟ هیچ چاره‌سه‌رێك نابێت به‌سه‌ر خه‌ڵكدا بسەپێندرێت و هه‌ر گۆڕانكارییه‌ك، پێویسته‌ له‌ ڕێگه‌ی ڕیفراندۆمەوە بێت”.}

^{سه‌رۆكی هه‌رێمی كوردستان جه‌خت له‌وه‌ ده‌كاته‌وه‌ كه‌ هه‌رچه‌ندە فشار بۆ هێشتنه‌وه‌ی خه‌ڵك له‌گه‌ڵ یه‌كتر زیاتر بێت، له‌ كۆتاییدا هه‌ر شكست دەهێنێت. دووپاتیشی کردووەتەوە: “‌له‌ هه‌رێمی كوردستاندا كاتی سه‌ربه‌خۆیی هاتووه‌، ئێمە له‌ ڕێگای دیالۆگی ئاشتییانه‌وه‌ كار بۆ ئه‌م مافەمان دەکەین”.}

^20/5/2016

<sup>حكومه‌تی ئێران به‌ رده‌وامه‌ له‌ تۆكمه‌تركردنی قه‌ڵا سه‌ربازییه‌كانی لە‌ ناوچه‌ سنوورییه‌كانی نێوان باشوور و رۆژهه‌ڵاتی كوردستان. له‌ هه‌ردوو قه‌زاكانی شنۆ و پیرانشار پاسداری زۆری له‌ سه‌ربازگه‌كان كۆكردووەته‌وه‌ و دواشی له‌ هاونیشتمانیان كردووه‌ چه‌كی بۆ هه‌ڵبگرن.

ره‌حیم مه‌نگوڕی، فه‌رماندەی پێشمه‌رگه‌ی حیزبی دیموكراتی كوردستانی ئێران (حدكا) بە رووداوی گوت "ئێران له‌ ته‌واوی ئه‌و سنوورانه‌ ده‌ستیكردووه‌ به‌ جوڵەپێكردنی هێزه‌كانی و قه‌ڵای نوێ دروستده‌كات. ئەو ناوچانەی پڕپاسدار كردوون و خه‌ڵكی زۆری ناچار به‌ سیخووریكردن كردووه. داوای له‌ خه‌ڵك كردووه‌ ببن به‌ جاش و چه‌كی بۆ هه‌ڵبگرن".

جوڵه‌ی هێزه‌كانی ئێران لەكاتێكدایه‌ ساڵێك بەسه‌ر گه‌ڕانه‌وه‌ی پێشمه‌رگه‌كانی دیموكرات بۆ شاخ تێپه‌ڕی. بەگوتەی فه‌رمانده‌كانی دیموكرات، جێگیربوونه‌وه‌یان له‌ شاخ و نزیككه‌وتنه‌وه‌یان له‌ رۆژهه‌ڵاتی كوردستان گه‌رموگوڕی خستووەته‌ نێو خه‌ڵك و پێشمه‌رگه‌.

عه‌زیز سدقی، فه‌رمانده‌ی پێشمه‌رگه‌كانی حیزبی دیموكراتی كوردستان (حدك) بە رووداوی راگەیاند "گه‌رموگوڕی كەوتووەتەوە نێو خه‌ڵكی خۆمان و ریزه‌كانی پێشمه‌رگه‌. خه‌ڵك هه‌ركات له‌ شاخ و نزیك رۆژهه‌ڵات پێشمه‌رگه‌كانی ده‌بینێت، رۆحیه‌تێكی وه‌به‌ردێته‌وه‌ و هه‌ست به‌وه‌ ده‌كات كه‌ ده‌بێت خه‌بات بكات له‌پێناو به‌دیهێنانی ئازادی".

له‌ماوه‌ی ساڵێكی گه‌ڕانه‌وه‌یان، دوولایه‌نی دیموكرات (حدكا و حدك) چه‌ندین رێوڕه‌سمیان له‌ شاخ و سنووره‌كانی رۆژهه‌ڵاتی كوردستان به‌ڕێوه‌بردووه‌، به‌ تایبه‌ت هه‌ڵكردنی ئاگری نه‌ورۆز لەژێر ناونیشانی "رابوون". هاوكات بڵاوكردنه‌وه‌ی په‌یامی گه‌ڕانه‌وه‌یان بۆ نێو رۆژهه‌ڵاتی كوردستان.

به‌درێژایی 60 كیلۆمه‌تر،‌ ئێستا لوله‌ی تفه‌نگه‌كانی دیموكرات كه‌متر له‌ 3 كیلۆمه‌تر له‌ قه‌ڵا سه‌ربازییه‌كانی ئێران دوورن، له‌ به‌رامبه‌ریشدا ئێران ته‌واوی سنوره‌كانی شنۆ و پیرانشاری‌ ته‌لبه‌ندكردووە‌. به‌ر له‌ گه‌ڕانه‌وه‌ی دیموكرات ته‌نها پێنج قه‌ڵای سه‌ربازیی له‌و رووبه‌ره‌ هه‌بوو، ئێستا نۆ قه‌ڵای دیكه‌شی لێ دروستكراون.</sup>

^20/5/2016

^{رووسیا داوا لە تورکیا دەکات رێگە بە چاودێرانی نێودەوڵەتی بدات لێکۆڵینەوە لە رووداوەکانی باکووری کوردستان بكەن.}

^{ماریا زاخارۆڤا، گوتەبێژی وەزارەتی دەرەوەی رووسیا رۆژی پێنجشەممە19-5-2016 رایگەیاند "سەرەڕای هەموو هەوڵەکانی کۆمەڵگەی نێودەوڵەتیی بۆ لێکۆڵینەوە لەبارەی پێکدادانەکانی باشووری رۆژئاوای تورکیا (باکووری کوردستان) بەڵام تورکیا رێگری لەچوونی چاودێرانی نێودەوڵەتی دەکات".}

^{گوتەبێژی وەزارەتی دەرەوەی رووسیا ئاماژە بەوە دەكات، لەو ناوچانە پێکدادانی خوێناوی روویداوە، دەشڵێت "لە مانگی تەمموزی ساڵی رابردووەوە تاوەكو ئێستا زیاتر 300 کەسی سڤیل لەو ناوچانە کوژراون".}

^{گوتەبێژی وەزارەتی دەرەوەی رووسیا دەشڵێت، کردەوەکانی سوپای تورکیا لەو ناوچانە تەنانەت لەلایەن کۆمیسیۆنی مافەکانی مرۆڤی سەر بە نەتەوەیەکگرتووەکانیشەوە سەرکۆنە کراوە و بەپێشێلکردنی مافەکانی مرۆڤ کراوە لەقەڵەمدراوە. "تەناتە رێگە نەدراوە هاوکاری تەندروستیش بگاتە بریندارەکان".}

^{ماریا زاخارۆڤا پشتیوانی مۆسكۆی بۆ ناردنی تیمێکی چاودێریی نێودەوڵەتی سەربەخۆی بۆ لێکۆڵینەوە لەو رووداوەكانی باكووری كوردستان دەربڕی.}

^20/5/2016

<sup>کچێک و کوڕێکی گەنج لە دوو گوندی سەر بە شاری پیرانشار لە کوردستانی رۆژهەڵات کۆتاییان بە ژیانی خۆیان هێنا.

بەگوێرەی هەواڵدەرییە ناوخۆییەکانی کوردستانی رۆژهەڵات، کچێکی تەمەن 24 ساڵ، خەڵکی گوندی "شەختان" و کوڕێکی تەمەن 27 ساڵ خەڵکی گوندی "کۆنەلاجان"ی سەر بە شاری پیرانشار، دوێنی کۆتاییان بە ژیانی خۆیان هێناوە.

بەرپرسێکی نەخۆشخانەی پیرانشار ڕای گەیاندووە: "کۆڕەکە لەڕێگای خواردنی حەب و کچەکەش بە خۆهەڵواسین کۆتاییان بە ژیانی خۆیان هێناوە، ماوەی خۆکوشتنی ئەو دوو گەنجە نیو کاتژمێر جیاوازی بووە".

دەگوترێ خۆکوشتنی ئەو دوو کەسە لە ماوەی نیو کاتژمێردا و لە دوو گوندی سەر بە پیرانشار هیچ پەیوەندییەکی بەیەکەوە نەبووە.

چەند رۆژ لەمەوبەریش لە شاری بۆکان دوو کەس لە یەک رۆژدا کۆتاییان بە ژیانی خۆیان هێنا، هاوکات لە هەفتەی ڕابردووشدا لە شاری سەقز چوار کەس کۆتاییان بە ژیانی خۆیان هێنا.

بەپێی ئامارەکان لە سەرەتای نەورۆزەوە تا ئێستا زیاتر لە 30 هاووڵاتیی ژن و پیاو لە شارە جیاجیاکانی کوردستانی ڕۆژهەڵات بە هۆکاری جۆراوجۆر کۆتاییان بە ژیانی خۆیان هێناوە.
کۆمەڵناسان هۆکارەکانی بەرزبوونەوی ڕێژەی خۆکوژی لە کوردستانی رۆژهەڵات بۆ کێشەی کۆمەڵایەتی، بێکاری، ئابووریی، نەخۆشییە دەروونییەکان و ئاڵوودەبوون بە مادەی هۆشبەر دەگەڕێتەوە.</sup>

^19/5/2016

^{ئەمەریکا کە سەرۆکایەتیی ھاوپەیمانێتی شەڕی دژ بەداعش دەکات ڕایگەیاند ڕێکخراوی تیرۆریستیی داعش لە عێراق 45% و لە سووریاش 20%ی خاکی لەدەست دەرھێنراوە.}

 ^{گاری ڤۆلیسکی، جەنەراڵی ئەمەریکی کە لە عێراقە بە (تریبون نیوز)ی ڕایگەیاندووە، بەھۆی ئەوەی کە داعش لە عێراق نزیکەی نیوەی خاکەکەی کە داگیر کردبوو، لەدەست داوە و ھێرشە ئاسمانییەکان بۆ سەر ئەو شوێنانەی لێی ماوەتەوە بەردەوامە، بۆیە پەنا بۆ کردەوەی تیرۆریستی دەبات، وەک ئەو تەقینەوانەی کە لە لە چەند رۆژی ڕابردوودا بەغدا ئەنجامی داون.}

^{بەپێی هەواڵی ڕۆژنامەی (یوئێس ئەی تودەی)، بەرەپێشەوەچوون لە سووریا لاوازترە و تا ئێستا 20%ی خاکەکەی لەدەست دەرھێنراوە، چونکە ئەمەریکا لەوێ گرفتی ھێزە چەکدارە جیاجیاکانی ھەیە و خەریکە خۆی ھێزەکان ڕادەھێنێت تا بتوانن بەرپەرچی داعش بدەنەوە و دەریبکەن.} 

^19/5/2016