به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
رۆژنامەی گەل كە رۆژنامەی فەرمیی حكومەتی چین و پارتی كۆمۆنیستی چینە، ئەمڕۆ چوارشەممە بڵاویكردەوە كە حكومەت و حیزب لە هەڵمەتەكەیاندا دژی گەندەڵی هیچ كەسێك نابوێرن .
ئەوەش دوای ئەوە هات كە دوێنێ بڵاوكرایەوە لێكۆڵینەوە لەگەڵ چو یونگانگ، سەرۆكی پێشووی دەزگای ئەمنیی ناوخۆیی ئەنجامدراوە، كە یەكێكبوو لە 10 دەسەڵاتدارترین سیاسەتڤانانی چین لە 10 ساڵی رابردوودا.
رۆژنامەی گەل كە ئۆرگانی پارتی كۆمۆنیستی چینە بڵاویكردەوە، ئەنجامدانی لێكۆڵینەوە لەگەڵ چو یونگانگ رەنگدانەوەی ئارەزوو و توانای حیزبە بۆ جێبەجێكردنی رێساكانی رێكخستن لەنێو حیزبدا . هەروەها رۆژنامەكە نووسیویەتی : "هەمووان وەك یەكن بەرامبەر رێساكانی حیزب" . رۆژنامەی پارتی كۆمۆنیستی چینی ئەوەشی نووسیوە كە " پێویستە كەس گرەو لەسەر راكردن نەكات، یان وابیرنەكاتەوە لە پەرێزێكدایە ".
چو یونگانگ كە تەمەنی 71 ساڵە، تائێستا گەورەترین بەرپرسی چینی بووە هەڵمەتی دژە گەندەڵیی پێیگەیشتبێت، كە سەرۆكی چین (شی جین) دەستیپێكردووە . ئەوە یەكەمجارە لەدوای وەرگرتنی دەسەڵات لە ساڵی 1949 ، لێكۆلینەوە لەگەڵ بەرپرسێكی گەورەی پارتی كۆمۆنیستی چینیدا بكرێت لەسەر گەندەڵی
30/07/214
كۆنگرێسی ئەمریكای یەهوودییەكان داوای ئەو میدیالیایە لە ئەردۆغان دەكاتەوە كە لە ساڵی 2004 لەژێر ناوی "میدالیای ئازایەتی" دابوویانە ئەردۆغان.
سەردار كڵیچ، باڵیۆزی توركیا لە واشنتن بەو هۆیەوە نامەیەكی بۆ جاك رۆسن، سەرۆكی كۆنگرەی ئەمریكای جوولەكەكان نووسیوە و تێیدا دەڵێ "ئەردۆغان سوپاسگوزاری پێدانی ئەو میدیالیایەیە".
لە نامەكەدا هاتووە، "پێدانی ئەو میدالیایە نیشانەیەكە بۆ خواستی بێدەنگبوونی رەجەب تەیب ئەردۆغان لەبەرامبەر ئەو داگیركاری و سیاسەتە دڕندانەیەی حكومەتی ئیسرائیل پەیڕەوی لێدەكات، ئەردۆغان وەك چۆن دوێنێ بەرەنگاری تیرۆریزم بووەتەوە، ئەمڕۆش بەهەمانشێوە بەرەنگاردەبێتەوە و داوادەكات كە كێشەی فەلەستین بەرێگایەكی ئاشتییانە چارەسەربكرێت".
هاوكات لەنامەكەدا كە واژۆی باڵیۆزی توركیای بەسەرەوەیە ئاماژە بەوە كراوە، كە ئەردۆغان خوازیاری ئەوەیە هەردوو دەوڵەت لەسەر شێوازێكی ئاشتی رێكبكەون و ئەردۆغانیش سوورە لەسەر هاتنەئارای ئەو چارەسەرییە.
هەروەها ئەوەش خراوەتەڕوو، "بەداخەوە حكومەتی ئیسرائیل لەجیاتی جێبەجێكردنی بنەما نێودەوڵەتییەكانی مافی مرۆڤ، بەردەوامە لەسەر سیاسەتی داگیركاری و پاكتاوكردن. ئەردۆغان و حكومەتی كۆماری توركیا بەردەوام پێداگرن لەسەر ئەوەی كە تاكە چارەسەر، كۆتاییهێانی داگیركاری و بنەمادانانی ئاشتییەكی هەمیشەی و دامەزراندنی دەوڵەتی سەربەخۆی فەلەستینە".
30/07/2014
سوپای ئیسرائیل تاكە سەرچاوەی دابینكردنی كارەبای بۆ كەرتی غەززە و عەمباری هەڵگرتنی سووتەمەنی وێستگەكەی تەقاندەوە، باسلەوەش دەكرێ ئەگەر هەوڵی چاككردنەوەی وێستگەكەش بدرێت، چەند مانگێكی پێدەچێت تاوەکو دەكەوێتەوە كار. جەمال دەردەسەوی، بەرپرسی دابەشكردنی كارەبای غەززە رایگەیاندووە، دوای هێرشەكە ناچاربوون وێستگەكە دابخەن، بەهۆی ئەوەی هێرشی ئاسمانی كرایە سەر وێستگەكە و ئاگر لە عەمبارەكە كەوتەوە و 15 كارێكاری وێستگەكە لە ژوورەوە ماونەتەوە، بەڵام تاوەكو ئێستا ژمارەی قوربانییان بەتەواوی دەرنەكەوتووە. چەند رۆژێك بەر لەوەی هێرشبكرێتە سەر وێستگەكە، بەهۆی زیانگەیشتن بە هێڵەكانی دابەشكردنی كارەبا و نەبوونی سووتەمەنی پێویست، تەنیا دەیتوانی لە رۆژێكدا 3 كاژێر كارەبا بۆ غەززە دابینبكات، بڕینی كارەبای غەززە بەمانای نەمانی ئاویش دێت بۆ هاووڵاتییانی غەززە.
30/07/2014
پاش ئەوەی رۆژی دووشەممە بەهۆ شەڕ و پێكدادانەوە لە نێوان گرووپە چەكدارە جیاوازەكانی لیبیا لە نزیك فڕۆكەخانەی تەرابلوسی پایتەخت كۆگایەكی سووتەمەنی ئاگریگرت، تا ئێستاش ئاگرەكە بەردەوامەو گوازراوەتەوە بۆ تانكییەكی دیكەی سووتەمەنی، كە مەترسی كارەساتی مرۆیی و ژینگەیی لێدەكرێت.
كۆگاكە دەكەوێتە سەر رێگای سەرەكی فڕۆكەخانەی تەرابلوس و بەهۆی رۆكێتێكەوە ئاگری گرت. زیاتر لە دوو هەفتەشە چەكدارانی میلیشیا جیاوازەكانی لیبیا بەردەوامن لەشەڕ و ململانێ لەسەر دەست بەسەراگرتنی ئەو فڕۆكەخانەیە.
دوای ئاگر كەوتنەوەكە، حكومەتی لیبیا و كۆمپانیای نیشتمانی نەوتی ئەو وڵاتە رایانگەیاند، كە كوژاندنەوەی ئاگرەكە لە توانای ئەواندا نییە و داوای هاریكاری نێودەوڵەتییان بۆ رێگریكردن لە تەشەنە كردنی ئاگرەكە و روودانی كارەساتی مرۆیی و ژینگەیی كرد.
حكومەتی لیبیا داوای لە دانیشتووانی چواردەوری كۆگاكە كرد، كە شوێنەكانیان بۆ دووری 2 كیلۆمەتر جێبهێڵن بەهۆی مەترسی تەقینەوەی تانكەكانی كۆگاكە و تەشەنەكردنی ئاگرەكەوە.
بەهۆی بەردەوامی شەڕ و پێژکدادانەکان لەناوچەی ئاگر كەوتنەوەكە، تاوەکو ئێستا هیچ هێزێك نەیتوانیوە هەوڵی كوژاندنەوەی ئاگرەكە بدات، سەرەرای ئەوەی حكومەت داوای لەهەموو لایەنەكان كردووە شەڕ راگرن و هەوڵی خۆیان بدەن بۆ کۆنترۆڵکردن و كوژاندنەوەی ئاگرەكە.
بەهۆی لاوازی حكومەتی لیبیاوە لە پاش رووخانی حكومەتەكەی مەعەمەر قەزافی، لە 2011 تاوەکو ئێستا نەتوانراوە رێگری لە شەڕ و ململانێكانی ئەو گرووپە چەكدارانە بگیرێت.
29/07/2014
شه‌وى رابردووی دووشه‌ممه 28-7-2014 چه‌كدارانى داعش هێرش ده‌كه‌نه سه‌ر گوندى ئه‌لبو محه‌مه‌د كه گوندیكى كاكه‌ییانه له سنوورى داقوق، به‌ڵام خه‌ڵكى گونده‌كه و هێزه‌كانى پێشمه‌رگه رووبه‌رووى داعش ده‌بنه‌وه و شكست به‌هێرشه‌كه دێنن. ئه‌مه‌ش دوای به‌شه‌ڕهاتنی دوو بنه‌ماڵه‌ی كورد و عه‌ره‌ب.
سه‌رچاوه‌یه‌ك له ئاسایشى داقوق بۆ (باسنیوز) گوتى 'شه‌وى رابردوو دوو بنه‌ماڵه‌ى كورد و عه‌ره‌ب له گوندى ئه‌لبو محه‌مه‌دى كاكه‌یىنشین له داقوق ده‌بێته شه‌ڕیان و دواجار چه‌كدارانى داعش هێرش ده‌كه‌نه سه‌ر گونده‌كه و بۆ ماوه‌ى یه‌ك سه‌عات خه‌ڵكى گونده‌كه و چه‌كدارانى داعش رووبه‌رووى یه‌كتری ده‌بنه‌وه'.
ئه‌و سه‌رچاوه‌یه گوتیشى دواجار هێزه‌كانى پێشمه‌رگه هاتوون و هێرشه‌كه‌ى داعشیان تێكشكاندووه.
ئه‌و سه‌رچاوه‌یه روونى كرده‌وه كه دواجار كۆمه‌ڵێك كه‌سایه‌تى عه‌ره‌ب و كورد توانیویانه شه‌ڕه‌كه رابگرن هێورى بكه‌نه‌وه.
29/07/2014
دوای ئیمزاکردنی گرێبەستێکی تایبەت لەبواری وزە لەگەڵ تورکیادا حکومەتی ھەرێمی کوردستان ھەنگاو بۆ گرێبەستێکی دیکە لەبواری وزە دا لەگەڵ کۆماری ئیسلامی ئێراندا دەنێت . شێرکۆ جەودەت سەرۆکی لیژنەی پیشەسازیی و وزە لە پەرلەمانی کوردستان، رایگەیاند:" بیرۆکەی مامەڵەی نەوت و ئابوریی لەگەڵ کۆماری ئیسلامی ئێران بابەتێکی نوێ نیەو بەشێکە لە سیاسەتە سەرکەوتوەکانی حکومەتی ھەرێم و لە ئێستادا حکومەتی ھەرێم کار بۆ ئەو ھەنگاوانە دەنێت". وتیشی:" ئەو ھەنگاوانە بەرەوپێشچوونی بەرچاوی بەخۆوە بینوە و پیدەچێت دوای جەژنی رەمەزان ھەنگاوی جدی تر لەو بوارەدا بنرێت ". سەبارەت بە ناوەرۆکی گرێبەستەکە کە ئایا گرێبەستەکە ئیمزاکراوە یاخود نەکراوە وتیشی:" وەک لیژنەی پیشەسازیی و وزە لە پەرلەمانی کوردستان داوای روونکردنەوەمان لەو بارەیەوە کردوە ".
28/07/2014
ئەمڕۆ دووشەممە، لە یەكەم ڕۆژی جەژنی ڕەمەزانی پیرۆزدا مەسعود بارزانی، سەرۆكی هەرێمی كوردستان بەرەكانی ڕووبەڕووبوونەوە و هێزەكانی پێشمەرگەی كوردستانی لە میحوەری كەركووك بەسەر كردەوە. به‌پێی راگه‌یه‌ندراوێكی سه‌رۆكایه‌تی هه‌رێمی كوردستان، كه وێنه‌یه‌كی دراوه‌ته خه‌ندان، بارزانی رایگه‌یاند :" بە ئەركی خۆم زانیوە لە یەكەم ڕۆژی جەژنی رەمەزانی پیرۆزدا سەردانتان بكەم و سوپاستان بكەم و لەجیاتی هەموو خەڵكی كوردستان جەژنەپیرۆزەتان لێ بكەم. بارزانی ئاواژه‌ی به‌وه‌شداوه، كه پێشمەرگە ئێستا مێژوو دروست دەكات و ئاییندەیش بۆ گەلەكەی بنیات دەنێت و ئەوەیش شەرفێكی گەورەیە و وتیشی: " ئێوە خۆتان فیدا دەكەن بۆ ئەوەی گەلی كوردستان بە ئازادی و سەربەستی بژیێت". ده‌قی راگه‌یه‌ندراوه‌كه: سەرۆك بارزانی هێزەكانی پێشمەرگەی لە میحوەری كەركووك بەسەر كردەوە ئەمڕۆ دووشەممە 28ـی 7ـی 2014 لە یەكەم ڕۆژی جەژنی ڕەمەزانی پیرۆزدا بەڕێز مەسعود بارزانی سەرۆكی هەرێمی كوردستان بەرەكانی ڕووبەڕووبوونەوە و هێزەكانی پێشمەرگەی كوردستانی لە میحوەری كەركووك بەسەر كردەوە. لە بەشێكی ئەم سەردانە مەیدانییەدا سەرۆك بارزانی سەردانی یەكێك لە بارەگاكانی هێزی پێشمەرگە لە ناوچەی دوبز كرد و لە لایەن ژمارەیەك بەرپرسی سەربازی و سیاسیی باڵای كوردستان كە پێكهاتبوون لە مستەفای سەید قادر وەزیری پێشمەرگە و حەمەی حاجی مەحموود بەرپرسی میحوەری كەركووكی هێزەكانی پێشمەرگە و شێخ جەعفەر شێخ مستەفا و هەروەها ژمارەیەك بەرپرس و فەرماندە و ئەفسەری سەربازی پێشوازی لێ كرا و لە كۆبوونەوەیەكدا لەگەڵ هێزەكانی پێشمەرگەی كوردستان سەرەتا وەزیری پێشمەرگەی حكوومەتی هەرێمی كوردستان لە وتەیەكی كورتدا بەخێرهاتنی سەرۆك بارزانی كرد و ئاماژەی بەوەدا كە هێزەكانی پێشمەرگە زۆر بە باشی خۆیان ڕێكخستووە و قارەمانانە ئامادەی بەرگریكردنن لە كوردستان. دواتر سەرۆك بارزانی وتەیەكی پێشكەش كرد و لە وتەكەیدا ڕایگەیاند كە بە ئەركی خۆم زانیوە لە یەكەم ڕۆژی جەژنی رەمەزانی پیرۆزدا سەردانتان بكەم و سوپاستان بكەم و لەجیاتی هەموو خەڵكی كوردستان جەژنەپیرۆزەتان لێ بكەم. سەرۆك بارزانی باسی ڕۆڵی هێزەكانی پێشمەرگە كرد و ئاماژەی بەوەدا كە پێشمەرگە ئێستا مێژوو دروست دەكات و ئاییندەیش بۆ گەلەكەی بنیات دەنێت و ئەوەیش شەرفێكی گەورەیە و گوتی: " ئێوە خۆتان فیدا دەكەن بۆ ئەوەی گەلی كوردستان بە ئازادی و سەربەستی بژیێت". سەرۆك بارزانی لە درێژەی قسەكانیدا سوپاسی ماندووبوون و قارەمانێتیی هێزەكانی پێشمەرگەی كرد كە ئەو زەحمەت و قارەمانییەتییە وادەكات نەوەكانی داهاتوو بە ئازادی و سەربەستی بژیین و ڕایگەیاند كە پێشمەرگە ئامادەیە لەپێناو دۆزێكی ڕەوادا ڕووبەڕووی مەرگ ببێتەوە و ئەوە شكست و فەشەلهێنانە بە هەموو هەوڵێك كە پێیوایە كورد بڕوای بەخۆی نییە. ئەركی پێشمەرگە ئەركێكی پیرۆزە و گەلی كوردستانیش گەییشتووەتە قۆناغێكی زۆر باش و سەركەوتنی یەكجارەكیش نزیكە. سەرۆك بارزانی ئەوەیشی خستەڕوو كە حەزی دەكرد سەردانی هەموو میحوەرەكان و سەنگەر بە سەنگەری هێزەكانی پێشمەرگەی كردبا و دووپاتی ئەوەیشی كردەوە كە بەهەموو توانایەك پاڵپشتی پێشمەرگەن و ئەوەی لە توانایان بێت بۆ هێزی پێشمەرگەی كوردستان دەیكەن. هەر لەم بەسەركردنەوەیەدا فەرماندە و بەرپرسە سەربازییەكانی هێزی پێشمەرگە سەرۆك بارزانیان لە دۆخی مەیدانیی بەرەكانی ڕووبەڕووبوونەوە و بارودۆخ و گوزەرانی هێزەكانی پێشمەرگەی كوردستان لە میحوەری كەركووك ئاگادار كردەوە.
28/07/2014
مەلا ئیسماعیل سۆهرابی هاونیشتمانییەكی رۆژهەڵاتی كوردستانە كە بۆ ماوەی 8 ساڵ مامۆستای ئایینی بووە ،بەڵام بەهۆی گوشاری هێزە ئەمنییەكانی كۆماری ئیسلامی ئێران ،ئێستا لە شاری هەولێری پایتەختی باشووری كوردستان نیشتەجێیە .
سەرەتا قورئان خوێندنەوە و تەكبیر، ڵەگەڵ هەڵاتنی خۆر دوو ركات نوێژی جەژن بە جەماعەت، دووایی هەموو خەڵكی گەرەك هەر لە مزگەوت جەژن لەیەك پیرۆز دەكەن و گەردن ئازایی لەیەكتر دەخوازن .
لەگەڵ مەلا ئیسماعیل چووینەوە بەرەو ماڵەكەی ، سەرەتا پیرۆزبایی جەژنی لە بنەماڵەكەی كرد ، دوایی بەپێی خووی كوردی نانی بەیانی یەکەم رۆژی جەژنمان خوارد، بەڵام بە چەند جیاوازی بچووك بە بەراوردی سفرەی جەژن لە باشووری كوردستان، قەیسی كە خواردنێكی باوی جەژنە لە باشووری كوردستان لە سەر سفرە جێی بەتاڵ بوو، بەڵام لە جێگەی ئەو ئاش و سوب، كە دوو خواردنی تایبەت بە رۆژهەڵاتی كوردستانە، هەبوون.
28/7/2014
ماڵپه‌ڕی ره‌سمیی كۆشكی سپی، ڕاپرسییه‌كی بۆ پشتیوانیكردن له سه‌ربه‌خۆیی كوردستان ساز داوه و ده‌شڵێت، ئه‌گه‌ر ژماره‌ی ئیمزاكان تا 22/8 بگاته 100 هه‌زار، ئه‌وا ئه‌و پرسه ده‌كه‌وێته به‌رنامه‌ی كاری سه‌رۆك كۆماری ئه‌مریكاوه.
لیژنه‌ی ئاماده‌كاری كه‌رنه‌ڤاڵی سه‌ربه‌خۆیی كوردستان ڕایگه‌یاند، یه‌كێك له دۆستانی كورد له ئه‌مه‌ریكا، له ماڵپه‌ری كۆشكی سپیدا لاپه‌ڕه‌یه‌كی بۆ كۆكردنه‌وه‌ی پشتگیری بۆ سه‌ربه‌خۆیی كوردستان كردووه‌ته‌وه.
به وته‌ی لیژنه‌ی ئاماده‌كاری كه‌رنه‌ڤاڵی سه‌ربه‌خۆیی، له‌و لاپه‌ڕه‌یه‌دا راگه‌یه‌ندراوه كه ئه‌گه‌ر ژماره‌ی ئیمزاكان بگاته 100 هه‌زار، ئه‌وا ئه‌و پرسه ده‌كه‌وێته به‌رنامه‌ی كاری سه‌رۆك كۆماری ئه‌مریكاوه و ده‌بێ بیخاته به‌ر باس.
ده‌شڵێت، ئه‌و كه‌سانه‌ی ده‌یانه‌وێ به‌شداری بكه‌ن، ئاگادار بن كه ده‌بێ ئیمه‌یڵی خۆیان داخڵ بكه‌ن، پاشان په‌یامێكیان بۆ دێ بۆ په‌سه‌ندكردنی ئیمزاكه‌یان، ده‌شبێ له ئیمه‌یڵه‌كه‌یاندا په‌یامه‌كه بكه‌نه‌وه و په‌سه‌ندی بكه‌ن، ئه‌گه‌ر نا ئیمزاكه‌یان تۆمار ناكرێت.
لیژنه‌ی ناوبراو ئاشكراشیكردووه كه "پێویسته تا به‌رواری 8/22 رێژه‌ی ده‌نگه‌كان بگاته 100 هه‌زار ده‌نگ".
به‌م شێوه‌یه‌ی خواره‌وه‌ش كوردستانیان ده‌توانن واژۆكه‌یان بنێرن و پاش كرانه‌وه‌ی لینكه‌كه، لای راسته‌وه ناوی یه‌كه‌م و له خانه‌ی خوارتر ناوی دووه‌م و پاشان ئیمه‌یڵه‌كانیان بنووسن، دواتریش له خانه‌ی خوارتر نووسراوه Zip Code و پێویسته زیپ كۆدی شاره‌كه‌یان بنووسن. زیپ كۆدی شاره‌كانیش به‌م شێوه‌یه‌یه: هه‌ولێر (44000)، سلێمانی و هه‌ڵه‌بجه (46000)، كه‌ركوك (36000)، دهۆك (42000).
ئه‌وه‌ش ده‌خه‌نه ڕوو كه، له خوار به‌شی زیپ كۆده‌وه، چوارگۆشه‌یه‌ك هه‌یه و پێویسته نیشانه‌ی راست له ته‌نیشتی دابنرێت و پاشان بچنه سه‌ر شوێنی واژۆ و SIGN NOW بكه‌ن. هه‌روه‌ها بۆ ئه‌وه‌ی دڵنیا بن واژۆتان كردووه، پاش دوو تا سێ خوله‌ك ئیمه‌یڵه‌كانتان بكه‌نه‌وه و ده‌بێ ئیمه‌یڵێكتان پێ گه‌یشتبێت.
ئه‌مه‌ش ئادره‌سی لاپه‌ڕه‌كه‌یه له ماڵپه‌ڕی فه‌رمیی كۆشكی سپیدا:
https://petitions.whitehouse.gov/petition/support-kurdish-independence/wk7K9SSp
28/07/2014
پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان
بە بۆنەی جێژنی ڕەمەزانی پیرۆزەوە
هاۆنیشتیمانە بەرێزەکان
خەلکی موسولمان و یەکتاپەرستی کوردستان
مانگی ڕەمەزان بۆ ئیمانداران ، مانگی خێرو بەرەکەتە،و مانگی گەڕانەوەو پێداچونەوەیە بە کرداری یەکساڵەی مرۆڤی خوداناس و خاوەن بیرو بڕوایە. وەک ئاشکرایە لەموبارەکی ئەم مانگەدایە کە لە لایەن جبرەئیلی ئەمینەوە قورئانی پیرۆز بۆ ڕزگاری مرۆڤ و رەها بوون لە گوناح و ژیانی پر لەجەهالتی مرۆفایەتی، بۆ حەزرەتی موحەممەدی خاتەم الئەنبیا بوو بەخەڵات ونازڵ کرا، و مێژوی ژیانی بەشەرەییەت وەرچەرخانی ئەرێنیی و پر لە راستگاری بە سەرداهات و خۆشەویستی و پێکەوە ژیانی بەئاشتی و رێزدانان کرایە نورم و کەلتوری ژیانی کۆمەلگای بەشەری.
هەر بۆیە وەک بزووتنەوەی کۆماریخوازانی رۆژهەلاتی کوردستان بەم بۆنە پیرۆزەوە، لە خودای گەۆرە و میری مەزن دەپاڕێینەوە، گشت لایەکمان بەرەۆ ڕێگای ڕاست و خودایی هیدایەت بکات، و بە دورمان کا لە هەوا و نەفس و ئاکاری شەیتانی و لە خۆبایی بونی دونیای فانی.
بزووتنەوەی کۆماریخوازانی رۆژهەڵاتی کوردستان، بەبۆنەی جێژنی پیرۆزیی رەمەزان، پیرۆزبایی لە هەموو گەلانی ئیسلامی لەسەرانسەر جیهان، ئێران و بە تایبەت کوردستان دەکات،و جێژنێکی پر لە خۆشی و تەبایی بۆ گشت لایەک بە ئاوات دەخوازێ و هەر لەم پەیوەندیەشدا گشت لایەک دلنیا دەکاتەوە بۆ گەیشتن بە دوواڕۆژێکی پڕشنگدارو پر لەبەختەوەری، و دڵنیاتان دەکاتەوە تەنگانە بەریان کورتە، و ئێمەش وەک گەلی کورد لە ژێر دروشمی هاۆژینی بەئاشتی و باشبژیویی بە ئامانج و ئاواتە لەمێژینیەکانمان دەگەین.
جێژنتان پیرۆز و تاعەت مانگی رەمەزانتان قەبوول بێت ئینشالا
شورای هاۆئاهەنگی بزوتنەوەی کۆماریخوازی رۆژهەڵاتی کوردستان
رێکخەری گشتی بزووتنەوەی کۆماریخوازان
مستەفا شەمامی
27/7/2014
ئێران دەڵێت گرووپی حەماس بۆ رووبەڕووبوونەوەی ئیسرائیل تەنیا لە 3% توانای سەربازی خۆی كەڵكی وەرگرتووە.
حوسێن ئەمیر عەبدوڵڵاهیان، جێگری وەزیری دەرەوەی ئێران بۆ كاروباری وڵاتانی عەرەبی و ئەفریقایی رایگەیاندووە، ئێران لە هەموو بژاردەكان بۆ پێشگرتن لە درێژەكێشانی هێرشەكانی ئیسرائیل بۆسەر شاری غەزە كەڵك وەردەگرێت.
راشیگەیاندووە، كە بەپێی زانیارییەكانی ئەوان، حەماس لەكاتی دەستپێكردنی ئەو شەڕەدا، لە 3 لەسەدی توانای سەربازی خۆی كەڵكی وەرگرتووە و هێشتا 97 لەسەدی تواناكەی خۆی لەو بارەوە بەكار نەهێناوە.
بەگوتەی جێگری وەزیری دەرەوەی ئێران، كۆماری ئیسلامی بە مەبەستی راگرتنی ئەو شەڕە و بۆ پشتیوانی لە فەلەستینییەكان هەوڵە دیپلۆماسییەكانی خستووەتە گەڕ.
لەو شەڕەدا كە زیاتر لە 20 رۆژە دەستیپێكردووە، زیاتر لە هەزار فەڵەستینی و 44 ئیسرائیلی كوژراون.
27/07/2014
كوردانی جەبەل ئەلئەكراد لە لازقییە گلەیی ئەوە دەكەن كە چۆن پێشتر لەلایەن حكومەتی سووریاوە چەوسێندراونەتەوە ، ئێستاش لەلایەن گرووپە چەكدارە ئیسلامییەكان و ئۆپۆزیسیۆنی سووریاوە زۆردارییان لێدەكرێت و پشتگوێخراون.
لەڕووی مێژوویی و جوگرافییەوە
جەبەل ئەلئەكراد خاوەن شوێنێكی جوگرافیی زۆر گرنگە بۆ حكومەتی سووریا و ئۆپۆزیسیۆن ، چونكە دەكەوێتە نزیك گوندی قرداحە (گوندەكەی بنەماڵەی ئەسەد) و، لەبەرئەوەی دەڕوانێتە سەر شەقامی سەرەكیی حەلەب و لازقییە و، دەڕوانێتە سەر دەشتی غاب كە زۆرینەی دانیشتووانی شیعەن ، هەر لایەنێك دەست بەسەر جەبەل ئەلئەكراددا بگرێت ، دەتوانێ بە تەواوی دەست بەسەر ساحلی سووریدا بگرێت ، بەهۆی بەرزی شوێنەكەیەوە .
ژمارەیەك گوندی كوردی لەو ناوچەیە هەن ، كە تاوەكو پردی شغور لە ئدلب درێژ دەبنەوە. هەروەها لەبەرئەوەی جەبەل ئەلئەكراد دەگاتەوە ئەسكەندەروون و كورداخ لە ناوچەی عەفرین ، لەبەرئەوەش بەپێی نەخشەیەك كە مێژوونووس و كوردناسی رووسی نێودار میخائیل سیمۆنۆڤیج لازاریف لە لێكۆلینەوەیەكدا كە ساڵی 1983 لە رۆژنامەی (پراڤدا)ی رووسیادا بڵاویكردەوە، دەڵێ ئەو ناوچەیە بەشێكە لە خاكی كورد و بەشێكە لە هەرێمی كوردی لە سووریا .
هەروەها یەكێك لە بەنێوبانگترین قەڵاكانی سەلاحەدین لەو ناوچەیەیە ، كە قەڵایەكی بەردینی زۆر سەرنجڕاكێشە ، بۆیەش لەلایەن رێكخراوی زانست و هونەری سەر بە نەتەوەیەكگرتووەكان (یونسكۆ) ، خراوەتە لیستی ئەو شوێنەوارانەوە كە پێویستە پارێزگاری لێبكرێت .
هاوهەڵوێستی لەگەڵ راپەڕینی رۆژئاوای كوردستاندا
كوردانی ئەو ناوچەیە هەستی كوردییان هێشتا زۆر بەهێزە و شانازی بە كوردبوونیانەوە دەكەن . لەكاتی راپەڕینی 12ی ئاداری 2004دا لە رۆژئاوای كوردستان و ئەو كۆمەڵكوژی و رەشبگیرییەی بەرامبەر خەڵكی قامشلۆ ئەنجامدرا ، خەڵكی گوندە كوردنشینەكانی ناوچەی جەبەل ئەلئەكراد لە لازقییە رژانە سەر شەقامەكان و كۆمەڵكوژییەكەیان پرۆتستۆكرد.
ئێستا هەمان دۆخ بەسەر كوردانی جەبەل ئەلئەكراددا هاتووە و كەوتوونەتە بەر هێرشێكی بەربڵاو ، خەڵكی گوندەكانی : بابنا، جەنكیل ، بەككاس ، دفیل ، شێرقاق و مەشرقییە لە گوندەكانیان دەركراون .
خەڵكی كورد لەو ناوچەیەدا بەشدارییەكی بەرچاویان لە خۆپیشاندان و ناڕەزاییانەدا گێڕا كە بەرامبەر دەسەڵاتی بەشار ئەسەد دەستیانپێكردووە لە ئاداری 2011ەوە لە سووریا .
هەروەها لە رووبەڕووبوونەوە چەكدارییەكاندا ، جەبەل ئەلئەكراد، بووە شوێنێكی گرنگ بۆ هێزەكانی ئۆپۆزیسیۆن ، بەهۆی هاوكاری خەڵكی ناوچەكە لەگەڵ ئۆپۆزیسیۆندا ، هەروەها بەهۆی بەشداری خەڵكی ناوچەكە لە چەند كەتیبەیەكی چەكداریدا لەو شەڕانەدا كە بەرامبەر سووپای دەوڵەتی سووریا ئەنجامدران .
كەتیبە كوردییەكانی ناوچەكە لە ژوورێكی چالاكیدا یەكیانگرت بەناوی (ژووری هاوئاهەنگی و مەشق و فەرماندەییكردنی چالاكییە سەربازییەكان ، بە فەرماندەیی مالك كوردی) .
هەروەها ئەحمەد بەكور ، فەرماندەی مەیدانیی (بزووتنەوەی رزگاریخوازانی شام) لە ناوچەی جەبەل ئەلئەكراد، گلەیی لە دەستەی ئەركانی سوپای ئازاد كرد ، كە هیچ هاوكاری كەتیبەكانی جەبەل ئەلئەكراد ناكات و رایگەیاند " ئێمە هیچمان نییە جگە لە چەكی تاكەكەسیی خۆمان ، ئەوەش بەشی رووبەڕووبوونەوەی رژێم ناكات ، چونكە ئەوە جەنگی سوپاكانە "، هەروەها گوتیشی " ئەوە ساڵێكە هیچ چەك و تەقەمەنییەك نەدراوەتە ئێمە".
بەڵێنێك لە دیمەشقەوە
دوێنێ یەكێك لە كوردانی جەبەل ئەلئەكراد ، پڕۆژەیەكی حكومەتی بەشار ئەسەدی بۆ دانیشتووانی جەبەل ئەلئەكراد ئاشكراكرد ، تێیدا دەڵێت دوای ئەوەی هێزەكانی بەشار ئەسەد نەیانتوانی دوای چەندین هێرش ، دەست بەسەر ناوچەكەدا بگرن و نەیتوانی دەستیش بخاتە نێو فەرماندەیی و سەركردایەتی جەبەل ئەلئەكرادەوە، حكومەتی سووریا لە رێگەی ئێرانەوە پڕۆژەیەكی بۆ چەكدانان و چوونەوەی هێزەكانی سووپا بۆ ناوچەكە داوەتە خەڵكی ئەو ناوچەیە و رێگە بدەن بنكەیەكی سەربازیی ئێرانی – رووسی لە ناوچەكەدا دروستبكرێت ، لە بەرامبەریشدا حكومەتی ئەسەد ئامادەیە ئەو شتانە بۆ خەڵكی ناوچەكە بكات:
1-وەزارەتێك بداتە خەڵكی جەبەل ئەلئەكراد ، ئەوەش دەبێتە یەكەم وەزیری خەڵكی ئەو ناوچەیە بەدرێژایی مێژووی كۆماری سووریا .
2- ئاوەدانكردنەوەی گوندەكانی ناوچەكە و گەڕاندنەوەی دەركراوەكان .
3-حیسابكردنی هەموو كوژراوانی ناوچەكە بە شەهیدی دەوڵەتی سووریا و ، بەوشێوەیەش مامەڵەكردن لەگەڵ هاوسەر و منداڵەكانیان .
4-دیاریكردنی دوو كورسی پەرلەمان بۆ خەڵكی جەبەل ئەلئەكراد.5-ئازادكردنی هەموو گیراوانی ناوچەكە .
6- دامەزراندنی خەڵكی ناوچەكە لە دەزگا حكومییەكاندا .
ئەو كوردە كە ناوی (حەمدی شەریف)ە، دەڵێ پاش ئەوەی هەموو لایەك لە عەرەب و ئۆپۆزیسیۆنی سووریا بەشێوەیەكی زۆر خراپ مامەڵەیان لەگەڵ ئەوان كرد ، لەوانەیە لەو پڕۆژەیە بچنە پێشەوە ، ئەگەر ئۆپۆزیسیۆن و گرووپە چەكدارەكان هەڵوێستیان بەرامبەر ئەوان راستنەكەنەوە.
كوردانی ئەو ناوچەیە گلەیی ئەوە دەكەن كە لایەنە كوردییەكانیش ئەوانیان پشتگوێخستوون و هیچ بایەخێكیان پێنادەن .
27/07/2014
دوای تەواوبوونی وادەی دیاریی كراوی ئاگربەستەكەی نێوان بزووتنەوەی حەماس و حكومەتی ئیسرائیل، حەماس سێ موشەكی ئاراستەی ناوچەیەكی ئیسرائیل كرد. كاتژمێر 8 ئێوارەی ئەمڕۆ وادەی ئاگربەستە 12 كاتژمێرییەكەی نێوان بزووتنەوەی حەماس و حكومەتی ئیسرائیل كۆتایی هات و بەتەواوبوونی ئەو وادەیە حەماس سێ موشەكی بەئاراستەی ناوچەیەكی نیشتەجێی ئیسرائیل تەقاند، بێئەوەی زیانی گیانی لێبكەوێتەوە. بەرپرسانی ئیسرائیل لەهەوڵی درێژكردنەوەی وادەی ئاگربەستەكەدا بوون بۆ 4 كاتژمێری دیكە، بەڵام حەماس بەتەقاندنی ئەو سێ موشەكە هیچ بوارێكی بۆ وتوێژ لەبارەی درێژكردنەوەی وادەی گرێبەستەكە نەهێشتەوە. سوپای ئیسرائیل ئاگاداری دانیشتوانی ئەو ناوچانەی كردەوە كەپێشتر داوای لێكردبوون ناوچەكە چۆڵبكەن و نەگەڕێنەوە، ئاگادارییەكەش بۆ دوای وادەی ئاگربەستەكەبوو، "هەركەس لەو ناوچانە بێت كە حەماس بۆردومانی دەكات ئەوا ژیانی خۆی دەخاتە مەترسیەوە". حكومەتی ئیسرائیل رەزامەندی پیشاندا لەسەر درێژكردنەوەی وادەی ئاگربەستەكە بۆ ماوەی 4 كاتژمێری دیكە تا دەرفەت لەبەردەمی ئیسرائیل بڕەخسێت داوا لە نەتەوەیەكگرتووەكان بكات وادەی ئاگربەستەكە بۆ 24 كاتژمێر درێژبكرێتەوە. وادەی ئاگربەستەكە لە كاتژمێر 8 بەیانی ئەمڕۆ تا 8 ئێوارە بوو تا بەهۆیەوە كۆمەكی پزیشكی بگەیەنرێتە دانیشتوانی فەلەستین، هەروەك لە ماوەی ئاگربەستەكەدا تەرمی زیاتر لە 100 هاوڵاتی فەلەستین لەناوچە مەترسیدارەكان هەڵگیرانەوە كە لە چەند رۆژی رابردوو بەهۆی بۆردومانی خەستی هێزەكانی سوپای ئیسرائیل بەجێ مابوون.
27/07/2014
پاڵپشتیکردنی دەوڵەتی سەربەخۆی کوردی بەردەوامە و لە ئەمریکاش بەو بۆنەیەوە گردبوونەوەیەک ئەنجامدرا.
لە شاری ناشڤیلی پایتەختی ویلایەتی تێنێسی ئەمریکا ، بەسەدان کورد گردبوونەوە و بە گوتنەوەی دروشم و بەرزکردنەوەی ئاڵای کوردستان پاڵپشتی خۆیان بۆ راگەیاندنی دەوڵەتی کوردی راگەیاند.
گردبوونەوەکە لەبەردەم باڵەخانەی فیدڕالی لە سەنتەری شارەکە ئەنجامدرا و ئاڵای کوردستان سەرتاپای گردبوونەوەکەی داپۆشی.
شاری ناشڤیل بە کوردستانی بچووک ناسراوە، بەهۆی ئەوەی رەوەندێکی زۆری کورد لەو شارە نیشتەجێن ، بەپێی ئامارەکانی وەزارەتی کۆچ و نیشتەجێکردنی ئەمریکیش، زۆرترین رێژەی کورد لەو شارە نیشتەجێن.
لەدوای رووداوەکانی 10ـی مانگی حوزەیران و کۆنترۆڵکردنی کەرکووک و بەشێکی زۆری ناوچە دابڕێنراوەکان لەلایەن هێزەکانی پێشمەرگە ، دەنگی سەربەخۆیی باشووری کوردستان زیاتر لە جاران بەرزبووەتەوە و هاونیشتمانییانی تاراوگەش لە چەندین وڵات پشتیوانی خۆیان بۆ سەربەخۆیی کوردستان دەردەبڕن.
26/07/2014
به‌مه‌به‌ستی وتووێژکردن له‌سه‌ر ئاماده‌کاری بۆ ڕاگه‌یاندنی ئاگربه‌ست له نێوان هه‌ریه‌که له ئیسرائیل و بزووتنه‌وه‌ی حه‌ماس هه‌ریه‌که له داودئۆغلۆ و جۆن کیری له پاریس کۆبوونه‌وه به‌ڵام جۆن کیری به‌شێوه‌یه‌ک به‌رامبه‌ر داودئۆغلۆ دانیشتبوو که بووه‌ته هۆی توڕه‌کردنی هاوڵاتیانی تورکیا و به سووکایه‌تیکردنێک به‌رامبه‌ر وه‌زیری ده‌ره‌وه‌ی وڵاته‌که‌یان ده‌یبینن.
میدیاکانی تورکیا وێنه‌ی ئه‌مڕۆی کۆبوونه‌وه‌که‌ی نێوان داودئۆغلۆ وه‌زیری ده‌ره‌وه‌ی تورکیا و جۆن کیری وه‌زیری ده‌ره‌وه‌ی ئه‌مریکایان بڵاوکرده‌وه که بووه‌ته هۆی توڕه‌کردنی هاوڵاتیانی تورکیا له‌وانه سایتی حورییه‌تی تورکی نووسیویه‌تی "ئه‌م دانیشته قه‌یران دروست ده‌کات " ، سایتی میللییه‌تیش ئاماژه‌ی بۆ پێڵاوه‌کانی جۆن کیری کردووه و ده‌ڵێت" نامه‌یه‌کی ساده ".
سایتی رادیکاڵیش نووسیویه‌تی زمانی جه‌سته‌ی دانیشتنه‌کانی جۆن کیری و داود ئۆغلۆ ده‌بێته جێگه‌ی باس و خواس.
سایتی حورییه‌ت له درێژه‌ی هه‌واڵه‌که‌یدا چه‌ند وێنه‌یه‌کی تریشی بڵاوکردووه‌ته‌وه که به‌هه‌مان شێوه سه‌رۆکه‌کانی ئه‌مریکا به‌جۆره خۆبه‌گه‌وره‌زانینێک و که‌مکردنه‌وه‌ی نرخی به‌رپرسانی تورکیا هه‌ڵسوکه‌وتیان کردووه.
له‌وانه په‌یوه‌ندییه ته‌له‌فۆنییه‌که‌ی ساڵی 2012-ی نێوان ئه‌ردۆغان و ئۆباما که له‌وکاته‌دا کۆشکی سپی وێنه‌یه‌کی ئۆبامای بڵاوکرده‌وه له‌کاتی په‌یوه‌ندیکردنیدا له‌گه‌ڵ ئه‌ردۆغان دارێکی به‌یزبۆڵی به‌ده‌سته‌وه‌یه.
وێنه‌یه‌کی تریشی بڵاوکردووه‌ته‌وه که له کاتی سه‌ردانه‌که‌ی بولێنت ئه‌جه‌وید سه‌رۆک وه‌زیرانی پێشووتری تورکیا له ساڵی 1999 بۆ لای بیل کلینتن که له ئۆفیسی ئۆڤال گیراوه .
27/07/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
