به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
شەڕ و رووبەڕووبوونەوەی هێزەکانی یەکینەکانی پاراستنی گەل (یەپەگە) و پێشمەرگەی باشووری کوردستان لەلایەک و داعش لەلایەکەی دیکە، تاوەکو درەنگانی شەوی رابردوو بەردەوامبوو و بووە هۆی کوژرانی 16 چەکداری داعش.
بەپێی زانیارییەکانی رووداو، کە لە فەرماندەیەکی هێزەکانی پێشمەرگە لە کۆبانێوە بەدەستهاتوون، بە پاڵپشتی هێزی پشتیوانیی پێشمەرگە، شەڕڤانانی یەپەگە لە نێو کۆبانێ بەرەو پێشچوون و تاوەکو درەنگانی شەوی رابردوو شەڕ بەردەوامبوو.
شێروان محەممەد سپیندارەیی، یەکێک لە فەرماندەکانی پێشمەرگە بە تۆڕی میدیایی رووداوی راگەیاند، کە لە شەڕی شەوی رابردوو 21/22ـی کانوونی یەکەمی 2014، 16 لاشەی چەکدارانی رێکخراوی دەوڵەتی ئیسلامی (داعش) کەوتووەتە ژێر دەستی هێزە کوردییەکان و 14 چەکداری دیکەش بە دیل گیراون.
شێروان محەممەد سپیندارەیی هەروەها رایگەیاند، کە لەنێو چەکدارە دیلەکان، کەسانی چیچانی، مەغریبی، عێراقی و سووری هەن.
ئەو فەرماندەیەی پێشمەرگە ئاماژەی بەوەشکرد، کە نزیکەی %85ـی شاری کۆبانێ لەژێر دەسەڵاتی هێزە کوردییەکاندایە و چەکدارانی داعش تەنیا لە باشووری کۆبانێ لە دەوروبەری مشتەنوور ماون و لە دوورەوە بە قەناس هەوڵی لێدانی یەپەگە و پێشمەرگە دەدەن.
شیروان سپیندارەیی باسی لەوەشکرد، کە داعش بەرەو لاوازبوون دەچێت و لە ئایندەیەکی نزیکدا، لەو ناوچانەی ئێستاش تێیدان، دەردەکرێن.
فەرماندەکە هەروەها رایگەیاند، کە شەوی رابردوو فڕۆکەکانی هاوپەیمانان سێ جار بە سەختی مۆڵگەکانی داعشیان بۆردوومانکردووە.
rudaw
22/12/2014
كۆمیتەی سیاسی و ئەمنی وەزارەتی بەرگریی ئیسرائیل بەیاننامەیەك لەبارەی رێكخراوی دەوڵەتی ئیسلامی (ناسراو بە داعش) بڵاودەكاتەوە و ئاماژە بەوە دەكات: "داعش مەترسی نییە بۆ سەر ئیسرائیل".
ئامۆس گیلاد، سەرۆكی كۆمیتەی سیاسی و ئەمنی وەزارەتی بەرگریی ئیسرائیل رایگەیاند: "لەم قۆناغەدا، جووڵانەوەكانی داعش دژ بە ئیسرائیل ئاراستە نەكراون". لەگەڵ ئەوەشدا لە سەرەتای مانگی تەمموزی ئەمساڵ وەك پشتیوانیكردن لە سەربەخۆیی كوردستان لەلایەن بنیامین ناتانیاهۆ و لەسەرەتای دەستپێكردنی هێرشەكانی چەكدارانی دەوڵەتی ئیسلامی بۆ سەر باشووری كوردستان، هاوكاری هەواڵگری پێشكەشی ئەمریكا كردووە بۆ دەستنیشانكردنی بنكە و بارەگاكانی داعش.
ئیسرائیل لە رێگەی سەتەلایتەكانیەوە لەسەر ئاسمانی عێراق زانیاریی هەواڵگریی داوە بە پنتاگۆن بۆ ئەوەی فڕۆكەكانی ئەمریكا باشتر بتوانن چەكدارانی داعش بكەنە ئامانج.
ئاژانسی رۆیتەرز لە زاری دیپلۆماتكارێكی رۆژئاواییەوە دەڵێت، ئەو زانیارییانەی كە لەلایەن ئیسرائیلەوە دراوە بە وەزارەتی بەرگریی ئەمریكا دواتر بەبێ ئەوەی سەرچاوەكەی ئاشكرا بكرێت دراوەتە توركیا و وڵاتە عەرەبییەكانی هاوپەیمانی ئەمریكا.
ئیسرائیل بەهۆی ئەو كردەوە تووندتیژیانەی ئەنجامی دەدات، داعش وەك "رێكخراوێكی تیرۆریستی" دەبینێت و هەر كەسێك پەیوەندی لەگەڵ داعش هەبێت بە 1 تا 4 ساڵ سزای زیندانیكردنی بەسەردا دەسەپێنێت.
rudaw
22/12/2014
عەلی لاریجانی، سەرۆکی پەرلەمانی ئێران بە سەردانێک گەیشتە دیمەشق و لەگەڵ بەشار ئەسەدی سەرۆکی سووریا کۆبووەوە.
بە پێی هەواڵێکی ئاژانسی سانا کە ئاژانسی فەرمی حکومەتی سووریایە، ئێوارەی ئەمڕۆ یەكشەممە 21/12/2014، بەشار ئەسەد لەگەڵ لاریجانی و شاندێكی هاوڕێی کۆبووەتەوە. لە کۆبوونەوەکەدا هەردوولا جەختیان لەوەکردووەتەوە کە پێویستە بە هەموو شێوازێک رووبەڕووی تیرۆر ببنەوە و هاوکاری حکومەتی سووریا بکرێت بۆ پاککردنەوەی ناوچەکانیان لە چەکدارە تووندئاژۆکان.
بڕیارە دوای سەردانەکەی بۆ دیمەشق، لاریجانی سەردانی بەغدای پایتەختی عێراق و بەیرووتی پایتەختی لوبنانیش بکات و لەگەڵ گەورەبەرپرسانی بەغدا و بەیروت لەسەر دوایین پێشهاتە سیاسی و ئەمنییەکانی ناوچەکە و شەڕی دژی چەکدارانی داعش کۆببێتەوە.
رووداو - دیمەشق
21/12/2014
فەرمانگەی مافە نێودەوڵەتی و پەیوەندییە دەرەكییەكانی توركیا، كار بۆ ئەوە دەكات كە بڕیاری دەستگیركردنی فەتحوڵڵا گیولەن، رێبەری بزووتنەوەی حەق بگەیێنێتە پۆلیسی نێودەوڵەتی ئینتەرپووڵ و لە رێگەی ئینتەرپووڵیشەوە بۆ 190 وڵاتی جیهان.
لوتكەی ئۆپەراسیۆنی 14ی كانوونی یەكەمی 2014 دەركردنی بڕیاری دەستگیركردنی فەتحوڵڵا گیولەن، رێبەری بزووتنەوەی حەق بوو، كە رۆژی هەینی 19/12/2014 دادگای توركیا فەرمانی دەستگیركردنی بۆ فەتحوڵڵا گیولەن دەركردووە بەتۆمەتی "سەرۆكایەتیكردنی رێكخراوی تیرۆریستی" و هێڵی سوور بەژێر ناوەكەیدا هاتووە.
بنەمای سەرەكی كەیسەكە ئەو لێكۆڵینەوانەیە كە پۆلیسی توركیا ساڵی 2010 سازیكردبوو بۆ دەستگیركردنی ژمارەیەك ئەندامی گرووپێك بە ناوی (تەحشییەچی)یەكان بەتۆمەتی پەیوەندی لەگەڵ رێكخراوی قاعیدە.
ئوغور یڵدرم، ناوی ئەو پارێزەرەیە كە كاروباری گەیاندنی داوای توركیا بۆ پۆلیسی ئینتەرپووڵ رێكدەخات و دەڵێ: "بۆ گەڕاندنەوەی گیولەن لە پەنسلڤانیا، داواكارییان گەیاندووەتە فەرمانگەی مافە نێودەوڵەتی و پەیوەندییە دەرەكییەكانی توركیا".
بڕیاروایە دوای ئەوەی بڕیاری دەستگیركردنی فەتحوڵلا گیولەن، كە لەلایەن دادگاكانی توركیاوە دەرچووە بە نێوەندگیری ئینتەرپووڵ دەگەیێنرێتە ئەمریكا، دوای ئەوەی ئەمریكا خۆی دادگایی و لێكۆڵینەوەی پێویستی لەبارەی هاوتاكردنی بنەماكانی دەركردنی بڕیاری دەستگیركردن و مافە یاساییەكان دەكات، دواتر بڕیاری خۆی لەسەر گەڕاندنەوە و نەگەڕاندنەوەی گیولەن دەدات.
21/12/2014
مەسعود بارزانی سەرۆکی هەرێمی کوردستان، کە سەرپەرشتیئۆپەراسیۆنی گرتنەوەی شنگالی کردووە، گەیشتە چیای شنگال.
لە رۆژی 17-12-2014 ئۆپەراسیۆنی کۆنترۆڵکردنەوەی شنگال بە سەرپەرشتی راستەوخۆی مەسعود بارزانی، سەرۆکی هەرێمی کوردستان دەستیپێكرد. دوای كۆنتڕۆڵكردنی 2700 كیلۆمەتری چوارگۆشە لە رەبیعەوە تاوەكو زوممار، ئێوارەی رۆژی شەممە 20-12-2014 پێشمەرگە گەیشتە شنگال.
رووداو-شنگال 21/12/2014
یەکینەکانی پاراستنی گەل (یەپەگە)و سوپای ئازاد لە کۆبانێ هێرشێکیان بۆ سەر چەکدارەکانی داعش دەستپێکرد و پێشمەرگەش تۆپبارانی بنکەکانی داعش دەکات.
عەمید شەوکەت مزووری، فەرماندەی هێزی پێشمەرگە لە کۆبانێ بە تۆڕی میدیایی رووداوی راگەیاند، بەرەبەیانی ئەمڕۆ شەڕڤانانی یەپەگە و سوپای ئازاد لە کۆبانێ هێرشێکیان بۆ سەر ئەو گەڕەکانەی کە ئێستا لەژێر دەستی چەکدارەکانی داعشدان دەستپێکردووە و پێشمەرگەش بە چەکی قورس تۆپبارانی بنکەکانی داعشی کرد. بە گوتەی ئەو فەرماندەیەی پێشمەرگە "گورزی گەورە لە چەکدارانی داعش دراوە".
عەمید شەوکەت مزووری گوتیشی: "ئێستا چەکدارەکانی داعش لە کۆبانێ لە پاشەکشێدانە و 80% شاری کۆبانێ لەژێر کۆنترۆڵی هێزە کوردییەکاندایە".
فەرماندەکەی هێزی پێشمەرگە لە کۆبانێ راشیگەیاند "داعش لە چەند گەڕەکێکی کۆبانێ ماون ئەویش بەکەمی دەبینرێن و لەبەرنامەماندایە لە داهاتوودا هێرش بکەین و لە ماوەیەکی کەمدا ئەو گەڕەکانەش لە کۆبانێ بەتەواوی بخەینە ژێر دەستی هێزە کوردییەکان" . هەروەها گوتی: " هێرشەکانی پێشمەرگە لە باشووری کوردستان کاریگەری هەبووە لەسەر بێهێزبوونی چەکدارەکانی داعش".
شەوکەت مزووری گوتیشی: "لە هەر هێرشێکدا بۆ سەر چەکدارەکانی داعش، پێشمەرگەو یەپەگەو چەکدارەکانی سوپای ئازاد بەهاوبەشی ئۆپەراسیۆنەکان دەستپێدەکەن و گورزی کوشندە لە داعش دەدەن".
هەروەها گوتی:" فڕۆکەی هاوپەیمانانیش بەردەوامن لە بۆردوومانی چەکدارەکانی داعش لە کۆبانێ". بە گوتەی ئەو فەرماندەیە داعش لە ئێستادا لە پاشەکشێدایە و توانای هێرشکردنیان نەماوە.
20/12/2014
سەعید شنگالی، بەرپرسی لقی شنگالی پارتی دیموکراتی کوردستان بە تۆڕی میدیایی رووداوی راگەیاند، هێزی پێشمەرگە دوانیوەڕۆی ئەمڕۆ چووە نێو قەزای شنگال.
ئەو بەرپرسەی پارتی ئاماژەی بەوەکرد، کە ئێستا هێزەکانی پێشمەرگە سەرقاڵی گەڕان و پشکنینن و چوونەتە نێو سەنتەری قەزاکە. گوتیشی هەر ئەمڕۆ هێزی پێشمەرگە موژدەی سەرکەوتن رادەگەیێنێت.
سەعید شنگالی ئەوەشی بە رووداو راگەیاند، کە نێو قەزاکە لەلایەن چەکدارانی داعشەوە بۆمبڕێژکراوەو تیمەکانی پووچەڵکردنەوەی مین سەرقاڵی پووچەڵکردنەوەیین.
زەعیم عەلی، لێپرسراوی میحوەری دیجلەی هێزی پێشمەرگە لەبارەی گرتنەوەی قەزای شنگال بە رووداوی راگەیاند، هێزێکی پێشمەرگە چووەتە نێو قەزاکە و پاش کەمێکی دیکە ئەو هێزانەی دیکە کە بەڕێوەن، ئەوانیش دەگەنە شنگال.
هاوکات سەرچاوەیەکی باڵای سەربازیی لە میحوەری دیجلە بە رووداوی راگەیاند چەکدارانی داعش بەکۆمەڵ لە شنگال هەڵدێن.
rudaw
20/12/2014
وەزیری بەرگریی ئێران هۆشداریدایە رێکخراوی دەوڵەتی ئیسلامی (ناسراو بە داعش) لەسەر مەزارگەکانی شیعە لە عێراق و رایگەیاند: "ئێمە بە راشکاوانە رایدەگەیێنین مەزارگە پیرۆزەکانی شیعە لە عێراق هێڵی سوورن بۆ کۆماری ئیسلامی ئێران و ئەگەر داعش یان هەر گرووپێکی چەکدار بیەوێت ببێتە مەترسی بۆ ئەو شوێنانە، ئەوا کۆماری ئیسلامی ئێران دەستتێوەردان دەکات".
حوسێن دێهقان، وەزیری بەرگریی ئێران ئەمڕۆ لە کۆنفڕانسێکی رۆژنامەوانیدا لە تاران سەبارەت بە قسەکانی وەزیری دەرەوەی عێراق، کە گوتبووی عێراق لاریی نییە لەوەی ئێران هێرشی ئاسمانی بکات بۆ سەر چەکدارانی داعش، گوتی: "ئێمە سنوورێکمان هەیە کە بۆمان زۆر گرینگە، ئەگەر داعش بیەوێت ببێتە هەڕەشە بۆ سنوورەکانمان بێگومان بەرەوڕوویان دەبینەوە، بەڵام ئەمڕۆ پێویست ناکات دەستتێوەردان بکەین، بەڵام ئەگەر دەوڵەتی عێراق بە شێوەی فەرمی داوای یارمەتی لە ئێمە بکات، بێگومان ئێمە هەنگاو دەنێین بۆ ئەوەی یارمەتییان بدەین".
سەبارەت بە بوونی قاسم سلێمانی لە عێراق، وەزیری بەرگریی ئێران، گوتی: "تەنانەت ئەگەر سەردار قاسم سلێمانی رۆیشتووەتە عێراق و دەڕوات، بۆ راوێژکاری و مەشقپێکردنە، ئێمە هێزێکمان بە ناوی هێزی ئێرانی لە سووریا و عێراق نییە، ئەوانەی کە لەوێن بۆ مەشقپێکردنی هێزەکانی عێراق و سووریایەو راوێژیان پێدەکەن بۆ ئۆپەراسیۆنە سەربازییەکان".
ئەو قسانەی وەزیری بەرگری ئێران لە کاتێکدایە، کە لەماوەی رابردوو وێنەی قاسم سلێمانی و هێزێکی ئێرانی لەگەڵ سوپای بەدر و میلیشیا شیعەکانی عێراق لە کاتی شەڕ لە ناوچەکانی ئامرلی و سەعدیە و جەلەولا بینراون و وێنەکانیشیان بڵاوکراوەتەوە.
لە بەشێکی دیکەی قسەکانیدا دێهقان ئاماژەی بە هێزی مووشەکی ئێران کرد و ئێرانی بە چوارەمین هێزی مووشەکی جیهان ناوبرد لە دوای وڵاتانی ئەمریکا، رووسیا و چین.
20/12/2014
له‌وكاته‌وه‌ی ده‌وڵه‌تی به‌ناو ئیسلامی له عیراق و شام ده‌ركه‌وتووه، مێدیا خۆرهه‌ڵاتییه‌كان یه‌كسه‌ر ناوی (داعش)یان به‌سه‌ر ئه‌و رێكخراوه‌دا بڕی، به‌ڵام له وڵاتانی ئه‌وروپا خۆرئاوا و له زمانی ئینگلیزیدا راوبۆچوونی جیاوازی له‌سه‌ر بوو.
هه‌ندێك له میدیاكانی ئه‌وروپا و خۆرئاوا ISIS واته Islamic State in Iraq & Syria وه‌ك كورتكراوه بۆ ناوی داعش و هه‌ندێكیشان ISIL واته Islamic State in Iraq & Levant یان به‌كارده‌هێنا.
دواجاریش وه‌زاره‌تی به‌رگریی ئه‌مه‌ریكا بڕیاریدا كه له‌مه‌ودوا وشه‌ی Daesh بۆ ئه‌و رێكخراوه به‌كاربهێنێت، له‌و باره‌یه‌شه‌وه جه‌یمس تیری، فه‌رمانده‌ی ئه‌و هه‌ڵمه‌ته سه‌ربازییه‌ی كه ئه‌مه‌ریكا له دژی داعش له عیراق و سوریا ده‌ستیپێكردووه، له لێدوانێكدا رایگه‌یاند كه هاوپه‌یمانه‌كانیان له كه‌نداوی عه‌ره‌ب ئه‌و ناوه به‌كارده‌هێنن.
وتیشی كه ناوی داعش عه‌ره‌بییه و نزیكه له وشه‌ی عه‌ره‌بیی (الدعس) كه مانای خسته‌ژێر پێ ده‌گه‌یه‌نێت، ئه‌مه‌ش یه‌كه‌م به‌رپرسی ئه‌مریكا نییه كه ئه‌م ناوه به‌كاربهێنێت، به‌ڵكو هه‌فته‌ی رابردووش جۆن كیری له‌به‌رده‌م كۆنگرێسدا، ناوی ئه‌و رێكخراوه‌ی به (داعش) هێنا.
xendan
20/12/2014
فه‌رمانده‌ى هێزى پێشمه‌رگه‌ى كوردستان ئاماژه به‌وه ده‌كات هێزى پێشمه‌رگه‌ى كوردستان له ره‌بیعه و چیایى شنگاله‌وه پلانى تۆكمه‌یان داناوه و ئێستا ته‌واوى ناوچه‌كه له داعش پاكراوه‌ته‌وه.
ئاشتى كۆچه‌ر فه‌رمانده‌ى هێزى پێشمه‌رگه له چیاى شنگال به “باسنیوز”ى راگه‌یاند به‌پێى به‌رنامه‌یه‌كى تۆكمه له‌لایه‌ن سه‌ركردایه‌تى پارتى دێموكراتى كوردستان كه دانراوه له ره‌بیعه‌وه به هه‌ماهه‌نگى له‌گه‌ڵ فه‌رمانده‌ى پێشمه‌رگه له چیاى شنگال یه‌ك بگرین و بچین بۆ میحوه‌رى حه‌ردان و له‌وێشه‌وه بگه‌یه‌نه شه‌ره‌فه‌دین و سنونێ و بۆره‌ك و دهۆلا و خانه سور شوێنه‌كانى دیكه‌مان پاككردۆته‌وه، ئێستا پێشمه‌رگه پێشڕه‌وى ده‌كات بۆ “خه‌ربكا” و پێشمه‌رگه چونه‌ته ناوه‌وه.
کۆچەر گوتیشى :”داعشا به‌شێكیان چوون به‌ره و سوریا و ئه‌وانه‌دیكه به‌ره و حه‌ردانیه و ناو موسڵ رایان كردووه”.
گوتیشى :”ئامانجى سه‌ره‌كیمان شنگاله ئه‌گه‌ر شنگالمان ئازادكرد ئه‌وه شوێنه‌كانى دیكه به ئاسانى ده‌كه‌وێته ده‌ست پێشمه‌رگه ئاشتی کۆچەر و به‌پێى زانیارى ده‌زگا ئه‌منییه‌كانمان ئێستا شنگال كه‌سى تێدا نه‌ماوه و به ئاسانى ده‌چینه ناو شاره‌وه”.
basnews
19/12/2014
سه‌رتيپ “موسا كه‌مالى” جێگرى كاروبارى سه‌رچاوه مرۆييه‌كانى ده‌سته‌ى گشتى هێزه چه‌كداره‌كانى ئێران ڕايگه‌ياند: يه‌ك مليۆن و پێنج سه‌د هه‌زار گه‌نج خزمه‌تى سه‌ربازى ده‌يانگرێته‌وه كه تاكو ئێستا بۆ ئه‌نجامدانى ئه‌و خزمه‌ته نه‌هاتوون خۆيان بناسێنن.
كه‌مالى به ئاژانسى ئيرناى گوتووه كه ئه‌و به‌شه گه‌نجانی كه له‌دايكبووى ساڵى 1976 به دواوه‌ن، ئه‌گه‌ر تاكو رێکەوتی 10 ى شوبات په‌يوه‌ندى بكه‌ن بۆ ته‌واوكردنى خزمه‌تى سه‌ربازى, ئه‌وا له شه‌ش مانگى زياده ده‌به‌خشرێن و نايان ده‌ن به دادگا.
ئه‌وه له كاتێكدایه كه ده‌وڵه‌تى ئێران له بودجه‌ى ساڵى داهاتوودا پێشنارى ئه‌وه‌ى كردووه كه ئه‌وانه‌ى خزمه‌تى سه‌ربازى گرتوونيه‌تيه‌وه و بۆ ماوه‌ى هه‌شت ساڵ غايب بوون و ته‌مه‌نيان له نێوان 27 تا 50 ساڵيدايه، بتوانن به غه‌رامه‌ى پاره، له خزمه‌تى سه‌ربازى ببه‌خشرێن.
جێگرى ده‌سته‌ى گشتى هێزه چه‌كداره‌كان له‌باره‌ى هۆكاره‌كانى ئه‌و بڕياره ده‌ڵێ:”ئه‌و جۆره كه‌سانه به‌هۆى ئه‌وه‌ى لێهاتوو نين بۆ هێزى چه‌كدارى و خزمه‌تكردنيان له‌پاڵ سه‌ربازانى كرده‌ییدا رۆحيه و وره‌ى ئه‌وانى تر ده‌شكێنن و كاريگه‌رى نه‌رێنييان هه‌يه، بۆيه غه‌رامه به باشتر زانراوه”.
بڕى غه‌رامه‌كه به ته‌واوى ديارى نه‌كراوه بۆ كڕينه‌وه‌ى خزمه‌تى سه‌ربازی، به‌ڵام پێشبينى ده‌كرێت له نێوان 20 مليۆن تا 50 مليۆن تمه‌ن بێت.
بڕياره‌كه‌ى ده‌سته‌ى گشتى هێزه چه‌كداره‌كانى ئێران ئه‌و گه‌نجانه ده‌گرێتـه‌وه كه له‌دايكبووى مانگى 3 ى ساڵى 1965 ن.
به‌پێى ياساى ئێران هەر كوڕێك ته‌مه‌نى گه‌يشته 18 ساڵ، ده‌بێ خزمه‌تى سه‌ربازى بكات.
به‌پێى زانيارييه‌كان هه‌ر كه ئه‌و پێشنياره له په‌رله‌مان چه‌سپا، ئه‌وا سه‌ربازه ڕاكردووه‌كان یان دواكه‌وتووه‌كان ماوه‌ى يه‌ك ساڵ مۆڵه‌تيان هه‌يه به پێدانى غه‌رامه به‌ر لێخۆشبوون بكه‌ون.
ئه‌و پێشنياره‌ى كڕينه‌وه‌ى خزمه‌تى سه‌ربازى له كاتێكدايه كه ماوه‌ى خزمه‌تكردن له نێوان 18 بۆ 21 مانگدايه و له ساڵى ئاينده‌ى هه‌تاويدا خزمه‌تى سه‌ربازى ده‌كرێت به 24 مانگ.
چاودێرانيش پێيان وايه كه ده‌وڵه‌تى ئێران ئه‌و ده‌رفه‌ته ده‌خاته به‌رده‌م ئه‌و گه‌نجانه‌ى كه له خزمه‌تى سه‌ربازى هه‌ڵهاتوون تاكو به پێدانى غه‌رامه به‌ر لێخۆشبوون بكه‌ون، به‌ڵام هه‌ركه‌سێ بڕوات و خۆى بناسێنێ بۆ ئه‌وه‌ى غه‌رامه‌كه بدات، ته‌مبێ ده‌كرێ و به‌جۆرێكى تر سزا ده‌درێ.
19/12/2014
ژنێكی بەریتانی لەكاتی ئامادەبوونی لە یاریگایەكی تۆپی پێی ئەو وڵاتە، قورئانێكی پەڕپەڕكرد، بۆیە دادگا بڕیاریدا بۆ ماوەی سێ ساڵ لە هەموو یاریگاكانی بەریتانیا دووریبخاتەوە.
ئەم ژنە ناوی جولی فیلیپسە و تەمەنی 51 ساڵە، هاندەری یانەی میدڵسبڕۆە، مانگی ئایاری رابردوو لە كاتێكدا لە یەكێك لە یارییەكان بۆ هاندانی یانەی میدڵسبۆرۆ ئامادەی یاریگایەك بوو، قورئانێكی پەڕپەڕكرد و پەڕەكانیشی بەسەر خەڵكی دابەشكردن. بەڵام پاش ئەوە لە دادگا سكاڵای لە دژی تۆماركرا ، بەهۆی ئەوەی كەسێكی رەگەزپەرستە، لە دادگاش جولی گوتی:"نەمزانیوە ئەو كتێبەی دڕاندم قورئانە"، بەڵام دادگا باوەڕی بە قسەكانی نەكرد.
جولی فیلیپس لەم هەفتەیەدا لەلایەن دادگای بێرمنگهامی بەریتانیا سزاكەی بەسەردا درا و ئەمەش بەلەبەرچاوگرتنی ئەو راستییەی كە ئەم ژنە جاری دیكەش كاری رەگەزپەرستانەی ئەنجامداوە و سووكایەتی بە كەسانی دیكە كردووە. جولی، پێشتر لە ئەنجوومەنی شارەوانی میدلسبۆرۆ كاری دەكرد، دوای دەرچوونی حوكمەكە بەسەریدا كارەكەشی لەدەستدا.
جەسمس لانگلی، پارێزەرێكی سەر بە پۆلیسە، لەمبارەیەوە دەڵێت:" دوورخستنەوەی جولی لە یاریگاكان وەكو هۆشیاركردنەوەیەكش دەبێت بۆ هەموو هاندەرەكانی دیكە، كە رەگەزپەرست نەبن".
رووداو – alarabiya
19/12/2014
هاوسەرۆكی كۆنسەی بەڕێوەبەری كۆما جڤاكێن كوردستان KCK رایدەگەیەنێت، کە ئەمریكییەكان هاوپەیمانی ئەوانن لە كۆبانێ و پێشیوایە، "ئەمریکا بە بێ کورد، ناتوانێ لە رۆژهەڵاتی نێوەڕاست سیاسەت بکات".
لە دیدارێكیدا لەگەڵ هەفتەنامەی دی سایت- Die Zeitی ئەڵمانی، جەمیل بایک، هاوسەرۆكی كۆنسەی بەڕێوەبەریی کەجەکە، حكومەتی توركیای بەوە تۆمەتبار كرد، كە لەرێگەی تیمی تایبەتەوە هاوكاری داعش دەكات و "لە پەیوەندی و هاوئاهەنگییەكی چردان لەگەڵ یەكدی".
بە گوتەی بایك، لەنێو ریزەكانی داعش و سوپای ئازادی سوریا هێزی تایبەتی توركیا هەن و گوتی: "ئیتر سوپای توركیا راستەوخۆ شەڕمان لەگەڵ ناكات، بەڵكو لەرێگەی ئەو هێزە تایبەتانەی نێو داعش و سوپای ئازادی سووریا درێژە بەو شەڕە دەدات".
"توركیا ئاشتی لەگەڵ پەکەکە ناوێ"
بەبۆچوونی بایك، حكومەتی پارتی داد و گەشەپێدان AKP نیازێكی بە چارەسەری نییە لەگەڵ پارتی كرێكارانی كوردستان و گوتی: "لەگەڵ ئەوەشدا پەشیمان نین كە ئەو رێگایەمان گرتووەتەبەر، عەبدوڵڵا ئۆجەلان رەشنووسێكی بۆ رێككەوتنی یەكجارەكی ئامادەكردووە، ئەگەر حكومەتی توركیا ئەو رەشنووسە قبووڵ نەكات، ئێمە وەك ئامادەكاریی بۆ شەڕ قبووڵی دەكەین".
"ئەمریكا هاوپەیمانی ئێمەیە لە كۆبانێ"
بایك نێوەندگیرێك بۆ پڕۆسەی ئاشتی بە پێویست دەزانێت و دەڵێ: "دەكرێ ئەو نێوەندگیرە ئەمریكا بێت، ئێمە لەگەڵ توركەكان ئاشتیمان دەوێ، ئێستا ئەمریكییەكان هاوپەیمانی ئێمەن لە كۆبانێ، وەكو ئێمە شەڕی داعش دەكەن، كە ئەمریكا بەبێ كورد ناتوانێ لە رۆژهەڵاتی نێوەڕاست سیاسەت بكات".
هەروەها جەختی لەوە كردەوە: "ئەگەر ناوچە كوردییەكانی سووریا بخرێنە ژێر دڵنیایی ئەمنییەوە، پێویستیی ئەوروپا بە وزەی رووسیا كەمدەبێتەوە، رێگای نەوت و گازی سروشتی دەریای نێوەڕاست بە رۆژئاوای كوردستاندا تێدەپەڕێت، ئەگەر تەناهی بۆ ئەو رێگایە دابینبكرێت، ئەوروپا دەتوانێ بە هێوری هەناسە بدات".
رووداو-taraf
18/12/2014
سایتی “ناشیۆناڵ ئینكوایرر”بڵاوی كرده‌وه، میشێل ئۆباما هاوسه‌ری سه‌رۆكی ئه‌مریكا، به ته‌واوی تووشی شۆك بووه كه چه‌ند زانیارییه‌كی له‌باره‌ی ناپاكی هاوسه‌ره‌كه‌یه‌وه ده‌ست كه‌وتووه.
ڕاپۆرته‌كه‌ی ئه‌و سایته جیهانییه نوسیویه‌تی:”سه‌رباری ئه‌وه‌ی له میدیاكاندا، ئه‌ندامانی خێزانه‌كه‌ی ئۆباما، ده‌یانه‌وێت به‌ڕوویه‌كی گه‌شاوه‌وه ده‌ربكه‌ون. به‌ڵام له‌ڕاستیدا ماڵه‌كه‌یان بووه‌ته دۆزه‌خێك”.
زانیارییه‌كان ده‌ڵێن:”له سه‌ره‌تای ئه‌م مانگی دیسه‌مبه‌ره‌دا، میشێل ئۆباما، هه‌موو ئه‌و زانیارییانه‌ی كۆی كردبوونه‌وه له‌سه‌ر ناپاكی هاوسه‌ره‌كه‌ی، ڕووبه‌ڕووی ئۆباما كردۆته‌وه”. زانیارییه‌كان تایبه‌ت بوون به‌و شوێنه نهێنییه‌ی كه سه‌رۆك تیایدا به دڵداره‌كه‌ی ده‌گات وژووان ده‌گرن. ئه‌وه له كاتێكدا بووه كه ئۆباما نه‌یتوانیوه به‌رگرییه‌كی زۆر له‌خۆی بكات.
هه‌ندێك له سه‌رچاوه‌كان ده‌ڵێن:”زانیاری پشتڕاست نه‌كراوه له‌به‌ر ده‌ستدان، سه‌باره‌ت به‌وه‌ی ئۆباما چه‌ندین جار سه‌ردانی ئوتێلی”جگرسۆن”ی كردووه كه ده‌كه‌وێته نزیكی كۆشكی سپییه‌وه. سه‌رۆك له‌و درگایه‌وه هاتوچۆی كردووه كه بۆ مه‌ی هێنان ته‌رخان كراوه له پشته‌وه، به‌بێ ئه‌وه‌ی كه‌س هه‌ستی پێ بكات.
جارێكیتریش هه‌ر ئه‌م سایته بڵاوی كردبوویه‌وه، كه میشێل ئۆباما، داوای له مێرده‌كه‌ی كردوه له ماڵه‌كه بچێته ده‌ره‌وه. له‌كاتێكدا دیبووی چاوبڕكێ له‌گه‌ڵ ژنێكدا ده‌كات له‌كاتی هه‌ڵمه‌تی هه‌ڵبژاردنه‌كاندا له شیكاگۆ.
گۆڤاری “گڵۆب مه‌گه‌زین”یش بڵاوی كردبوویه‌وه:”هاوسه‌رایه‌تی نێوان ئۆباما ومیشێل له كۆتایی نزیك بووه‌ته‌وه”.
ئایا ڕاستی و ناڕاستی ئه‌وهه‌واڵ و زانیارییانه له كوێدایه كه ڕۆژنامه و سایته ئه‌مریكییه‌كان له ناو دڵی كۆشكی سپییه‌وه ده‌یگوازنه‌وه؟ ئایا ته‌نها پڕوپاگه‌نده‌ن؟ یان دووكه‌ڵی سپین و نیشانه‌ن بۆ نزیك بوونه‌وه‌ی واده‌ی ڕاگه‌یاندنی هه‌واڵه‌كه؟
18/12/2014
هه‌رێمی كوردستان له‌شه‌ڕی دژ به‌داعش وه‌ك بكه‌رێكی جیۆسیاسی له‌ناوچه‌كه‌دا ده‌ركه‌وتووه، هه‌ر بۆیه بوه‌ته جێگه‌ی گرنگی پێدانی به‌رپرسه باڵاكانی دنیا. له‌م میانه‌یه‌دا بڕیاره له‌سه‌ره‌تای هه‌فته‌ی داهاتوودا به‌رپرسێكی باڵای سیاسه‌تی ده‌ره‌وه‌ی یه‌كێتی ئه‌ورووپا سه‌ردانی كوردستان بكات.
(دلاوه‌ر ئاژگه‌یی)نوێنه‌ری حكومه‌تی هه‌رێمی كوردستان، زانیارییه‌كه‌ی بۆ (باسنیوز) پشتڕاست كرده‌وه‌و گووتی: دوا بەدوای پتەو بوونی پەیوەندیەکانی نێوان حکومەتی هەرێمی کوردستان و یەکێتی ئەورووپا، بڕیارە لە سەرەتای هەفتەی داهاتوودا خاتوو (فێدێریکا مۆگێرینی) رێکخەری باڵای سیاسەتی دەرەوە و ئاسایشی یەکێتی ئەوروپا بە یاوەری شاندێکی باڵای یەکێتی ئەوروپا، بە سەدانێکی فەرمی بگاتە هەرێمی کوردستان و لەگەڵ سەرۆکی هەرێمی کوردستان و سەرۆک وەزیران و بەرپرسانی باڵای هەرێمی کوردستان کۆ بێتەوە.
سەردانی مۆگێرینی لە دوای کۆبوونەوەی ئەو دوایەی وەزیرانی دەرەوەی یەکێتی ئەورووپا دێت و گرنگی تایبەتی هەیە و نیشانەی گرنگی دانی یەکێتی ئەوروپایە بە پێگە و رۆڵی هەرێمی کوردستان لە ئێراق و ناچەکە و بە تایبەتی شەری دژی تێرۆر و سەرکەوتنەکانی هێزی پێشمەرگە.
19/12/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئه‌ورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
