^{دوان له‌و به‌شه‌ هاوكارییانه‌ی‌ هه‌رێمی‌ كوردستان كه‌ له‌رێی‌ په‌ڕه‌شوته‌وه‌ گه‌یه‌ندرانه‌ كۆبانێ‌ ده‌كه‌وێته‌ ناوچه‌كانی‌ ژێر ده‌سه‌ڵاتی‌ داعش، به‌ڵام شه‌ڕڤانانی‌ كورد‌و فڕۆكه‌ جه‌نگیه‌كان رێگه‌ناده‌ن چه‌كداری‌ ئه‌و گروپه‌ سودی‌ لێوه‌ربگرن.}

^{مسته‌فا عه‌بدی‌، كۆبانێ‌: له‌یه‌كه‌م هه‌نگاوی‌ له‌و جۆره‌دا به‌ره‌به‌یانی‌ ئه‌مڕۆ دوشه‌ممه‌، له‌لایه‌ن فڕۆكه‌كانی‌ ئه‌مریكا بڕێك چه‌ك‌و ته‌قه‌مه‌نی‌‌و داوو ده‌رمان له‌هه‌رێمی‌ كوردستانه‌وه‌ گه‌یه‌ندرایه‌ شه‌ڕڤانانی‌ كورد له‌كانتۆنی‌ كۆبانێ‌ له‌رۆژئاوای‌ كوردستان.}

^{به‌پێی‌ زانیارییه‌كان چه‌ك‌و هاوكارییه‌ پزیشكیه‌كان كه‌ به‌ 28 په‌ڕه‌شوت له‌ئاسمانی‌ كۆبانێ‌ فرێدراوه‌ته‌ خواره‌وه‌ چه‌كی‌ پێشكه‌وتون‌و زۆرینه‌یان ئه‌مریكین‌و له‌نێوانیاندا دژه‌ زرێپۆش‌و قه‌ناسی‌ حه‌راری‌‌و برێكی‌ زۆر موشه‌كی‌ له‌خۆگرتوه‌.}

^{په‌یامنێری‌ ئاوێنه‌نیوز له‌كۆبانێ‌ رایگه‌یاند، له‌كاتی‌ فڕێدانه‌ خواره‌وه‌یاندا دوان له‌په‌ڕه‌شوته‌كان له‌ناوچه‌كانی‌ ژێر ده‌سه‌ڵاتی‌ داعش كه‌وتونه‌ته‌ خواره‌وه‌، به‌ڵام شه‌ڕڤانانی‌ سه‌ر به‌یه‌كینه‌كانی‌ پاراستنی‌ گه‌ل‌و یه‌كینه‌كانی‌ پاراستنی‌ ژنان توانیوانه‌ یه‌كێكیان بهێننه‌وه‌ ژێر ده‌ستی‌ خۆیان.}

^{وتیشی‌، دوه‌م په‌ڕه‌شوتیشیان له‌لایه‌ن فڕۆكه‌كانی‌ سه‌ر به‌هاوپه‌یمانی‌ نێوده‌وڵه‌تی‌ ته‌قێنراوه‌ته‌وه‌ تا به‌رده‌ستی‌ داعشییه‌كان نه‌كه‌وێت.}

^{چاوه‌ڕوانیش ده‌كرێت ئه‌و پرده‌ ئاسمانیه‌ی‌ نێوان كۆبانێ‌‌و هه‌رێمی‌ كوردستان به‌رده‌وامی‌ پێبدرێت‌و هاوكاری‌‌و پشتیوانی‌ زیاتر بۆ روبه‌ڕوبونه‌وه‌ی‌ چه‌كدارانی‌ توندڕه‌وی‌ داعش ره‌وانه‌ی‌ ناوچه‌كه‌ بكرێت.}

^20/10/2014

^{یه‌كینه‌كانی پاراستنی گه‌ل ( یه‌په‌گه‌)، ئه‌مڕۆ دووشه‌ممه‌ ( 20 تشرینی یه‌كه‌می 2014) ئاشكرایكرد، بڕێكی زۆر چه‌ك و پێداویستی جه‌نگیی گه‌یشتوونه‌ته‌ كۆبانێ.}

^{له‌تۆڕی كۆمه‌ڵایتی تویته‌ر، پۆڵات جان، وتەبێژو بەرپرسی ڕاگەیاندنی یەکینەکانی پاراستنی گەل ڕایگه‌یاند، “بڕێكی زۆر چه‌ك و تفاقی جه‌نگیی گه‌یشتوونه‌ته‌ كۆبانێ”.}

^{پێشتر پۆڵات جان، پێش گه‌یشتنی ئه‌و چه‌ك و هاریكارییه‌ سه‌ربازییانه‌ بۆ شه‌ڕڤانانی یه‌په‌گه‌، له‌ڕێی تۆڕی كۆمه‌ڵایه‌تی تویته‌ر نووسیبوی: “كه‌مێكی تر مژده‌ی خۆش ده‌ده‌ین به‌ گه‌له‌كه‌مان”.}

^{دوێنێ شه‌و بۆ یه‌که‌مجار فڕۆکه‌کانی ئه‌مریکا چه‌ندین پارچه چه‌‌ک و که‌لوپه‌لی پزیشکییان گه‌یانده‌ شه‌ڕڤانانی ڕۆژئاوای کوردستان له‌ کۆبانێ.}

^{فه‌رمانده‌ی ناوه‌ندی ویلایه‌ته‌ یه‌کگرتووه‌کانی ئه‌مریکا بڵاویکرده‌وه‌ هێزه‌ ئاسمانییه‌کانی ئه‌مریکا  دوێنێ شه‌و له‌ ڕێی  فڕۆکه‌کانی جۆری C-130 چه‌ندین بار که‌لوپه‌لی سه‌ربازی و شمه‌ک و پێداویستی پزیشکییان گه‌یاندووه‌ته‌ شه‌ڕڤانانی کۆبانێ له‌ ڕۆژئاوای کوردستان.}

^20/10/2014

^{سەبارەت بە گەیاندنی هاوکارییەکانی یەکێتیی بۆ کوبانێ ، مەکتەبی سیاسی یەکێتیی ڕاگەیەندراوێکی بڵاوکردەوە ، کەئەمەی خوارەوە دەقەکەیەتی : -جەماوەری کۆڵنەدەری کۆبانی!}

^{گەلی خۆڕاگری رۆژئاوای کوردستان!}

^{مانگێک زیاترە، دوژمنانی ئازادیء مرۆڤایەتی، داعشەکان، “کۆبانێ”یان گەمارۆداوە. خەڵکی “کۆبانی” لەگەڵیاندا تەواوی نەتەوەی کورد لەبەشەکانی کوردستانء رەوەندی کوردیش لەتاراوگە، ھەروەھا سەرۆکایەتیء حکومەتی ھەرێم، ھاوکات ھێزەکانی ھاوپەیمانان، بەتایبەتی ھێزی ئاسمانی ئەمریکا، ھەوڵی زۆریانداوە کە شارەکە، لەو جانەوەرانە رزگار بکرێ. لەم روەوە، تەواوی پشتیوانیء کۆمەکەکان، رۆڵی بەرچاویان لەخۆڕاگریء بەرەنگاری خەڵکی کۆبانی دا ھەبووە. بەتایبەتی بۆردومانی ئاسمانی.}

^{یەکێتیی نیشتمانیی کوردستان، جگە لەو ھەوڵانەی لەپەرلەمانء حکومەتی کوردستاندا داویەتیء لەم پێناوەشدا، پرۆژەی دانپیانان بەکانتۆنەکانی رۆژئاوای کوردستانی دوو مانگ زیاترە پێشکەش کرد، بەسوپاسیشەوە، پەرلەمان دانی نا بەکانتۆنەکاندا. جگە لەو ھەوڵە رەسمیانە، وەکو ھەوڵی تایبەتیش لەیەکەمین رۆژی گەمارۆدانی (کۆبانی)یەوە، بەردەوام لەپەیوەندی دابووە لەگەڵ (یەپەگە)ء شەڕڤانانی کۆبانی؛ ھەموو توانایەکی سیاسیء دیپلۆماسیء پەیوەندی نێونەتەوەیی خۆی، لەگەڵ وڵاتانی جیھانء دەوڵەتانی ئیقلیمیء پشتیوانانی گەلەکەمان، ھەروەھا حزبە دیموکراتەکانی جیھانی عەرەبی، خستە کار کۆبانی رزگار بکرێ. لەم پێناوەشدا، بەردەوام کۆمەکی عەسکەریء لۆجیستی، لەڕێگەی تایبەتیەوە بۆ دابین کردون.
زیاتر لە(١٠) رۆژیشە، لەگەڵ ئەمریکا، بەگەرمی لەڕێگەی ھێزی دژە تیرۆرەوە خەریک بوین، لەئاسمانەوە، ئەو کۆمەکە عەسکەریء لۆجستییەی شەڕڤانەکانی کۆبانی پێویستیان پێیەتی، بگەیەندرێتە دەستیان. خۆشبەختانە، سەعات (٢:١٥)ی بەرەبەیانی ئەمڕۆ، بەکاتی کوردستان، ئەم نەخشەیە سەری گرتء (٢٤) تەن چەکء تەقەمەنیء دەرمانی گرنگ، کە لەپاشکەوتی خودی یەکێتیی بووە، لەڕێگەی ھێزی ئاسمانی ئەمریکاوە، گەیەندرایە کۆبانی. بەھیواین، گەیاندنی ئەم کۆمەکانەی یەکێتیی، دەرگای ناردنء گەیاندنی کۆمەکی بەردەوامی کردبێتەوە بۆ ئەو شارە قارەمانە، لەڕێگەی ھێزەکانی ئاسمانی وڵاتانی دۆستەوە.}

^{دڵنیاشین، گەیاندنی ئەم کۆمەکانەء جۆری کۆمەکەکان، بەپێی داخوازی لیستی فەرماندەکانی شەڕڤانانی کۆبانی، دەبێتە مایەی سەرکەوتنی زیاتری خەڵکەکە، سەرەنجام بەقارەمانێتی شەڕەڤانانیانء خۆڕاگری خەڵکەکەیانء پشتیوانی بەردەوامیان، سەرکەوتنێکی مێژوویی، لەمێژووی کوردایەتی ھاوچەرخی نەتەوەی کوردستان لەپێناوی مافە دیموکراسییەکانیدا، بەدەستبێت.
بەم بۆنەیەوە، مەکتەبی سیاسی یەکێتیی، جارێکی تر، پشتیوانی تەواوی خۆی بۆ دیالۆگی نێوان لایەنە کوردستانییەکانی رۆژئاوا دووپات دەکاتەوەو ئومێدەواریشە، لەگفتوگۆکاندا، بەرپرسیارێتی نیشتمانیء خوێنی پاکی شەھیدەکان، بکرێتە ھاندەری رێکەوتن لەناو ھەموو لایەنەکاندا. نەک دەستکەوتی تەسکی حزبایەتیء بەس. بێگومان کلیلی چارەسەریش ئێستا لەدەستی یەپەگەدایەو چاوەڕێی مژدەی رێکەوتنیشین.}

^{سڵاو لەشەڕەڤانانی کۆبانی
رێزو نەوازش بۆ ئارامگای شەھیدانی رۆژئاوای کوردستان
سەرشۆڕی بۆ دوژمنانی ئازادیء مرۆڤایەتی
راگەیاندنی مەکتەبی سیاسی
یەکێتیی نیتشمانیی کوردستان
٢٠/١٠/٢٠١٤}

^{سەرۆکایەتی هەرێمی کوردستان ڕایگەیاند؛ بەرەبەیانیی ئەمڕۆ دووشەممە(٢٠ی تشرینی یەکەم) چەك و تەقەمەنی و هاوكارییەكانی هەرێمی كوردستان بەهۆی فڕۆكە ئەمەریكییەكانەوە گەییشتە شاری كۆبانێ.} 

^{لە ڕاگەیەندراوێک کە ئەمڕۆ دووشەممە لە ماڵپەڕی فەرمی سەرۆکایەتی هەریم بڵاو بۆتەوە هاتووە: "دوابەدوای هەوڵە بەردەوامەكانی هەرێمی كوردستان بۆ پاڵپشتیكردنی كۆبانێ و ڕۆژئاوای كوردستان و هەروەها بڕیاری بۆردومانكردنی مۆڵگەكانی داعش لە كۆبانێ لە لایەن هێزە هاوپەیمانەكانەوە، بەرەبەیانیی ئەمڕۆ دووشەممە ٢٠ـی ١٠ـی ٢٠١٤ چەك و تەقەمەنی و هاوكارییەكانی هەرێمی كوردستان بەهۆی فڕۆكە ئەمەریكییەكانەوە گەییشتە شاری كۆبانێ."}

^{دەقی ڕاگەیەندراوەکەی سەرۆکایەتی هەرێمی کوردستان:}

^{دوابەدوای هەوڵە بەردەوامەكانی هەرێمی كوردستان بۆ پاڵپشتیكردنی كۆبانێ و ڕۆژئاوای كوردستان و هەروەها بڕیاری بوردومانكردنی مۆڵگەكانی داعش لە كۆبانێ لە لایەن هێزە هاوپەیمانەكانەوە، بەرەبەیانیی ئەمڕۆ دووشەممە 20ـی 10ـی 2014 چەك و تەقەمەنی و هاوكارییەكانی هەرێمی كوردستان بەهۆی فڕۆكە ئەمەریكییەكانەوە گەییشتە شاری كۆبانێ.}

^{سەرۆكایەتیی هەرێمی كوردستان سوپاسی ویلایەتە یەكگرتووەكانی ئەمەریكا دەكات بۆ گەیاندنی چەك و تەقەمەنی و هاوكارییەكانی هەرێمی كوردستان لەڕێی ئاسمانەوە بۆ كۆبانێ، بۆ ئەوەی ئەو قارەمانانەی لە كۆبانێ بەرگری دەكەن بتوانن سوود لەو چەك و هاوكارییانە وەربگرن.}

^{سەرۆكایەتیی هەرێمی كوردستان}

^{٢٠ـی ١٠ـی ٢٠١٤}

^{ۆ یەكەمجار سوپای ئەمریكا و فڕۆكەكانی ئەو وڵاتە چەك و هاوكاری مرۆییان بۆ شەڕڤانانی یەكینەكانی پاراستنی گەل YPG نارد و لە ئاسمانەوە هاوكارییەكان گەیێندرانە شەڕڤانان لەنێو شاری كۆبانێ دا .}

^{فەرماندەیی ناوەندی هێزەكانی ئەمریكا لە راگەیێندراوێكدا رایگەیاند : " ئەو چەك و تەقەمەنی و كەرەستە و پێداویستی پزیشكیانە لەلایەن دەسەڵاتدارانی كوردی لە عێراق پێماندرابوون بۆ هاوكاریكردنی بەرگریكاران لە كۆبانێ دژی داعش ".}

^{سەرچاوەیەكی ئاگادار لە حكومەتی هەرێمی كوردستانیش ، لە لێدوانێكدا بۆ تۆڕی میدیایی رووداو ، رایگەیاند " ئەو چەك و تەقەمەنی و پێداویستییە پزیشكیانە بەشی هەرێمی كوردستان بوون ، بەڵام ئێمە داوامان لە ئەمریكا كرد ، كە ئەو بەشە بنێردرێت بۆ شەڕڤانانی كورد لە كۆبانێ ، وەك پاڵپشتییەك و ئەركێكی نیشتمانیی سەرشانمان ، لە داهاتووشدا هاوكارییەكانمان زیاتر دەبن ، بە هاوئاهەنگی لەگەڵ ئەمریكا ".}

^{سوپای ئەمریكا دەڵێت فرۆكەكانی جۆری C -130  هاوكارییە سەربازی و پزیشكییەكانیان گەیاندە چەكدارە بەرگریكارەكانی كورد لە كۆبانێ . هەروەها شەوی رابردوو ، باراك ئۆبامای سەرۆكی ئەمریكا ، رەجەب تەیب ئەردۆغانی لەو پرۆسە هاوبەشەی هەرێمی كوردستان و ئەمریكا ئاگاداركردبووەوە بۆ هاوكاریكردنی كۆبانێ .}

^{ناوەندی فەرماندەیی سوپای ئەمریكا هەروەها ئاشكرایدەكات كە لە رێگەی فڕۆكەی كارگۆوە چەند كاروانێك چەكی بچووك و هاوكاری مرۆیی لە پێداویستی پزیشكی بۆ شەڕڤانان نێردراوە.}

 ^{فەرماندەیەكی باڵای فەرماندەیی ناوەندیی سوپای ئەمریكا كە نەیویستووە ناوەكەی ئاشكرابكرێت بە ئاژانسی فۆكس نیوزی ئەمریكی راگەیاندووە كە فڕۆكەكان 27 پاكێجی پڕ چەك و پێداویستی پزیشكییان بۆ شەڕڤانان لە كۆبانێ فڕێداوەتە خوارەوە و چاوەڕێشدەكەن ئەنجامی باشی هەبێت بۆ شەڕڤانان، ئەو فەرماندەیە هەروەها دەڵێت " پێمانوایە زۆرینەی ئەو هاوكاریانە گەیشتوونەتە دەستی بەرگریكارانی كورد".}

^{ئەو فەرماندەیەی سوپای ئەمریكا هەروەها دەڵێ " لەكاتی سووڕانەوەی فڕۆكەكانی ئەمریكا هیچ كێشەیەكیان تووشنەبووە، نە لە ئاسمان و نە زەویشەوە تەقەیان لێنەكراوە."}

^{هەروەها دوێنێ بەرەبەیان و ئێوارە فڕۆكەكانی ئەمریكا و هاوپەیمانەكانی ، هەشت هێرشیانكردە سەر بنكەكانی داعش لە دەوروبەری كۆبانێ، فەرماندەیی ناوەندیی ئەمریكاش لە راگەیێندراوێكدا رایگەیاند كە تائێستا 135هێرشیان كردووەتە سەر بنكەكانی داعش لە دەوروبەری كۆبانێ.}

 ^{بەگوێرەی زانیارییەركانی تۆڕی میدیایی رووداو لە سێ رۆژی رابردوودا ، شەڕ لەنێوان شەڕڤانانی  YPG و داعش روویداوە لە كۆبانێ و ئەمریكاش  لەرێگەی پێدانی چەك دەیەوێت هەڕەشەی داعش لە سەر كۆبانێ نەهێڵێت.}

^{شەڕ لە كۆبانێ مانگێك زیاترە بەردەوامە و لە دوو هەفتەی رابردوودا بە هۆی هێرشی بەردەوامی فڕۆكەكانی ئەمریكا و هاوپەیمانەكانی، شەڕڤانەكانی YPGتوانیویانە زۆربەی نێو سەنتەری كۆبانێ لەژێر دەستی داعش دەربێنن ، بەپێی لێدوانی بەرپرسانی كانتۆنی كۆبانێ بۆ تۆڕی میدیایی رووداو.}

20/10/2014

<sup>سەرۆکی تورکیا رایدەگەیەنێت کە بەبێ هاتنەدی چوار مەرجەکەی تورکیا، وڵاتەکەی بەشداری لە هیچ پرۆسەیەک ناکات لەگەڵ هاوپەیمانێتی نێودەوڵەتی لە سووریا، دەشڵێت ئەگەر مەرجەکان هاتنەدی "هێرش لە دژی رژێمەکەی ئەسەد ئەنجام دەدەین".

ئاژانسی ئەنادۆڵ لەسەر زاری رەجەب تەییب ئەردۆغان گواستوویەتییەوە، کە سەرۆکی تورکیا بەشداریکردنی وڵاتەکەی لە هەر پرۆسەیەک لەگەڵ هاوپەیمانێتی نێودەوڵەتی لە سووریا رەتدەکاتەوە بەبێ هاتنەدی چوار مەرجەکەی تورکیا. 

ئەردۆغان دەڵێت، تورکیا چوار داواکاری پێشکەشی ئەو هاوپەیمانێتییە نێودەوڵەتییە کردوون کە ویلایەتە یەکگرتووەکان رابەرایەتی دەکات دژی گرووپی داعش، داوکارییەکانیش تایبەتن بەو دۆخەی کە لە سووریا دەگوزەرێت و  بریتین لە: ناوچەی دژەفڕین، بنیاتنانی ناوچەی ئارام، مەشقپێکردنی سوورییەکان و پڕچەککردنیان، ئەنجامدانی هێرش لە دژی رژێمەکەی ئەسەد. دەشڵێت "بەبێ هاتنەدی داواکارییەکانمان، بەشداری لە هیچ پرۆسەیەک ناکەین".

لە وڵامی پرسیاری ئەوەی ئەگەر هاتوو لەلایەن ویلایەتە یەکگرتووەکانی ئەمریكاوە داوایەکی فەرمی ئاراستەی حکومەتی تورکیا کرا بۆ بەکارهێنانی بنکەی (ئەنجەرلیک)، ئەردۆغان گوتی: "تائێستا بەڕونی ئەوە دیار نییە کە چ داوایەکیان لە ئێمە هەیە لە بارەی بنەکەی ئەنجەرلیکەوە، ئەگەر زانیمان ئەو لەسەر ئەم دۆخە راوێژ لەگەڵ یەکە ئەمنییەکانمادا دەکەین. ئەوەی پێشی دەگەین لەسەر ئەم بنەمایە، لەسەر ئەوە رێکدەکەوین کە ببینین چ شتێک گونجاوە بۆ ئێمە، ئەگەر نا رێکناکەوین".

سەرۆکی تورکیا گوتیشی،" پێشنیازکردنی ناوچەی ئارام لەلایەن ئێمەوە، پرۆسەیەک نییە بۆ داگیرکاری، بەڵکو ناوچەیەک دەبێت بۆ پاراستنی گیانی سوورییەکان ئەوانەی بەهۆی رووداوەکانەوە ئاوارە بوونە بۆ ئەوەی بگەڕێنەوە بۆ خاک و وڵاتەکەیان".</sup>

گۆڤەند مستەفا/ 

رووداو

^20/10/2014

<sup>گوتەبێژی پارتی یەكێتی دیموكراتی PYD رایگەیاند، کە لەگفتوگۆكانیان لەگەڵ ئەمریكا باس لە پێدانی چەك بە PYD كراوە .

نەواف خەلیل ، گوتەبێژی PYD لە لێدوانێكدا بە رۆژنامەی (الشرق الاوسگ)ی راگەیاند كە لە كۆبوونەوەی پاریسدا لەنێوان ساڵح موسلیم هاوسەرۆكی PYD و دانیال روبنشتاین ، نێردراوی ئەمریكا بۆ كاروباری سووریا ، باس لە چەكدان بە كورد كراوە .

هەروەها گوتەبێژی PYD دەڵێ لەو كۆبوونەوەیەدا و كۆبوونەوەكانی پێنج شەممە كە لەنێوان PYD و ئەمریكا لەشاری دهۆك بەڕێوەچوون "باسی چالاككردنی هاوئاهەنگیی سەربازیی نێوان یەكینەكانی پاراستنی گەل YPG و هاپەیمانی عەرەبی و نێودەوڵەتی دژی داعش كراوە، هەروەها باسی گەیاندنی هاوكاریی سەربازیی بۆ چەكدارانی كورد كراوە لە كۆبانێ "، هەروەها گوتی پەیوەندییەكانی نێوان PYD و ئەمریكا دەگەڕێتەوە بۆ دووساڵ پێش ئێستا ، بەڵام ئەمریكا باسی نەدەكرد "بۆ ئەوەی توركیا تووڕەنەكات".

بەپێی لێدوانی ئیبراهیم برۆ، سكرتێری (پارتی یەكێتی كورد لە سووریا ) كە یەكێكە لە پارتە ئەندامەكانی (ئەنجوومەنی نیشتمانی كورد لە سووریا) ، ئەوان وەك ئەنجوومەنی نیشتمانی هەفتەی رابردوو لەگەڵ باڵیۆزی ئەمریكا لە توركیا كۆبوونەتەوە ، لەو كۆبوونەوەیەدا داوای یەكخستنی هێز لە كورد كراوە .

كۆبوونەوەكانی دهۆك لەنێوان PYD و ئەنجوومەنی نیشتمانیی كورد ، كە لە ژێر چاودێری سەرۆكی هەرێمی كوردستاندا بەڕێوەدەچن ، تائێستا نەگەیشتوونەتە ئەنجام .</sup>

رووداو- الشرق الاوسط

^19/10/2014

<sup>سەمیر موقبیل، وەزیری بەرگری لوبنان بە سەردانێكی سێ رۆژە گەیشتە تارانی پایتەختی كۆماری ئیسلامیی ئێران.

ئاژانسی هەواڵی فەڕەنسا بڵاویكردووەتەوە، كە ئامانجی سەردانەكە وەرگرتنی هاوكاری سەربازی ئێرانە بۆ لوبنان بە مەبەستی رووبەڕووبوونەوەی مەترسییەكانی گرووپی دەوڵەتی ئیسلامی (ناسراو بە داعش).

ئەنجامدانی ئەم سەردانە، دوو هەفتە دوای پێشنیازی كۆماری ئیسلامی ئێران دێت بۆ پێدانی هاوكاری سەربازی ئێران بە لوبنان بەمەبەستی رووبەڕبوونەوەی چەكدارانی داعش و بەرەی نوسرە، لە سنورەكانی لوبنان و سووریا.

بە پێی ئاژانسی هەواڵی فارسی ئێران، وەزیری دەرەوەی لوبنان لەو سەردانەدا لەگەڵ هاوتا ئێرانییەكەی، حەسەن دێهقان، لە بارەی چۆنیەتی بەرەوپێشبردنی هاوكاری سەربازی نێوان ئەو دوو وڵاتە گفتوگۆ دەكەن.

بریارە سەمیر موقبیل هەروەها لەگەڵ سەرۆكی پەرلەمانی ئێران و سكرتێری ئەنجوومەنی ئاسایشی نەتەوەیی ئێران كۆببێتەوە.

لە دوا سەردانیدا بۆ لوبنان عەلی شەمخانی، سكرتێری ئەنجوومەنی ئاسایشی نەتەوەیی ئێران پێشنیازی هاوكاری سەربازی ئێرانی بۆ لوبنان خستەڕوو.

پێشتر سعودیە رازی بوو بە پێدانی بڕی سێ ملیار دۆلار هاوكاری سەربازیی سوپای لوبنان بكات، بەڵام تاوەكو ئێستا دانوستاندنەكانی ئەو هاوكارییە نەگەیشتوونەتە ئەنجامی خوازراو.

كۆماری ئیسلامی ئێران بە پشتیوانی سەرەكی حیزبوڵڵای لوبنان ناسراوە، كە لەگەڵ هێزەكانی بەشار ئەسەد دژ بە گرووپە سوننە نەیارەكانی حكومەتی ئەسەد شەڕ دەكەن.</sup>

^19/10/2014

<sup>کاربەدەستانی رووسیا رایانگەیاندووە، لە شەڕی دژی چەکدارانی داعش، هاوکاری عێراق و سووریا دەکەن، ئەگەر بە فەرمی داوایان لێ بکرێت.

رووسیا بەتەواوی خۆی بەدورگرتووە لە شەڕی چەكدارانی داعش، شرۆڤەكارانی سیاسی ئەو وڵاتە پێیان وایە، كۆمەڵێك هۆكار هەن بۆ ئەوەی رووسیا بەشداری شەری داعش نەكات، گرنگترینیان ترسانی رووسیایە لە گرووپە رادیكاڵییە ئیسلامییەكان،  چونكە رووسیا لەگەڵ چیچانییەكان بە ئەزموونێكی دژواردا تێپەڕیوە و چەندین جار كراوەتە ئامانجی گرووپە تووندڕەوەكانی چیچان.

رووسیا دەڵیت ئەوان بەشداری هاوپەیمانیەتی ناكەن بە سیفەتی هاوكارو پشتیوانی ئەمریكا، بەڵام ئەگەر بە فەرمی لەلایەن عێراق وسووریاوە داوایان لێبكرێت، ئامادەن هاوكاری بكەن.</sup>

^19/10/2014