^{ئۆفیسی سەركۆماری نەمسا بڵاوی کردەوە “ھانس فیشێر” سەركۆماری ئەم وڵاتە رۆژانی حەوت هەتا نۆی مانگ سێپتەمبەر بە یاوەریی شاندێكی سیاسی و بازرگانی سەردانی ئێران دەكات و لەگەڵ گەورە بەرپرسانی ئەم وڵاتە كۆ دەبێتەوە.}

^{ئەم سەردانە كە بە یاوەریی جيگری سەرۆك وەزیران، وەزیری ئابووری، وەزیری خوێندنی باڵا و وەزیری دەرەوە، سەرۆكی ژووری بازرگانی و نوێنەرانی130   كۆمپانیای نەمسایی ئەنجام دەدريت، دوای رێککەتنی ناوکیی ئێران ئەمە یەكەم سەردانی سەرۆكی وڵاتێكی بیانییە بۆ كۆماری ئیسلامیی ئێران .}

^{ريكخراوەكانی مافی مرۆڤ و ئەنجومەنی جوولەكەكانی  نەمسا رەخنەیان لەم سەردانە گرتووە و رایانگەیاندووە كە سەركۆمار بەرامبەر بە بارودۆخی نالەباری مافی مرۆڤ لە وڵاتی ئيران كەمتەرخەمە.}

^{لە بەرانبەریشدا ھانس فیشێر بەڵێنی بە رەخنەگران و لایەنگرانی داوە كە لە دانیشتنی لەگەڵ بەرپرسانی ئيران، رەوشی مافی مرۆڤ لەم وڵاتەش بێنێتە بەرباس.}

^{شاری ڤییەنای پایتەختی نەمسا، شوينی دانوستانی وڵاتانی پينج كۆ یەك لەگەڵ كۆماری ئیسلامیی ئێران لەسەر پرسی ئەتۆمیی ئەم وڵاتە بوو كە سەرەنجام لە 14ی جولای ئەمساڵدا رێككەوتنی ئەم وڵاتانەی لێكەوتەوە.}

^06/09/2015

^{لەسەر بڕیاری عەلی خامنەیی رێبەری کۆماری ئیسلامی ئێران فلتەر و سانسۆری زیاتر دەخرێتە سەر تۆرە کۆمەڵایەتییەکان و ئەو فلتەرە بە گشتی ئینتەرنێتیش دەگرێتەوە.}

^{رێبەری کۆماری ئیسلامیی ئیران لەگەڵ وەزیرانی دەنگ و ڕەنگ، پەیوەندییەکان و گواستنەوە و وەزیری ئیرشاد و بەشی فەرهەنگی ئێران، هەروەها هێزە ئەمنی و نیزامییەکان کۆبووەتەوە و باسی ئەوەی کردووە کە دەبێ گۆڕەپانی ئینتەرنێت لە ئێران بەرتەسک بکرێتەوە.}

^{ئەو لێپرسراوە داوای لە ئەندامانی ئەنجومەنی باڵای دونیای مەجازی کردووە کە هەر چی خێراتر کار بۆ وەڕێ خستنی پڕۆژەی ئینتەرنیتی میللی بکەن و ڕیگە بەکارهێنەران نەدەن کە بەدڵی خۆیان کەڵک لە دونیای مەجازی وەربگرن.}

^{بەپێی راپۆرتی کۆمیتەی بەرگری لە رۆژنامەوانان کە بنکەکەی لە نیۆیۆرکی ئەمەریکایە، کۆماری ئیسلامیی ئێران لە بواری سانسۆردا لەنێو لە 197 وڵاتدا پلەی 190ی هەیە و ئەوەشی خستبوویەڕوو کە ئەوە هەڕەشەیەکی جیدی بۆ سەر چاپەمەنی و میدیاکانی ئەو وڵاتەیە.}

^{فلتەر کردنی ماڵپەڕ و تۆڕە کۆمەڵایەتییەکان و واتساپ و وایبێر لەو ئەرکانەن کە رێبەری کۆماری ئیسلامی ئێران بە بەردەوامی باسی لێکردووە و داوای کردووە کە سانسۆر بکرێن.}

^06/09/2015

^{ئەمڕۆ یەكشەممە لە رێوڕەسمێكدا لەتاران و بە ئامادەبوونی حەسەن رۆحانی سەركۆماری ئێران، باڵیۆزی نوێی عێراق لە تاران بە فەرمی دەستبەكار بوو.}

^{بەپێی هەواڵی پێگەی راگەیاندنی حەسن رۆحانی “راجح سابیر عەبوودی ئەلمووسەوی” كە مانگی پێشوو وەك باڵیۆزی نوێی عێراق لە تاران دەستنیشان كرابوو، ئەمەڕۆ یەكشەممە 7 ـ 9 ـ 2015 لە رێوڕەسمێكدا لە دامەزراوەیی سەركۆماریی ئێران پاش تەسلیم كردنی “ئیستوارنامە”ی خۆی بە حەسەن رۆحانی بە فەرمی دەستی بەكارەكانی خۆی كرد.}

^{لەو رێوڕسەمەدا باڵیۆزی عێراق لە گوتەیەكد ابۆ راگەیەنەكانی گوتووە: “ئێران وڵاتی دووەمی ئێمەیە و لە ماوەی ساڵانی رابردوودا و بەتایبەت لە}

^{بەرەنگاربوونەوەی داعشدا هەستمان بە برایەتیی لەگەڵ ئێران كردووە و بەم بۆنەوە بەناوی خەڵكی عێراقەوە سپاسی حكوومەتی ئێران دەكەم.”}

^{پاشان باڵیوزی نوێی عێراق لەگەڵ محەمەدجەواد زەریف کۆبووەتەوە و هەردوولا باسی پرسی رووداوەکانی عێراق و ناوچەکەیان تاوتوێ کردووە.}

^{هاوكات رۆحانیش لە گوتەیەكدا رایگەیاند: “پرسی ئەمنیەت و سەقامگیریی عێراق بە واتای ئاسایشی ئێرانە و ئێمە هەوڵ دەدەین دەستی تیرۆر و بیانییەكا لە عێراق ببڕین.”}

^{هاوكات لەگەڵ دەستبەركار بوونی باڵیۆزی عێراق، باڵیۆزی نوێی وڵاتانی “سریلانكا، هەنگاریا، بنین و برۆئێنی، بە پێشكەشكردنی ئیستوارنامەی خۆیان بە حەسەن رۆحانی بە فەرمی دەست بەكار بوون.}

^06/09/2015

^{لەكۆنگرەی نێودەوڵەتی رێكخراوی(سانت ئیجیدیۆ)كە لەشاری تیرانای پایتەختی ئەلبانیا بەرێوەدەچێ و نوێنەرانی 56 دەوڵەت تێیدا بەشدارن، كوردستان وەكو دەوڵەتێكی سەربەخۆ مامەڵەی لەگەڵ كراوە.
مه‌ریوان نه‌قشبه‌ندى كه‌ ئه‌ندامێكى بانگهێشتكراوى كۆنگره‌كه‌یه‌ و له‌ هه‌رێمى كوردستانه‌وه‌ سه‌فه‌رى ئه‌و وڵاته‌ى كردوه‌ بۆ (باسنیوز) گووتى “دڵخۆشم بەوەی لەكۆنگرەی نێودەوڵەتی رێكخراوی(سانت ئیجیدیۆ)كە لەشاری تیرانای پایتەختی ئەلبانیا بەرێوەدەچێ و نوێنەرانی 56 دەوڵەت تێیدا بەشدارن”كوردستان وەكو دەوڵەتێكی سەربەخۆ مامەڵەی لەگەڵ كراوە و لەباجەكانمان(كوردستان)نوسراوە، لەكاتێكدا نوێنەری سەرجەم مەزهەب و پێكهاتە ئاینیەكانی عیراق لەم كۆنگرەیەدا بەشدارن و لەباجەكانیان(عیراق)نوسراوە”.
بڕیارە ئه‌مڕۆ یەکشەممە (6/9/2015) كۆنگرەی نێودەوڵەتی رێكخراوی(سانت ئیجیدیۆ)، به‌ناوى (نوێژ لەپێناوی ئاشتی) لە (تیرانا)ی پایتەختى ئه‌لبانیا دەستپێبكات.}

^6/9/2015

^{وڵاته‌ یه‌كگرتووه‌كانی ئه‌مریكا نیگه‌رانی قووڵی خۆی ده‌ربڕی به‌هۆی فراوان بوونی ڕۆڵی سه‌ربازی ڕووسیا له‌سوریادا. هۆشداریشیدا له‌وه‌ی كه‌ ڕه‌نگه‌ ئه‌و كاره‌ ببێته‌ هۆی زیاتر ئاڵۆزبوونی بارودۆخی سوریا.}

^{به‌پێی بڵاوكراوه‌یه‌كی وه‌زاره‌تی ده‌ره‌وه‌ی ئه‌مریكا.”جۆن كیری” وه‌زیری ده‌ره‌وه‌ به‌ته‌له‌فۆن په‌یوه‌ندی به‌”سێرگی لاڤرۆڤ” وه‌زیری ده‌ره‌وه‌ی ڕووسیاوه‌ كردووه‌. نیگه‌رانی ئه‌مریكای پێگه‌یاندووه‌ له‌باره‌ی ئه‌و ڕاپۆرتانه‌وه‌ كه‌ باس له‌وه‌ ده‌كه‌ن ڕووسیا ئاماده‌گی سه‌ربازی خۆی له‌ سوریادا به‌هێزتر كردووه‌.}

^{جۆن كیری گوتویه‌تی: ” ئه‌گه‌ر ئه‌و ڕاپۆرتانه‌ ڕاست بن. ئه‌وا ئه‌و كارانه‌ ده‌بنه‌ هۆی زیاتر ئاڵۆزبوونی ململانێكه‌. قوربانییه‌كی زیاتریشی لێده‌كه‌وێته‌وه‌. كێشه‌ی ئاواره‌كانیش زیاترده‌بێت. هه‌روه‌ها چالاكییه‌كانی هاوپه‌یمانی نێوده‌وڵه‌تی له‌دژی داعش له‌سوریا ده‌خاته‌ به‌رده‌م ئاسته‌نگه‌وه‌”.}

^{هه‌ردوو وه‌زیره‌كه‌ ڕێككه‌وتن له‌سه‌ر ته‌واوكردنی وتوێژه‌كانیان سه‌باره‌ت به‌كێشه‌ی سوریا. له‌كاتی گرێدانی كۆبوونه‌وه‌ی ساڵانه‌ی كۆمه‌ڵه‌ی گشتی نه‌ته‌وه‌ یه‌كگرتووه‌كان له‌نیویۆرك له‌ناوه‌ڕاستی ئه‌م مانگه‌دا.}

^{له‌مۆسكۆش وه‌زاره‌تی ده‌ره‌وه‌ی ڕووسیا ئاماژه‌ی به‌وه‌دا كه‌هه‌ردوو وه‌زیر وتوێژیان كردووه‌ له‌سه‌ر بارودۆخی سوریاو، قه‌ڵاچۆكردنی داعش”.}

^6/7/2015

"باشترین چارەسەر بۆ کێشەکانی عێراق شەراکەتی ڕاستەقینە و بەشدارییکردنی هەموو پێکهاتەکان و جێبەجێکردنی دەستوورە"

^{مەسعود بارزانی سەرۆکی هەرێمی کوردستان دووپاتی دەکاتەوە، کە ئەگەر لایەنەکان نەگەنە رێککەوتن، چارەسەریی گونجاو، گەڕانەوە بۆ ڕای گەل، وەک ڕێکارێکی دروستی دیموکراسی باشترین بژاردە. دووپاتیشی دەکاتەوە، کە ئەگەر چاکسازییەکانی حکومەتی عێراقی ئەگەر بۆ پشتگوێ خستنی دەستوور و پەراوێزخستنی لایەنەکان بەتایبەتی گەلی کوردستان بێت و ئامانجیان پیادەکردنی حوکمێکی تاکڕەوانە بێت ئەوا ڕەتی دەکەینەوە.}

^{بەپێی راگەیاندراوێکی سەرۆکایەتی هەرێمی کوردستان، ئەمڕۆ شەممە 5ـی 9ـی 2015 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە جان كۆبیس نوێنەری تایبەتی سكرتێری گشتیی ڕێكخراوی نەتەوە یەكگرتووەكان لە عێراق و شاندێكی یاوەری كرد.}

^{لەم دیدارەدا نوێنەری تایبەتی سكرتێری گشتیی ڕێكخراوی نەتەوە یەكگرتووەكان سوپاسی سەرۆک بارزانی کرد بۆ ڕەخساندنی دەرفەتی دیدارەکە و و پوختەیەکی لەبارەی کار و چالاکییەکانی خۆی لە ماوەی ڕابردوو پێشکەش بە سەرۆک بارزانی کرد و ڕایگەیاند کە زۆر سوپاسگوزاریی ئەو هەماهەنگی و هاوکارییانەیە کە گەڵ هەرێمی کوردستان هەیانە و هەرکاتێک لەگەڵ بەرپرسانی هەرێمی کوردستان کۆدەبنەوە هەست بەو هاوبەشییە جیدییە دەکەن کە لەسەر پرسەکان لەنێوان ڕێکخراوی نەتەوە یەکگرتووەکان و هەرێمی کوردستاندا لە ئارادایە و وەک نوێنەری تایبەتی سكرتێری گشتیی ڕێكخراوی نەتەوە یەكگرتووەكان لە عێراق زۆر بەو پەیوەندی و هاوبەشییە خۆشحاڵە.}

^{لە دیدارەکەدا لەبارەی ڕەوشی ناوخۆی هەرێم و پرۆسەی سیاسی و ڕەوشی سەربازیی عێراق و ناوچەکە گفتوگۆ کرا و نوێنەری تایبەتی سكرتێری گشتیی ڕێكخراوی نەتەوە یەكگرتووەكان دوای کرد سەرۆک بارزانی ڕێنوێنی و بەرچاوڕوونییان لەبارەی ئەو بابەتانە بداتێ.}

^{لە بەرانبەردا سەرۆك بارزانی وێڕای بەخێرهێنانی شاندی میوان، تەئکیدی کردەوە کە ئەوەی لە پرۆسەی سیاسیی هەرێمی کوردستان لەسەر شێوەی هەڵبژاردنی سەرۆکی هەرێمی کوردستان روو دەدات بەشێکە لە پرۆسەی دیموکراسی و پێویستە هەموو لایەنە سیاسییەکانی هەرێم بۆ یەکلاییکردنەوەی ئەو بابەتە ڕۆڵیان هەبێت و ئەگەر نەگەیشتنە چارەسەرێکی گونجاو ئەوا گەڕانەوە بۆ ڕای گەل وەک ڕێکارێکی دروستی دیموکراسی باشترین بژاردەیە. سەرۆک بارزانی تەئکیدیشی کردەوە کە ئەم کێشەیە کاریگەریی سلبی نەکردۆتە سەر سەنگەرەکانی بەرەوڕووبوونەوەی تیرۆریستان و سەرجەم هێزی پێشمەرگە و هێزە ئەمنییەکانی کوردستان زۆر بە دڵسۆزی خەریکی ڕاپەڕاندنی ئەرکەکانی خۆیانن.}

^{نوێنەری تایبەتی سكرتێری گشتیی ڕێكخراوی نەتەوە یەكگرتووەكان هیوای خواست کە ئەو کێشەیە بە زووترین کات چارەسەر بکرێت، چونکە بە ڕەچاوکردنی ڕەوشی عێراق و ناوچەکە، درێژەکێشانی ئەم دۆخە دەبێتە هۆی دروستبوونی تەنگژە و کاریگەریی خراپی دەبێت.}

^{لە تەوەرێکی دیکەی دیدارەکەدا پرۆسەی سیاسیی عێراق و هەنگاوەکانی سەرۆکوەزیرانی عێراق بۆ چاکسازی خرانە بەرباس و سەرۆک بارزانی ڕایگەیاند کە ئەگەر ئەو پرۆسەیە لەپێناو چەسپاندنی دەستوور و شەراکەتی ڕاستەقینە و بنبڕکردنی گەندەڵی بێت ئەوا هەرێمی کوردستان بە تەواوی پشتیوانی دەکات، بەڵام ئەگەر بۆ پشتگوێ خستنی دەستوور و پەراوێزخستنی لایەنەکان بەتایبەتی گەلی کوردستان بێت و ئامانجیان پیادەکردنی حوکمێکی تاکڕەوانە بێت ئەوا ڕەتی دەکەینەوە. سەرۆک بارزانی تەئکیدی کردەوە کە باشترین چارەسەر بۆ کێشەکانی عێراق شەراکەتی ڕاستەقینە و بەشدارییکردنی هەموو پێکهاتەکان و جێبەجێکردنی دەستوورە.}

^{نوێنەری تایبەتی سكرتێری گشتیی ڕێكخراوی نەتەوە یەكگرتووەكان زۆر سوپاسی سەرۆک بارزانی کرد و ڕایگەیاند کە وتەکانی بەڕێزیان دیمەنەکانی باشتر لەبەرچاویان ڕوون کردەوە و سەبارەت بەو پرۆسەیەی ئێستا سەرۆکوەزیرانی عێراق کاری بۆ دەکات، جان كۆبیس نوێنەری تایبەتی سكرتێری گشتیی ڕێكخراوی نەتەوە یەكگرتووەكان پشتگیریی خۆی بۆ هەڵوێستی سەرۆک بارزانی ڕاگەیاند و تەئکیدی کردەوە کە دەبێ هەموو لایەنە عێراقییەکان بەرچاوڕوونییان هەبێت و ئامانجی ئەو پرۆسیە بە تەواوی بۆ هەموو لایەنەکان ڕوون بێت بۆ ئەوەی پشتگیریی سەرۆکوەزیرانی عێراق بکەن لە سەرخستنی پرۆسەکە.}

^{باسکردنی ڕەوشی سیاسیی ناوچەکە بەگشتی، تەوەرێکی دیکەی دیدارەکە بوو.}

^6/9/2015

<sup>بۆ ماوەی دوو رۆژ گەشتی هات و چوون لە سنووری دەروازەی نێودەوڵەتی کۆمەڵگەی ئیبراهیم خەلیل سست بوو و، ئەمڕۆش بە تەواوی گەشتی چوون بەرەو باکووری کوردستان و تورکیا وەستاوە.

پەیامنێری تۆڕی میدیایی رووداو رایگەیاند کە پاش ئەوەی بۆ ماوەی دوو رۆژ گەشتی هاتن و چوون لە کۆمەڵگەی نێودەوڵەتی ئیبراهیم خەلیل تووشی سستی بوو، رۆشتن بەرەو تورکیا بە یەکجاری وەستاوە. 

بەگوتەی پەیامنێری رووداو، تورکیا هۆکاری وەستاندنی گەشتەکانی لە باشووری کوردستانەوە بەرەو تورکیا گەڕاندووەتەوە بۆ ئەو مەترسییە ئەمنییانەی کە دەکرێت روبەرووی گەشتیاران ببنەوە لەناو خاکی تورکیادا. 

ژمارەیەکی زۆر گەشتیار لەدەروازە سنووریەکەدا گیرییان خواردووە و شەوی رابردوویان لەنێو دەروازەکەدا بەسەربردووە. 



پەیامنێری رووداو لە دەروازەی ئیبراهیم خەلیل گوتیشی "ئەم داخستنە بۆ ئەو ئۆپەراسیۆنە سەربازییانە دەگەڕێتەوە کە ماوەی چەند رۆژێکە سوپای تورکیا لەناوچەکانی جزیرێ و سلۆپی دەستیپێکردووە و پێکدادانی توند لەنێوان هێزە ئەمنییەکانی تورکیا و رێکخستنەکانی گەنجانی پەکەکە هەیە کە ناسراون بە  YDG-H".

ماهیر یوکسەل، پەیامنێری تۆڕی میدیایی رووداو لە ئامەد رایگەیاند کە بەگوتەی وەزیر و پەرلەمانتارانی پارتی دیموکراتی گەلان (هەدەپە)، ئەوان داوای روونکردنەوەیان لە وەزیری ناوخۆی تورکیا کردووە لەبارەی ئەو بابەتەوە، بەڵام تاوەکو ئێستا هیچ روونکردنەوەیەکی فەرمییان پێنەدراوە.</sup>

^6/9/2015

<sup>ئەمڕۆ یەکشەممە، جۆن کێری، وەزیری دەرەوەی ئەمریکا داوای لە سێرجی لاڤرۆڤ، وەزیری دەرەوەی رووسیا کرد زانیارییەکان سەبارەت بە درووستکردنی یەکەیەکی سەربازی رووسی لە سووریا بۆ پارێزگاریکردن لە حکومەتەکەی ئەسەد بخاتەڕوو.

ئەو داوایەی جۆن کێری لە نووسراوێکی وەزارەتی دەرەوەی ئەمریکادا هاتووە، کە ئاماژە بەوەدەکات، ئاژانسەکانی هەواڵگری ئەمریکی زانیارییان دەستکەوتووە، کە رووسیا لە هەوڵی درووستکردنی پشتیوانی سەربازییە لە سووریا.

بەڵگەنامەکان کە چەند وێنەیەکی مانگی دەستکرد لەخۆدەگرن، چەند بنکەیەک لە سووریا نیشاندەدەن، کە لە ژێر چاککردندان و گومان دەکرێت لەلایەن رووسیاوە بۆ مەبەستی هێزی زەمینی بەکاربهێندرێن.

ئەمریکا لە نووسراوەکەیدا راشیگەیاندووە، ئەگەر ئەو بەڵگەنامانە راست بن ، ئەوا شەڕی نێوخۆ لە سووریا زیاتر تەشەنە دەکات و ژمارەیەکی زیاتری خەڵکیش ئاوارە دەبن.</sup>

^6/9/2015

<sup>پارتی كرێكارانی كوردستان PKK ، دەیەوێت 20 كارمەندی توركیا لە رێگەی رێكخراوەكانی كۆمەڵگەی مەدەنییەوە لە باشووری كوردستان تەسلیمبكاتەوە ، بۆ نیشاندانی نیازپاكیی خۆی بۆ دووبارە دروستبوونەوەی ئاگربەست .

بەپێی ئەو زانیاریانەی دەست(تۆڕی میدیایی رووداو) كەوتوون ، دوای گفتوگۆی چەند رێكخراوێكی كۆمەڵگەی مەدەنیی لەگەڵ دەوڵەتی توركیا، PKK ئامادەیی نیشانداوە بۆ تەسلیمكردنەوەی 11 كارمەندی گومركیی دەروازەی سنووریی سەرزێڕ لە سنووری پارێزگای دهۆك لەگەڵ توركیا و، 9 كارمەندی پڕۆژەكانی رێگەوبان ، كە PKK لەدوای دەستپێبوونەوەی شەڕ لەنێوان سوپای توركیا و گەریلاكانی PKKدا، دەستگیریكردوون .

بەپێی ئەو زانیاریانە بڕیارە ئەو 20 كەسە ئەمڕۆ شەممە 5-9-2015 لە رێگەی رێكخراوەكانی كۆمەڵگەی مەدەنیی و بەبەشداریی پارتی دیموکراتی گەلان HDP تەسلیمبكرێنەوە ، بەڵام بەهۆی بوونی جوڵەی فڕۆكەكانی چاودێریی توركیا ، تاوەکو ئێستا لەسەر شوێنێك رێكنەكەوتوون بۆ تەسلیمكردنەوەی ئەو 20 كارمەندە .

بەپێی زانیارییەكان، هاوكات لەگەڵ هەوڵەكانی رێكخراوەكانی كۆمەڵگەی مەدەنی و،داواكانی سەرۆكایەتی و حكومەت و لایەنەكانی باشووری كوردستان و HDP بۆ دروستكردنەوەی ئاگربەستێكی تازە ، ئەمریكاش لە هەوڵێكی ناڕاستەوخۆدایە بۆ وەستاندنی شەڕ .

دوای تەقینەوەکەی پێرسووس و کوشتنی دوو پۆلیسی تورکیا لەلایەن پەکەکەوە فڕۆکە جەنگییەکانی تورکیا لە شەوی هەینی 25-7-2015 بۆ یەکەمجار لەدوای پرۆسەی ئاشتی هێرشیانکردە سەر بنکە و بارەگاکانی پارتی کرێکارانی کوردستان لە چەند ناوچەیەکی باشووری کوردستان و تاوەکو ئێستا چەندین سەربازی تورکیا لەلایەن پەکەکەوە کوژراون و چەندین گەریلای پەکەکەش گیانیان لەدەستداوە.</sup>

^5/9/2015

<sup>فرۆکەیەکی بچووکی جۆری درۆن، یارییەکی پاڵەوانیەتی تێنسی ئەمریکای وەستاند و هاندەرانیشی لە یاریگەکە دوورخستەوە.


لە کاتی بەڕێوەچوونی یاریی نێوان هەردوو یاریزان بینێتا و مۆنیکا لە گەڕی دووەمی پاڵەوانیەتیی تێنسی ئەمریکادا، لە یاریگەی لویس ئامسترۆن لە نیۆیۆرک، فڕۆکەیەکی درۆن بەسەر یاریگەکەوە کەوتە خوارەوە، بەوهۆیەوە یارییەکە بۆ ماوەیەکی درێژ وەستا وهاندەرانیش شوێنەکەیان چۆڵکرد، لە ترسی تەقینەوەی فرۆکەکە.

پاشان پۆلیس شوێنەکەی کۆنتڕۆڵ کرد و فرۆکە درۆنەکەی لە نێو یاریگەكەدا  بردە دەرەوە.

بەرپرسی ئاساییشی یاریگەکانی پاڵەوانیەتییەکەش رایگەیاند، هیچ مەبەستێکی تیرۆر، یاخود تێکدەرانە لە کارەکەدا بەدی ناکرێت و پۆلیس پەڕاوی لێکۆڵینەوەی بۆ رووداوەكە کردووەتەوە و لە ماوەیەکی نزیکدا هەموو راستییەکان دەردەکەون.</sup>

^5/9/2015