<sup>باراک ئۆباما، سەرۆکی ویلایەتە یەکگرتووەکانی ئەمریکا لە کۆشکی سپی لەگەڵ کۆنگرێسمانە دیموکراتەکانی وڵاتەکەی کۆبووەوە و دڵنیای کردنەوە لەوەی ئەوان بە دوای رێککەوتنیکی خراپ لەگەڵ ئێران نین و داوایی لێکردن تا دواین وادەی دانووستاندنەکان چاوەڕوان بکەن.

سەرچاوەکانی هەواڵ ئاماژەیان بەوە کردووە، لەم چەندین رۆژەی دواییدا باراک ئۆباما لە بابەتی گەیشتن بە رێککەوتن لەگەڵ ئێران لەگەڵ کۆنگرێسمانە دیموکراتەکان توشی گرفت بووە و ناچار لە کۆشکی سپی کۆی کردوونەتەوە و بابەتەکەیان تاوتوێ کردووە، کە بەشیکی سەرەکی ئەم کۆبوونەوەیە باسکردنی رێککەوتن بووە لەسەر دۆسیەی ئەتۆمی ئێران.

هەروەها ئاماژە بەوە کراوە کە باراک ئۆباما لە میانی ئەم کۆبوونەوەیەدا نیگەرانی خۆی دەربڕیوە و گوتوویەتی "چانسی رێککەوتن لەگەڵ ئێران لە ٥٠ بە ٥٠ کەمترە و ئەگەری هەیە ئەم رێککەوتنە سەر نەگرێت" دڵنیاشی کردنەوە "رێککەوتنێک کە بە دڵتان نەبێت بە هیچ جۆرێک واژۆی ناکەن". 

ئەمە لە کاتێکدایە کە ئەمڕۆ ٩ی تەمووز باراک ئۆباما، لەرێگەی شاشەیەکەوە (سکرین) لەگەڵ شاندی دانوستانکاری ئەمریکی لە ڤیەننا کۆبووەتەوە، بۆ باسکردنی چۆنیەتی گەیشتن بە رێککەوتن لەسەر دۆسیەی ئەتۆمی ئێران و ئەو بەرەوپێشچوونانەی کە لەم بوارەوە هاتوونەتە ئاراوە.</sup>

^9/7/2015

<sup>سەرۆکی ئەنجوومەنی دیاریکردنی بەرژەوەندییەکانی حکومەتی ئێران رایگەیاندووە، تابوی دانوستاندنی راستەوخۆی ئێران و ئەمریکا شکێنرا و، کرانەوەی باڵیۆزخانەی ئەمریکا لە تاران نامومکین نییە.

عەلی ئەکبەر هاشمی رەفسەنجانی ، لە هەڤپەیڤینێکی لەگەڵ رۆژنامەی گاردیانی بەریتانی، گوتوویەتی رێککەوتنی ئەتۆمی دەتوانێ هەنگاوێکی گەورە بێت بەرەو پێشەوەو، جەختی لەوەش کردووەتەوە کە ئێران زۆر جدییە و، ئەگەر لایەنەکانی بەرامبەریشی بە هەمان رادە جدی بن، بە دڵنیایەوە دەگەنە رێککەوتن .

رەفسەنجانی روونیشکردووەتەوە، کە پێش شۆرشی 1979، ئەمریکا پشگیری حکومەتی شای ئێرانی کردووە ، لە شەڕی نێوان ئێران و عێراقیش دژی ئێران بووە، بەڵام ئەگەر لە دانوستاندنە ئەتۆمییەکاندا ئەمریکایەکی جیاواز ببینن ، کاریگەری پۆزەتیڤی لە سەر رای گشتی ئێران دەبێت.

سەرۆکی ئەنجوومەنی دیاریکردنی بەرژەوەندییەکانی حکومەتی ئێران، لەگەڵ ئەوەی پێداگری لەسەر ئەوەشکردووە کە تاوەکو مافی فەلەستینییەکان رەچاو نەکرێت، ناتوانن پەیوەندییەکی باشیان لەگەڵ ئەمریکا هەبێت.</sup>

^9/7/2015

^{سوپای ئەمریکا رایگەیاندووە، کە 57 هەزار سەرباز و فەرمانبەری مەدەنی لە ریزی سوپا دەردەکات.}

^{بەپێی هەواڵێکی ماڵپەڕی BBC، سوپای ئەمریکا بە مەبەستی دەستگرتن بە خەرجییەکانەوە، بڕیاریداوە لە سەرەتای ساڵی 2017ـەوە 40 هەزار سەرباز 17 هەزار فەرمانبەری مەدەنی دەربکات.}

^{دوای دەرکردنی ئەو ژمارەیەی سەربازان، ژمارەی سەربازانی سوپای ئەمریکا دەبێتە 450 هەزار سەرباز، کە 10 هەزاریان ئێستا لە ئەفغانستانن و 3500 سەربازی دیکەش ئێستا لە عێراق بەشداریی شەڕی دژی تیرۆریستانی رێکخراوی دەوڵەتی ئیسلامی (داعش) دەکەن.}

8/7/2015

^{به‌رپرسێكی باڵای ئه‌مریكا ڕایگه‌یاند: ” ئه‌و كۆت و به‌ند و سزایانه‌ی كه‌ ئه‌نجومه‌نی ئاسایش سه‌پاندونی به‌سه‌ر به‌رنامه‌ی چه‌كه‌ بالیستییه‌كانی ئێراندا، وه‌ك خۆیان ده‌مێننه‌وه‌و، لانابرێن، ته‌نانه‌ت ئه‌گه‌ر ڕێككه‌وتنی ئه‌تۆمیش ئه‌نجام بدرێت. 
به‌رپرسه‌كه‌ گوتیشی: ” ئێمه‌باسی ئه‌و ڕێو شوێنانه‌ ده‌كه‌ین كه‌ به‌گوێره‌ی بڕیاره‌كانی ئه‌نجومه‌نی ئاسایش بۆ به‌رنامه‌ ئه‌تۆمی و موشه‌كییه‌كانی ئێران دانراون”. 
هه‌ر ئه‌مڕۆ لایه‌نی ئه‌مریكی ڕایگه‌یاند: ” ئه‌و ڕێككه‌وتنه‌ كاتییه‌ی كه‌له‌ساڵی 2013دا له‌نێوان وڵاته‌ گه‌وره‌كان و ئێراندا واژۆكراوه‌، تاكو ڕۆژی هه‌ینی درێژكرایه‌وه‌، ئه‌وه‌ش واته‌ ڕۆژی هه‌ینی دوا واده‌یه‌ بۆ گه‌یشتنه‌ ئه‌نجامی دانوستانه‌ ئه‌تۆمییه‌كان”. 
“ماری هارف” وته‌بێژی فه‌رمی وه‌زاره‌تی ده‌ره‌وه‌ی ئه‌مریكا گوتیشی: ” بۆئه‌وه‌ی كاتێكی زیاتر به‌دانوستانه‌كان بده‌ین، ئه‌وا كارده‌كه‌ین بۆ ئه‌وه‌ی هه‌نگاوی ته‌كنیكی پێویست بنێین، تاكو كاری هاوبه‌ش به‌گوێره‌ی ڕێككه‌وتنی 2013 به‌رده‌وام بێت تاكو ڕۆژی هه‌ینی 10/7″. 
له‌لای خۆیه‌وه‌”فیدیریكا مۆرگینی” وه‌زیری ده‌ره‌وه‌ی یه‌كێتی ئه‌ورووپا گوتی: ” دانوستانه‌ ئه‌تۆمییه‌كه‌، بۆچه‌ند كاتژمێرێكی تر، یان دوو ڕۆژی تر به‌رده‌وام ده‌بێت، ئه‌وه‌ش درێژكردنه‌وه‌ نیه‌، به‌ڵكو بۆ سود وه‌رگرتنه‌ له‌كات”. 
هه‌روه‌ها گوتی: ” ئێمه‌ له‌دوای حه‌وتی مانگه‌وه‌، پێویستمان به‌دووڕۆژ زیاتر ده‌بێت بۆ دانوستان”. 
له‌ڕووی تیۆرییه‌وه‌ 7/7 دوا واده‌ بوو بۆ كۆتایی هێنان به‌دانوستانه‌كان. به‌ڵام له‌دوای 10 رؤژ له‌دانوستانی سه‌خت له‌ پایته‌ختی نه‌مسادا، هێشتا پرسه‌ جه‌وهه‌رییه‌كان باسیان لێوه‌ نه‌كراوه‌، ئه‌گه‌رچی هه‌موو وه‌زیرانی ده‌ره‌وه‌ له‌ ڤییه‌ننان بۆ ئه‌وه‌ی بتوانن ڕێككه‌وتنه‌ مێژوییه‌كه‌ به‌ئه‌نجام بگه‌یه‌نن. 
ئه‌وه‌ش له‌كاتێكدایه‌ سه‌رچاوه‌یه‌كی دیپلۆماتی ئه‌ڵمانی ڕایگه‌یاند: ” به‌دووری نازانم دانوستانه‌كه‌ شكست بهێنێت”.}

8/7/2015

^{لە ماوەی یەک حەفتەی رابردوودا بۆ ماوەی دوو جار وادەی کۆتایی دانوستانە ناوکییەکەی نێوان ئێران و وڵاتانی پێنج کۆ یەک درێژ کراوەتەوە و هەتا ئێستەش هیچ ئاکامێکی روونی بەدواوە نەبووە.}

^{بەپێی هەواڵی هەواڵدەرییە جیهانییەکانی بڕیار بوو کە رۆژی سێشەممە دوایین رۆژی دانیشتنەکان لە وڵاتی نەمسا بێت، کەچی وەزیرانی دەروەی وڵاتانی پینج کۆ یەک لەناکاو شۆێنی کۆبوونەوەکەیان بەجێهێشتووە.}

^{ئەو وەزیرانە باسیان لەوە کردووە کە ئەگەر پێویست بکات ئەوە دەگەڕینەوە هۆڵی کۆبوونەوەکان و هەواڵەکان باس لەوە دەکەن کە وەزیری دەرەوەی ئێران و ئەمەریکا هەر لە ڤییەنا ماونەتەوە.}

^{دەگوترێت دانوستانەکان هەتا ڕۆژی پێنجشەممەی ئەم حەفتەیە درێژ کراونەتەوە و کێشەی سەرەکیی نیوان دانوستانکارانیش لەسەر شێوازی سەردانی کردنی پشکێنەران بۆ بنکە ناوکییەکانی ئێرانە.}

^{وڵاتانی ڕۆژئاوایی دەڵێن دەبێ پشکێنەران بەبێ مۆلەت وەرگرتن لە ئێران و لەناکاو سەردانی بنکە ئەتۆمییەکان بکەن و ئێرانیش ئەوە رەت دەکاتەوە و باوەڕی وایە کە دەبێ ئەو سەردانە بە بەرنامە بێت.}

^{لەلایەکی دیکەوە کارناسان لەو باوەڕە دان، ئێران 3 هەزار كیلۆگرەم ئۆرانیۆمی پیتێنراوی بە چڕی 3% لەبەردەست دایە دایە و وڵاتانی رۆژئاوا لەوە نیگەرانن كە ئێرانە لەوانەیە بڕی ئەو پیتاندنە بگەیەنێتە 9% و ئەم كارەش لەوانەیە بۆ بەرهەمهێنانی چەكی ئەتۆمی بەكار ببرێت.}

^{لەلایەکی دیکەوە جۆن کێری لە کۆنفرانسێکی ڕۆژنامەوانیدا رایگەیاندبوو، وڵاتانی پێنج کۆ یەک و ئێران کێشەی زۆریان لەسەر رێگەیە و هەتا ئیستەش لەسەر زۆر پرسی گرنگ کێشەیان هەیە.}

^{وەزیری دەرەوەی وڵاتی ئەمەریکا جەختی لەوەش کردبوویەوە ئەگەری ئەوە هەیە ڕێڕەوی دانوستانەکان بگوڕدرێن و بە لایەکی زۆر خراپدا بکشرێت.}

8/7/2015

^{گۆڕانی كه‌ش و هه‌وا و جێ به‌ جێ كردنی پلانی هه‌ڵه‌و نه‌شیاو له‌ ده‌رووبه‌ری زه‌ریاچه‌ی ورمێ له‌ ڕۆژهه‌ڵاتی كوردستان، چه‌ندین ساڵه‌ ئه‌و زه‌ریاچه‌یه‌ی ڕووبه‌رووی وشكبوون كردووه‌ و زیاتر له‌ 70%ی ئاوی زه‌ریاچه‌یه‌ وشك بووه‌.}

^{رێگریكردن له‌ وشبوونی زه‌ریاچه‌ی ورمێ سه‌ره‌كیترین داواكاری خه‌ڵكی ڕۆژهه‌ڵاتی كوردستانه‌ به‌تایبه‌ت دانیشتووانی شاری ورمێ و حه‌سه‌ن ڕوحانی، سه‌رۆككۆماری ئێران له‌ پرۆپاگه‌نده‌كانی هه‌ڵبژاردنیدا، دروشمی ڕێگری كردن له‌ وشكبوونی ده‌ریاچه‌ی ورمێ به‌رز كرده‌وه‌ و بڕیاریدا له‌گه‌ڵ ده‌ستبه‌كاربوونی هه‌رچی له‌توانایدابێ بۆ ژیانه‌وه‌ی ئه‌و ده‌ریاچه‌یه‌ بیگرێته‌به‌ر.}

^{كاره‌ساتی وشكبوونی ده‌ریاچه‌ی ورمێ دیارده‌یه‌كی ده‌گمه‌نی سروشتییه‌و نموونه‌ی ئه‌و ڕووداوه‌ ته‌نیا له‌ ئه‌مەریكا و له‌ ده‌ریاچه‌ی ئاراڵ بینراوه‌، بۆیه‌ هه‌وڵ ده‌درێ له‌ ئه‌زموونی كارناسانی ژینگه‌ی ئه‌مەریكا بۆ ڕووبه‌رووبوونه‌وه‌ وشكبوونی ده‌ریاچه‌ی ورمێ كه‌ڵك وه‌ربگرێ و وه‌زاره‌تی ده‌ره‌وه‌ی ئه‌مەریكا ئاسانكاری بۆ هاوكاری له‌نێوان كارناسانی ئێرانی و ئه‌مەریكی كردووه‌.}

^{له‌به‌رده‌وامی هه‌وڵه‌كانی ڕووبه‌رووبوونه‌وه‌ی وشكبوونی ده‌ریاچه‌ی ورمێ، ساڵی 2013 له‌ به‌رلین كۆنفرانسێك به‌ به‌شداری شاندێكی وه‌زاره‌تی وزه‌ی ئێران و لیژنه‌ی «گرووپی كار بۆ ڕزگاركردنی ده‌ریاچه‌ی ورمێ» به‌رێوه‌چوو. دوای دوو ساڵ له‌و كۆنفرانسه‌ هه‌وڵێكی دیكه‌ی زانستی له‌ نێوان زانایان و كارناسانی ئێرانی و ئه‌مەریكی كه‌وتووه‌ته‌گه‌ر و ژماره‌یه‌ك له‌ كارناسانی ژینگه‌ له‌ زانكۆكانی تاران و ته‌ورێز سه‌ردانی ئه‌مەریكایان كردووه‌ تا له‌گه‌ڵ كارناسانی ئه‌و وڵاته‌ كۆببنه‌وه‌و ڕاسته‌وخۆ هه‌وڵی كارناسانی و ناوه‌نده‌ زانستییه‌كان بۆ ڕزگاركردنی چه‌ند زه‌ریاچه‌یه‌كی ئه‌و وڵاته‌ ببینن. 
دوای سه‌ردانی شاندی كارناسانی ئێرانی، كۆبوونه‌وه‌یه‌كی هاوبه‌ش له‌ نێوان كارناسانی ئێرانی و ئه‌مەریكی له‌ زانكۆ كالیفۆرنیا به‌رێوه‌چوو.}

^{دكتۆر داوود ڕه‌زا عه‌ره‌ب، وته‌بێژی «ناوه‌ندی زیندووكردنه‌وه‌ی زه‌ریاچه‌ی ورمێ» له‌باره‌ی ئه‌و سه‌ردانه‌ ڕای گه‌یاند:» زه‌ریاچه‌ی «گریت ساڵت لیك» له‌ ئه‌مەریكا زیاترین لێكچوونی له‌گه‌ڵ زه‌ریاچه‌ی ورمێ هه‌یه‌ و چه‌ند زه‌ریاچه‌یتر له‌ ئه‌مەریكا هه‌یه‌ كه‌ تووشی كێشه‌و گرفتی سروشتی هاوشێوه‌ی زه‌ریاچه‌ی ورمێی هاتوون. بۆیه‌ ئێمه‌ ده‌توانین سوود له‌ ئه‌زموونی كارناسانی ئه‌مەریكی بگرین و ئه‌م كۆربه‌نده‌ زیاتر ئێمه‌ی له‌گه‌ڵ ڕێگاكانی ڕووبه‌رووبوونه‌وه‌ له‌گه‌ڵ قه‌یرانی وشكبوونی زه‌ریاچه‌كان ئاشنا كرد.}

^{ناوبراو ڕاشی گه‌یاند: بێگومان ئێمه‌ له‌ ئه‌زموونی ئه‌مەریكییه‌كان بۆ ڕووبه‌رووبوونه‌وه‌ له‌گه‌ڵ قه‌یرانی وشكبوونی زه‌ریاچه‌ی ورمێ سوود وه‌رده‌گرین و پلانه‌كانیان له‌ ورمێ جێ به‌ جێ ده‌كه‌ین.}

^{پرۆفیسۆر سروش سروشیان سه‌رۆكی ناوه‌ندی «هیدرۆ میتۆرۆلۆجی» له‌ زانكۆ كه‌لیفۆرنیا ڕێكخه‌ری كۆبوونه‌وه‌ی نێوان كارناسانی ئێرانی و ئه‌مەریكی بووه‌و ده‌ڵێ:» به‌رده‌وام قه‌یرانی وشكبوونی ئاوی زه‌ریاچه‌ی ورمێ له‌ ئاكادیمیای زانستی ئه‌مەریكا باسی لێوه‌كراوه‌و وه‌زاره‌تی ده‌ره‌وه‌ی ئه‌مەریكا هاوكاری زانایانی ئێرانی كردووه‌ تا سه‌ردانی ئه‌مەریكا بكه‌ن و یارمه‌تیده‌ر بووه‌ بۆ ئه‌نجامدانی ئه‌م كۆبوونه‌وانه‌.}

^{«سروش سروشیان» هه‌روه‌ها ده‌ڵێ:»هه‌وڵ ده‌ده‌ین ئه‌زموونی خۆمان له‌ ڕۆژاوای ئه‌مەریكا ڕاده‌ستی كارناسانی ئێرانی بۆ ڕێگریكردن له‌ وشكبوونی زه‌ریاچه‌ی ورمێ بكه‌ین.}

^{ده‌ریاچه‌ی ورمێ كه‌ به‌ ده‌ریاچه‌ی ڕه‌زایه‌ش ناسراوه‌، گه‌وره‌ترین ده‌ریاچه‌ی ئێران و كوردستانه‌ و دووه‌مین ده‌ریاچه‌ی سوێری جیهانه‌.}

^{ده‌شته‌كانی ته‌ورێز و مهاباد و ورمێ و بناب و نه‌غه‌ده‌ و سه‌لماس و پیرانشار و شنۆ و میاندوئاو به‌ ئاوی ئه‌و ده‌ریاچه‌یه‌ تێرئاو ده‌بن و ئه‌و ناوچانه‌ بوون به‌ جه‌مسه‌رێكی گرنگی كشتوكاڵی. ده‌ریاچه‌ی ورمێ جوانترین ژینگه‌ی باڵنده‌ و ئاژه‌ڵه‌ له‌ ڕۆژهه‌ڵاتی كوردستان كه‌ 27 جۆر شیره‌ده‌ر و 212 جۆر باڵنده‌ و 41خزۆك و 7دووژی (وشكئاوی) و 26جۆر ماسی له‌خۆ گرتووه‌.ئه‌م ده‌ریاچه‌یه‌ 102دوورگه‌ی له‌خۆ گرتووه‌ كه‌ له‌ لایه‌ن ڕێكخراوی یۆنسكۆ وه‌كوو میراتی سروشتی جیهان ناوی تۆماركراوه‌.}

^{ئاوی ده‌ریاچه‌ی ورمێ له‌ ماوی 13 ساڵی ڕابردوو6مه‌تردابه‌زیوه‌ و له‌ ئه‌گه‌ری وشكبوونی 10ملیۆن كه‌س بێ ماڵ و حاڵ ده‌بن و ژیانیان ده‌كه‌وێته‌ مه‌ترسی كه‌ زیاترینیان كوردن.}

8/7/2015

ماڵێکی وێرانبوو لە یەمەن دوای هێرشی ئاسمانی هاوپەیمانی سعودیە

<sup>بەهۆی تەقینەوەی دوو ئۆتۆمبێلی بۆمبڕێژكراو كە یەكێكیان لە بنکەیەكی ئەمنی شاری بەیزا-ی باشووری یەمەن و ئەوی دیكەش لە مزگەوتێك لە سەنعای پایتەخت روویاندا، چەندین كەس بوونە قوربانی و رێكخراوی داعشیش بەرپرسیاریەتی خۆی لە تەقینەوەی مزگەوتەکە راگەیاند.

چەند سەرچاوەیەكی ئەمنی بە BBC-یان راگەیاندووە كە رۆژی سێشەممە ئۆتۆمبێلێكی بۆمبڕێژكراو لە دەرەوەی مزگەوتێكی شیعەكان تەقیوەتەوە و بەهۆیەوە كەسێك كوژراوە و پێنج كەسی دیكەش برینداربوونە. دواتر رێكخراوی داعش بەرپرسیاریەتی خۆی لەو تەقینەوەیە گرتە ئەستۆ.

بەپێی لێپرسراوانی یەمەن ئەم تەقینەوانە لە كاتێكدان، كە فڕۆكەكانی هاوپەیمان بە سەركردایەتی سعودیە 7 هێرشی ئاسمانیان بۆ سەر، كاروانێكی سەربازی حوسییەكانیان و ئەو هێزانەی كە لایەنگری عەلی عەبدوڵڵا ساڵحی سەرۆكی پێشووی یەمەنیان كردووە ئەنجامدا.

ئەو هێرشە ئاسمانیانە دوای رۆژێك لە كوژرانی دەیان حوسی لە توندوتیژترین هێرشی ئاسمانی سعودیە لەماوەی سێ مانگی رابردوو بۆ سەر حوسییەكان دێن.
بەپێی رێكخراوی نەتەوەیەكگرتووەكان بەلانی كەمەوە 3 هەزار كەس لە سەرەتای دەستپێكردنی هێرشە ئاسمانییەكانی هاوپەیمانان بۆ سەر یەمەن كوژراون.</sup>

^8/7/2015

<sup>ناوی دوو فڕۆکەخانەی باکووری کوردستان بەفەرمی گۆڕدران و لەو چوارچێوەیەدا ناوی فڕۆکەخانەی (ئاگری) بووە ئەحمەدی خانی و فڕۆکەخانەی (هەکاری)ش بووە سەلاحەددینی ئەیووبی.

ئەم گۆڕانکارییە کە بە بڕیاری ئەنجوومەنی وەزیرانی تورکیا ئەنجامدراوە رۆژی 8-7-2015 لە رۆژنامەی فەرمی ئەو وڵاتە بڵاوکرایەوە.

پێشتر لەکاتی سەردانیدا بۆ شاری جۆلەمێرگ لە باکووری کوردستان، ئەحمەد داودئۆغڵو، سەرۆکوەزیرانی تورکیادا پەیمانی بە هاونیشتیمانیان دا کە ناوی فڕۆکەخانەی شارەکەیان بگۆڕێت بۆ سەڵاحەددینی ئەیووبی.</sup>

^8/7/2015

^{وەرگێڕانی : رەزا شوان}

^{کچە نمایشکەری جلوبەرگی کەنەدی ( تایگەر) چەند مانگێک لەمەوەبەر، هات بۆ سوریا و، چووە رۆژئاوای کوردستان، بۆ ئەوەی لە ڕیزەکانی یەکێک لە کۆمەڵە کوردییەکاندا، کە سەر بە هێزەکانی پاراستنی گەلە و، بە کورتی بە (یـە پـە گـە) ناودەبرێت، وەکو شەڕڤانێک لە دژی رێکخراوی داعش شەڕبکات .}

^{( تایگەر ) گەڕایەوە بۆ کەنەدای نیشتمانی، بۆ ئەوەی چی بە چاوی خۆی بینیبوو، بۆ خەڵکی وڵاتەکەی بگێڕێتەوە .. تایگەر ئەو هەستەی لا دروست بووە، کە حەزی بە یارمەتیدانی کوردە، لە رووبەڕووبوونەوەی داعشدا، بۆ ئەوەی بەرگری کردن لە شارستانییەتی مرۆڤایەتی .}

^{هەروەکو رۆژنامەی ( دێلی تلـیگراڤ ) بە زمانی تایگەرەوە بڵاوی کردەوە، تایگەر دەڵێت : " گەلێ شتم بینی کە بە خەیاڵمدا نەهاتوون، هەندێ جار ناچار دەبووم کە لەسەر پەنجەکانی پێم بوەستم .. کیژۆڵەیەکی بچووکم بینی کە مینی چێنراو، پێیدا تەقییەوە ومرد .. هیچ هاوکارییەکی پزیشکی کوردەکان ناکرێت "}

^{رۆژنامەکە لەسەر قسەکان دەڕوات و، نووسیویەتی کۆمەڵەی ( یەپەگە)ناوبانگێکی نێودەوڵەتی دەرکرد .. تا ئەمڕۆ بە دەیان گەنجانی رۆژئاوایی چوونەتە ریزەکانیانەوە، کە لە نێوانیاندا، هەندێ بەریتانی هەن . لە دوای ئەوەی کە شەڕڤانان لە شاری کۆبانی بەرەنگاری رێکخراوی داعش بوونەوەو .. دەریان پەڕاندن و، سەرکەوتنیان بەدەست هێنا.}

^{رۆژنامەی دێلی تلیگراڤ، ئاماژەش،بە ناوی خەڵکیتر دەکات، کە لە وڵاتانی رۆژئاواوە هاتوون و، چوونەتە پاڵ شەڕڤانانی کورد، بۆ شەڕکردن لە دژی رێکخراوی داعشی تیرۆریست .. لەوانەش ( ئالان دنگان)کە سەربازێکی پێشووی تیپی سەربازی ئیڕلەندی بوو لە سوپای بەریتانیادا .. ( ماگر کیفۆرد ) کە گەنجێکە لە ( ئۆکسفۆرد ) ەوە هاتووە و، چۆتە ریزی هێزەکانی پاراستنی گەل .}

^{(*) دەقی ئەم ئەم بابەتە، لە رۆژی سێ شەممە ( ٧/ ٧/ ٢٠١٥) بە زمانی عەرەبی لە ماڵپەڕی( کتابات) دا بڵاوکراوەتە .}

^7/7/2015

<sup>لەماوەی رابردوودا، لەباشووری کوردستان، بێجگە لەقەیرانی بەنزین، سووتانی فیول پەمپی ئۆتومبێل ئەو گرفتەبوو کە بەھۆی خراپی کوالێتی بەنزینەوە رووبەڕووی شۆفیران بوویەوە، بەڵام ئێستا بەشێک لەشۆفیران لەپاڵ گلەییەکانیاندا، دڵخۆشن بەوەی سەرمایەدارێک بەتۆمەتی ھێنانی بەنزینی خراپ رووبەڕووی یاسا کراوەتەوە.

بازرگانێک بەتۆمەتی ھێنانی نەفتا لە دەرەوەی ھەرێمی کوردستان و، ساخکردنەوەی لەبازاڕەکانی باشووری کوردستان بەمادەی بەنزین، دەستگیرکراوە  ئێستا دۆسیەکەی لەدادگایە تاوەکو دادوەر بڕیاری کۆتایی لەسەر بدات.

سەرۆکی لیژنەی سامانە سرووشتیەکان، لەئەنجوومەنی پارێزگای سلێمانی، ئەوە دەخاتەڕوو :"یەکلایکردنەوەی دۆسێی ئەو سەرمایەدارەی رووبەڕووی دادگا کراوەتەوە، کۆتایی بەو کێشە نایەنێت کەشۆفیران بەھۆیەوە تووشی زیان بوونەوە"، چونکە پێیوایە:" لەپاڵ ھێنانی نەفتا لەدەرەوەی باشووری کوردستان کوالێتی بەنزینی ناوخۆش کاریگەری ھەبووە لەو کێشەیەدا".

ھەرچەند تاوەکو ئێستا دادگا بڕیاری یەکلایکەرەوەی دەرنەکردووە لەبارەی دۆسیەی بازرگانە تۆمەتبارەکە، بەڵام ئەو شۆفێرانەی بەھۆی خراپی کوالێتی بەنزینەوە ئوتومبێلەکانیان سووتا چاویان لەسەر دادگایە، مافی خۆیان بۆبگێڕێتەوە.</sup>

^7/7/2015