<sup>رەجەب تەیب ئەردۆغان، سەرۆککۆماری تورکیا، سەرەخۆشی لە هادەپ دەکات، بە بۆنەی کۆچی دوایی یەکێک لە ئەندامەکانی.

ئەردۆغان لە پەیوەندییەکی تەلەفۆنیدا لەگەڵ سەڵاحەدین دەمیرتاش، هاوسەرۆکی هادەپ، پرسە و سەرەخۆشی خۆی گەیاندە ئەو پارتە کوردییە بە بۆنەی کۆچی دوایی موراد بۆزلاک، پەرلەمانتاری کورد لە ریزی هادەپ لە پەرلەمانی تورکیا.

لە تورکیا هەرچەند گرژیی و ناکۆکی لە نێوان سیاسییەکان هەبێ، بەڵام لە کاتی بۆنەی نیشتیمانی و پرسەدا پەیوەندی گرێ دەدەن.</sup>

^5/1/2015

<sup>بەرپرسی مەڵبەندی پارتی دیموکراسی گەلان لە ئیستەنبوڵ رایدەگەیێنێت ئازادبوونی عەبدوڵڵا ئۆجەلان نزیکە و دەڵێت:" تاوەكو ئاپۆ ئازادنەکرێت هیچ پرۆسەیەک قبوڵ ناکەین".

رۆژی 4-1-2014، پارتی دیموکراسی گەلان HDP کۆنگرەی ناوچەیی خۆی لە ئیستەنبوڵ سازکرد. لە کۆبوونەوەکەدا کە بە بەشداری سەڵاحەدین دەمیرتاش و فیگەن یوکسەکداغ، هاوسەرۆکانی ئەو پارتە بەڕێوەچوو، ئەمروڵڵا بینگۆل، بەرپرسی مەڵبەندی ئیستەنبوڵی ئەو پارتە گوتارێکی پێشکەشکرد.

بینگۆل لە گوتارەکەیدا باسی پرۆسەی چارەسەری کرد و گوتی: "با پارتی داد و گەشەپێدان و رەجەب تەییب ئەردۆغان و دۆست و دوژمن باش بزانن، گەورەترین داوای ئێمە ئازادی ئۆجەلانە و هەتا ئاپۆ ئازاد نەکرێت بە هیچ شێوەیەک پرۆسەی چارەسەری جێگەی قبووڵ نییە". هەروەها گوتیشی،" ئازادكردنی ئۆجەلان نزیکە".

لە هەمان رێوڕەسمدا دەمیرتاشیش گوتارێکی پێشکەشکرد و رایگەیاند کە بەو نزیکانە گۆڕانکاری یەکلاکەرەوە لە رۆژهەڵاتی ناوەڕاست روودەدەن و گوتی:" دەبێت خۆمان لەسەر چارەنووسی خۆمان بڕیاربدەین لەو گۆڕانکارییە یەکلاکەرەوانەدا".</sup>

^4/1/2015

<sup>ئێران رایدەگەیێنێت17 نووسینگەی کەناڵی ئاسمانیان داخستوون کە دروستکراوی "دوژمنانن بەناوی شیعە" و ئەو کەناڵانەش لەپێناو بڵاوکردنەوەی رۆحی دووبەرەکی و ناکۆکی لە نێوان موسڵماناندا كاریان كردووە.

ئاژانسی هەواڵی فەرمیی ئێران "ئیرنا" لەسەر زاری پور فەلاح، یاریدەدەری وەزیری ئەمنی ئێرانی بۆ کاروباری ناوخۆ گواستوویەتیەوە، کە "سەرکردەی شۆڕشی ئیسلامی پاڵپشتی لە یەکێتیی موسڵمان لە نێوان سوننە شیعەدا دەکات و داواشدەکات دوورکەونەوە لە بڵاوکردنەوەی رۆحی دووبەرەکی و ناکۆکی لە نێوان موسڵماناندا، لەسەر ئەمەش دەستمان بە داخستنی 17 نووسینگەی کەناڵی ئاسمانی کرد، کە لە چوارچێوەی بەرنامەکانیاندا رۆحی دووبەرەکی و فیتنەو ناکۆکییان لە نێوان موسڵماناندا بڵاودەکردەوە".

فەلاح ئەوەشی گوتووە کە "دوژمنانی ئێران لە رێگەی ئەو جەنگە سەپێندراوەی سەر ئێران شکستیان هێناوە، ئەمڕۆ هاتوون جەنگێکی نەرم لە بەرامبەری بەکار دەهێنن و رۆحی دووبەرەکی و ناکۆکی لە نێوان موسڵماناندا بڵاودەکەنەوە وەکو یەکێک لە کەرەستەکانی جەنگ، بەڵام رێگەیان پێنادەین ئامانجەکانیان بهێتەدی لەم جەنگە".</sup>

^4/1/2015

<sup>یەکێتی زانایانی ئایینیی ئیسلامی کوردستان سکاڵای یاسایی لەسەر نووسەرێک تۆماردەکات، بەهۆی ئەوەی "سووکایەتی" بە پێغەمبەری ئیسلام کردووە.

یەکێتی زانایانی ئایینی ئیسلامی کوردستان، لە راگەیەندراوێکدا، کە وێنەیەکی گەیشتووەتە تۆڕی میدیایی رووداو، رایدەگەیەنێت، کە سکاڵای یاسایی لەسەر حەمەسەعید حەسەن، نووسەر تۆمار دەکات، چونکە "لە یادی مەولودی پێغەمبەری سەروەر، پۆستێكی پڕ لە سووكایەتی بەرامبەر ئەو سەروەرە" بڵاوکردووەتەوە.

ئەمڕۆ حەمەسەعید حەسەن لە پەیجی خۆیدا لە تۆڕی کۆمەڵایەتی فەیسبووک، محەممەدی کوڕی عەبدوڵڵا، پێغەمبەری ئیسلامی بە پێغەمبەری رێکخراوی دەوڵەتی ئیسلامی (داعش) ناوبردبوو و نووسیبووی، "سڵاو هاوڕێیانی فەیسبووک، هەر کەسێکتان رێکلام بۆ پەیامبەری داعش بکات، بلۆکی دەکەم".

یەکێتی زانایان پێیوایە ئەم هەڵوێستەی حەمەسەعید حەسەن، "بێرێزیكردنە بەرامبەر خەڵكی كوردستان‌ و هەرەشەیەكی مەترسیداریشە بۆ سەر ئاسایشی نەتەوەیی‌".

هەروەها یەکێتی زانایان، لە راگەیەندراوەکەیاندا ئاماژە بەوە دەکەن، کە تاوەکو "یاسا رێچكەی خۆی بگرێتە بەر"، بڕیاریانداوە "بەدواداچوونی یاسایی بۆ ئەم پرسە دوور لە بەرپرسیارێتییە بكەین".</sup>

^4/1/2014

<sup>پرۆفیسۆر و ئه‌کادێمیسیه‌نی مارکسیست کۆرکوت بۆراتاڤ، کورد به‌ "گه‌لێکی بێ وڵات" وه‌سفده‌کات و ئاماژه‌ به‌وه‌ ده‌کات، که‌ له‌ داهاتوودا "نه‌ک یه‌ک ده‌وڵه‌ت، به‌ڵکو چه‌ند ده‌وڵه‌تێكی کوردی دەبینین".

له‌میانی به‌شداریکردنی له‌ کۆڕی سیاسی سه‌ربه‌خۆ، کۆرکوت بۆراتاڤ هه‌ڵسه‌نگاندنی بۆ داهاتووی سیاسی تورکیا و رۆژهه‌ڵاتی ناوه‌ڕاست کرد. له‌ وه‌ڵامی پرسیارێکدا تایبه‌ت بە په‌یوه‌ندییه‌کانی تورکیا له‌گه‌ڵ کورد، بۆراتاڤ گوتی:‌ "باشووری کوردستان دووه‌م وڵاته‌ له‌دوای ئه‌ڵمانیا که‌ قه‌باره‌ی بازرگانی و ئابووری فراوانی هه‌بێت له‌گه‌ڵ تورکیا، ئه‌مه‌ش گرنگی هه‌ردوو لایه‌ن بۆ یه‌کتر ده‌رده‌خات".

سەبارەت بە پرۆسه‌ی ئاشتیی لە تورکیا، کە ئایا‌ چی کاریگه‌رییه‌کی له‌سه‌ر پرسی کورد له‌ تورکیا و په‌یوه‌ندی سیاسی نێوان تورکیا و باشووری کوردستان ده‌بێت، بۆراتاڤ به‌م شێوه‌یه‌ وه‌ڵامی دایه‌وه‌:
"ئه‌گه‌ر سه‌یری جوگرافیای سیاسی رۆژهه‌ڵاتی ناوه‌ڕاست بکه‌ین، له‌ داهاتوودا نه‌ک یه‌ک ده‌وڵه‌ت، به‌ڵکو چه‌ند ده‌وڵەتێکی کوردی ده‌بینین. بۆ ئه‌وه‌ی چه‌ند ده‌وڵه‌تێکی کوردی ببینین ده‌بێت چاوه‌ڕوانی کۆمه‌ڵگەیه‌کی سۆسیالیستی له‌ رۆژهه‌ڵاتی ناوه‌ڕاست بکه‌ین و کورد سوود له‌مه‌ وه‌ربگرێت. ئه‌مڕۆ رۆژهه‌ڵاتی ناوه‌ڕاست به‌ره‌و سۆسیالیستبوون ده‌چێت. باشووری کوردستانیش که‌ کاندیدێکی به‌هێزه‌ له‌ ناوچه‌که‌ بۆ ئه‌وه‌ی ببێت به‌ ده‌وڵه‌ت، به‌ڵام هه‌نگاو به‌ره‌و سۆسیالیستبوون نانێت. ئه‌گه‌ر بیه‌وێت ببێت به‌ ده‌وڵه‌ت نابێت پشت به‌ تورکیای ئاکپارتی ببه‌ستێت و دەبێت ترسی له‌و کۆسپانه‌ هەبێت که‌ تورکیای ئاکپارتی بۆی دروستبکه‌ن له‌ داهاتوودا".</sup> 

^rudaw

^3/1/2015

<sup>وەزارەتی دەرەوەی ئەمریكا رایگەیاند، كە جۆن كیری وەزیری دەرەوەی ئەمریكا و سێرگی لاڤرۆڤ وەزیری دەرەوەی رووسیا پەیوەندییەكی تەلەفۆنییان ئەنجامداوە.

لە راگەیێندراوێکدا ئاماژە بەوەکراوە، کە وێڕای ناكۆكییەكانی نێوان واشنتن و مۆسكۆ ، كیری و لاڤرۆڤ بیروڕایان دەربارەی پێشهاتە نوێیەكانی ئۆكراینا و ئەگەرەكانی دەستپێكردنی گەڕی چوارەمی دانوستاندنی نێوان ئۆكراینا و جوداخوازەكان گۆڕیوەتەوە.
 
 بەپێی راگەیێندراوەكەی وەزارەتی دەرەوەی ئەمریكا، لاڤرۆڤ لەگەڵ كیری دەربارەی پێشهاتە نوێیەكانی سووریا گفتوگۆی كردووە،  بەتایبەتی لەسەر كۆبوونەوەكانی مۆسكۆ لە نێوان حكومەت و ئۆپۆزیسیۆنی سووریا، كە بە نێوەندگیری رووسیا لەكۆتایی ئەم مانگەدا ئەنجامدەدرێت.
   
جگە لە جیاوازییەكان لەسەر ئۆكراینا و سووریا لە چەند رۆژی رابردوودا ئەمریكا و رووسیا بەهۆی دۆسیەی فەڵەستینەوە ناكۆكی كەوتە نێوانیان، كاتێك رووسیا دەنگی لە بەرژەوەندی پڕۆژە بڕیاری فەڵەستینییەكاندا، بەڵام ئەمریكا دژی وەستایەوە.</sup> 

^3/1/2015

<sup>فڕۆكە جەنگییەكانی هاوپەیمان ئەمڕۆ 23 هێرشیانكردە سەر هێزەكانی داعش لە كوردستان و عێراق و سووریا .

ناوەندی فەرماندەیی هێزەكانی هاوپەیمانان رایگەیاند كە فڕۆكە جەنگییەكان ئەمڕۆ 23 هێرشی ئاسمانییان دژی هێزەكانی داعش ئەنجامداوە .

لە راگەیێندراوەكەی ناوەندی فەرماندەیی هێزەكانی هاوپەیماناندا هاتووە كە ئەمڕۆ فڕۆكەكان 12 هێرشی ئاسمانییان لە شارەكانی كۆبانێ ، رەقە و حەسەكە لە سووریا ئەنجامداون ، كە تێیدا ئۆتۆمبێلە سەربازییەكان ، بەرەكانی پێشەوەی چەكدارانی داعش و بنكەیەكی گەورەی داعش لەو هێرشانەدا كرابوونە ئامانج.

هەروەها 11 هێرش لە عێراقدا ئەنجامدراون دژی هێزەكانی داعش لە دەوروبەری شارەكانی تاجی ، عەین ئەسەد ، فەلوجە ، بێجی ، قائیم و موسڵ . لەو هێرشانەدا ئۆتۆمبێلی چەكدارانی داعش ، چەكە قورسەكانیان و مەرجەبی چەكی داعش كرانە ئامانج .</sup>

rudaw

^3/1/2015

^{کۆمەڵێک گەورە زانا و دانای جیهان، پێناسەی پێغەمبەری ئیسلام محەممەدی کوڕی عەبدوڵڵا (د. خ.) دەکەن و زۆربەیان بە پیاوێکی گەورەی مرۆڤایەتی دەیناسێنن.}

^گاندی:

^{ویستم کەسێک بناسم، کە بەبێ کێشە دڵی هەزاران کەسی داگیرکردبێت، بۆم دەرکەوت، کە محەممەد ئەو کەسەیە و لە رێگەی سادەیی، راستگۆیی و دڵسۆزی بۆ پەیامەکەی و هەروەها ئەخلاقێکی زۆر بەرز، کە لەو پیاوەدا هەبوو، دڵی خەڵکی داگیرکردووە.}

^{فەیلەسووفی فەرەنسی لامارتین:}

^{ئەگەر بێتو پێوەرەکانی دیاریکردنی کەسانی ناوازە دیاریبکەین بۆ خزمەتکردن بە مرۆڤایەتی، ئەوا هیچ کەس جورئەت ناکات بڵێت، من لە محەممەد داهێنەرتربووم، چونکە ئەو خۆشەویستییەکی هەمیشەیی بەسەرزەویدا بڵاوکردەوە و داهێنەرەکانی دیکە چەک و داگیرکارییان بەدوای خۆیاندا هێنا.}

^{تۆڵستۆی:}

^{تەنها ئەوەندە بەسە بۆ محەممەد، کە شەیتانی لە میللەتەکەی دوورخستەوە و لە زەلیلی رزگاریکردن.}

^{بێرناردشۆ:}

^{محەممەد پیشڕەوی ئایینێک دەکات، تاهەتایە بە نەمری دەمێنێتەوە. رۆژێکیش دێت لە کیشوەرەکەی مندا ئایینەکەی ئەو پانتاییەکی زۆر دەگرێتەوە.}

^{ئێدوار مۆنتێیە:}

^{محمەمەد عاقڵترین پیاوی عەرەب بووە لە مێژوودا.}

^{شاعیری فەڕەنسی لامارتین:}

^{گەورەترین رووداو لە ژیانی مندا خوێندنەوەی ژیاننامەی محەممەد، پێغەمبەرەی ئیسلام بوو، دەرکم بە گەورەیی و نەمریشی کرد.}

^{گۆتە، شاعیری ئەڵـمانی:}

^{لە هەموو مێژووی مرۆڤایەتی بۆ باڵاترین مرۆڤ گەڕام، پێغەمبەرێکم دۆزییەوە ناوی محەممەد بوو.}

^{١٢ی بەفرانباری١٣٩٣ی هەتاویی}

^٢ی ژانویەی ٢٠١٥ی زاینی

کۆمەڵێک گەورە زانا و دانای جیهان، پێناسەی پێغەمبەری ئیسلام محەممەدی کوڕی عەبدوڵڵا (د. خ.) دەکەن و زۆربەیان بە پیاوێکی گەورەی مرۆڤایەتی دەیناسێنن.

گاندی:

ویستم کەسێک بناسم، کە بەبێ کێشە دڵی هەزاران کەسی داگیرکردبێت، بۆم دەرکەوت، کە محەممەد ئەو کەسەیە و لە رێگەی سادەیی، راستگۆیی و دڵسۆزی بۆ پەیامەکەی و هەروەها ئەخلاقێکی زۆر بەرز، کە لەو پیاوەدا هەبوو، دڵی خەڵکی داگیرکردووە.

فەیلەسووفی فەرەنسی لامارتین:

ئەگەر بێتو پێوەرەکانی دیاریکردنی کەسانی ناوازە دیاریبکەین بۆ خزمەتکردن بە مرۆڤایەتی، ئەوا هیچ کەس جورئەت ناکات بڵێت، من لە محەممەد داهێنەرتربووم، چونکە ئەو خۆشەویستییەکی هەمیشەیی بەسەرزەویدا بڵاوکردەوە و داهێنەرەکانی دیکە چەک و داگیرکارییان بەدوای خۆیاندا هێنا.

تۆڵستۆی:

تەنها ئەوەندە بەسە بۆ محەممەد، کە شەیتانی لە میللەتەکەی دوورخستەوە و لە زەلیلی رزگاریکردن.

بێرناردشۆ:

محەممەد پیشڕەوی ئایینێک دەکات، تاهەتایە بە نەمری دەمێنێتەوە. رۆژێکیش دێت لە کیشوەرەکەی مندا ئایینەکەی ئەو پانتاییەکی زۆر دەگرێتەوە.

ئێدوار مۆنتێیە:

محمەمەد عاقڵترین پیاوی عەرەب بووە لە مێژوودا.

شاعیری فەڕەنسی لامارتین:

گەورەترین رووداو لە ژیانی مندا خوێندنەوەی ژیاننامەی محەممەد، پێغەمبەرەی ئیسلام بوو، دەرکم بە گەورەیی و نەمریشی کرد.

گۆتە، شاعیری ئەڵـمانی:

لە هەموو مێژووی مرۆڤایەتی بۆ باڵاترین مرۆڤ گەڕام، پێغەمبەرێکم دۆزییەوە ناوی محەممەد بوو.

١٢ی بەفرانباری١٣٩٣ی هەتاویی

٢ی ژانویەی٢٠١٥ی زاینی

<sup>سەرتاپای جیهان بەم دیمەنانە پێشوازی لە ساڵی نوێ کرد. بەڵام دانیشتووانی شاری ئامەد لە باکووری کوردستان نەیانتوانی بە هەما شێوە ئاهەنگی سەری ساڵ ساز بکەن.

شەوی سەری ساڵ پلەی گەرما لە ئامەد کەمتر بوو لە 5 پلەی سیلیزی. لەگەڵ ئەوەدا بە هەزاران کەس رژانە سەر شەقامەکان بۆ پیرۆزکردنی ساڵی نوێ و پێشوازیکردن لە 2015. ئەوەی چاوەڕێ نەدەکرا، ئۆپەراسیۆنی پۆلیس بوو بۆ بڵاوەپێکردنیان، بەڵام روویدا.

پێکدادانی نێوان پۆلیس و هاونیشتمانیان لە چەند گەڕەکێکی ئامەد بووە رێگر لە بەردەم ئاهەنگگێڕان. سەرەتا لە ناوچەی یەنیشەهیر لەو شارە دەمەقاڵە لە نێوان چەند گەنجێک و پۆلیس درووستبوو. دواتر پۆلیس بڕیاری بڵاوەپێکردنی هاونیشتمانیانی دا و بۆ ئەو مەبەستە گازی فرمێسکڕێژ و ئاوی بەکارهێنا.

رووداوەکان بۆ ماوەی چەند کاژێرێک بەردەوام بوون. هەتا دواجار پۆلیس رێگا سەرەکییەکانی ئەو شارەی داخستن. لە یەکەم چرکەساتەکانی ساڵی نوێشدا 4 هاونیشتمانی دەستگیرکران و ئەم دیمەنانە بوون بە یەکەم دیمەنی تۆمارکراو لە ئامەد.</sup>

rudaw

^2/1/2015