به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
لە كاژێر 3ـی شەوی رابردووەوە هێزەكانی پێشـمەرگە بە هاوكاری فڕۆكە جەنگییەكان بۆردوومانێكی سەختی داعش دەكەن و تا ئامادەكردنی ئەو هەواڵەش شەڕی نێوان هێزەكانی پێشمەرگە و داعش لە گوندی دووگردكانی سەر بە قەزای مەخموور بەردەوامە.
پەیامنێری رووداو لە بەرەكانی شەڕ لە دووگردكان رایگەیاند، كە لە درەنگانی شەوی رابردووەوە هێزەكانی پێشـمەرگە مووشەكبارانی چەكدارانی داعشیان كردووە.
سەنگەر عەبدولڕەحمان، پەیامنێری رووداو گوتیشی، چەند فڕۆكەیەكی جەنگی، كە هێشتا نەزانراوە عێراقین یان نا، هاوكاری هێزەكانی پێشمەرگە دەكەن لە بۆردوومانكردنی چەكدارانی داعش.
هێزەكانی پێشمەرگە سەرلەبەیانی رۆژی پێنجشەممە 7.8.2014 سێ گوندی سنووری مەخمووریان كۆنترۆلكردووەو شەڕیش بەردەوامە.
بە گوتەی پەیامنێری رووداو، ژمارەیەكی زۆر هێزی پێشمەرگە لە دووگردكان كۆبوونەتەوە و لە خەندەقی دووگردكانیش چەكدارانی داعش بەرگرییەكی سەخت دەكەن.
07/08/2014
هاوڵاتیانی خۆشەویستی كوردستان
كوردستانییانی هەڕەشە لەسەر لەلایەن چەتەكانی داعش
ئێمە كۆمەڵێك پارت و رێكخراوی سیاسی و مەدەنی و كەسایەتی نیشتمان پەروەرو مرۆڤ دۆست, لەهەستكردنمان بەگرنگی یەكڕێزی نەتەوەیی لەبەرامبەر هەڕەشەكانی چەكدارە دڕندەكانی داعش كە ئەمڕۆ مەترسیدارترین هەڕەشەیان بۆ سەر دەستكەوتەكانی گەلەكەمان لە باشورو رۆژئاوای كوردستان دروست كردووە, ئەمڕۆ چوارشەمە 6ی ئاب هەڵمەتی پشتیوانی لە خۆڕاگری كۆبانی و شەنگال رادەگەیەنین لەژێر دروشمی" هەڵمەتی نەتەوەیی دژ بە داعش", بۆ ئەوەی ئێمەش وەك هێزێكی پشتیوانی لە بەرخودان و خۆڕاگری لەپاڵ هێزی پێشمەرگەو یەپەگە و هەپەگە بەشدار بین لەو رووبەڕوبونەوەیەی كە ئەمڕۆ مەترسی گەورەی بۆ سەر دەستكەوتەكانی گەلەكەمان دروست كردووە كە بە خەبات و قوربانی دانی زیاتر لە هەشت دەیەی گەلەكەمان بەدەست هاتووە .
ئێمە داواكارین :
1- داعش وەك هێزێكی دژ بە مرۆڤایەتی و تیرۆریستی دەناسین و ئەمڕۆ بە یەكێك لە مەترسیدارترین هێزەكانیان دەزانین لە بەردەم دەستكەوتەكانی گەلەكەمان, ئەو كارانەی ئەنجامیان دەەدات دەچێتە چوارچێوەی تاوانەكانی جینۆساید و تاوانی جەنگ و تاوانی دژ بە مرۆڤایەتی, بۆیە پێویستە سەرانی ئەم گروپە تاوانكارە بە ئەنجامدانی ئەو تاوانانە لەدادگایەكی تایبەت دادگایی بكرێن و تاوانكارانیان سزا بدرێن .
2- پشتیوانی هەمە لایەنەی خۆمان بۆ برا ئیزیدییەكان و سەرجەم كەمایەتییە ئاینی و مەزهەبییەكانی كوردستان رادەگەیەنین لە ژیانێكی پڕ لە ئاشتی و ئارامی لە باشووری كوردستان و هەر پەلامارێك بۆسەریان بە توندی شەرمەزار دەكەین .
3- داواكارین پەلامارەكانی داعش بۆ سەر شەنگال و كۆبانی و جەلەولا و ناوچەكانی دیكە ببێتە خاڵی ئاشتبونەوەی سەرانسەری لایەنەكانی كوردستان لەپێناو یەكخستنی تواناكان بۆ روبەرووبونەوەی داعش و دوژمنانی گەلەكەمان, كە پێشمەرگەو یەپەگە و هەپەگە لە بواری عەمەلی ئەم كارەیان ئەنجامداوە .
4- دژ هەر خیتابێكی سیاسین كە لەلایەن هەر پارت و دەزگایەكی حكومییەوە دەربچێت ببێتە هۆی دروستكردنی كەلێن لەنێوان لایەنەكانی كوردستانی لەم كاتەدا كە بەرەوروی هێزێكی دڕندەی وەك داعش بونەتەوە بە تایبەتیش لە كاروباری سەربازی.
5- پشتیوانی خۆمان بۆ داواكاری 68 پەرلەمانتاری كوردستان لە پشتیوانی و بە فەرمی ناسینی دەسەڵاتە خۆجێیەكانی گەلەكەمان لە رۆژئاوای كوردستان رادەگەیەنین , هیوادارین ئەو دەسەڵاتە خۆجێیانە ببێتە نموونەیەكی جوان لەدەسەڵاتدارێتیەكی دیموكراسیانە لەرۆژئاوای كوردستان كە هەموو بۆچونە سیاسی و پێكهاتە ئاینی و نەتەوەییەكان شوێنی خۆیان تێدا ببینەوەو بە شێوەی دیموكراتیانە لەرێگای هەڵبژاردنەوە بەڕێوەبەرانی دیاریبكرێن.
1- یەكێتی نیشتمانی كوردستان- مەڵبەندی هەولێر
2- بزووتنەوەی گۆڕان- مەكۆی هەولێر
3- حیزبی شیوعی كوردستان
4- حیزبی ئایندەی كوردستان كوردستان
5- حیزبی زەحمەتكێشانی كوردستان
6- پارتی چارەسەری دیموكراتی كوردستان
7- بزووتنەوەی دیدموكراتی گەلی كوردستان
8- ( yndk) هەرێمی هەولێر
9- حیزبی رزگاریی كوردستان
10- پارتی كرێكاران و رەنجدەرانی كوردستان
11- پارتی كۆماری كوردستان
12- سەنتەری رۆشنبیری كوردی –روسی/ لقی هەولێر
13- رێكخراوی كوردستان بێ جینۆساید
14- رێكخراوی لاوانی یەكگرتوی ئیسلامی
15- رێكخراوی جوتیارانی سەردەم
16- چاودێری كوردۆساید
17- رێكخراوی رایەڵ
18- ر ێكخراوی ئەنفالەكانی كوردستان
19- بزوتنەوەی نوێبونی لاوانی كوردستان
20- پارتی سەربەخۆی كوردستان
21- پارتی پارێزگارانی كوردستان
22- رێكخراوی راز
23- رێكخراوی گەیاندن
24- رێكخراوی دیاری كوردستان
25- بزوتنەوەی كۆماریخوازی رۆژهەڵاتی كوردستان
26- رێكخراوی هاریكاری مرۆڤایەتی
27- رێكخراوی گەشەپێدانی گەنجانی كوردستان
28- رێكخراوی گەنجانی وڵات پارێز
29- رێكخراوی شكۆ بۆ كەسوكاری شەهیدان
30- رێكخراوی رەنگەكان بۆ ئازادی
31- رێكخراوی ژنانی ئازادی كوردستان
32- رێكخراوی ژیانەوەی گەنجان
33- رێكخراوی یەكبوونی گەنجان
سەرچاوەیەك لە هێزی پێشمەرگەی كوردستان بە تۆڕی میدیایی رووداوی راگەیاند لە گەڕەكی گۆگجەلیلی شاری موسڵ هێرشێكی چەكدارانی داعشیان تێكشكاندووە.
07/08/2014
به‌مه‌به‌ستی هه‌ڵگرتنی چه‌ك و شه‌ڕكردن دژی چه‌كدارانی ده‌وڵه‌تی ئیسلامی ناسراو به داعش، سێ ناوه‌ندی خۆبه‌خشین بۆ گه‌نجانی ئێزیدی ده‌كرێته‌وه.
خه‌یری بوزانی به‌ڕێوه‌به‌ری كاروباری ئێزدییه‌كان له وه‌زاره‌تی ئه‌وقاف و كاروباری ئایینی هه‌رێم به خه‌ندانی راگه‌یاند: ئه‌مڕۆ له كۆبوونه‌وه‌یه‌كی نێوان ئه‌نجومه‌نی رۆحانی ئێزیدییه‌كان و فه‌رمانده‌یی هێزه‌كانی پێشمه‌رگه له شه‌نگال رێككه‌وتن كرا له‌سه‌ر كردنه‌وه‌ی سێ ناوه‌ندی خۆبه‌خشین بۆ گه‌نجانی ئێزیدی.
خه‌یری بوزانی وتی: "ناوه‌نده‌كان له شێخان، سمیل و شاری دهۆك ده‌كرێنه‌وه"ئاماژه‌شی به‌وه‌دا كه ئه‌و ناوه‌ندانه تایبه‌تن به گه‌نجانی ئێزیدی بۆ ئه‌وه‌ی هاوشانی برا پێشمه‌رگه‌كانیان دژی چه‌كدارانی داعش بجه‌نگن.
وتیشی: "له سبه‌ینێوه ده‌ستده‌كرێت به ناونووسینی گه‌نجانی شه‌نگال و رۆژانه له سه‌عات 8ی به‌یانییه‌وه بۆ ماوه‌ی 12 سه‌عات ده‌رگای ئه‌و ناوه‌ندانه به رووی گه‌نجانی ئێزیدیدا ده‌كرێنه‌وه".
06/08/2014
هێزەكانی پێشمەرگەی كوردستان هێرشێكی چەكدارانی داعش لە مەخموور تێكدەشكێنن و بەرپرسێكی ئەمنیش ئاشكرایدەكات كە لەو هێرشەدا 20 چەكداری داعش كوژراون.
د. تاریق نووری، بەڕێوەبەری ئاسایشی هەولێر بە تۆڕی میدیایی رووداوی راگەیاند: "نزیكەی كاژێر شەشی ئێوارەی دوێنێ لە دووڕیانی حاجی عەلی بە ئاراستەی قەزای مەخموور لە سەر رێگای گەیارە، هێرشێكی چەكدارانی تیرۆرستانمان تیكشاندن و لە ئەنجامی ئەو پێكدادانەشدا 20 چەكداری داعش كوژران و ژمارەیەكی زۆریشیان برینداربوون و رایانكرد".
تاریق نووری گوتیشی: " ژمارەیەك لاشەی كوژراوەكانی داعش بەجێماون و كەوتوونەتە ژێردەستی هێزەكانی پێشمەرگە".
ئێوارەی دوێنێ 5ی تەمووزی 2014 شەڕ و پێكدان لە نێوان هێزەكانی پێشمەرگە و چەكدارانی داعش لە گوندی كوشافی كوردی لە ناحیەی گوێڕی قەزای مەخموور رروویدا، سەرچاوەیەكی پێشمەرگەش بە تۆڕی میدیایی رووداوی راگەیاند: "دوای ئەوەی چەكدارانی داعش هێرشێكی بەرفراوانیان دەستپێكرد زیاتر لە 16 تەرمیان لێ بەجێماون''.
06/08/2014
رۆژنامەی Die Welt ی ئەڵمانی بڵاویكردەوە كە دوای عەرەب، تورك زۆرترین رێژەی چەكدارانی داعش پێكدەهێنن و رێژەكەیشیانی بە لەسەدا 10 دیاریكردووە.
لە هەواڵەكەدا ئاماژە بەوە كراوە، كە وێڕای بوونی تورك، ژمارەیەكی زۆری چەكدارانی وڵاتانی دیكەش چوونەتە نێو رێكخراوی دەوڵەتی ئیسلامی ناسراو بە (داعش) و لەسەر زاری دەزگا هەواڵگرییەكانی وڵاتانی ئەوروپاوە بڵاویكردووەتەوە كە نزیكەی 200 كەس لە رێگەی توركیاوە ئاودیوی سووریا بوون و چوونەتە نێو ریزەكانی داعش.
هەروەها دەڵێ بەشێك لەو چەكدارانە، بە هەمان رێگای چوونیان بۆ سووریا، گەڕاونەتەوە وڵاتەكانیان و پێیوایە كە ئەمە لە داهاتوویەكی نزیكدا كاریگەری نەرێنی بەسەر پەیوەندییەكانی یەكێتی ئەوروپا و توركیاوە دەبێت.
رۆژنامەكە لەسەر زاری دەزگا هەواڵگریی و تەناهییەكانی توركیاوە باس لەوە دەكات، كە ژمارەی چەكدارە توركەكان لە ریزی داعش هەزار كەسی تێپەڕاندووە، هاوكات دەڵێ "بەشێك لەوانەی لە وڵاتانی ئەوروپاوە دەچنە نێو داعش لە بنەڕەتدا توركن".
05/08/2014
هێزەکانی پێشمەرگەی کوردستان، هێرشێکی چەکدارانی داعشیان تێکشکاند، کە بە نیازبوون دەستبگرن بەسەر گوندی کوشافە لە نزیک ناحیەی گوێڕ لە قەزای مەخموور.
نەقیب سەرباز، نەقیبی فەوجی 5 ی لیوای دووی سوپای عێراق بە تۆڕی میدیای رووداوی راگەیاند، هێزەكانیان لەكاتی دروستكردنی بەربەستی ئەمنی لە گوندی كوشافەوە تا مەخموور، ژمارەیەك لە چەكدارانی داعش لە كوشافە هێرشیان كردووەتە سەر پێشمەرگە و گوتی "بەڵام تێكشكێنران".
نەقیب سەرباز گوتیشی "شەڕ بەردەوامە، ئەوان ژمارەیەك كوژراو و برینداریان هەیە، بەڵام بەهۆی ئەوەی شەڕەكە بەردەوامە بە دروستی نازانین قەبارەی زیانەكانیان چەند بووە".
لەبارەی زیانەكانی هێزی پێشمەرگەی كورستان گوتی، "وێڕای ئەوەی ئەوان هێرشیان كرد، بەڵام تاوەكو ئێستا هیچ بریندارێكمان نییە و شەهیدمان نەداوە".
سەرچاوەیەكیش لە بەڕێوەبەرایەتی ئاسایشی گوێڕ رایگەیاند: "13 ئۆتۆمبیلی پڕ چەكداری داعش ویستیان هێرش بكەن، بەڵام تێكشكێنران".
ئاماژەی بەوەش كرد، "پێشتر چەكدارانی داعش لە رەبایەكانی سەرووی كوشاف بوون، بەڵام دوای ئەو تێكشكانەیان پاشەكشەیان كردووە ئێستا لە شوێنی پێشوویان نابینرێن".
05/08/2014
بەپێی ئەو زانیارییانەی لە سەرچاوەیەكی باڵای ئەمریكاوە گەیشتوونەتە تۆڕی میدیایی رووداو، ئەمریكا بڕیاریداوە هاوكاری سەربازی لەڕووی چەك و شارەزاییەوە پێشكەشی هێزەكانی پێشمەرگەی كوردستان بكات.
هەروەها ئەمریكا بڕیاریداوە پشتیوانی ئاسمانی بە فڕۆكەی جەنگی پێشكەشی هێزەكانی پێشمەرگە بكات و، لە رێگەی فڕۆكەشەوە خۆراك و پێداویستی مرۆیی پێشكەشی خەڵكی ئاوارەبووی شنگال و زووممار بكات.
بەپێی ئەو زانیارییانەی دەست تۆڕی میدیایی رووداو كەوتوون، چەند وڵاتێكی ئەوروپی پەیوەندییان بە حكومەتی هەرێمی كوردستانەوە كردووە و ئامادەیی خۆیان نیشانداوە بۆ هاوكاری سەربازی هێزەكانی پێشمەرگەی كوردستان لە رووبەڕووبوونەوەیاندا لەگەڵ چەكدارانی داعش.
ئەو وڵاتە ئەوروپیانە بڕیاریشیانداوە هاوكاری پێشكەشی ئاوارەكانی ناوچەكانی شنگال و زووممار بكەن.
05/08/2014
بەرپرسێکی باڵای یەکێتی نیشتمانی کوردستان لەسنووری پارێزگای نەینەوا ته‌ئكید ده‌كاته‌وه كه نیوەی زیاتری قەزای شنگال لەدەستی چەکدارانی داعش سەندراوەتەوەو ناحیەی وانکێ-ش بەتەواوەتی لەژێر کۆنترۆڵی پێشمەرگەدایە.
سایتی SNN له‌زاری غەیاس سورچی کارگێڕی مەڵبەندی نەینەوای یەکێتی نیشتمانی كوردستان بڵاویكرده‌وه : نیوە زیاتری شنگال لەدەستی ھێزەکانی پێشمەرگەدایەو تا سبەینێش تەواوی قەزاکە له چه‌كدارانی داعش پاکدەکرێتەوە.
غه‌یاس سورچی راشیگه‌یاند: ھێزەکانی پێشمەرگە جگە لەنیوەی قەزای شەنگال، تەواوی ناحیەی وانکێ-یان کۆنترۆڵکردوە.
کارگێڕه‌كه‌ی مەڵبەندی نەینەوای یەکێتی نیشتمانی كوردستان ئاشکراشیکرد، داعش بەشێوەیەک شکستی ھێناوە، کە نەیتوانیوە لە مەحمودیەش خۆی بگرێتەوە، وتیشی:"لەئێستادا زانیاری ئەوەش ھەیە کە لەناحیەی زومماریش داعش مەترسیی کەوتۆتە سەر".
به‌پێی زانیارییەکانی سایتی SNN، چەکدارەکانی داعش لەئێستادا تەنھا چوار گەڕەکی قەزای شنگالیان، بەدەستەوە ماوەو بەوتەی بەرپرسەکەی یەکێتیش، ڕەنگە ھەر ئەمشەو یان تا سبەینێ تەواوی قه‌زاكه کۆنترۆڵ بکرێتەوە.
05/08/2014
کۆچی خەڵکی شەنگال لە ترسی داعش بەردەوامە و بەرەبەیانی ئەمڕۆش 88 گەنجی ئێزدی لە سێدارەدراون و هەشت منداڵیش بە هۆی برسییەتیەوە گیانیان لە دەست داوە. دوای ئەوەی دوێنێ (3-8-2014) شارۆچكەی شەنگال و دەوروبەری كەوتە ژێر دەستی چەكدارانی داعش، بەشێكی زۆری خەڵكی ناوچەكە دەربەدەر و ئاوارەبوون. ئەو خێزانانەی دوێنی بۆیان نەڕەخسا ناوچەكە بەجێ بێڵن، ئەمڕۆ لە ترسی روودانی شەڕێکی گەورە خۆیان ئامادە دەكەن بۆ بەجێهێشتنی ماڵ و حاڵی خۆیان. شاهید حاڵێك لەناو شەنگال ببە تەلەفۆن بە (باسنیوز) راگەیاند 'ئێستا زۆربەی ئەو خەڵكەی هێشتا لەناو شنگال ماوەن خۆیان ئامادە دەكەن، تا شەنگال بەجێبهێڵن، هەمووان لە چاوەڕوانی شەڕێكی قوڕسدان'. ئەو شایەتحاڵە کە ئامادەنەبوو لەبەر بارودۆخی ئێستای ناوشەنگال ناوی ئاشکرا بکرێت لەبارەی دۆخی شەنگال لە دوێنێوە بە باسنیوزی گوت 'لە دوێنێوە لە ماڵ نەهاتووینەتە دەر، هەمووان دەرگای ماڵەکانیان لەسەر خۆیان داخستووە، ئاو و کارەباش نییە، هاوسێ ئێزدییەکانمان هەموویان هەڵاتوون و تەنیا عەرەبەکان ماون، لە دوێنێوە کەسێکی نزیکی منیان دەستگیرکرد، زۆربەی خەڵکیشیان لە مزگەوتی رەحمان لەناو شەنگال دەستگیر کردووە، داوا دەکەن هەرکەسێک چەکی هەبێت تەسلیمیان بکات، ئەوانیش لە بەرامبەردا ئازادیان دەکەن'. پەیامنێری باسنیوز لەناو شەنگال گوتی کە نزیکەی 200 هەزار کەس ئاوارەبوون. پەیامنێری باسنیوز باسی لەوەش کرد کە ژمارەیەکی زۆری چەکدارانی عەشیرەتە عەرەبییەکانی دەوروبەری شەنگال، هاتوونەتە ناو شەنگال و ماڵ و حاڵی خەڵکی کورد تاڵان دەکەن. پەیامنێری باسنیوز گوتی کە تا ئێستا هەشت منداڵی بەهۆی برسیەتی و نەبوونی خۆراک و ئاو، لەنێو ئەو هاوڵاتییانەی کە پەنایان بۆ چیای شەنگال بردووە، گیانیان لەدەست داوە. لەبارەی ئافرەتە رفێندراوەکانیشەوە پەیامنێری باسنیوز گوتی کە زۆرینەی ئافرەتە رفێندراوەکان خەڵکی کۆمەڵگای گر عوزێرن و تا ئێستاش چارەنووسییان نادیارە. پەیامنێری باسنیوز لە موسڵ لە چەند سەرچاوەیەکی گواستیەوە کە بەرەبەیانی ئەمڕۆ 88 گەنجی ئێزدییان لە سێدارەدراون، ئەو سەرچاوە گوتی کە ئەو گەنجانە لە شەوی رابردووەوە لە سیپا شێخ خدر دەستگیرکرابوون. ئەو سەرچاوانە کە لەبەر بەردەوامی شەڕ ئامادەنەبوون ناوەکانیان بلاوبکرێتەوە، بە پەیامنێری باسنیوز لە موسڵیان گوت کە بە دەیان گەنجی ئێزدی، لە ترسی لە سێدارەدان و هەڕەشەی ەبردەوامی چەکداران، بە ناچاری ئاینی خۆیان گۆڕیوە و بوونەتە ئیسلام.
04/08/2014
فه‌رماندارى گشتى یه‌کینه‌کانى پاراستنى گه‌ل YPG رایگه‌یاند که دواى ئه‌وه‌ى سیسته‌مى به‌رگرى هێزه‌کانى پێشمه‌رگه له‌هه‌رێمه‌کانى شه‌نگال و ره‌بیعه تێکچوو ، YPG بۆ ئه‌وه‌ى هاوڵاتیانى هه‌رێمه‌که بپارێزێت چۆته ناو خاکى باشوورى کوردستانه‌وه . فه‌رماندارى گشتى YPG ئاماژه‌ى بۆ ئه‌وه کرد که ئه‌وان له‌ئاستێکى هه‌ره بڵند ئاماده‌ن هاوکارى هێزه‌کانى پێشمه‌رگه بکه‌ن . له‌لێدوانه‌که‌دا ئه‌وه‌ش خراته‌روو که زیاتر له (700) پێشمه‌رگه هانایان بۆ یه‌کینه‌کانى پاراستنى گه‌ل YPG هێناوه و چوونه‌ته رۆژئاواى کوردستانه‌وه . فه‌رماندارى گشتى یه‌کینه‌کانى پاراستنى گه‌ل YPG له‌باره‌ى دۆخى ئێستاى ناوچه‌کانى شه‌نگال و ره‌بیعه و باشوورى کوردستان لێدوانێکى فه‌رمى بڵاوکرده‌وه و رایگه‌یاند :" دواى ئه‌وه‌ى گروپه چه‌ته‌کانى داعش شارۆچکه‌ى زوومارى سه‌ربه باشوورى کوردستانیان داگیرکرد ، روویان له‌ناوچه‌ى سنوون و هه‌رێمى شه‌نگال کرد . له‌و کاته‌دا سیسته‌مى به‌رگرى هێزه‌کانى پێشمه‌رگه له هه‌رێمى ره‌بیعه و شه‌نگال هه‌ڵوه‌شایه‌وه و به‌شێوه‌یه‌کى ئاشکرا له هه‌رێمه‌که کشانه‌وه ، دواى ئه‌وه‌ى شه‌پۆلى کۆچبه‌رى هاوڵاتیانى ئه‌و ناوچانه ده‌ستى پێکرد و به‌هه‌زاران هاوڵاتی روویان له‌رۆژئاواى کوردستان کرد ." له‌به‌رده‌وامى لێدوانه‌که‌دا هاتووه :" شه‌وى رابردوو داعش هه‌وڵیدا هێرش بکاته سه‌ر شارۆچکه‌ى ره‌بیعه ، به‌ڵام هێزه‌کانى YPG و ژماره‌یه‌ک پێشمه‌رگه ئه‌و هێرشه‌ى گروپه چه‌ته‌کانیان تێکشکاند . چه‌ته‌کان هه‌وڵیانده‌دا رێگاى نێوان سنوونێ و شه‌نگال ببڕن و له‌ئه‌نجامدا کۆمه‌ڵوژى له‌دژى کوردانى ئێزیدى بکه‌ن . له‌سه‌ر ئه‌و بنه‌مایه هێزه‌کانى YPG ژماره‌یه‌کى زۆر یه‌کینه‌کانى خۆى له‌ناوچه‌ى سنوونێ ره‌وانه‌کردن و بۆ ئه‌وه‌ى رێگا له‌به‌رده‌م کۆمه‌ڵکوژى بگرن . له‌وێ له‌نێوان شه‌ڕڤانانى YPG و چه‌ته‌کان شه‌ڕوپێکدادان هاته‌ئاراوه . له‌لایه‌کى دیکه به‌هه‌زاران هاوڵاتى له‌هه‌رێمى شه‌نگال و ناوچه‌ى سنونێ به‌هۆى ناله‌بارى ره‌وشى ئه‌منى ره‌وانه‌ى رۆژئاواى کوردستان و باشوورى کوردستان کران . هه‌روه‌ها زیاتر له (700)پێشمه‌رگه به‌هه‌موو چه‌کى خۆیانه‌وه هانایان بۆ یه‌کینه‌کانى پاراستنى گه‌ل YPG هێنا و ده‌ربازى رۆژئاواى کوردستان بوون . شه‌ڕڤانانى YPG به‌رێزه‌وه پێشوازیان له‌سه‌رجه‌م پێشمه‌رگه‌کان کرد ." فه‌رماندارى گشتى YPG راگه‌یاند :" ئێمه وه‌ک ئه‌ندامانى YPG هیوادارین که شانبه‌شانى هێزه‌کانى پێشمه‌رگه له‌ناو هاوکاریدابین و بۆ ئه‌وه‌ى جارێکى تر بتوانین هه‌رێمه‌کانى شه‌نگال ، زوومار ، ره‌بیعه و سنوون بپارێزین ، ئێمه به‌هه‌موو شێوه‌یه‌ک ئاماده‌ین گه‌له‌که‌مان له‌هه‌رشوێنێک بێت له‌ده‌ستى گروپه چه‌ته‌کانى داعش بپارێزین." له‌لێدوانه‌که‌دا راگه‌یه‌ندرا که شه‌ڕوپێکدادان له‌نێوان شه‌ڕڤانانى YPG و گروپه چه‌ته‌کانى داعش به‌رده‌وامه . له‌ئه‌نجامى ئه‌و پێکدادانه‌دا تا ئێستا دوو ئۆتۆمبێلى ئه‌و گروپه چه‌تانه تێکشکێندراون و ژماره‌یه‌کى زۆرى چه‌ته‌ش کوژراون . هه‌روه‌ها شه‌ڕڤانێکى YPG به سه‌ختى برینداربووه . له‌کۆتایی لێدوانه‌که‌دا هاتووه :" ئێمه وه‌ک یه‌کینه‌کانى پاراستنى گه‌ل YPG به‌هه‌موو ده‌رفه‌ت و هێزى خۆمان ئاماده‌ین بۆ ئارامى و پاراستنى گه‌لى کورد له‌شه‌نگال و ته‌واوباشوورى کوردستان له‌دژى هێرشى گروپه چه‌ته‌کانى داعش به‌رخۆدان بکه‌ین ."
04/08/2014
منداڵانی کوردی ئێزدیی خوار تەمەن هەژدە ساڵیش لەنێو ئەو هاونیشتمانییانەدان کە چەکدارانی دەوڵەتی ئیسلامی (ناسراو بە داعش) لە شنگال گرتوویانن. لەو وێنانەدا کە داعش لە تۆڕە کۆمەڵایەتییەکاندا بڵاویکردوونەتەوە، دەردەکەوێت کە بەشێک لەو هاونیشتمانییانەی لە دەڤەری شنگال گیراون منداڵن. هەواڵی پشتڕاستنەکراوەش هەیە کە گیراوەکان بە کۆمەڵ کوژرابن. داعش لە راگەیەندراوەکانیدا جەخت لەسەر ئەوە دەکاتەوە کە خەڵکی سیڤیل ناکوژێت، بەڵام رووداو لە دانیشتووانی ناو شنگالەوە زانیویەتی کە ئەمڕۆ دوو کارمەندی شارەوانیی شنگال لەناو بازاڕدا گوللەباران کراون.
لە شەوی رابردووەوە چەکدارانی داعش توانیویانە لە هەندێک ناوچەی دەڤەری شنگال پێشڕەوی بکەن، بەڵام لە دوای نیوەڕۆی ئەمڕۆوە هێزی پێشمەرگە لەو ناوچانەدا لە پێشڕەویدان. بەپێی زانیارییەکانی تۆڕی میدیایی رووداو هێزێکی زۆری پێشمەرگە چووەتە ئەو ناوچەیە و مەنسوور بارزانی، فەرماندەی هێزی گوڵان، سەرپەرشتییان دەکات.
رێکخراوی نەتەوە یەکگرتووەکانیش لە راگەیەندراوێکدا دەربارەی رەوشی کوردە ئێزدییەکان هۆشداریی دا لەوەی “تراژیدیایەکی مرۆیی” بقەومێت. داواشی لە هەولێر و بەغدا کردووە هاریکاریی یەکدی بکەن بۆئەوەی رێگە لە روودانی ئەو تراژیدیایە بگرن.
03/08/2014
رێكخراوی نەتەوە یەکگرتووەکان هۆشداری دەدات لە قەومانی کارەساتێکی مرۆیی لە دەڤەری شنگال-ی باشووری کوردستان. نیکۆڵای ملادێنۆڤ، نێردەی سکرتێری گشتیی نەتەوە یەکگرتووەکان بۆ عێراق، لە یەکەم کاردانەوەیدا دەربارەی رووداوەکانی دوێنێ شەو و ئەمڕۆی شنگال رایگەیاند: “تراژیدیایەکی مرۆیی لە شنگال بەڕێوەیە. پێویستە حکومەتی عێراق و حکومەتی هەرێمی کوردستان بەخێرایی هاریکارییە ئەمنییەکانیان پێکەوە دەستپێبکەنەوە بۆئەوەی بتوانن بەسەر ئەم قەیرانەدا زاڵبن”.
ملادێنۆڤ بانگەوازێکیشی ئاراستەی کاربەدەستانی عێراقی و نوێنەرانی جڤاکی مەدەنی و هاریکارە نێودەوڵەتییەکانی خۆی کردووە کە “هاوکاریی نەتەوە یەکگرتووەکان بکەن بۆئەوەی هاریکارییە مرۆییەکان بگەنە دەستی لێقەوماوانی دەڤەری شنگال و دەوروبەری”.
نێردەی سکرتێری گشتیی نەتەوە یەکگرتووەکان بۆ عێراق داواش لە حکومەتی هەرێمی کوردستان دەکات “کە جێگە و رێگە دابین بکەن بۆ ئەوانەی بەهۆی تووندوتیژییەکانەوە روو لە هەرێمی کوردستان دەکەن، تاوەکو پارێزراوبن و هاریکارییە مرۆییەکانیشیان پێبگەیەندرێت”. بەگوتەی ئەو بەرپرسە باڵایەی نەتەوە یەکگرتووەکان لە عێراق، دانیشتووانی شنگال و دەوروبەری بەهۆی تووندوتیژییەکانەوە بەرەو چیای شنگال رایانکردووە و لەوێش “هەڕەشەی چەکدارانی داعشیان لەسەرە”.
لە دوێنێوە شەڕێکی گەرم لە دەڤەرەکانی شنگال و زومار لەنێوان هێزی پێشمەرگەی کوردستان و چەکدارانی گرووپی دەوڵەتی ئیسلامی (ناسراو بە داعش) دەستیپێکردووە. لە هەندێک لەو ناوچانەدا چەکدارانی داعش پێشڕەوییان کردبوو، بەڵام لەمڕۆ دوای نیوەڕۆوە پێشمەرگە لەزۆربەی ناوچەکانی پێشڕەویی کردووەتەوە.
03/08/2014
عه‌بدولکه‌ریم ساره‌وخان ، وه‌زیرى به‌رگرى کانتۆنى جزیره رایگه‌یاند که ئه‌و سوپایه‌ى ئه‌وان دایده‌مه‌زرێنن، باشترین سوپا ده‌بێت له رۆژهه‌ڵاتى ناوه‌راست. به دروشمی''سوپاکه‌مان باشترین سوپاى رۆژهه‌ڵاتى ناوه‌راست ده‌بێت'' وه‌زاره‌تى به‌رگرى کانتۆنى جزیره به مه‌به‌ستى گفتوگۆ و تاوتوێ کردنى یاساى خۆپاراستن، بۆ ئه‌ندامانى ئه‌نجومه‌نى گه‌لى شارى گرکێ له‌گێ و ده‌یان هاوڵاتى له ناوه‌ندى کرێکارانى شارۆچکه‌ى رمێلان کۆبوونه‌وه‌یه‌کى ساز کرد . وه‌زیرى به‌رگرى کانتۆنه‌که عه‌بدولکه‌ریم ساروخان و جێگره‌که‌ى عه‌بدولئه‌حه‌د گه‌ورییه، ئه‌ندامى دیوانى ئه‌نجومه‌نى یاسادانان په‌روین محه‌مه‌د، ئه‌ندامانى ئه‌نجومه‌نه‌کانى گرکێ له‌گێ، رمێلان، چل ئاغا و گونده‌کانى هه‌رێمى ئالیا و نوێنه‌رانى داموده‌زگا و رێکخراوه مه‌ده‌نییه‌کان له کۆبوونه‌وه‌که‌دا ئاماده بوون . عه‌بدولکه‌ریم ساروخان و جێگره‌که‌ى عه‌بدولئه‌حه‌د گه‌ورییه، ئه‌ندامى دیوانى ئه‌نجومه‌نى یاسادانان په‌روین محه‌مه‌د ووته‌یان پێشکه‌ش کرد و سه‌رنجیان راکێشایه‌سه‌ر گرنگى یاساى خۆپاراستن له‌م قۆناغه‌دا و به تایبه‌تیش ئه‌و قۆناخه هه‌ستیاره‌ى که رۆژئاواى کوردستان تێیدا تێپه‌ر ده‌بێت . هه‌روه‌ها له میانه‌ى وته‌کاندا ته‌ئکید کرایه‌وه که ئامانجى یاساى خۆپاراستن خۆرێکخستن کردنى کۆمه‌ڵگایه و له‌به‌ر ئه‌وه‌ى پاراستن ئه‌رکێکى ئه‌خلاقى و کۆمه‌ڵایه‌تییه و ئه‌و ئه‌رکه‌ش ده‌که‌وێته سه‌ر شانى هه‌موو پێکهاته و نه‌ته‌وه‌کانى رۆژئاواى کورستان. ساروخان رایگه‌یاند:'' ئه‌و سوپایه‌ى که ئێمه دروستى ده‌که‌ین، به ناوى سوپاى رۆژئاوا ده‌بێته نموونه بۆ ته‌واوى رۆژهه‌ڵاتى ناوه‌راست و هه‌رێمه‌کانى رۆژئاواى کوردستان'' .
03/08/2014
به‌هۆی ناله‌باری ره‌وشی ئاواره‌كانی كوردی ئێزدی و نه‌بوون و كه‌می پێداویستیه سه‌ره‌تاییه‌كان له خواردن و خواردنه‌وه 10 كه‌س له پیرو منداڵ گیانیان له ده‌ست دا.
سه‌رچاوه‌یه‌ك له قه‌زای شنگال تایبه‌ت به خه‌ندانی راگه‌یاند: چه‌كدارانی داعش دوو رێگای سه‌ره‌كی بناری چیای شه‌نگالیان گرتووه و رێگه‌یان له هاونیشتمانیان گرتووه.
وتیشی: "له به‌ر نه‌بوون و كه‌می پێداویستی سه‌ره‌تاییه‌كانی ژیان و وه‌ك ئاو و خۆراك 10 كه‌س له پیر و منداڵ له چیایی شنگال گیانیان له ده‌ستداوه".
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : لهگهڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
