به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
كەسایەتییەكی دیاری عەشیرەتی سوننە لە قەزای حەویجەی سەر بە پارێزگای كەركوك داوا لە هێزەكانی پێشمەرگە دەكات بیانپارێزێت، بەهۆی ئەوەی لە ئێستادا داعش مەترسیی زۆری لەسەر ژیانیان دروستكردووە، باس لەوەشدەكات ، جگە لەداعش میلیشیا شیعەكان و سوپای عێراقیش مەترسین بۆسەر ژیانیان.
سوفیان عەواج، كەسایەتی دیاری عەشیرەتی عوبێدی سوننە لە قەزای حەویجەی سەر بە پارێزگای كەركوك بە خەندانی راگەیاند: "ئێمە وەك عەشایەر و عەرەبە سوننەكانی قەزای حەویجە داوا لە هێزەكانی پێشمەرگە دەكەین بمانپارێزن، چونكە لە ئێستادا داعش مەترسییەكی گەورەیە بۆ سەر ژیانی ئێمە و بەردەوام لەلایەن چەكدارانی داعشەوە چاودێری دەكرێین و داوایان لێكردووین هەمیشە هاوكاری چەكدارانی داعش بكەین و لە ژێر فەرمانیان دەرنەچین".
وتیشی: "چەكدارانی داعش هەموو شتێكیان خستۆتە ژێر دەسەڵاتی خۆیان و هیچ حسابێكیش بۆ سەرۆك عشیرەتەكان ناكەن و تا ئێستا چەندین سەرۆك عەشیرەتی عەرەبی سوننەیان كوشتووە و چەندین كەسایەتی دیكەشیان دەستگیركردووە".
سوفیان عەواج راشیگەیاند، "لە ئێستادا بەشێك لە سەرۆك عەشیرەتە سوننەكان بە نهێنی لەگەڵ هێزەكانی پێشمەرگە كۆبوونەوەیان ئەنجامداوە و داوایانكردووە دوای نەمانی دەسەڵاتی داعش لە ناوچەكانیاندا پێشمەرگە بیانپارێزێت، لەبەرئەوەی ئەوان وەك عەرەبی سوننە بە هەمان شێوەی چەكدارانی داعش، ترسی گەورەیان لە میلیشیا شیعەكان و سوپای عێراق هەیە".
دەشڵێت: "ئێمە بە هەموو شێوەیەك متمانەمان بە هێزەكانی پێشمەرگە هەیە و جێی بڕوای ئێمەن و هەر ئەوانیش دەتوانن بمانپارێزن".
خەندان _ حەسەن جومعە
31/10/2014
وەزارەتی دەرەوەی سووریا لە راگەیێندراوێكدا رایگەیاند رێگەدانی توركیا بە چوونی "هێزی بیانی" بۆ نێو خاكی سووریا لە كۆبانێ ، لەسنوورەكانی توركیاوە ، " پێشێلكردنێكی دیار"ی سەرەوەری سووریایە .
وەزارەتی دەرەوەی سووریا ، لە درێژەی راگەیێندراوەكەیدا دەڵێت " توركیا جارێكی دیكە رۆڵی راستەقینەی پیلانگێڕانەی نیشاندەداتەوە ، هەروەها نیازە خراپەكانی و دەستوەردانی دیاری لە كاروباری سووریا نیشاندایەوە ، لە رێگەی پێشێلكردنی سنووری سووریا لە ناوچەی عەین عەرەب ، بە رێگەدان بە تێپەڕبوونی هێزی بیانی و چەكداری تیرۆریست كە لە سەر خاكی توركیا دەژین".
عەلی حەیدەر، وەزیری ئاشتەوایی نیشتمانی سووریا لە لێدوانێكی تایبەتدا بۆ تۆڕی میدیایی رووداو ، رۆژی 28ی ئەو مانگە لەكاتی بەڕێكەوتنی پێشمەرگە لە هەولێرەوە بۆ كۆبانێ رایگەیاندبوو كە :" ئێمە لەگەڵ هەر هەنگاوێكین بۆ لەنێوبردنی داعش ، چوونی پێشمەرگە بۆ كۆبانێ هەنگاوێكی پێویستە بە مەبەستی لەنێوبردنی چەكدارانی داعش".
بۆیە واڵێكدەدرێتەوە ، كە ئەو راگەیێندراوەی وەزارەتی دەرەوەی سووریا ، زیاتر دژی رێگەدانی سووریا بێت بە چوونی هێزەكانی "سوپای ئازادی سووریا" بۆ كۆبانێ. كە بەپێی راگەیێندراوەكانی سوپای ئازاد ، ئێستا 400 چەكداری سوپای ئازاد لە كۆبانێ شەڕی داعش دەكەن .
بەڵام حكومەتی سووریا ، دەستەواژەی "چەكداری تیرۆریست " بۆ سوپای ئازادی سووریا و گرووپە چەكدارەكانی دیكەی دژی حكومەتی سووریا بەكاردەهێنێت ، بەڵام لەو راگەێێندراوەدا ، وەزارەتی دەرەوەی سووریا جگە لەوە ، دەستەواژەی "هێزی بیانی"یش بەكاردەهێنێت .
31/10/2014
دادگایەكی دانیمارك 10 هاووڵاتی كوردی وڵاتەكەی ئازاد كرد كە بە تۆمەتی كۆكردنەوە و ناردنی نزیكەی 24 ملیۆن دۆلار بۆ پارتی كرێكارانی كوردستان تۆمەتباركرابوون. ئەو پارتە لەلایەن یەكێتی ئەوروپا و ئەمریكاوە وەك "رێكخراوێكی تیرۆرستی" ناسراوە.
10 هاووڵاتییە كوردەكە بەپێی یاسای دژە تیرۆری دانیماركی بەتۆمەتی هاوكاریكردنی رێكخراوێكی تیرۆرستی دەستگیركرابوون. داواكاری گشتی داوای سزای چوار ساڵ بەندكردنی بۆ ئەو كەسانە دەكرد، بەڵام دادگا رۆژی چوارشەممەی رابردوو ئەو 10 كەسەی ئازاد كرد.
ئەو 10 هاووڵاتییە مانگی ئەیلولی ساڵی 2012 بە تۆمەتی كۆكردنەوەی 23.7 ملیۆن دۆلار بۆ PKK دەستگیركران. دادگاكەی شاری كۆپنهاگن رازیبوو بەڕوونكردنەوەكەیان كە گوایە ئەو پارەیەیان بۆ مەبەستی چالاكی كەلتووری و قوربانیانی بومەلەرزەكەی ساڵی 2011ی شاری وانی باكووری كوردستان كۆكردووەتەوە.
ئەو دادگاییكردنە گەورەترین كەیسی كۆمەكی دارایی بوو بۆ رێكخراوێك كە دانیمارك بە "تیرۆریست"ی دەزانێت. بڕیاری دادگا لەدوای ئەوە هات كە وڵاتانی رۆژئاوا پشتگیری چەكدارانی نزیك لە PKK دەكەن كە ئێستا بەرگری لە شاری كۆبانێ دەكەن.
یەكێك لەو 10 هاووڵاتییە كوردە، بە ناوی ئەربیل كایا لەدوای دادگاییكردنەكە ئاماژەی بۆ ئەوەكرد كە دانیمارك خۆی هاوكاری سەربازی بۆ عێراق ناردووە و لەوێش PKK بەشێكە لەو خەباتە لەدژی داعش.
كایا گوتی ''لەلایەكەوە بە چەك هاوكاری PKK دەكەن. لەلایەكیش دەیانەوێ سزای ئەو كوردە دانیماركیانە بدەن كە تۆمەتباركراون بە كۆكردنەوەی پارە بۆ PKK".
داواكارەكان بەنیازن دووبارە داوا پێشكەش بكەنەوە لە دژی ئەو كەسانە. تاوەكو ئێستا هیچ كاردانەوەیەك لەلایەن توركیاوە نەبووە. بەڵام حكومەتی توركیا پێشتر رەخنەی ئەوەی لە دانیمارك گرتووە كە لە گرتنەبەری رێكاری یاساییدا لە دژی PKK توند نییە، بەتایبەتیش كە تەلەفزیۆنێكی PKK لە دانیماركەوە پەخش دەكات و توركیا داوا دەكات دابخرێت.
پێرنیلی سكیپەر كە پەرلەمانتارێكی دانیماركییە لەسەر لیستی یەكگرتوو و لیستەكەیان دەیەوێت PKK لە ریزی گرووپە تیرۆرستییەكان بسڕێتەوە، گوتی ''ئەگەر ئەو كەسانە ئازاد نەكرانایە بەهۆی نەبوونی بەڵگەی پێویستەوە، ئەوا دەخرانە زیندانەوە بە تۆمەتی ناردنی پارە بۆ هەمان ئەو شوێنەی دانیمارك چەكی بۆ دەنێرێت".
31/10/2014
مەسعود بارزانی سەرۆكی هەرێمی كوردستان راگەیێندراوێكی لەبارەی چوونی هێزی پێشمەرگە بۆ كۆبانێ بڵاوكردەوە، كە تێیدا باسی هەوڵەكان بۆ ناردنی ئەو هێزە و هۆكاری ناردنی ئەو ژمارەیە، كە 150 پێشمەرگەن، رووندەكاتەوە.
بارزانی لە راگەیێندراوەكەدا كە ئەمڕۆ پێنجشەممە 30-10-2014 لە ماڵپەری فەرمی سەرۆكایەتی هەرێمی كوردستان بڵاوكراوەتەوە دەڵێ: "جێگەی شانازییە ئێستا گەلی كوردستان لە رۆژئاوا و هەرێمی كوردستان قارەمانانە بەرگری لەخۆی دەكات و تیرۆریستانیان تووشی شكست و داڕمان كردووە".
سەرۆكی هەرێمی كوردستان بە ئاماژەدان بە هۆكاری دواكەوتنی ناردنی هێزی پێشمەرگە بۆ كۆبانێ، روونیدەكاتەوە "لەو كاتەی كۆبانێ لە لایەن تیرۆریستانەوە كەوتە بەر هێرش، یارمەتیدان و گەیاندنی هاوكاری بۆ خوشك و براكانمان ئەركێكی نەتەوەیی بوو. بەڵام بەهۆی دووریی جیۆگرافی و ئابڵۆقەدانی كۆبانێ لە لایەن تیرۆریستانەوە گەیاندنی هاوكاری بە شێوەیەكی راستەوخۆ زۆر ئەستەم بوو. بۆیە هەموو هەوڵێكمان دا لەگەڵ دۆستانی گەلەكەمان كە هەوڵ بدەن كۆبانێ نەكەوێتە دەست تیرۆریستان". دەشڵێ "چوونی هێزی پێشمەرگەیش بۆ كۆبانێ بە بێ رەزامەندی توركیا و هاوكاریی ئەوان و ئەمەریكا مومكین نەبوو".
بارزانی ئەوەشی روونكردووەتەوە، كە بۆ تەنیا هێزێكی 150 كەسی نێردراوەتە كۆبانێ و دەڵێ "پەیوەندیمان بە سەركردایەتیی پەیەدە كرد كە ئامادەین هێزێكی زۆری پێشمەرگە بۆ كۆبانێ بنێرین. ئەوان لە وەڵامدا گوتیان پێویستیمان بە هێزی شەڕكەری پێشمەرگە نییە، بەڵكو پێویستیمان بە هێزێكی پشتیوانییە. بۆیە لەسەر داوای ئەوان بڕیار درا هێزێكی پشتیوانیی پێشمەرگە بۆ كۆبانێ بنێرین".
دەقی راگەیێندراوەکە:
بەناوی خودای مەزن و دلۆڤان
پەلاماری تیرۆریستانی داعش بۆ سەر هەرێمی كوردستان و ڕۆژئاوایكوردستان و ئەو دڕندەیی و بێڕەحمییەی تیرۆریستان لەبەرانبەر گەلی كوردیانئەنجام دا زۆر بەڕوونی نیشان دەدات كە تیرۆریستانی داعش تەنیا لەڕوویئایینیەوە توندڕۆ نین بەڵكو زۆریان هەڵگری هەردوو توندڕۆیی ئایینی وڕەگەزپەرستیی نەتەوەیین. هەر بۆیەشە هەرێمی كوردستان و ڕۆژئاوایكوردستانیان كردە ئامانج و پەلاماری گەلی كوردییان دا.
جێگەی شانازییە ئێستا گەلی كوردستان لە ڕۆژئاوا و هەرێمی كوردستانقارەمانانە بەرگری لەخۆی دەكات و تیرۆریستانیان تووشی شكست و داڕمانكردووە. لەو كاتەی كۆبانێ لە لایەن تیرۆریستانەوە كەوتە بەر هێرش،یارمەتیدان و گەیاندنی هاوكاری بۆ خوشك و براكانمان ئەركێكی نەتەوەیی بوو.بەڵام بەهۆی دووریی جیۆگرافی و ئابڵۆقەدانی كۆبانێ لە لایەن تیرۆریستانەوەگەیاندنی هاوكاری بە شێوەیەكی ڕاستەوخۆ زۆر ئەستەم بوو. بۆیە هەمووهەوڵێكمان دا لەگەڵ دۆستانی گەلەكەمان كە هەوڵ بدەن كۆبانێ نەكەوێتەدەست تیرۆریستان.
بەدەنگەوە هاتنی هاوپەیمانان و وەشاندنی گورزی ئاسمانی و هەروەهاگەیاندنی هاوكارییە سەربازییەكانی هەرێم لە لایەن فڕۆكە ئەمەریكییەكانەوە،هەنگاوێكی كاریگەر بوو و جێگەی سوپاس و پێزانینە و یارمەتیی شەڕڤانانیكۆبانێی دا كە هێرشی داعش بشكێنن.
چوونی هێزی پێشمەرگەیش بۆ كۆبانێ بە بێ ڕەزامەندی توركیا و هاوكارییئەوان و ئەمەریكا مومكین نەبوو. بەڕێز جۆن كێری وەزیری دەرەوەی ئەمەریكا لەپەیوەندییەكی تەلەفۆنیدا پێی ڕاگەیاندم كە لەگەڵ توركیا خەریكن ڕێك بكەونبۆ ناردنی پێشمەرگە بەناو خاكی توركیا. دوای چەندین كۆبوونەوەی دووقۆڵیو سێ قۆڵیی نێوان بەرپرسانی ئەمەریكا و توركیا و هەرێم، بە ڕەسمی ئاگاداركراین كە توركیا ڕەزامەندە و ئاسانكاری دەكات بۆ چوونی هێزی پێشمەرگە وئەمەریكایش پشتیوانیی خۆی بۆ ئەم هەنگاوە دەربڕی. ئەم بابەتە لەگەڵلایەنە سیاسییەكان باسكرا و داوا لە پارلەمانی كوردستان كرا ڕێگە بدات هێزبنێرین و پارلەمانیش ڕەزامەندی لەسەر دا. چونكە بەپێی یاسا ناردنی هێزیپێشمەرگە بۆ دەرەوەی هەرێم ڕەزامەندیی پارلەمانی كوردستانی پێویستە.
هەروەها پەیوەندیمان بە سەركردایەتیی پەیەدە كرد كە ئامادەین هێزێكیزۆری پێشمەرگە بۆ كۆبانێ بنێرین. ئەوان لە وەڵامدا گوتیان پێویستیمان بەهێزی شەڕكەری پێشمەرگە نییە بەڵكو پێویستیمان بە هێزێكی پشتیوانییە.بۆیە لەسەر داوای ئەوان بڕیار درا هێزێكی پشتیوانیی پێشمەرگە بۆ كۆبانێبنێرین.
ئەو هێزەی ئێستا بەرەو كۆبانێ بەڕێ كەوتووە تەنها هێزێكی پاڵپشتی ودابینكردنی ئاگرە. داوای سەركەوتنیان بۆ دەكەم و هیوادارم بتواننهاوكارییەكی باشی خوشك و براكانیان بكەن. هەر كاتێكیش بارودۆخی مەیدانیپێویست بكات و داوای هێزی زۆرترمان لێ بكرێت و ڕێگە هەبێت ئەوە هێزیپێشمەرگەی زیاتر بۆ پاراستنی كۆبانێ و تێكشكاندنی تیرۆریستان لە ڕۆژئاواڕەوانە دەكەین.
بۆ هەرێمی كوردستان و پێشمەرگە قارەمانەكان شانازییەكی مەزنە بتوانن لەهەر كوێ یارمەتیی شارێك یان گوندێك یان تاكێكی كوردستان بدەن. شانازیشەلە جیاتی مرۆڤایەتی شەڕی دڕندەترین ڕێكخراوی تیرۆریستی بكەن.
مسعود بارزانی
سەرۆكی هەرێمی كوردستان
30ـی 10ـی 2014
جه‌ماوه‌ری تێكۆشه‌رو ئازادیخوازی كوردستانی مه‌زن ...
بنه‌ماڵه‌و كه‌س و كاری سه‌ربه‌رزی شه‌هیدانی كوردستانی مه‌زن ...
په‌رله‌مانتاران، وه‌زیران، رۆشنبیران، هونه‌رمه‌ندان، پزیشكان، ئه‌ندازیاران، پارێزه‌ران، دادوه‌ران، پیاوانی ئایینی، مامۆستایان، كه‌سایه‌تییه وڵاتپارێزو تێكۆشه‌ره‌كان ...
سڵاوتان لێبێت ....
ئه‌مڕۆ مرۆڤایه‌تی له‌به‌رده‌م هه‌ره‌شه‌یه‌كی گه‌وره‌دایه، ئه‌و رووداوانه‌ی ئه‌م دواییه‌ی كوردستان چ له شنگاڵ و چ له كۆبانێ وای كردووه كه‌رامه‌تی مرۆڤایه‌تی بكه‌وێته ژێر مه‌ترسییه‌كی گه‌وره، ئه‌مڕۆ 44 رۆژه شه‌رڤانان له كۆبانێ له به‌رخودانێكی بێوێنه‌دان وجیهانیان سه‌رسام كردووه، ئه‌مانه هه‌مووی وایان كردووه كۆمه‌ڵێ كه‌سایه‌تی بیانی له نووسه‌رو بیرمه‌ندو وه‌رگرانی خه‌ڵاتی نۆبل بۆ ئاشتی و په‌رله‌مانتاران و چه‌ندین كه‌سایه‌تی ناسراوی بیانی بۆ رێزگرتن له به‌رخودانی كۆبانێ و پشتیوانی كردن له گه‌لی كوردستان و ریسواكردنی رێكخراوی تیرۆریستی داعش، بێنه ده‌نگ و، بڕیاریان داوه رۆژی شه‌ممه رێكه‌وتی 1 / 11 / 2014 له سه‌رتاسه‌ری جیهان خۆپیشاندانێكی هێمنانه ئه‌نجامبده‌ن، ئه‌و كاره‌ی كه‌سایه‌تییه جیهانییه‌كان بۆ به‌رز راگرتنی به‌رخودانی كۆبانێ و پشتیوانی گه‌لی كوردستان، لای ئێمه‌ی حزب و لایه‌نه كوردستانییه‌كان جێگه‌ی رێزو ته‌قدیره‌و به به‌رزی ده‌ینرخێنین و، سوپاسی ئه‌و هه‌ڵوێسته‌یان ده‌كه‌ین.
لێره‌و ئێمه به‌ناوی حیزب و لایه‌نه سیاسییه‌كانی هه‌رچوار پارچه‌ی كوردستان داوا له هه‌موو كوردستانیان ده‌كه‌ین له ته‌واوی شارو شارۆچكه‌كانی باكوور و باشوور و رۆژهه‌ڵات و رۆژئاوای كوردستان و، هه‌روه‌ها داوا له ره‌ڤه‌ندی كورد له ته‌واوی وڵاتانی جیهان ده‌كه‌ین، وه‌كو هاوده‌نگییه‌ك بۆ كه‌سایه‌تییه جیهانییه‌كان و، رێزگرتن له به‌رخودانی پێشمه‌رگه‌و شه‌رڤانان، به‌ڕێزه‌وه‌و به ئاڵای كوردستانه‌وه رۆژی 1 / 11 / 2014 گردبوونه‌وه‌ی جه‌ماوه‌ری و كه‌سایه‌تییه‌كان ئه‌نجامبده‌ن.
ئێمه وه‌كو نوێنه‌رایه‌تی حزب و لایه‌نه سیاسییه‌كانی كوردستان بۆ پشتیوانی رۆژئاوای كوردستان بڕیارمان داوه كاتژمێر 3 ی پاش نیوه‌ڕۆ له به‌رده‌م پاركی شانه‌ده‌ر له شاری هه‌ولێر گردبوونه‌وه‌یه‌كی ده‌سته‌بژێر ئه‌نجامبده‌ین، بۆ ئه‌م مه‌به‌سته داواكارین كه‌وا هه‌موو لایه‌ك هاوكارمان بن و له‌و گردبوونه‌وه‌یه‌دا به ئاڵای كوردستانه‌وه به‌شداربن.
_ سڵاو له به‌رخودانی كۆبانێ.
_ سڵاو له پێشمه‌رگه ... سڵاو له گه‌ریلا ... سڵاو له شه‌ڕڤانان.
_ نه‌مری و سه‌ربه‌رزی بۆ ته‌واوی شه‌هیدانی كوردستانی مه‌زن.
_ سه‌ركه‌وێ و بێته‌دی خواستی گه‌لی كوردستان.
_ مردن و رووڕه‌شی بۆ تیرۆریستان و دوژمنانی كوردو كوردستان.
_ بژی كورد .... بژی كوردستان.
نوێنه‌رایه‌تی حزبه كوردستانییه‌كان بۆ پشتیوانی رۆژئاوای كوردستان
30 / 10 / 2014 هه‌ولێر _ كوردستان
نوسه‌رێكی به‌ناوبانگی ئیسرائیل پێیوایه هێرشه‌كانی داعش بۆسه‌ر هه‌رێمی كوردستان له‌سه‌ره‌تای مانگی ئاب، چه‌ند زیانی به‌كورد گه‌یاندبێت، ئه‌وه‌نده‌ش سودی پێگه‌یاندوه، ئه‌مه‌ش وه‌ك یارمه‌تیده‌رێك وه‌سفده‌كات بۆ دروستبونی ده‌وڵه‌تی سه‌ربه‌خۆ‌و بنیاتنانی قه‌واره‌یه‌كی نه‌ته‌وه‌یی كوردیی‌و "كوردی كرد به‌یاریزانێكی گرنگ‌و سه‌ربه‌خۆ له‌چاوی زۆربه‌ی كۆمه‌ڵگه‌ی نێوده‌وڵه‌تیه‌وه".
ئا: ئاوێنه
عوفرا بێنگیۆ، نوسه‌رو توێژه‌ر له‌سه‌نته‌ری موشه دایان بۆ لێكۆڵینه‌وه له‌كاروباری خۆرهه‌ڵاتی ناوه‌ڕاست‌و ئه‌فریقا له‌بابه‌تێكدا كه باسی له‌و ده‌ستكه‌وتانه كردوه كه كورد له‌عێراق‌و سوریا له‌دوای سه‌رهه‌ڵدانی داعش به‌ده‌ستیهێناون، وه‌ك فراوانكردنی قه‌ڵه‌مڕه‌ویی ژێرده‌ستی خۆی، پڕكردنه‌وه‌ی ئه‌و بۆشاییه‌ی كه حكومه‌ته‌كانی سوریا‌و عێراق له‌دوای شكانی سوپاكه‌یان به‌جێیانهێشت، به‌ده‌ستهێنانی پشتیوانی‌‌و سۆزی نێوده‌وڵه‌تی‌‌و دامه‌زراندنی ئیداره‌یه‌كی سه‌ربه‌خۆی كوردیی له‌لایه‌ن كورده‌كانی خۆرئاوا له‌سوریا، "هه‌رئه‌مه‌ش وایكرد داعش كورده‌كان له‌سوریا به‌ئامانج بگرێت، هه‌روه‌ك چۆن له‌عێراق كورده‌كانیش ده‌ستیانگرت به‌سه‌ر هه‌ندێك ناوچه‌ی پڕ له‌نه‌وت له‌كه‌ركوك‌و موسڵ، داعشیش په‌لاماریدان".
له‌به‌شێكی دیكه‌یدا ئه‌و نوسه‌ره پێوایه، كاڵبونه‌وه‌ی سنوره‌كانی نێوان عێراق‌و سوریا، چه‌ند یارمه‌تی چه‌كدارانی داعشی دابێت له‌هه‌ردو دیوی ئه‌و دو وڵاته‌وه، ئه‌وه‌ش سودی هه‌بوه بۆ كوردانی باشورو خۆرئاوا، تا به‌و هۆیه‌وه پردی په‌یوه‌ندیی‌‌و هاوكاریی له‌نێوان خۆیاندا دروستبكه‌ن. خاڵێكی دیكه‌ی هاوشێوه، په‌یوه‌ندیكردنی چه‌كدارانی بیانیه به‌هه‌ردو لاوه، هه‌م بۆ داعش‌و هه‌م بۆ كورده‌كان. هه‌روه‌كو هێزه نه‌یاره كورده‌كانی والێكرد یه‌كبگرن‌و گیانی هاریكاریی تێدا دروستكردن بۆ به‌ره‌نگاربونه‌وه‌ی ئه‌و مه‌ترسییانه‌ی له‌لایه‌ن داعشه‌وه له‌سه‌ریان دروستبوه.
هه‌روه‌ها باسی له‌وه‌ش كردوه كه ئه‌و زه‌نگی مه‌ترسییه‌ی داعش دروستیكرد بوه هۆی ئه‌وه‌ی گۆڕانێكی ریشه‌یی له‌هه‌ڵوێستی كۆمه‌ڵگه‌ی نێوده‌وڵه‌تی به‌دیبهێنێت به‌رامبه‌ر حكومه‌تی هه‌رێمی كوردستان‌و ته‌نانه‌ت خۆرئاواش، چونكه دوای كه‌وتنی سوپای عێراق، حكومه‌تی هه‌رێم بوه تاكه‌هێز كه به‌ره‌نگاری داعش ببێته‌وه‌و ئه‌مه‌ش وایكرد زۆرینه‌ی وڵاتانی خۆرئاوا به‌چه‌ندین رێگه پشتیوانی بكه‌ن. له‌وه‌ش گرنگتر گۆڕانی هه‌ڵوێستی ئه‌مه‌ریكایه كه ئێستا له‌لێدوانه‌كانیاندا جیاوازیی ده‌كه‌ن له‌نێوان عێراق‌و كورده‌كاندا.
30/10/2014
یەکێک لەو پزیشکانەی لەگەڵ ھێزەکەی پێشمەرگەدایە لەتورکیاو لەچاوەڕوانیدان بۆ ئەوەی بچنە کۆبانێ ئاماژە بەوەدەکات، کە تورکیا سوکایەتییان پێدەکات و نانی ئاوارەکانیان پێدەدات و بێ ڕێزییەکی زۆریشیان پێدەکات.
دکتۆر عزەدین تەمۆ کە پزیشکێکی سەر بەوەزارەتی پێشمەرگەیەو لەگەڵ ئەو پێشمەرگانەدایە کە دوێنێ شەو لەڕێگەی فڕۆکەوە چوونە ڕووحاو لەوێشەوە بردرانە پرسووسی نزیک کۆبانێ، لەبارەی سوکایەتیەکانی تورکیا بەھێزی پێشمەرگە ھیوادارە ھاواری ئەوان بگاتە سەرکردایەتی کورد.
دەشڵێت:”ڕۆژێک و دووشەوە لێرەین، وەکو پێشمەرگە ھەستدەکەین سوکایەتیەکی ئێجگار زۆرمان پێدەکرێت لەلایەن تورکیاوە”.
ئەو پزیشکە ئاشکرایدەکات، لەناو ھەولێر تورکەکان سەرپەرشتیان کردوون و پێیانڕاگەیاندوون، کە نابێت بەچەک و جلوبەرگی پێشمەرگەوە بچنە تورکیا، ئەوانیش بەجلوبەرگی مەدەنی و بەبێ چەک چوونەتە تورکیا.
ئاشکراشیکردووە، کاتێک گەیشتوونەتە فڕۆکەخانەی تورکیا لەسلۆپی، بەپاس بردوویانن بۆ پرسووس لەسنوری کۆبانێ و لەوێش خراونەتە کۆگایەکەوە، کە ھیچ خزمەتگوزاریەکی تێدا نییە، یەک پارچە سابوونیشی تێدا نییە دەستی پێ بشۆن.
ئەو پزیشکە لەلێدوانێکدا بۆ ڕووداو ئەوەی خستۆتە ڕوو:”ئەو شوێنەی تورکیا ئێمەی تێکردووە، تەوالێتی تێدا نییەو خواردنی پەنابەرانمان دەدەنێ، ئێمە ئێستا ھەستدەکەین لێرە سجنین ، سەربازێکی زۆر دەوریانداوین، پەیوەندیمان بەدەرەوە نییەو نەماوە، بەبیانووی ئەوەی دەبێ چاوەڕێی چەکەکانمان بین، دەرکەوتنی ئێمەو چوونمان بۆ کۆبانێ دوادەخەن، ھاتنی چەکەکانیشمان تائێستا نادیارە”.
س:snn
30/10/2014
هەردوو هێزی پێشمەرگەی کوردستان، کە بە دوو رێگای جیاواز بەرەو کۆبانێ بەڕێکەوتبوون یەکیانگرتەوە و چەند کیلۆمەترێکی کەم لە کۆبانێ دوورن.
سەنگەر عەبدولڕەحمان، پەیامنێری تۆڕی میدیایی رووداو لە پرسووس لەسەر خاڵی سنووری نێوان باکوور و رۆژئاوای کوردستان رایگەیاند: "سەرلەبەیانی ئەمڕۆ ئەو هێزەی پێشمەرگە کە بە رێگای زەمینی و لە دەروازی سنووری پێشابوورەوە روویان لە باکووری کوردستان کردبوو بۆ ئەوەی خۆیان بگەیەننە کۆبانێ، لەگەڵ ئەو هێزە یەکیانگرتەوە کە بە رێگای ئاسمانی گەیشتبوونە رووها و لە پرسووس بنەجێ بووبوون".
سەنگەر عەبدولڕەحمان هەروەها گوتیشی: "چاوەڕێ دەکرێ تەواوی ئەو هێزانە لە چەند کاژێری داهاتوودا بچنە کۆبانێ و بەهانای شەڕڤانانی یەکینەکانی پاراستنی گەل YPGـەوە بچن".
30/10/2014
وەزیری دەرەوەی ئێران رایگەیاند، ناكرێ لە عێراق بانگەشەی بەرەنگاربوونەوەی داعش بكرێت و لە سووریا بەهێز بكرێت.
بەپێی راپۆرتی ئاژانسی هەواڵی ئێران- ئیرنا ، محەممەد جەواد زەریف، لە دیداری یان ئێلیاسۆن جێگری سكرتێری گشتی رێكخراوی نەتەوە یەكگرتووەكان لە تاران، رۆژی چوارشەممە رایگەیاندووە "ناكرێ لە عێراق بانگەشەی بەرەنگاربوونەوەی داعش بكرێت و لە سووریا ئەم گرووپە تیرۆریستیە بەهێز بكرێت".
زەریف لە كۆبوونەوەكەدا لەگەڵ جێگری سكرتێری گشتی رێكخراوی نەتەوەیەكگرتووەكان لە تاران، پێداگری ئێرانی راگەیاندووە لە سەقامگیری و ئارامی لە ناوچەكەدا و جەختی لەوە كردووەتەوە، "لەسەر ئەم بنەمایە ئێران دژی تیرۆر بووە، كە لە هەموو شوێنێك دژایەتی داعش بكرێت، نەك لە عێراق بانگەشەی بەرەنگاربوونەوەی داعش بكرێت و لە سووریا نەكرێت".
زەریف گوتوویەتی: "پێویستە بە یەك شێواز كار بۆ نەهێشتنی تیرۆر و تووندڕۆیی بكرێت، نەك دوو مامەڵەی جیاواز، كە لە عێراق بانگەشەی لەناوبردنی بكرێت و لەسووریا نەكرێت".
30/10/2014
بڵاڤۆکی "زاگرۆس" لەزانکۆی رازیی کرماشان بە مەرجێک، کەلە سەدا ١٠ی بابەتەکانی کوردی بن، مۆڵەتی چاپی پێدراو یەکەم ژمارەی خۆی لەو زانکۆیەدا چاپ و بڵاو کردەوە.
ئەو بڵاڤۆکە خوێندکارییە، خاوەن ئیمتیاز و بەڕێوەبەری نووسینی "خزر سەنجانی" ناسراو بە بێستوونە و ئەرکی سەرنووسەرییەکەی لەئەستۆی محەمەد سلێمان فارسانی دەبێت.
یەکێک لە بەڕێوەبەرانی ئەو بڵاڤۆکە فەرهەنگی و کۆمەڵایەتییە، بە ئاژانسی کوردپای راگەیاند؛ بڵاڤۆکی زاگرۆس دەبێ لە سەدا ١٠ی ئەو بابەتانەی کە دەبێ بە کوردی بڵاو بکاتەوە، پێویستە لە فارسییەوە بکرێنە کوردی.
بەڕێوەبەرانی بڵاڤۆکەکە رایانگەیاندووە، ئەو بڵاڤۆکە سەربەخۆیە و هەموو ئەرک و کارەکانی لە ئەستۆی بەڕێوەبەران و چالاکانی خوێندکاریی ئەو زانکۆیە دەبێت.
بڵاڤۆکی زاگرۆس، کە یەکەمین ژمارەی پاییزیی ئەمساڵی خۆی چاپ و بڵاو کردۆتەوە، چەندین بابەت و پەخشانی لەسەر خۆڕاگریی خەڵکی کۆبانی تێدا گونجێدراوە.
kurdpa
29/10/2014
سەرۆككۆماری ئێران سەرەڕای ناكۆكی وڵاتەكەی لەگەڵ توركیا رایدەگەیێنێت ئێران و توركیا خاوەن بەرژەوەنديی هاوبەشن.
ئەو لێدوانەی حەسەن رۆحانى سەرۆككۆماری ئێران، رۆژی دووشەممه27ی تشرینی یەكەمی 2014 پاش وەرگرتنی نامەی مانەوەی رەزا چاكان تكینی باڵوێزی نوێی توركیا لە ئێران هات، رۆحانی گوتی،" ئێران و توركیا لەمەڕ پرسە گرنگە ناوچەیی و جیهانییەكان خاوەن بەرژەوەندی هاوبەشن".
بەپێی هەواڵێكی ماڵپەڕی سەرۆكایەتیی ئێران، رۆحانی بە باڵیۆزی نوێی توركیای راگەیاندووە،" دەبێ شەڕ و كوشتوبڕ له ناوچەكەدا بووەستێندرێ و رێزگرتن لە یەكپارچەیی خاكی وڵاتانی دراوسێ بگیرێت و سنوورە جوگرافییەكان وەك ئێستا بمێننەوه".
لە بەرامبەریشدا باڵیۆزی نوێی توركیا له تاران رۆحانی دڵنیاكردووەتەوە كە هەموو هەوڵەكانی بۆ چارەسەری گیروگرفتەكان و دۆزینەوەی رێگاچارە دەخاتەگەڕ لەپێناو پەرەپێدانی پەیوەندییەكان.
لەبارەی پەیوەندییەكانی نێوان توركیا و ئێرانیش كە ناوەناوە بەرزی و نزمی تێدەكەوێت، رەزا چاكان تكین ئاماژەی بۆ ئەوە كردووە، چارەسەریی پرسەكانی ناوچەكە بەبێ راوێژكردن لەگەڵ تاران نامومكینە و گوتوویەتی،" لەوانەیە ئێران و توركیا لەسەر هەندێك پرسی ناوچەیی تێڕوانینی جیاوازیان هەبێت، بەڵام بۆچوونی ئەنقەرە ئەوەیە كە توركیا و ئێران دوو وڵاتن له بنەڕەتدا هاوڕان".
29/10/2014
باراك ئۆباما، سەرۆكی ویلایەتە یەكگرتووەكانی ئەمریكا رایگەیاند، هەڵبژاردنەكەی ئۆكراینا كە لە ٢٦ی مانگ ئەنجامدرا تا رادەیەكی زۆر پەیڕەوی یاسا نێودەوڵەتییەكانی كردبوو و پیرۆزبایی لە خەڵكی ئەو وڵاتە كرد بۆ ئەنجامدانی هەڵبژاردنەكە بە سەركەوتوویی، ئەمە لە كاتێكدایە كە راستەوخۆ پاش راگەیاندنی ئەنجامەكان رووسیا رەخنەی لە هەڵبژاردنەكانی ئۆكراینا گرت و گوتی رێگە نەدراوە هەموو ناوچەكان بەشداری ئەم دەنگدانە ببن.
باراك ئۆباما رایگەیاند بەرپرسانی باڵای رووسیا كە كریمیایان لكاندەوە بە رووسیای فیدڕاڵەوە و جوداخوازەكان لە رۆژهەڵاتی ئۆكراینا بوونەتە هۆكار بۆ بەشدارینەكردنی ژمارەیەك لە خەڵكی ئەو ناوچانە لە هەڵبژاردنەكاندا، ئەوە هیچ كەم و كورتی لەلایەن ئۆكرایناوە نەبووە و هەڵبژاردنەكانی ئۆكراینا بەپێی یاسا نێوەدەوڵەتییەكان بەڕێوە چووە.
بڕیار وایە لە ٧ی دێسەمبەر ئەم هەڵبژاردنە لەو ناوچانەش ئەنجام بدرێت كە لە ژێر دەسەڵاتی چەكدارە جوداخوازەكاندایە، بەڵام ئەمریكا رایگەیاند هەر هەڵبژاردنێك لە رۆژهەڵاتی ئۆكراینا ئەنجام بدرێت و لەگەڵ بەرنامە و یاساكانی ئۆكراینا نەگونجێت ئەوە بەهیچ شێوەیەك قەبوڵ ناكرێت و رەتدەكرێتەوە.
ئاشتی مستەفا
28/10/2014
سەرۆكوەزیرانی توركیا دەڵێ سوپای وڵاتەكەی سەدان چەكداری داعشی كوشتووە كاتێك ویستوویانە لەو سنوورە نزیكببنەوە. ئەو پێشیوایە چوونی پێشمەرگە بۆ كۆبانێ لەرووی سایكۆلۆژییەوە گرنگە، هەرچەندە دەڵێ چوونی ئەو رێژەیە لە پێشمەرگە بۆ كۆبانێ بەس نییە.
ئەحمەد داودئۆغڵو، سەرۆكوەزیرانی توركیا لە دیدارێكی تەلەفزیۆنیدا رایگەیاند: "نزیك لە دوو مانگە رزگاركردنی كۆبانێ بووەتە هوتافی كۆمەڵگەی نێودەوڵەتی، بەڵام تاوەكو ئێستا نازانین مەبەست لە رزگاركردنی كۆبانێ چییە، ئەگەر رزگاركردنی كۆبانێ رزگاركردنی خەڵكی سڤیل بێت، ئەوا 200 هەزار كەس روویان لە توركیا كردووە".
بەبۆچوونی ئەو: "كۆبانێ دەرەنجامی شەڕی سێ ساڵەی سووریایە كە 300 هەزار كەس كوژراون، چوار ملیۆن كەس ئاوارەی وڵاتانی دیكە بوون و زیاتر لە 10 ملیۆن كەس لەنێوخۆی سووریا لە شوێنەكانیان بوون و لە رەوشێكی خراپدا دەژین".
داودئۆغڵو رەتیدەكاتەوە هیچ چەكدارێكی بیانی بە سنووری توركیادا چووبێتە نێو سووریا و دەڵێ: "ئێمە رێگەمان بە چوونی هیچ چەكدارێك نەداوە بۆ سووریا، ئەو زانیارییە زانیاری دەزگا هەواڵگرییەكانە كە هیچ شتێك نییە پشتڕاستی بكاتەوە".
هەروەها دەڵێ: "ئێمە لە مانگی ئۆكتۆبەری 2013وە داعشمان خستووەتە نێو لیستی تیرۆرەوە، ئەمە لە كاتێكدا وڵاتانی دیكە تاوەكو ئێستا ئەمەیان نەكردووە، لە مانگی دیسێمبەری 2013 بنكەكانی داعشمان بۆردوومان كردووەو بە سەدان چەكداری داعشمان كوشتووە كە ویستوویانە لە سنوورەكەمان نزیكببنەوە".
28/10/2014
دوای ئەوەی رۆژی یەكشەممە 26ی تشرینی یەکەمی 2014 هەڵبژاردنی پەرلەمانی لە ئۆکراینا ئەنجامدرا و لایەنگرانی یەکێتی ئەوروپا زۆرینەی دەنگیان بەدەستهێنا ، رۆژی دووشەممە وەزیری دەرەوەی رووسیای فیدراڵ رایگەیاند کە ئەوان دان بەم هەڵبژاردنەدا دەنێن و پەسەندی دەکەن .
سێرجی لاڤرۆف، وەزیری دەرەوەی رووسیا رایدەگەیێنێت هەرچەندە هەموو خاکی ئۆکراینا بەشداری ئەو هەڵبژاردنە نەبوو، بەڵام سەرەڕای ئەوەش هەر ئەم هەڵبژاردنە پەسەند دەکەن، "چونکە بەڕاستی ئەمە بۆ ئێمە زۆر گرنگە کە لە کۆتاییدا ئۆکراینایەک پێکهاتووە کە بە تەواوی یەکگرتووە و شەڕ لەگەڵ یەکتر ناکەن و کارێک ناکەن ئۆکراینا نە بە رۆژهەڵات نە بە رۆژئاوا ببەستنەوە".
لە میانی قسەکانیدا لاڤرۆڤ گوتی:"بۆ ئێمە زۆر جێگای خۆشحاڵییە کە ئێستا ئۆکراینا کۆمەڵێک بەرپرسی هەن لەجێی سەرقاڵبوون بە شەڕکردن لەگەڵ یەکدی، سەرقاڵی کاروبارەکانی وڵاتەکەیان دەبن".
27/10/2014
گوتەبێژی وەزارەتی دەرەوەی ئەمریکا رایدەگەیێنێت چوونی پێشمەرگە بۆ كۆبانێ كاریگەری دەبێت لەو شەڕەی چەندین هەفتەیە شەڕڤانان دژی چەكدارانی داعش دەیكەن و رێگە نەدەن چەكداران كۆنترۆڵی شارەكە بكەن.
جێن ساکی، گوتەبێژی وەزارەتی دەرەوەی ئەمریکا بۆ تۆڕی میدیایی رووداو گوتی،"پێشبینی دەكەین هێزەکانی پێشمەرگە کاریگەری دروستبکەن لەو شەڕەی کە شەڕڤانانی رۆژئاوا چەندین هەفتەیە دژی چەکدارانی گرووپی دەوڵەتی ئیسلامی (ناسراو بە داعش) دەیکەن و توانیویانە رێگەنەدەن چەکدارە تووندئاژۆكان کۆنترۆڵی شارەکە بکەن".
كاژێر 2:40 خولەكی رۆژی سێشەممە 28-10-2014 چەكە قورسەكانی هێزی پێشمەرگە بۆ پشتیوانی كۆبانێ لە میرەی بەحركەی هەولێرەوە بەرەو كۆبانێ بەڕێخران. بەپێی زانیارییەكانی تۆڕی میدیایی رووداو، ئەو هێزەی پێشمەرگە كە دەچێتە كۆبانێ 150 پێشمەرگەن و، لە هەردوو هێزی پشتیوانی یەك و هێزی پشتیوانی دووی سەر بە وەزارەتی پێشمەرگە پێكدێن و چەكی قورسیان پێیە.
گوتەبێژی وەزارەتی دەرەوەی ئەمریكا ئاماژە بە گرنگی چوونی پێشمەرگە بۆ كۆبانێ دەكات و دەڵێت،" هەستمان کرد کاریگەری دەبێت هاوبەشێکمان هەبێت لەسەر ئەرزی واقیع بتوانین کاریان لەگەڵ بکەین". هەروەها دەشڵێت،"ئێمە پشتیوانیمان کردووە و باسی گرنگی رێگەدان بە پەڕینەوەی پێشمەرگەمان کردووە لە سنوور".
بەپێی زانیارییەكانی رووداو ئەو هێزە ئێستا لە نزیك سنووری زاخۆیە و لە لێدوانێكیشدا ساڵح موسلیم، هاوسەرۆکی پارتی یەکێتی دیموکراتى PYD رایگەیاند،" 150 پێشمەرگە لە رێگادان بۆ گەیشتن بە کۆبانێ و پێشبینی دەکەم هەر ئەمشەو پێشمەرگەکان بگەنە کۆبانێ و بەهانای شەڕڤانانەوە بچن و شەڕی داعش بکەن".
زیاتر لە 40 رۆژە چەكدارانی گرووپی داعش گەمارۆی شاری كۆبانێیان داوە و شەڕڤانانی یەپەگەش بەرگری دەكەن، سەرەڕای ئەوەی 20 تشرینی یەكەمی 2014 هەرێمی كوردستان هاوكاریی سەربازیی و چەكی لەرێگای فڕكەكانی ئەمریكاوە گەیاندە كۆبانێ، رۆژی سێشەممە لە یەكەم لێدوانیدا دوای بە ڕێكەوتنی هێزی پێشمەرگەی کوردستان بۆ کۆبانێ، مستەفا سەید قادر، وەزیری پێشمەرگەی کوردستان بۆ رووداو گوتی، ئەو هێزە لە کۆبانێ دەمێننەوە و چی پێویست بکات بۆ هاوکاری کۆبانێ دەیکەن.
مستەفا سەید قادر هەروەها گوتی "هەماهەنگی لە نێوان وەزارەتی پێشمەرگە و کۆبانێ کراوە، بەڵام ماوەکەی دیارینەکراوە کە چەند دەمێننەوە."
29/10/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : لهگهڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
