به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
http://rudaw.net/sorani/kurdistan/2612201416
هاونیشتمانییەکی خەڵکی شاری پیرانشاری رۆژهەڵاتی کوردستان رۆبۆتێکی تایبەتی دروستکردووە کە بە رۆبۆتی پاسەوان دەیناسێنێت. بەگوتەی خاوەنەکەی، رۆبۆتی پاسەوان دەتوانێ لە مەودای ٥٠ مەترەوە پەرچەکردار بە هەر چەشنەی جووڵە و دەنگێک پێشانبدا و دەنگ و وێنەی ئەو کەسانەش لێکبکاتەوە کە لێی نزیکدەبنەوە.
ئەو رۆبۆتە دەنگ و وێنەی ئەو کەسە تۆمار دەکات کە لێی نزیکدەبێتەوە و هاوکات لەرێگەی ئینتەرنێتەوە پەیوەندی بە مۆبایلی خاوەنەکەی دەکات و راستەوخۆ وێنە و دەنگی ئەو شوێنەی بۆ دەگوازێتەوە.
رۆبۆتی پاسەوان لە ئێران بە داهێنانێکی تایبەت تۆمارکراوە و خاوەنی ئەو رۆبۆتە دەڵێت هەفتەی رابردوو لە پێشانگایەکی تایبەت بە لێکۆڵینەوە لە تارانی پایتەختی ئێران، پلەی یەکەمی بەدەستهێناوە.
عەبدوڵڵا حەسەنزادە دەڵێت چوارساڵ کات و 8 ملیۆن تمەنی بۆ دروستکردنی رۆبۆتەکەی تەرخانکردووە، بەڵام بەرپرسان تەنیا لەوحێکی رێزلێنانیان پێداوە و پشتیوانی مادییان لێنەکردووە. تەنانەت بانکەکانیش ئامادەنین بۆ پەرەپێدانی کارەکەی بە قەرزیش، هاوکاری بکەن بۆ ئەوەی کە بەرهەمەکەی بگەیەنێتە ئاستێکی جیهانی.
rudaw
26/12/2014
بڕیارە لە چوارچێوەی سەردانەكەیدا بۆ هەرێمی كوردستان، عەلی لاریجانی لە هەولێر لەگەڵ سەرۆكی هەرێمی كوردستان كۆببێتەوە.
عەلی دهنەوی، بەرپرسی بەشی سیاسی كونسوڵی كۆماری ئیسلامیی ئێران لە سلێمانی، بە تۆڕی میدیایی رووداوی گوت، بڕیارە لە سەردانەكەیدا عەلی لاریجانی، سەرۆكی ئەنجوومەنی شوورای ئێران لە هەولێر سەردانی مەسعود بارزانی، سەرۆكی هەرێمی كوردستان بكات.
نیوەڕۆی ئەمڕۆ هەینی 26/12/2014، لاریجانی لە شاری بەغداوە گەیشتە سلێمانی و لەلایەن بەرهەم ساڵح و ژمارەیەك بەرپرسی ئیداری و حیزبی پێشوازی لێكرا. لەو سەردانەیدا لاریجانی چاوی بە جەلال تاڵەبانی، سکرتێری گشتیی یەکێتیی نیشتمانیی کوردستان و سەرۆككۆماری پێشووی عێراق دەکەوێت. لەگەڵ ژمارەیەك ئەندامی مەكتەبی سیاسی یەكێتیش كۆدەبێتەوە.
هەروەها هەر ئەمڕۆ سەرۆكی ئەنجوومەنی شوورای ئێران كاژێر 02:30 سەردانی شاری هەولێر دەکات و لەگەڵ د. یوسف محەممەد، سەرۆکی پەرلەمانی کوردستان کۆدەبێتەوە. تارق جەوهەر، راوێژكاری راگەیاندنی پەرلەمانی كوردستان پێشتر بە تۆڕی میدیایی رووداوی گوتبوو، كە لاریجانی لەلایەن یوسف محەممەد لە فڕۆكەخانەی نێودەوڵەتی هەولێر پێشوازی لێدەكرێت و دواتر لە تەلاری پەرلەمان كۆبوونەوەیەك ئەنجامدەدەن.
rudaw
26/12/2014
راپۆرتەکان لە عەمانی پایتەختی ئوردن ئاشکرای دەكەن کە رێکخراوی داعش داوای گۆڕینەوەی مەعاز یوسف کەساسبە، ملازمی یەکەم لە فڕۆکەوانی ئوردنی بە دوو گیراوی عێراقی دەكات، كە یەکێکیان پیاوە و ئەوەی دیکە ئافرەتە، ئەم ژن و پیاوەش دوای داننانیان بەوەی لەپشتی کارە تیرۆریستییەکانەوەن، لە لایەن ئوردنەوە حکومی کوشتنیان بۆ دەرچووە.
راپۆرتە ئوردنییەكان ئاماژە بەوە دەدەن کە داعش دەیەوێت فڕۆکەوانە بەدیلگیراوەکە بە هەر یەک لە "ساجدە ریشاوی" و "زیاد کەربولی" بگۆڕێتەوە، کە لە ئوردن دەستبەسەرکراون.
لەمبارەیەوە هیچ بەیاننامەیەکی فەرمی لەلایەن ئوردن دەرنەکراوە، بەڵام محەمەد شەلەبی، سەرکردە لە رەوتی سەلەفی ناسراو بە "ئەبو سەیاف" لە نامەیەکدا کە ماڵپەرە ئەلیکترۆنییەکانی ئەو وڵاتە بڵاویانکردەوە، نووسیویەتی:" رێکخراوی دەوڵەتی ئیسلامی مەعاز یوسف کەساسبە بە (ساجدە ریشاوی) دەگۆڕێتەوە، ئەو ئافرەتەی کە ئەبو موسعەب زەرقاوی بۆ ئەنجامدانی کردەیەک بۆ ئوردنی نارد و لەلایەن دەسەڵاتدارانی ئەو وڵاتەوە دەستگیرکرا، لەگەڵ (زیاد کەربولی) یەکێک لە ئەندامانی رێکخراوی دەوڵەتی ئیسلامی".
شەلەبی لە نامەکەدا ئەوەشی نووسیوە، كە ئەوان وای دەبینین ئازادکردنی ئەو دووانە، زۆر چاکترە لە بەرژەوەندی کوشتنی فڕۆکەوانەکە.
rudaw
26/12/2014
جێگری سەرۆکی پارتی بزووتنەوەی نەتەوەیی تورکیا رەخنە لە حکومەتی وڵاتەكەی دەگرێت و بە گوێلەمشتی پارتی کرێکارانی کوردستان تۆمەتباری دەکات.
جەلال ئادان، جێگری سەرۆکی پارتی بزووتنەوەی نەتەوەیی MHP لە رێگەی پرۆسەی چارەسەرییەوە رەخنەی لە حکومەتی تورکیا گرت و بەرپرسانی پارتی داد و گەشەپێدانی بە گوێلەمشتی ئیمراڵی و قەندیل تۆمەتبار کردن.
ئادان گوتی: "پرۆسەی چارەسەری سیناریۆی خیانەتە و پارتی داد و گەشەپێدان ئیرادەی خۆی تەسلیمی تیرۆر کردووە. سەرۆکی حکومەت و وەزیرەکان چاویان لە دەسمی ئیمراڵی و قەندیلە و بە پێی هەڕەشەی ئەوان هەنگاو دەنێن".
بێ لە پارتی دەسەڵاتدار، زۆربەی پارتە بەرهەڵستکارەکانی تورکیا پشتگیری لە پرۆسەی چارەسەری دەکەن. بەڵام MHP تاكە پارتە بە فەرمی دژایەتی پرۆسەکە دەکات.
رووداو - DHA
26/12/2014
بەپێی لێدوانی جێگری سەرۆكی پەرلەمانی سوید، دەبێت كوردی ئەو وڵاتە و بیانییەكانی دیكەی سوید، واز لە نەتەوەی خۆیان بهێنن و لەنێو كۆمەڵگەی سوێدیدا بتوێنەوە. چونكە سوێد بۆ سوێدییەكانە و دەڵێت "نابێت هەم كورد و هەم سوێدی بیت".
رەنگدانەوەی سیاسەتی رەگەزپەرستەكان لەسەر رێسا و نەریتی سوێدییەكان بەرەو پراكتیك دەڕوات و لە دوایین پەرەسەندنیشدا بە ئاشكرا جێگری سەرۆكی پەرلەمانی سوێد كە لە پارتی سوێدییە دیموكراتەكانە، دەڵێت نابێ لە یەككاتدا كورد و سوێدی بیت.
رۆژنامەی داگنس نیهێتەر لە هەڤپەیڤینێكدا لەگەڵ بیۆرن سوێدەر، جێگری دووەمی سەرۆك وەزیرانی سوێد قسەیەكی كۆمیدیكاری كورد سۆران ئیسماعیلی بە نموونە هێنایەوە كە گوتبووی "من سەد لەسەد كوردم و سەد لەسەدیش سوێدیم".
بەڵام سوێدەر كە هاوكات سەرۆكی پارتی سوێدییە دیموكراتەكانە، بە تەنزەوە وەڵامی دایەوە و گوتی "ناكرێت سەد لە سەد كورد بیت و سەد لە سەد سوێدیش بیت، چونكە ئەمە دەكاتە 200، شتی وا نابێت". هەروەها گوتی "ئەم نەتەوانە ئەگەر نەتوێنەوە، ناكرێت بە سوێدی بزانرێن".
ریكاد یۆمشۆف، گوتەبێژی پارتەكەی سوێدەر بۆ كاروباری یاسایی، قسەكانی سوێدەری بە ناڕوون وەسفكرد و گوتی "هەموو كەس مافی پاراستنی نەتەوەی خۆی هەیە". ریكاد یۆمشۆف هەمان قسەی سەرۆكی پارتەكەی دووبارە كردەوە كە پێشتر لە كۆنگرەیەكی رۆژنامەڤانیدا گوتبووی "هەر حكومەتێك رەنگدانەوەی سیاسەتی بیانییەكانی بەسەرەوە بێت، دەیڕوخێنن".
ناوهێنانی كورد وەك نموونەیەك بۆ بیانییەكان لەلایەن ئەو ئەندامەی پارتی سوێدییە دیموكراتەكان كە پاشخانێكی نازیستیی هەیە، بۆچوونی جیاوازی هێناوەتە ئاراوە و نووسەرێكی كورد گلەیی لە كوردی سوید دەكات كە هەڵوێستیان لەسەر ئەم لێدوانە نەبووە. گۆران مەریوانی، ناڕەزایی خۆی بەرامبەر سوێدەر و كوردیش دەردەبڕێ و دەڵێت "دەست لە كوردبوونی خۆم بەرنادەم".
فەوزایەك لە پەرلەمان
دوای ئەم لێدوانەی سەرۆكی پارتی سوێدییە دیموكراتەكان، كاردانەوەكان تەنیا مێدیایی نەبوون و پەرلەمانیشی گرتەوە. لە نەریتی قسەكردنی پارلەمانتارانی ئەو وڵاتەدا سەرەتا ناوی سەرۆكی دانیشتنەكە دەهێنرێت كە سەرۆكی پەرلەمان، یان جێگرەكانیەتی.
لە دانیشتنی دووشەممەی رابردوودا كە لەو كاتەدا سوێدەر وەك جێگری دووەمی سەرۆكی پەرلەمان سەرۆكایەتی دانیشتنەكەی دەكرد، ئەندامێكی پەرلەمان كە بەرەچەڵەك چیللییە، سڵاوی تەنیا بۆ هەمووان نارد و گوتی "بەڕێزان". لەو كاتەدا سەرۆكی دانیشتنەكە قسەكەی بڕی و گوتی "بڵێ بەڕێز سەرۆكی پەرلەمان"، ئەویش رووی تێكرد و گوتی "تۆ سەرۆكی من نیت".
بەدوای ئەودا یەكێك لە ئەندامەكانی دیكە كە بەرەچەڵەك جوولەكەیە، بە زمانی عیبری گوتی "شالۆم" و ناوی ئەوی نەهێنا، پاشان ئەندامێكی دیكە كە بەڕەچەڵەك سامییە، بە زمانی خۆی سڵاوی نارد و هەمان نەریتی دووبارە كردەوە. بۆ هەریەكێك لەمانە سەرۆكی دانیشتنەكە گوتی "بڵێن بەڕێز سەرۆكی پەرلەمان". بەڵام ئەوان رەتیانكردەوە. ئەمانە بوونە هەڵوێستێك دژی ئەو لێدوانەی كە ئەو دابووی.
جەبار ئەمین پەرلەمانتاری كورد لە پەرلەمانی سوێد بە (رووداو)ی گوت "رۆژی هەینی رابردوو كاتێك نۆرەی لێدوانی من بوو، خۆم بۆ هەمان هەڵوێست ئامادە كرد، بەڵام بەداخەوە ئەو سەرۆكایەتی دانیشتنەكەی نەكرد". گوتیشی "ئەمە كاردانەوەیەكی باش بوو كە ئەندامانی پارتە جیاوازەكان هەریەكەیان بە شێوەیەك پرۆتستۆیان كرد".
كورد قسەی خۆیان هەیە
سەفین عەلی، دانیشتووی شاری ستۆكهۆڵَم گوتی "دەبێ هەڵوێستمان هەبێت و ئەمە سەرەتایەكی خراپە". لە درێژەی قسەكانیدا بۆ (رووداو) سەفین گوتی "لەبەرنامەماندا هەیە خۆپیشاندان بكەین".
پارتەكانی كوردستان كە زۆربەیان نوێنەرایەتی و ئۆفیسیان لە سوێد هەیە، لەم رووەوە بە كەمتەرخەم دەزانرێن. كادرێكی پارتی دەڵێت: "پارتە كوردییەكان كەمتر بایەخیان بە بەشداریی كورد لە پرۆسەی سیاسیی ئەم وڵاتە داوە". ئارام عەلی كە لە رێكخستنەكانی پارتی لە سوید كار دەكات، گوتیشی "زۆر گرنگە پارتەكان لەم بارەیەوە رۆڵیان هەبێت، چونكە ژمارەیەكی زۆری كورد لە سوێد هەن و پێویستیان بە هۆشیاری سیاسی هەیە و پارتە كوردییەكان كەمتەرخەمن لەم رووەوە".
نەجیبە مەحموود، رۆژنامەڤان و چالاكڤانی مافی مرۆڤ دەڵێت "سەرقاڵبوونی كوردی سوید بە كاركردن لەلایەك و بە ژیانی سیاسی و رووداوەكانی باشوور و رۆژئاوا لەم بابەتانەی دوورخستوونەتەوە". ئەویش بەهەمان شێوە پارتەكانی بە كەمتەرخەم زانی و گوتی "رۆڵیان لەم بارەیەوە نییە".
پارتە كوردییەكان یەك هەڵوێست نین لەبەرامبەر شتی لەم شێوەیە. ئارام محەممەد وێڕای جەختكردنەوەی لەسەر ئەو راستییە، گوتی "یەكبوونی پارتە كوردییەكان و پرۆتستۆكردنی گشتی كاریگەری لەسەر شەقامی سوێد دەبێت".
گوتیشی "PKK لەلایەك و پارتی و یەكێتی لەلایەكی دیكە و گۆڕانیش لەلایەكی دیكە دەنگی كوردی ئەم وڵاتەیان پەرتكردووە و هەرگیز نابنە فشار لەسەر سیاسەتی سوێد".
بەبڕوای چاودێرانی سیاسی، ئەم هەڵوێستەی جێگری دووەمی سەرۆكی پەرلەمان كە خۆی و پارتەكەی پاشخانێكی رەگەزپەرستییان هەیە، راستیی سیاسەتی نازیانەی ئەوانی نیشان دا و كاریگەری لەسەر پرسەكانی داهاتوو هەیە.
هەفتەی رابردوو سەرۆكی پارتی دیموكراتی مەسیحی پڕۆژەیەكی پێشكەش كرد لەبارەی پەنابەران كە لە دیارترین خاڵیدا هاتووە: "مافی مانەوەی هەمیشەیی نەمێنێ و بكرێتە كاتی" هەروەها داوادەكات "مووچەی پەنابەر كەمبكرێتەوە".
جەبار ئەمین، لە وتارێكدا كە لە رۆژنامەی داگنس نیهێتەر بڵاوكراوەتەوە، هێرشی توند دەكاتە سەر پارتی دیموكراتی مەسیحی و دەڵێت "خۆتان لەگەڵ دروشمی راسیستەكان مەگونجێنن".
بەپێی یاسای پەرلەمانی سوێد، ئەو پارتانەی دەنگەكانیان كەمتر بێت لە 4%، مافی ئەوەیان نابێت بچنە پەرلەمان. دیموكراتی مەسیحیش یەكێكە لەو پارتانەی هەڕەشەی كەمبوونەوەی دەنگەكانی لەسەرە، بۆیە دەیەوێت سوود لە دەنگی راسیستەكان وەربگرێت.
ئارام عەلی كە هاوكات توێژەری سیاسییە، دەڵێ "بەرزكردنەوەی دروشمی راسیستی لای پارتێكی وەك دیموكراتی مەسیحی شتێكی چاوەڕوانكراو نەبوو، بەڵام كاریگەری لەسەر كەمبوونەوەی دەنگی راسیستەكان هەیە". گوتیشی "لە هەڵبژاردنی داهاتوودا، كورد بەشدارییەكی كارای دەبێت و كاریگەری لەسەر كەمبوونەوەی كورسی راسیستەكان دەبێت".
شاد محەممەد/ رووداو - ستۆكهۆڵم 24/12/2014
لەماوەی رابردوودا چەندین دەوڵەتی جیهان بە فەرمی ددانیان بە دەولەتی فەڵەستین دانا، لەو رووەوە زۆرجار جیاوازی و لێکچوونەکانی نێوان مافەکانی کوردستان و فەڵەستین بەراورد دەکرێت.
تۆڕی میدیایی رووداو لەرێگەی پەیامنێرەکەی لە فەڵەستین بۆچوونی خەڵک و لایەنەکانی فەڵەستتینی لەسەر سەربەخۆیی کوردستان وەردەگرێت و زۆرینەشیان لەگەڵ سەربەخۆیی کوردستاندان .
بەشێکی فەڵەستینییەکان دەڵێن دەبێت کوردستان هەوڵە دیبملۆماسییەکانی بۆ ئەو مەبەستە فراوانتر بکات ، سەربەخۆییش بە مافێکی سروشتی گەلی کورد دەزانن.
24/12/2014
پارتی گەلی کۆماری جەهەپە کە بە گەورەترین پارتی ئۆپۆزسیۆنی تورکیا دادەنرێت، لەنێو ئەو پرۆژە یاسایەی کە بۆ چارەسەری پرسی کورد لە تورکیا ئامادەیکردووە، باس لە خوێندنی کوردی وەک زمانێکی سەربەخۆ دەکات .
هاوکات جەهەپە چەندین چارەسەری دیکەی بۆ هەندێک کێشەی کورد لە تورکیا داناون و دەخوازێت نەورۆز بکرێتە پشووی فەرمی. بۆئەوەی پرۆژە یاسایەکەی جەهەپە ببێتە یاسا دەبێت پەرلەمانی تورکیا ئەرێی بکات، بۆ ئەرێکردنیشی دەنگی جەهەپە بە تەنیا بەس نییە و دەبێت ئاکپارتیش پرۆژە یاساکە بە ئەرێ تێپەڕێنێت
هاوکات سەزگین تانریکولو، یاریدەدەری گشتی جەهەپە و دانەری پرۆژە یاساکە بۆ تۆڕی میدیایی رووداو دەڵێت:" دەتوانین بەو خاڵانەی لە پرۆژە یاساکەدا ئاماژەیان پێكراوە، چارەسەرێکی باش بۆ پرسی کوردلە تورکیا دابنێین".
24/12/2014
پارک و سەوزاییەکانی نێو شارەکان تەنیا روخساری شارەکان جوان ناکەن و شوێنێکی ئارام بۆ حەسانەوە و پشودانی هاوڵاتیان نین. بەڵکو لە بواری پیسبوونی ژینگەی شارەکانیشدا رۆڵی سییەکان بۆ شارەکان دەگێڕن.
ئەمەش بۆ گەورە شارێکی وەک کرماشان گرینگی زۆر هەیە. بۆیە پارێزگاری کرماشان لە هەوڵی پەرەپێدان بە سەوزاییەکانی شارەکانی پارێزگا و بەتایبەت شاری کرماشاندایە. بەتایبەت کە نێونجی سەرانەی پارک و سەوزاییەکانی شارەکانی کرماشان کەمتر لە ئاستی نێونجی سەرتاسەریی لە ئێراندایە.
ئیبراهیم رەزایی بابادی، پارێزگاری کرماشان، شارەوانییەکانی ئەو پارێزگایەی ئەرکدار کردووە، بەرنامەیەکی چوار ساڵە بۆ باشترکردنی رووبەری سەوزایی شارەکان ئامادە بکەن و بە پارێزگای بدەن، تا بڕیاری کۆتایی لەسەر بدات.
پارێزگاری کرماشان دەڵێ: سەوزاییەکان ئارامیی بۆ خەڵک دروستدەکەن و شارەوانییەکان دەبێت گرینگی بەم بابەتە بدەن.
بەگوتەی سەرۆکی شارەوانی کرماشان، نێونجی سەوزایی لە پارێزگای کرماشاندا ١١ مەتری چوار گۆشەیە، کەچی ئەم ژمارەیە لە ئاستی ئێراندا ١٤ مەتری چوارگۆشەیە. پەیمان قوربانی دەڵێ: شارەوانی هەوڵدەدات ئاستی سەوزایی شارەکانی کرماشان بۆ گەیشتن بە ئاستی ستاندارد بەرزبکەنەوە.
قوربانی باسی لەوە کرد، لەنێو شاری کرماشاندا ٣٥ پارک لە گەڕەکە جیاوزەکاندا دروستدەکرێ، بەم پێیەش سەرانەی رووبەری سەوزایی لە کرماشان حەوت سانتیمەتری چوار گۆشە بەرز دەبێتەوە.
شارەزایەکی نوسینگەی پارێزگاری کرماشان باس لەوە دەکات کە لە هەندێ لە شارەکانی ئەو پارێزگایەدا رووبەری سەرانەی سەوزایی لە ئاستی سفر تا یەک مەتری چوارگۆشەدایە.
ئەو شارەزایە پێیوایە، بۆ پەرەپێدانی سەوزایی شارەکان باشتر وایە دار بچێندرێ. چونکە چاندنی چیمەن و شتی هاوشێوەی دیکە ئاوی زۆری دەوێ.
هاوکات سەرۆکی شارەوانی کرماشان بەڵێنی داوە کە لە ساڵی داهاتوودا پارکێکی ٣١ هێکتاری لەو شارەدا دروست دەکرێ. کە ئەمەش دەتوانێ رووبەری سەوزایی لە کرماشان بەرزتر بکاتەوە و هەنگاوێک بۆ ئاستی ستانداردی ئێران نزیک بکاتەوە.
rudaw
24/12/2014
دوای سەردانکردنی بۆ ھەریەک لە نەجەف و بەغدا، چاوەڕێدەکرا عەلی لاریجانی، سەرۆکی ئەنجوومەنی شورای کۆماری ئیسلامیی ئێران سەردانی ھەولێری پایتەختی هەرێمی کوردستان بکات.
فەخرەدین قادر، سکرتێری پەرلەمانی کوردستان سەبارەت بە سەردانی لاریجانی بۆ ھەولێر و کۆبوونەوەی لەگەڵ سەرۆکی پەرلەمانی کوردستان و گەورە بەرپرسانی ھەرێمی کوردستان، بە تۆڕی میدیایی رووداوی راگەیاند:" ھیچ بەرنامەو کارنامەیەک بۆ سەردانیکردنی بەڕێز عەلی لاریجانی بۆ پەرلەمانی کوردستان نییە، بەندە تا عەسر لە پەرلەمان بووم ھیچ شتێک لە سەر ئەم سەردانە لە ئارادا نەبوو".
کامەران سوبحان، سکرتێری رۆژنامەڤانی یوسف محەممەد سادق، سەرۆکی پەرلەمانی کوردستان بە تۆڕی میدیایی رووداوی گوت:" پێشوازیکردن و کۆبوونەوە لەگەڵ عەلی لاریجانی لە ھەولێر ئەمڕۆ لە ئەجێندای کاری سەرۆکی پەرلەمانی کوردستاندا نییە".
رۆژی چوارشەممە 24ی کانوونی یەکەمی 2014، عەلی لاریجانی سەردانی بەغدای کردو لەگەڵ سەلیم جبووری، سەرۆکی پەرلەمانی عێراق کۆبووەوە، لاریجانی پاڵپشتی و پشتگری وڵاتەکەی بۆ پرۆسەی سیاسی لە عێراق و رووبەڕووبوونەوەی داعش راگەیاند.
لاریجانی ئاماژە بە کارتێکردنی بارودۆخی عێراق و ئێران لە سەر یەکدی و کۆی ناوچەکە کرد و گوتی:" ئێران لە پاڵ عێراق دەوەستێت لە شەڕی رێکخراوەی تاوانباری داعش". ھەر لە کۆنگرە رۆژنامەڤانییەکەدا لاریجانی سەبارەت بە سەردانیکردنی ھەولێر گوتی:" دەمانەوێت لەم گەشتە سەردانی ھەرێمی کوردستانیش بکەین".
24/12/2014
مەسعود بارزانی، سەرۆکی هەرێمی کوردستان کە چەند رۆژێکە لە بەرەکانی شەڕە، گەڕاوتەوە بۆ هەولێر بۆ ئەوەی بە یەکێک لە گەورە سیاسییەکی ئەوروپا بڵێت پێشمەرگە بە نوێنەرایەتی جیهان شەڕی داعش دەکات.
فێدریکا مۆگرێنی، رێکخەری باڵای سیاسەتی دەرەوەو ئاسایشی یەکێتی ئەوروپا لە هەولێرە. داعش لە پێناسەی مۆگرێنیدا رون و ئاشکرا بوو، هەڕەشەیە بۆ هەموو جیهان، ئەو روی لە بارزانی کرد و گوتی سوپاس بۆ ئازایەتیتان.
بارزانی بە سیاسییە گەنجەکەی یەکێتی ئەوروپای گوت، تووند دەستمان بەو باوەڕەی خۆمانەوە گرتووە، کەشەڕی داعش دەکەین تا بست بە بستی خاکی کوردستانیان وەردەگرینەوە. هەرکەسێکیش بەشداری کردبێت لە دەستدرێژی کردنە سەر ئافرەتی کورد لێخۆشبوونی نییە.
مۆگرێنی کە شەوی رابردوو گەیشتە هەولێر، لەگەڵ نێچرڤان بارزانیش دیداری هەبوو، چووە لای ئەو ئاوارانەش کە چەند مانگێکە شەڕی داعش لە ماڵ و حالی خۆیان هەڵی کەندوون و هەر کەس دێتە لایان، پێێ دەڵێن تکایە بمانبەنەوە بۆ هەواری خۆمان.
24/12/2014
ژمارەیەک لە وەرزشدۆستانی ئامەد کە چووبوونە یاریگای ئەتاتورک لەو شارە بۆ بینینی یاری نێوان یانەی وەرزشی ئامەد و گەڵەتەسارای، لە کاتی گوتنەوەی مارشی نەتەوەیی تورکیادا ناڕەزاییان دەربڕی.
رۆژی 23-12-2014 وەرزشەوانانی یانەی گەڵەتەسەرایی تورکیا چوونە ئامەد بۆ ئەنجامدانی یارییەک لەگەڵ یانەی وەرزشی ئامەد. پێش دەستپێکردنی یاریەکەش کاتێک مارشی نەتەوەیی تورکیا (ئیستیقلال) گوترایەوە، بەشێک لە بینەرانی یارییەکە بە فیکە لێدان ناڕەزاییان دەربڕی.
لە کاتی یارییەکەشدا وێنەی عەبدوڵڵا ئۆجەلان لە لایەن هەندێک لە هەوادارانی کوردی گەڵەتەسەرای بەرزکرایەوە، لەگەڵ گوتنەوەی درووشمی "گەڵەتەسەرایمان لەبەر تۆ خۆشدەوێ"، بەو پێیەی پێشتر ئۆجەلان ئاشکرایکردووە کە هەواداری یانەی گەڵەتەسەرایە. گەڵەتەسەرای لەو یارییەدا 4- 1 لە یانەی ئامەدی بردەوە.
24/12/2014
رۆژنامەی شەرق، کە بە یەکێک لە پڕتیراژترین رۆژنامەکانی ئێران دادەنرێت، لە بابەتێکدا باسی راپرسییەکەی تۆڕی میدیایی رووداوی کردووە، ئەوەش بە یەکەمین کاردانەوەی راگەیەندنەکانی ئێران سەبارەت بە راپرسییەکەی پۆرتاڵی رووداو و بەشداریپێکردنی حافز نازری هونەرمەندی گەنجی رۆژهەڵاتی کوردستان دادەنرێت.
لە بابەتەکەی رۆژنامەی شەرق-دا هاتووە: ئەو راپرسییە دیجیتاڵ پۆرتاڵی تۆڕی میدیایی رووداو بەڕێوەی دەبات و چەند کەسایەتییەکی هونەری و سیاسی ناویان لە راپرسییەکەدا دەبینرێت، کە یەکێک لەوان حافز نازرییە، کە وەک یەکێک لە کەسایەتییەکانی راپرسی کەسایەتی گەنجی ساڵی 2014 ی کوردستان بەربژێرکراوە.
لە درێژەدا هەر سەبارەت بە بەشداریپێکردنی حافز نازری لەو راپرسییەدا رۆژنامەکە دەڵێ: "ئەلبومی نەگوتراوەکان، لە بەرهەمهێنانی حافز نازری ساڵی رابردوو توانیویەتی نازناوی پڕفرۆشترین ئەلبومی موزیکی کلاسیکی ئەمریکا بەدەستبێنێت، کە ئەوە هۆکاری بەربژێربوونیەتی لەو راپرسییەدا".
پۆرتاڵی رووداو لە 16ی ئەو مانگە راپرسی دیاریكردنی كەسایەتی گەنجی ساڵی 2014ی كوردستانی راگەیاند بۆ 7 كەس ، كە لەو ساڵەدا هەریەكەیان لە بوارەكەی خۆیدا ، چالاكی بەرچاوی هەبووەو بووەتە جێی سەرنجی هاونیشتمانیان . راپرسییەكە زیاتر لە هەفتەیەكی بەسەردا رۆیشتووەو تاوەكو ئێستا زیاتر لە 150 هەزار كەس بەشدارییانكردووە. چاوەڕواندەكرێت لە رۆژانی داهاتوودا رێژەی بەشداریكردنی دەنگدەران زیاتر بێت، تۆڕی میدیایی رووداویش لە مەراسیمێكدا براوەی راپرسییەكە رادەگەیێنێت.
پۆرتاڵی رووداو دووەم ساڵە ئەو راپرسییە رادەگەیێنێت . ساڵی رابردوو ، عەلی حەمە ساڵح، ئەندامی پەرلەمانی كوردستان وەك گەنجی ساڵ، لەلایەن دەنگدەرانەوە دیاریكرا.
rudaw /ئومێد بەرین
23/12/2014
عەلی لاریجانی، سەرۆکی پەرلەمانی ئێران رایدەگەیێنێت کە ئێران خاوەنی رێگەو سیناریۆی جیاوازە بۆ بەڕێوەبردنی وڵاتەکەی، دەشڵێت ئەو وڵاتانە لەبیرناکەن کە رۆڵیان لە پیلانگێڕی دابەزاندنی نرخی نەوت هەبووە.
میدیاکانی ئێران لەسەر زاری عەلی لاریجانی، سەرۆکی پەرلەمانی ئێران لە کۆنگرەیەکی رۆژنامەوانیدا لەگەڵ محەممەد جیهاد ئەلـلەحام، هاوتا سوورییەکەی لەکاتی سەردانی بۆ دیمەشق، گواستوویانەتییەوە،" هەڵەیەکی گەورە دەکەن ئەگەر واخەیاڵ بکەن لە رێگەی نەوتەوە دەتوانن گۆڕانکاری لە پرسە ستراتیژییە گرنگەکاندا بکەن لە ناوچەکەدا".
سەرۆکی پەرلەمانی ئێران دەڵێت:" ئێرانییەکان بەرگەی بارودۆخی زۆر ناخۆشتر لەوەی ئێستایان گرتووە"، ئاماژە بەوەش دەدات،" لە کاتی جەنگی نێوان عێراق و ئێران، ئێران نەوتی بە 7 و 8 دۆلار دەفرۆشت، ئیدارەی وڵاتی دەدا و شەڕیشی دەکرد. بەڵام ئەمجارە ئەو وڵاتە پیلانگێڕانە لەبیر ناکەین".
ئێران بەشێوەیەکی بەرچاو پشت بە داهاتی نەوت و بەرهەمەکانی دەبەستێت، ئەم داهاتەش ساڵانی رابردوو 50%ی قەبارەی بودجەی گشتی ئەو وڵاتەی پێکهێناوە، بەڵام دابەزینی نرخی نەوت بەمشێوەیەی ئێستا، بڕی داهاتەکە گەیشتە تەنیا 33% قەبارەی بودجەی گشتی پێشبینیکراوی ئەمساڵ.
22/12/2014
داعش چوار چەکداری خۆی بە تۆمەتی هەوڵدان بۆ کودەتا بەسەر ئەبوبەركر بەغدادی، سەرۆكی گرووپەكە دەستگیردەکات، لە تۆمارکراوێکی دەنگیدا کە لە تۆڕە کۆمەڵایەتییەکان بڵاوکراوەتەوە، دەردەکەوێت کە چوار چەکداری داعش بە زمانی تورکی قسە دەکەن و دەیانەوێت لە داعش هەڵبگەڕێنەوە، ئەوان رەخنە لە داعش دەگرن و پێيانوایە وەکو پێویست شەریعەتی ئیسلامی جێبەجێ ناکات.
ئەو چوار چەکدارە بە زمانی تورکی قسە دەکەن و پێدەچێت ئاگایان لێنەبێت دەنگیان تۆمارکراوە، ئەوان دەڵێن ژمارەمان 6 تاوەکو 10 کەس دەبێت. یەکەم کەس کە قسە دەکات ناوی ئەبو مەریەمە، یەکێکی دیكە کە ناوی ئەلفیرە پلان دادەڕێژێت، ئەلفیر دەڵێت گرووپەکانمان بۆ 5 کەس 5 کەس دابەش دەکەین و دواتر هەوڵی دابەشکردنی دەوڵەتی ئیسلامی دەدەین، یەکێک لە پلانەکان بریتییە لە رێگاگرتن لە جەنگاوەرە بیانییەکان.
چەکدارەکان لەو ڤیدیۆیەدا كە رووداو بەباشی نەزانی بڵاوی بكاتەوەبە، زمانی تورکی دەڵێن،" دەوڵەتی ئیسلامی لەسەرەتاوە موشریک بووە و ئێستاش هەر موشریکە، کە ئەبوبەکر بەغدادی تەنیا سەرۆکی دەوڵەتێکە نەک خەلیفەی موسڵمانان".
هەروەها یەكێك لەو چەكدارانە دەڵێت،" ئێمە دەوڵەتی ئیسلامی بە کافر دەزانین"، یەکێکی دیکەشیان دەڵێت،" پێمانوایە ئەمیر مومنین واتا بەغدادی موشریکە، چونکە زەکات و پارە لە موشریک وەردەگرێت". ئەندامانی ئەو گرووپە زۆربەی قسەكانیان ئاراستەی بەغدادی و ئەبو محەممەدی عەدنانی، گوتەبێژی داعش دەكەن.
22/12/2014
دوای تێپەڕبوونی چوار مانگ بەسەر شەڕی كەرتی غەززە، چاودێران پێشبینی هەڵگیرسانی شەڕێكی نوێ دەكەن، چونكە هێشتا پرۆسەی ئاوەدانكردنەوەی ئەو ناوچەیە دەستیپێنەكردووە.
لە 26ی مانگی ٤ی رابردوو كە جەنگی غەززە كۆتایپێهات، واقعی كەرتە هەژارەكەی غەززە لە فەلەستن نەگۆڕدراوە و بەهۆی ئاوەدان نەكردنەوەی ئەو ناوچەیەوە، هێشتا 130 هەزار كەس دەربەدەرن و 30 هەزاری دیكەش، ئاوارە ناو خوێندنگاكانی سەر بە نەتەوە یەكگرتووەكان بوون.
مامۆستایەكی زانكۆ لە كەرتی غەززە بەناوی ناجی شەراب، رایگەیاند كە ئەگەر ئەم سڕبوونە سیاسییە وەك خۆی بمینێتەوە، ئەوا هەڵگیرسانەوەی شەڕی ئەو كەرتە لەگەڵ ئیسرائیل نزیكە، بەتایبەت ئەگەر بژاردەكانی بەردەم بزووتنەوەی حەماس بگەنە بنەست، ئەوا ئەو حزبە شەڕ دەستپێدەكاتەوە.
هاوكات كەتیبەكانی عزەدین قەسام، باڵی سەربازیی بزووتنەوەی حەماس لە یادی 27 ساڵەی دامەزراندنی بزووتنەوەكەدا نمایشێكی سەربازیی كرد و هۆشدارییدا لە ساتی تەقینەوەی بارودۆخەكە ئەگەر لەرێی ئاوەدانكردنەوەی كەرتی غەززە، سەرجەم ئاسەوارەكانی جەنگی ئیسرائیل لەسەر ئەو شارە نەسڕدرێتەوە.
xendan
23/12/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : لهگهڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
